瀾之茶居 (已結業)

灣仔呢間位於太原街既點心茶居，懷舊裝修，一入門口就有點回到舊時的感覺。早餐時段到店，食客唔多，找了個卡位坐低睇下餐牌，手機落單，點了北菇滑雞飯，豉汁蒸排骨同埋陳皮牛肉球。等了大慨廿分鐘，等咁耐原來係即叫即蒸既，同埋係一次只過上哂d点心比你，熱辣辣。豉汁蒸排骨味道一流，排骨係有肉既，唔係淨係骨。陳皮牛肉球味道唔錯，夠扎實。北菇滑雞飯d雞帶點皮，好好味，飯唔會蒸得太濕，比較乾食，加點豉油就十分好食。一分錢一分貨，整體非常滿意。[米饭]口味：🥚🥚🥚🥚🥚[薄荷]环境：🥚🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

蒸飯上桌後，店員隔一會才拿著豉油加進我的蒸飯中，動作很快，而我又正與友人談話，想用手示意不用加太多時，店員已倒了約100ml份量的豉油進飯中，事前亦沒有問我要多少或是否需要。本來這也不令我不快。接下來，我因不想吃太多豉油的飯，所以請另一店員來告訴他情況，問可否另給我些白飯。店員說好，但端半碗白飯給我後，他說：下次你可在下單時說明不要豉油，我答他：因為剛才太快我都趕不及叫停店員不用那麼多斟豉油。話還未說完，此店員已不耐煩地說：得啦得啦！感覺他不想再聽我解釋，表現無禮。下單是用QR code,根本沒有少或走豉油的選項，店員亦在沒詢問情況下自行倒進豉油，但最差是店員的工作和待客態度，不但沒有思考可行方法（例如用小碟裝豉油是普遍做法），當時我只是平和對說話，但店員的回覆無禮，令人失望。…查看更多

今日經過見到裝修幾靚就入去食lunch佢安排咗張圓枱仔俾我同男朋友我哋本身想坐過去隔籬張長枱 因為我哋都各自孭住個背囊咁就俾個阿姐阻止咗 咁都算啦隔一陣間 有兩張卡位吉出嚟喎當時啲嘢食又未上 我哋就即刻好禮貌咁問一問可唔可以轉過去卡位坐？點知阿姐即刻勁凶狠咁答：一陣間有人都係要搭枱架！😠明白既😥繁忙時間我地都識做好似由一開始就認定我哋孭住兩個背囊，就係要霸住佢d位咁⋯明明有其他位可以俾我哋坐得舒服啲都唔肯你俾我哋轉過去再加禮貌提醒一句唔係好啲咩？😥 結果我哋都係冇轉過去。隔咗一陣佢就帶咗兩組二人客分別入座兩個卡位然後食lunch繁忙時間間餐廳由始至終都好多位淨五個點心一壺茶 $234貴得來態度仲要唔好 啲嘢食都唔係好食個奶皇包啦，好似喺惠康買返嚟蒸咁香港飲食業成日投訴話冇人留港消費好多食肆真係嘢又唔特別好食 又貴態度仲要唔好以後不會幫襯…查看更多

頭一次來是吃早茶，今次回訪食個午餐。店子內的裝修仍然甚具吸引力，復刻時光倒流的懷舊風好chill。兩個點心分別為鵪鶉蛋燒賣與金香鹹水角，上枱時超級熱燙，第一口咬下直接就被燙到！鵪鶉蛋好實好滯，豬肉扎實不鬆軟。鹹水角貌似白雪雪，但其實外層糯米皮可保脆度，中間亦沒有空洞，是塞滿餡料的，無奈是無味神探似的。蜜椒薯仔牛柳粒甜的來源乃蜜汁，香是來自青黃椒，牛柳粒十分之多，一口一粒，亦算過癮；至於薯仔竟然是爽的，不粉是可取的。當紅炸子雞的雞皮薄脆，雞肉稚嫩入味，是這餐最可以的一道菜。茗茶的品種乃是新會小青柑，熱茶當中飄揚青柑的香氣，是有點新意的。不得不提，是日落雨，室內冷氣不足，小人又一次冒著大汗而食，辛苦到爆！…查看更多

