炑八韓烤 (屯門市廣場2期)

营业中

休息中

除夕夜。。寶貝想食韓燒又唔想專登出去，唯有我收工趕返入屯門食啦！其實韓燒響屯門選擇唔多，唯有揀佢啦！預早上網book位，再經短訊confirm位!未到七點父母同寶貝已經入座。。。由於節日所以入座計個半鍾，如果無人等位可以繼續食嘅！店員介紹完我地就點咗兩個餐。。。兩個餐五個人食。。十分滿足，雖然食物質素嫲嫲。。。但勝在店員服務不錯，節日繁忙日子依然沒有黑面暴躁埋單一千八百幾。。。節日還可以接受嘅!附加。。。我已出席，但收到電郵話我缺席。。。

咁岩下午茶時段經過見到下午茶餐只係$38有齊前菜、湯、主菜、小食同飲品好抵食🍽前菜，紫菜湯前菜分別有泡菜同大豆芽泡菜好好食 辣得黎又有少少甜味大豆芽就幾爽口 無咪味前菜係可以任添嘅紫菜湯清清地 味道岩岩好🍽迷你牛肉流心蛋飯牛肉量都幾多 少少肥流心蛋撈飯一流不過個飯同d牛肉都唔熱如果熱辣辣上枱會更加好🍽辣炒年糕年糕煙韌彈牙辣醬唔辣 偏甜年糕量唔多反而好多紅蘿蔔同洋蔥🍽炸餃子竟然有4隻 仲要好大隻外皮超脆 幾好食不過超級油🍽炸洋蔥圈有成十個 外脆內軟🍽韓國甜米水第一次飲有少少米香唔太甜總括來講就係性價比幾高推介牛肉流心蛋飯

一入去坐低店員就好快上左四樣小菜同埋沙律，沙律上面仲有個笑哈哈既蘿蔔tim，幾得意。豆芽脆脆香香地，幾好味。今次兩個人食，就無叫套餐，要左薄切牛舌、甕醃韓牛五花肉、蜂蜜燒酒配炸雞同芝士溶岩飯。肉質望落去唔錯，但係食落去就無乜驚喜，唔係太香。蜂蜜燒酒超級好評，蜂蜜味好濃，配炸雞薯條一起食邪惡又過癮。炸雞可以揀有骨同無骨既，我地揀左無骨，食起黎都幾方便，雞肉夠滑夠juicy，薯條就比較普通。芝士溶岩飯大推薦。店員會係上菜之後現場攪拌，芝士味好濃，口感都好順滑，同泡菜一起包係生菜入面食都好好味，有興趣可以試下。炑八既爐邊蛋係令到我每次想再去既原因。爐邊蛋可以請店員無限添加，芝士粟米好香甜，泡菜蛋烤耐d口感有少少似泡菜餅。

一行7個人慶祝舊同學生日食飯，唔知點解啲女仔咁鐘意食韓國野，通常都係生日話事，所以今次去左炑八燒烤食。去到叫左兩set併盤就應該夠7個人食，有牛扒都好雪花又夠冧、深海八爪魚好鮮味，都係唔錯既拼盤。而粟米芝士、泡菜蛋可以任食，正!

雖然屯門係一個頗隔涉既地方但係生活配套絕對係好充足淨係搵食既地方都令人花多眼亂炑八韓烤市區有多間分店終於都係屯門開返間喇立即大排長龍環境尚算舒適其實食物同其他分店差不多店員亦友善最愛都係芝士粟米蛋漿圍邊每次都要添加多次才擺休

小菜可以refill,第一碟青瓜好酸，而第二碟就超咸。泡菜d醬多左d。調味麻麻。雞扒滑蛋飯大碟，滑蛋好正!牛肉伴麵份量相對細，太多醬，味道太濃。韓式粉絲調味吾錯。特色芝士泡菜五花肉拌飯一般。地方舒服夠大，員工有禮貌。

難得好日，剛好放假日，陪女友去好耐冇去的炑八，可能因為近來多社會問題，不是太多人等位，入去坐底都冇比齊menu，午市餐牌都冇比，再問致比午餐牌，小事無問題，抽油煙好弱，成身油煙又成身油，燈又壞晒，暗黑料理咁。叫左烤肉lunch set 再加25蚊叫多個泡菜溫泉蛋飯，後來食到咁上下，乜都冇上(前菜、白飯、菜)，再問原來加左25蚊另叫飯就冇白飯食的，好奇怪加左錢又會扣返你本來有的？咁加錢另叫做乜？前菜又冇上，問佢前菜未上，話你要再叫呀？我話吾係，係冇上，其實午餐set 我覺得係吾想你加野，直接乜都吾好轉最好。職員+收銀 都好似呢客殺左佢地親人咁。 老實 邊個朋友再叫我去炑八 我會反面。完

平時去炑八都係食lunch比較多. 大件夾抵食男朋友突然話好想食韓燒就決定去呢間試一試先好彩平日夜晚都唔洗等位.. 座位都幾寬敞舒服一向都知道食韓國餐個前菜可以無限refill而我最欣賞既係滑蛋同粟米芝士都可以Refill, 正!!男朋友最愛個五花腩. 話每層分明口感超好. 十個讚 (但我覺得食緊一大碗油入口. 充滿罪惡感)韓牛都唔錯, 雖然唔似和牛入口即溶但都好有牛味總結*炑八係一間令人有驚喜既連鎖餐廳. 價錢不貴而家食物高質. 希望可以一直保持水準絕對有下次。

