瀧本日式料理

营业中

休息中

唔講咁多廢話，直接講有咩ok：刺身三文魚👍壽喜燒肥牛烏冬一人鍋（有surprise到👍但根本唔係烏冬）天婦羅南瓜（👍一d都唔厚粉，不過原來天婦羅汁要自己去自助區拎）飲品冇自家茶但選擇都多，又有啤酒任飲👍甜品多但得雪糕吸引我（又係哈根大師同牛奶公司）自助區生果正常：串燒雞軟骨一口豚肉明太子翠肉瓜（但明太子醬有d多餘）燒菠蘿自助區冷盤（除左個蟹腳，直覺覺得會“媒”，無試到）Not Recommend：壽司All火灸壽司All黑椒一口牛自助區既三文魚骨（粉多過肉）自助區既熱湯（話雞湯但得個咸字）自助區既熱食炒蜆（？）（全部都係殼冇野食）點解得咁少推薦？因為瘋狂漏單其實天婦羅食完個南瓜後有再點其他但無奈一個都冇上串燒再點既時候又miss哂要叫人追刺身搞笑d，點一次上兩次真係R曬頭明顯餐廳唔夠人，見到一大堆野食係出餐區但冇職員可以去派客人都要自己清枱收碟不過經理阿姐好幫得手，d客反映完即做即跟今晚A餐228一位，樓下派傳單有得拎9折飛，等於免加一。其實香港黎講兩舊幾水任食叫平架啦，但咁既食物質素，我唔會再黎

首先一入場已經感受到地板黐立立 座位尚算可以 但係侍應講普通話唔識廣東話😅 幾款原本標榜有嘅刺身例如帶子都表示缺貨 但訂位前冇提前通知😅😅😅 食物種類比宣傳所講嘅少 出餐慢 任食Häagen-Dazs其實只係有士多啤梨味 熱食表現失望 刺身平庸 各位勿貪平 俾多少少食大喜屋更好 無謂比兩百幾蚊買難受

刺身冇味，串燒鹹，職員個個西口西面平日晚市7點半入坐，見到入邊都坐咗六成滿，再加上之前啱啱開張嘅時候有食過都唔錯，所以諗住入去翻食，門口姐姐sale一輪加咗70蚊食蠔。全餐2人連加一659蚊，全程都係食緊垃圾，一口牛柳粒全兜都係牛根，刺身冇味，旺角劣食塔都冇佢咁差。生蠔有啡色水流出，見到都唔敢食。鵝肝壽司手指甲咁細粒，西京燒比目魚成舊都冇味，炸雞又鹹又硬，章魚燒一pet又冇味，侍應上菜成碟掉落張枱，俾人感覺好似完全唔想做。全餐飯食咗半個鐘唔夠埋單即刻走。

見openrice食評好壞參半 但見性價比咁高都係去試下比想像選擇多又新鮮 上菜都算快 野食即叫即整仲熱既 整體黎價錢合理 食物質素ok 個人覺得幾好 放題黎講唔貴值得一試。

18:45後入座，見到話有生蠔、海膽個d食，先至會叫B餐，一坐低食左11隻生蠔之後，同我地講生蠔已經冇哂？咁一開波就唔好話咩加$70轉B餐好抵，話乜都有得食啦！問佢點解冇海膽等等，佢話轉左meun，但佢reception出面既meun冇轉喎😂野食好細件，真正可以叫嚟食既款式又少，員工態度又差，野食一到係大大力放落嚟，食左半個鐘已經係想走。真心，如果想食放題既，唔建議大家嚟呢度，真係伏到一個點，感覺呃人錢！

位於香港銅鑼灣的這家日式放題餐廳憑藉超高的性價比和豐富的菜品一爆而紅午市198就有三小時任食(我還以為我聽錯🤣)刺身壽司類等材料都是當天的而且都是現點現切😍我最愛龍蝦沙拉吐司🍞一人炫了十件🤣還有哈根達師也是無限吃🥹🥹(老闆你是怎麼能生存的?)餐廳準備換新菜單啦 期待更多的創意料理下次去香港時再來試試🤭🤭🤭