滿滿的懷舊佈置，打卡一流👍🏻食物質素和味道均合格😌服務態度有點不滿，安排客人搭檯是無問題的，但要考慮座位安排，安排食客坐一個有進不出的位置，無從食客感受考慮🥲。已經是一檯二客，職員只將點心奉上檯然後就轉身離開，食客要你眼望我眼地自行分配，服務態度已經令人不想回頭…查看更多

懶惰二人組去左太原街飲茶。去到個門口，未入個餐廳已經覺得個裝修唔錯！一入門口就係大大張十二少再加導演簽名海報😍店面仲有其香港電影海報，同好多老香港既飾物。打卡係100分！《蜜汁叉燒腸》 $42皮好煙韌，不過鼓油就稍嫌甜左啲！《鼓汁蒸鳳爪》 $46味道香，個鼓汁調味唔錯，鳳爪口感偏向爽。如果平時鍾意腍身口感既就可能未必啱。《飽魚糯米雞》 $58都蒸到熱辣辣架！個餡未算係好多，雖然就唔係太食到飽魚味，不過味道都唔錯啦！《排骨陳村粉》 $52整體上都係不過不失，都係個鼓油甜左少少！《海膽燒賣》3件 $46都係中規中矩之作，味道上都未係太突出。《甘哥叉燒包》 1個 $13係酥皮餐包果隻叉燒包。個皮鬆脆，味道正常。《正樹古味普洱》$12位🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體❤️食物整體偏甜，而且稍為貴咗少少啦！食物嚟講性價比就一般啦。💚環境裝修先係呢度最大嘅賣點，係復古新潮嘅感覺。有好多舊香港，舊電影嘅元素，打卡來講就滿分啦。💛服務方面，點菜用QR code落單，上菜速度快。Rating：懶惰鼠😻😻😻+0.5懶惰虎 🤩🤩🤩+0.5📍瀾之茶叫居灣仔太原街8號海源中心地下A及B鋪💰人均消費：$150⏰營業時間：08:00-21:30…查看更多

Chef Ecy’s Dining Experience:🥰 Food | Ambience | Service | Price | Easy Access | Restroom Cleanliness | Wheelchair 🙂 Easy Parking😠 Pet Friendly | Cake Cutting Fee | Corkage FeeThis cafe is located in an alley called Tai Yuen Street in Wan Chai. It can be missed if you walk along the street without knowing this cafe cos there are many booths outside in this market street. It is located on street level, so wheelchair is accessible. You can take bus, minibus or even tram to go there. If you take MTR, it is just 2-min walk from Exit A3 from Wan Chai MTR station. If you drive, there are meter parking in other streets or you can park in Hopewell Centre but will have to walk a distance. From outside the cafe, it is just a normal cafe but after going in, you will be surprised. The ambience feels so good with classic Hong Kong music as background. There are many vintage Hong Kong style decoration around the walls. Singers such as Leslie Cheung, Alan Tam, Sam Hui etc etc… Furnitures are vintage too. I will definitely go back for afternoon tea to enjoy the classic chinese songs 懷舊中文金曲, sitting there enjoying with an afternoon tea set. The atmosphere is very cozy and comfortable. Restroom there is very clean. I can see many waiters and chefs around. They serve normal meal set, dim sum, stir fry, steam rice etc etc…. lots of varieties! In the morning, their breakfast meal set is dim sum selection, congee or rice rolls. About the stir fry beef noodles I ordered, it’s their no 1 signature dish. The beef is very tender and the quantity is generous. The taste is very good too, not too salty… It comes with a spicy sauce which I like it too… Some improvement is the noodle, it‘s a little bit soft and greasy. It is very hot when serving… overall, it’s good! I like the milk tea too… it‘s mild, the tea base is not that strong compared to the other cafe. They do have red or white wines to order as well as beer. But if you bring your own bottle, there is corkage fee. Also, they charge cake cutting too. Overall, the price is reasonable but a bit higher than the other 茶餐廳. I will visit again for sure.…查看更多