今日出開屯門市廣場，行過炑八見好耐無食就入去食個tea....叫左兩份下午茶，一份迷你烤牛肉流心蛋飯跟小食韓式炒粉絲，另一份迷你烤牛肉流心蛋飯跟小食芝士年糕，送海帶湯同前菜再送韓國甜米水。牛肉飯既牛肉係無味同飯係凍？！要加醬油辣醬先有味食得落口！個年糕無芝士而個醬汁又係無味道同年糕都係凍，都係要加醬油同辣醬先入得口？！得個湯係熱同正常味道，同埋個粉絲都係熱不過又係好淡無味又要加醬油先食到。甜米水同水無分別，全餐最好味係前菜碟泡菜同湯，連碟大豆芽都無味無麻油味咸味都無！！呢間分店係我食過咁多間炑八最難食嘅一間。埋單96元，呢餐根本衰過茶記嘅頽飯！！！

炑八午餐好耐都無食過，經過咁啱又有位，就入咗去！有得揀食韓燒同定食，想食個快飯，最尾大家都係食定食！沙律: 跟餐加錢，唔大都唔細，一個人食啱啱好，正正常常！炸雞薯條: 普通，炸雞好似咕嚕肉，炸得脆身！大醬湯：唔係咁好食，醬發酵得太過，成兜嘢d味都有d怪！鰻魚飯：跟餐加錢有鰻魚飯，正正常常咁！牛肉炒麵： 又係d醬岀事，勉強食曬！牛肋骨：今日最好食係呢個，牛肋骨入味，好淋！總括黎講，一排無食好似差咗，定本身都係間間唔同，另外，炑八d通風都係咁差，短期應該唔會再食！

喜歡炑八，衹因價錢公道，出品穩定。牛五花牛肋骨煲牛五花的肉質當然不是頂級，但以$98嘅價錢我覺得10分合理每客包括前菜，湯和飯我用150積分兌換了一杯柚子梳打牛肋骨煲是我每次必點的菜色，就是喜歡他的香濃

早幾日和朋友突然想吃點韓國野，便到了這間韓燒連鎖店一試。朋友說這裡的cheese和蛋是任意加的，cheese有cheese味很好吃，蛋入面有點泡菜亦是十分有咬口，我們總共加了三次，吃得很爽。肉類推介LA骨和豬肉拼盤，價錢不貴可以一試。

家人突然好想食韓燒，這家韓燒在屯門巿廣場開了一陣子，一直都好想試難得平日有空就來試一試！午餐有很多選擇，可以點燒肉套餐或飯或麵餐！我們人多就每樣都點了，基本上燒肉是一人餐可是份量也不少又有前菜⋯我們肉也叫了牛、豬、雞⋯居然雞最好食⋯牛沒有什麼味道😅飯和麵也算可以了！唯一坐位很擠五個人要坐四人位😔服務非常普通⋯只有一位姨姨很好！

又到左星期日覓食既時間，炑八韓烤係屯門開左都一段時間，一次都無食過，今日網上睇睇下訂位見到有得訂就訂左，今次是第一次吃炑八的燒肉。 大概兩年前都試過吃炑八，在天水圍T－Town分店，那時是吃午飯，沒有開爐的。這裡前菜的泡菜很不錯，挺開胃。紫菜包飯很一般，比較喜歡吃尖沙咀韓國街的，這裡的可以不叫，還是專心燒肉比較好。蜂蜜牛油炸雞，很後悔叫了有骨，因為這裡的炸雞的骨很碎，碎骨不斷整痛口腔，而且雞沒什麼肉，炸粉的比例不合乎，都是同一句，專心燒肉比較好！！！！終於來到主角？ 就是燒肉，叫了一個牛肉拼盤及雞肉拼盤。牛肉拼盤普普通通沒驚喜，又不是難吃的。雞肉拼盤中的雞扒很嫩，肉質挺好。爐邊蛋也很不錯，加分的位置。可能叫豬肉會比較好吧？？？ 有機會再試，希望能夠改觀～水蜜桃果茶，忘記叫小甜，實在太甜，但加水後剛剛好呢！ 如果叫小甜應該會很好多！總括而言，下午茶時段兩個人吃了五百幾，對比任食韓燒是高質的，但有很多地方可以做得更好，服務態度並不友善。

每到中午又係一場腦海苦戰 每日都要諗食咩好 去邊好... 好喇 總於同同事搵到間唔錯嘅地方 可以一星期去幾日都唔厭 實在太多野想試😈😈今日食咗溫泉蛋牛肉拌麵 加$10飲柚子檸檬梳打 叫嗰陣無為意韓式拌麵係辣嘅 上枱嗰陣同事問我嗰個係咪好辣 睇落去橙橙紅紅 好辣咁🙈 噫 又真係幾辣 但好彩 我不嬲都食少少辣 如果唔係我食到中途就會放棄😂 溫泉♨️蛋好正🙌🏻柚子檸檬梳打飲落去酸酸甜甜又有氣 天氣咁熱解暑一流 但如果有埋長羹俾我食埋啲柚子仲正😋