餐廳高性價比，又多豐富菜品，主打午市$198三小時任吃，相比同區的放題抵吃；刺身更是當天新鮮送貨，現點現切，裝修以日式設計，有獨立包房～鹽燒雞軟骨～燒後外層香脆，還塗抹了點燒汁去燒的，味道不錯～芝麻雞翼～熱點很高，外層香脆而內裡嫩滑有水份感～黃金乳鴿～超級大推，乳鴿肉十分香嫩，外皮炸至香口，一次吃了4件才夠～鵝肝厚多士～吃起來有鵝油香，多士脆卜卜，必吃系列～松葉蟹腳～歸本系列，蟹腳都大隻的，多肉鮮甜～豚肉烏冬～很小的一鍋，剛好夠1人的份量，吃後不會飽還可吃其他食物，味道也不錯～大蝦、皇帝蟹柳、南瓜天婦羅～炸得都相當香脆，外層不油膩～蒲燒鰻魚～都沒吃到魚骨，吃起來很舒服～鹽燒鯖花魚～魚肉肥美多魚油，燒後特別香西京燒比目魚～魚肉很嫩滑魚油豐盛，吃起來滑滑的～甜品除了甜品櫃及雪條外，更有無限量哈根達斯雪糕任吃～學生及長者全日都有88折，4人同行1人半價，8位則可有1位免費，生日贈即影即有照片（拍立得），生日月更會免切餅費和開瓶費～

第一次食日式放題食到好想走，120分鐘買左個難受。去到門口，門口接待好好人，話好抵食，試下，見B餐有生蠔咁就試下，坐底去羅野飲，選擇唔多比出面既選擇少。但唔重要，我係黎食野，唔係飲野，最緊要好食。出面自助區選擇都係一般，八爪魚、螺肉、中華沙律、炸物、湯。坐底點餐，當然叫加左錢既B餐選擇，發覺唔係多好多野揀。第一轉叫左魚生、生蠔、燒蠔、串燒……食物黎到時，大部份應該熱既食物都係暖既，我出去食野最底既要求，係熱既食物要熱，凍既食物要凍，但尼間餐廳真係做唔到。生蠔應該係急凍生蠔，解凍就出餐，但尼個勁呀仲有冰，凍到敏感牙齒。串燒類，唔知係我問題定我唔識食，唔知點解串燒好多都係甜既，雞軟骨、雞皮都係甜既，我開頭諗係唔係醬燒，但我又唔見串燒有汁，唔通師傅落錯糖黎燒？泡菜豆腐煲，好明顯係就咁放幾件豆腐泡菜上面，完全食到齋豆腐既味。到天婦羅，係無汁既，要你乾食……到我最鍾意嘅茶碗蒸，黎到係白水蒸蛋，即係中式蒸水蛋嘅杰身版，我食左啖就無食。之後出去羅自助區既湯，因為好夠熱，熱到我羅唔支湯羹，黑松露白湯，少少少少少少既黑松露味都無，但飲到我三十年前學校出面茶記既白湯，好有回憶……個種得個咸味既白湯，出面都

原來其他食評已真實反映左，熟依小選擇，刺身細細舊，搞唔掂，飲品都少，個蒸蛋去元氣仲好食，冇味既， 最好食竟然覺得係炸榴連波，天婦羅冇跟汁，乾啃，生蠔跟刺身盤，冇醬汁檸檬，腥既，個日個場都冇乜後生都知衰😮‍💨，H雪糕得士多啤梨味，得幾杯，其他全部牛奶公司。6點嚟食架啦，未旺時間～ 冇下次，伏晒唔好食🥲🥲🥲

1.刺身啲刺身魚食落口，乜味都冇，真係乜嘢味都冇😂😂你話就算佢腥臭都好呀，係冇呀！好彩嗰陣時飲緊嘢，如果唔係爭啲以為自己味覺出事。之後嗌咗啲刺身終於有味，尤其佢個赤蝦，從來未喺任何一間餐廳食過咁樣嘅味道，真係震撼到我不得之了，擺入口嚼咗幾啖之後忍唔住lur落個骨桶入邊2.炸物哇，凍嘅炸嘢，不過凍只係普通問題。唔知點解我可以喺乳鴿入邊食到腥臭味，喺炸蠔裏面又食到腥臭味！嗰種腥臭唔單止係海鮮嘅腥臭，仲係一啲海鮮內臟清唔乾淨嘅味3.壽司睇完上面，我對於佢刺身嘅評價之後，其實壽司就得返舊飯可以講，不過佢連飯都可以做到好難食，舊飯完全係散到傻咗，夾極都夾唔起，本來我都可以食飯食飽，但係佢連啲飯都有腥臭味！成餐飯最神奇嘅地方係在於：明明我好似食咗好多嘢，但係出咗間餐廳之後我竟然仲肚餓過入餐廳之前，最後我哋去咗附近麥當勞Jap咗個快餐（因為呢間嘢人均都洗咗幾百LOL)