之前睇「夜粥組」最新《FING!》MV，已經好好奇喺邊間茶餐廳拍攝 🎥 之後BTS提到灣仔區，小編就循依個方向上網搵，發現原來係一間港式懷舊茶居嚟 🤗🥯 自選早餐系列 - 甘哥叉燒包 (2個) 😋😋😋😋第一樣送嚟嘅點心，面層有「雪山皮」，內餡蜜汁叉燒味濃 ☺️🥟 自選早餐系列 - 松露蝦餃 (2件) 😋😋😋😋蝦餃嚟到時熱辣辣，餃皮透薄，蝦肉🦐彈牙新鮮，入口有明顯松露香，調味唔重手 😊🫓 自選早餐系列 - 香煎蘿蔔糕 (2件) 😋😋😋😋夾開啱啱煎好嘅蘿蔔糕較軟身，咬到有白蘿蔔粒嘅甜味～ ☺️☕️ 自選早餐系列 - 熱奶茶 😋😋😋😋套餐可以加錢要中式茶，但小編朝早想飲熱奶茶多啲 😜 奶茶有一貫茶餐廳嘅水準，配甘哥叉燒包就特別夾！😉早餐 💵💵 約港幣$70/人💁🏻‍♀️ 平日早餐時段有一至三款點心套餐供應，而且唔使加一 😲 就市面上同類懷舊茶居嚟講，價錢算係幾相宜 😎 午市都有套餐，晚市就主要做小炒為主～ 店內有好多舊時嘅海報同收藏品，有年代感得嚟，仲打理得幾乾淨 👍🏻🙆🏻‍♀️ 最後，喜歡嘅話，歡迎follow！…查看更多

身為本地人表示不會再來，是朋友來香港陪她玩才來。味道一般，比它好吃的多的是。而家這家價錢太貴了。三個人食了600幾元，只點個點心和麵。不會再來，店內氣氛是不錯，有點復味，是做觀光客生意吧。我看見網路搜尋的評論有很多正評，不過耐心點看，還是有其他比較真實的留言。這個世代買好評確實是件平常事，這價位，真的比他好吃的有太多，就不要浪費錢了。做多一點research 。。。。。。。。。。。。。。。。。。。。。…查看更多

凍凍地搵羊腩煲食，見二人set $398 包卜卜蜆及兩支啤酒幾抵就試試佢牆身貼滿電影海報，十足懷舊感哥哥、朝偉、陳百強etc.仲有yasaki bowling bags 掛飾都唔好意思講我識呢個牌子🤭🤭响食點心嘅茶居試羊腩煲冇太大期望不過由細心店員開始幫我哋分timing上藍妹啤再嚟大大碟生菜開砂鍋蓋😀見羊腩、枝竹、筍、冬菇、芹菜非常足料羊腩冇羶味又夠稔湯底竟然有沙爹味都幾夾Basic配加咗檸檬葉嘅腐乳醬但卜卜蜆就削削地🫠兩人食好夠飽唔使追加牛肉或生蠔整體性價比高晚市不妨去開餐…查看更多

