炊澗小館

本身叫黑松露炒蛋走葱话冇货，跟住改虎虾炒蛋走韭菜。拎到手发现冇啦啦帮我加左葱，仲要落劲多，用左15分钟先拣到出黎。一食仲嬲，个炒蛋落左酒但系Menu完全冇写, 咩事。一个炒蛋饭$122 蚊完全食唔到，好嬲！…查看更多

同标题ー样，食物好食，鸡唔得,可以唔叫，个汤超普通，其他食物可以,价钱还可以，服务就麻麻，又其是个收银，讲嘢好似好有礼物，但其实就系串紧你，既系我大声讲嘢唔系冇礼貌咁.…查看更多

lunch时间同同事特登嚟试太古新开无耐专食肉饼嘅餐厅食饭，去到有条小长龙，等咗差不多大半个钟先入到去食。餐厅提供嘅肉饼种类选择都多，有蒸同烧，有传统口味亦有比较新派口味。同同事分别叫咗两个肉饼，一蒸一煎share嚟食，蒸拣咗咸蛋黄蒸肉饼、烧拣咗烧原只虎虾球虾米肉饼，每份肉饼都会跟餐有个中汤同埋一碗饭，饭可以拣十六谷米或者日本白米饭。咸蛋黄蒸肉饼味道中规中矩，肉饼夹杂着马蹄，食落爽口，个人觉得比较出色嘅系烧原只虎虾球虾米肉饼，煎咗嘅肉饼食落会比较香口，而且虎虾肉质爽口，唯一来不足嘅地方就系见唔到肉饼里面有虾米。望见其他枱都多人叫三吊油鸡，望落色水唔错，下次再嚟都会想试吓。整体嚟讲食物味道唔错，肉饼款式特别，都会想再次来访试更多口味，不过以家常便饭嘅菜式嚟讲价钱一啲都唔平民，而且排队时间比较长，未必会吸引到人经常到访。lunch时间同同事特登嚟试太古新开无耐专食肉饼嘅餐厅食饭，去到有条小长龙，等咗差不多大半个钟先入到去食。同同事分别叫咗两个肉饼，一蒸一煎share嚟食，蒸拣咗咸蛋黄蒸肉饼、烧肉饼拣咗…查看更多

星期一收工谂住求其食啲嘢，点知撞正呢间 「炊涧小馆」 排长龙！等咗3-4张枱先入到，睇嚟真系有料到～ 🔥 必试招牌：手工肉饼（煎/蒸两食） ▪️ 招牌杂锦蒸肉饼 ($118) – 一啖咬落去，腊肠油香 + 鱼肉鲜甜 + 虾粒弹牙，仲有 咸蛋黄 流心爆馅！最正系加咗 马蹄粒，爽脆口感即刻升Level，送饭真系无敌！ ▪️ 煎手工肉饼 – 外层微脆，内里Juicy，酱油咸香啱啱好，唔会太腻，食完想再Encore！ 🐔 三吊老酱油鲜鸡 鸡肉超嫩滑，酱油带甜，好有传统风味！虽然唔系好大份，但胜在够入味，捞饭一流～ ▪️三吊油鸡甜甜地 好岩送饭  捞饭神器（偷偷地讲 我地仲加咗一碗饭食tim) 🍱 套餐抵食之选 跟 健康靓汤 + 养生茶 + 白饭(可以简日本白米/16谷米/炒面，$100多啲搞掂，性价比高！特别系个汤，真系冇味精，饮得出老火足料。 💡 小总结： – 家庭客居多，夜晚好旺场，建议早少少去 – 小菜有镬气，肉饼真心推介，系会令人挂住嘅味道 – 价钱合理，太古区来讲算系高质街坊小店 📌 炊涧小馆  #港式小菜 #炊涧小馆 #手工肉饼 #太古美食 #香港食好西 #排队都值得 #家庭饭堂…查看更多

食过两次。我就用第二次做一个小结。试过佢嘅蒸肉饼同烧肉饼，两款都各有千秋。第一次食咗个椒香咖哩烧肉饼。猪肉都系新鲜唔似大部份餐厅会有一阵猪肉腥酸宿嘅味。肥瘦肉比例系偏健康但我钟意咬到啲肥肉粒粒多啲。味道系浓但唔算系太咸，送饭就真系几好食嘅。揾唔返影咗嘅相。第二次去叫咗鸳鸯肠蒸肉饼。猪肉调味几好又食得出系叫新鲜啲嘅猪肉，不过有啲唔满意系佢个肉饼蒸完出嚟黐住只碟。一次过讲晒食过啲咩。佢个老酱油走地鸡几好食，肉刚好熟透，又滑又够味。豉油鸡油捞饭好食。好食系好食但未至于识飞，几个人食叫个例牌嘅话系几好送饭。花雕蒸马友就无乜鱼味，酒有酒香，鱼有鱼食，但无乜鱼味，但条鱼系新鲜嘅。系蒸得几好但衰在条鱼无味。咁我又唔会咁判佢死刑，始终海河鲜都好一条条。佢每个送都可以跟餐有碗餐汤、面/饭、餐茶。个人觉得16谷饭好食过日本饭同炒面(利申：唔钟意食饭)。餐茶好似得热普洱同冻乌龙。因为都未试晒唔同煮法嘅菜式我就唔想一硾定音。所以暂时畀个OK佢先。话就话呢间餐厅主打肉饼，但系香港生活咁多年都知一间餐厅唔够多元化同CP价低就死得好快。呢间嘢价格上唔系平，接近$90-$100一个肉饼有汤有饭有茶嚟因为佢嘅味道我又觉得畀得过。本身打咗好多字，个app有问题食咗我几次之后唔想再打。…查看更多