呢間嘢除咗啱啱開店嘅時候仲做到少少質素之外，而家啲質素完全keep唔到首先要評論升級B餐所謂嘅升級，其實都唔係好多好味嘅嘢食鵝肝- 整到好細粒蒜蓉燒蠔-唔好講個味道，連燒唔燒得透，都係問題，根本係食得出廚房係咁以燒就拎出嚟俾啲客食刺身質素- 普普通通不過不失生蠔-好明顯係急凍生蠔拎出嚟仲要攤到都唔覺得再凍雞軟骨串燒-來貨商好明顯轉左，起初嘅雞軟骨有少少唔同整體評價-其實根本冇需要升級B餐，B餐幾乎每一樣嘢都唔得，只可以話燒物個師傅比較有心機去燒

一去到問門口姐姐，你啲嘢食O唔OK？佢拍晒心口話正坐低已經知道賴嘢，嘢食你嘅速度勁慢，都算數啦，嚟到啲嘢全部都唔熱，肯定全部都係叮出嚟，刺身質素差，熟食方面冇一樣嘢擺得落口（香港飲食業就係比依啲餐廳搞死

香港日式放題店舖有唔小，最近搵左間開左幾個月嘅小店試試，網上食評有唔少係負評，我地就去睇下係咪咁差!首先我地食午市B餐，網上價錢係$368實際找數$268, 原來減左價。另外食品其實唔算好差，特別榴槤、油甘魚赤蝦刺身、海膽拖羅一口飯都幾好食，不過串燒、羊架、拖羅刺身要改善! 漏單方面我地只有一款。唯一當日冇生蠔!我睇過好多負評提出次後餐廳都有改善，如廁所位已停用、廁所附近冇異味、職員態度友善、點餐數量款式98%齊、覺得太貴價錢已減低...希望餐廳繼續改善。一分錢一分貨，以新價$268嚟講已幾好，整體上未去到差，有啲野可以再好啲，如果要食高質數刺身可以去番大集團。

勁差嘅放題體驗，已經加錢食B餐，生蠔除左第一次俾齊之後係咁拖單又黎唔齊，落左3-4次先黎一次，仲要落1打變4隻，炸物粉厚到癲，海膽手卷唔講以為比人食過海膽鼻屎咁細，鵝肝又凍又難食，雪櫃全部大陸啤酒，大佬呢度銅鑼灣唔係旺角呀你就算入泰國象啤都唔會貴啦，炸鮮奶我唔講都唔知仲以為係油炸鬼，赤海蝦刺身我頂你個肺仲要有沙洗得好唔乾淨，燈光鬼死咁殘眼以為返咗大陸。最賤係廣告明明話哈根任食去到得雀巢然後同我講未番貨，真心真係唔會有下次

首先樓下派傳單的女士，極力推薦198任飲任食，冇限時食到4點，心諗還掂同friend 吹水，咁就可慢慢食啦，點知上到去問門口位職員是否食到4點，佢就話唔係，入佐起計2個鐘，食到個半鐘時會截單，我預備走之際，佢就話好啦好啦，俾你地坐到4點，但order都會係入座起開始個半鐘截單，冇得再落。所以我同friend 就諗住快快手手叫多d之後先慢慢食。惡夢開始了，一入大堂地方係寬敞同大，但少貓3四檯有客，食物區同飲品區極少位置同食物及飲品，我朋友去攞飲品，我就qr code落單，款式同隔棟一期9樓差不多，但黎度檯上既食物真是嚇親人1. 三文魚刺身暗啞色2.象拔蚌極鞋又冇味3.生蠔極腥同係青青綠綠咁4.榴槤冰到起晒雪箱，唔知雪佐幾多日，有酸味5.花膠海參，慘冇人道，人地試食果舊都大粒過佢，冇錯係粒，剪碎晒得粒狀6. 茶碗蒸，職員叫我小心睇熱，我諗是稿吧？成個碗蓋是凍，碗是暖，我不知那裡可小心睇熱7. 宣傳單張有飲食Häagen-Dazs, 佢個雪櫃只有牛奶公司雪糕杯，同牛奶公司脆皮樂，仲要好少，我問職員又話有Häagen-Dazs, 佢回覆我未送貨黎所以冇8. 宣傳單張亦有松葉蟹，qr co