仲有佢～ULTRAMAN😅 今次特別啲出咗相先，因為都係因為個名同中西合璧嘅裝修同食物吸引而來。中午食晏時間，好彩仲有一張枱唔使等，仲要係卡位～正。首先出場係～乾炒牛河，先試一口～鑊氣夠，小油乾身（係每個人想要果隻），唔太鹹但夠味，難得係好多片牛肉，仲要大大塊淋但又有咬口，水準之上嘅作品。芋絲春卷～唔油膩脆口～不錯。鳳爪～比較失色，味道偏淡，汁都唔多滴，無任何嘢墊底，真係花生都無粒。鮑魚糯米雞～係有一粒仔一蚊大小鮑魚，但個糯米雞size大隻過珍珠雞，又細隻過“大家樂”果啲,一個人勉強夠食，二個人就到喉唔到肺。加埋凍奶茶同咖啡，埋單$290價錢中規中矩，此終喺灣仔區，起碼食晏時間，我哋二個人座卡位，佢哋都無「質」人落嚟座夠4人。👍P.s.要讚個戴眼鏡嘅肥哥哥，見到枱面上有二滴辣椒醬，佢好細心咁幫我哋抹咗去，我諗今時今日無乜邊間會有人咁做，肥哥哥同管理層～好嘢！回頭度：6/10 …查看更多

星期五晚上和朋友想找一家小菜館食中菜，路經灣仔的瀾之茶居，見裝修頗懷舊特別，仲做緊超人迪加主題，朋友覺得很有趣可以一試。餐廳嘅裝修同格局有點介乎茶餐廳同茶居嘅感覺，加上牆上貼滿了一啲經典嘅電影海報，確實營造出一股復古懷舊嘅氣氛。阿瀾咕嚕肉 $128這個咕嚕肉感覺係用傳統嘅做法，酸酸甜甜嘅味道一上枱就聞到，而且炸得酥脆肉嫩，推介！甘哥叉燒餐包 $13 /個甘哥叉燒餐包果然名不虛傳，外皮焗得有點脆皮嘅感覺，叉燒嘅餡料亦都做得唔錯，不過如果餡料再多一點就更好。估計叉燒包都相當受歡迎，我們晚餐嘅時段已經賣剩最後一個。😅總括而言，餐廳的服務一般，亦不是茶餐廳嘅價錢。但食物嘅味道和水準都不錯，餐廳裝修亦都有心思有氣氛，值得一試。…查看更多

超人x懷舊，打卡可以一試，茶餐廳式座位舒適，下午茶點心一般，奶茶香滑，叉燒包似墨西哥包式、珍珠雞有小鮑魚、燒賣上加海膽，叫做有些少特色，適合帶外國朋友來試，價錢略貴，雖然比現金有九五折。…查看更多

爛還是瀾. 叉燒包唔熱皮唔香脆. 糯米雞乾爭爭. 牛肚係是日最好味的，唔會 overcooked 亦無 over seasoning. 咸水角皮唔起珠，饀轉左做蝦一啲都唔惹味. 鶉𪂹蛋燒賣啲蝦無味#咸旦超人茶居#純gimmick#只適宜用來呃遊客#被騙的本地居民…查看更多

貴，份量少，味道對不起價錢，茶味淡如水。伙記淨識收碟，但同時枱頭打開左既茶壺可以視而不見，要主動招呼伙記加水。以「曲」下單而又不吝加一。「懷舊裝修」十分膠，處處透出廉價情懷。衛生狀況見人見智，總有對衛生無所追求之人見之樂意。蘿蔔糕一夾就散，椒鹽魷魚鬚皮肉分離，十多元一粒乾身蝦餃要以茶解乾，十多元一個普通奶黃包但從餐牌上無從知悉實為迷你版本，唯一可足道者，就係蝦餃蝦肉總算新鮮彈牙。如果有興趣比高級價錢享受質素極端一般之食物，份量又可以令你叫完又叫，咁比高價入場與超人打卡係一個唔錯既消閒活動。絕對是經典適合初來乍到不知物價幾何既遊客，又或是家有餘財而又對飲食無所追求，只求新奇既貴客上佳顯示財力之選。滿廳亦難以聽到本地語言，有處身神州之感。…查看更多