澳洲牛奶公司

营业中

休息中

之前唔係好明，點解早餐都咁多人排隊，仲要食d普通快餐店都食到既野食。$38全日供應，包蛋、多士、通粉、野飲。通粉既湯底濃味，通粉滑，輕易滑到喉嚨底。識食嘅梗係多加胡椒粉，不過小心隔離個位既客人。炒蛋超滑溜，我諗有超多既牛油，不過真係完全唔老，而且蛋味十足！咁真係抵佢串得起，在外面排隊15分鐘，點菜後1分鐘就開始上桌。侍應超唔耐煩，諗耐d都唔得咁，不過食物味道勝於一切，我會接受呢啲唔完美㗎。因為我係新客，所以要諗耐啲，我諗下次我再嚟就可以變熟客即刻叫得，反正九成客我諗都係叫常餐。

返工前食返個餐 8點已經排隊 轉台好快唔怕,幾分鐘就食得早餐有通粉、炒蛋、多士同飲品  通粉湯底幾正 夠味夠濃係雞湯底!炒蛋勁滑嫰 夾埋牛油多士一齊食都唔錯 奶茶呢度都幾好飲 夠濃夠滑!點少得燉蛋，燉蛋同燉奶都必食之選! 蛋面上平滑 嫩滑既燉蛋口感香滑入口即溶 食到淡淡的杏仁味加上濃郁的蛋味 非常味美平均消費$60評分8/10G/F, 47-49 Parkes Street, Jordan

終於一嘗澳牛早餐～呢個早上異常地想飲檸茶，咁耐冇食過又試下依家嘅質素係咩水準！熱檸茶～依然好飲，夠熱同埋茶底正！(其實好想飲凍架…..不過唔得啦…養生～)火腿通粉～湯嘅味道同以前一樣冇變！其實湯嘅味道都幾重架！火腿足料，味道正常！炒蛋多士～炒蛋係呢度名物，去澳牛唔食呢樣野唔好同人講去左澳牛😂多士同以前咁上下，入口脆脆地既厚多士。炒蛋呢就….睇個樣都唔同左樣🥶係咩原因咁稀？一攤野咁🙈食落去完全唔係個回事Lu～整體質素平平，還好杯檸茶仲係幾好😗

【澳洲牛奶公司】是一家幾十年來都深受歡，卻又令人又愛又恨的餐廳，絕對是個傳奇。這天剛好路過，又剛好有位，不用再找餐廳，直衝。 餐點依舊，眼看九成人都是點【常餐】，我也是九成人之一，點了【炒蛋 / 多士 / 火腿 / 叉燒通粉 / 凍奶茶】。另一份改成煎蛋和叉燒湯意粉。 炒蛋水準真是沒話說，這種香濃，沒幾家茶餐廳是對手，果然是遠年站在頂峰的炒蛋。 厚多士呀~!! 烤得香脆，居然兩塊都吃完。如果真要比較，就是叉燒湯意粉和通粉的對決。通粉煮得偏軟腍，沒有彈性，少了咬勁，而這些我喜歡的元素，都全落有湯意粉身上。喜好各有所愛，喜歡軟腍的就選通粉吧。 這麼多年，味道沒有改變、感覺依然地道、價錢依然公道。疫情這些時期，坐位比較鬆動，用餐節奏也可以放慢，服務也很好呀，也都滿有禮貌。實而不華的餐廳，總會有個必殺技，大多取決於有令人再去一嘗的味道。下次再去，目標已確認～就是傳統甜品「鮮奶燉蛋白」。

返工前想食個豐富嘅早餐，7點9左右去到前面已經有幾多人排隊～ 不過轉枱好快！等咗一兩分鐘就入到～ 去到要試吓佢嘅早餐～ 早晨有火腿通粉、炒蛋、多士同野飲🥰🥰火腿通粉湯底幾正，夠味夠濃🤩🤩而且仲好大碗～ 仲要唔使1分鐘就已經上咗枱😂😂😂超快，炒蛋勁滑嫰，夾埋牛油多士一齊食都唔錯😚😚一定要叫佢嘅凍奶茶，奶味出茶又夠濃夠滑！男朋友話咖啡都唔錯😋😋😋用豐富早餐展開新的一天！呢度出名員工態度差，不過去到又唔多覺啵！但就真係好急嘅

我在星期日早上11:50開始排隊, 並在11:58入餐廳, 我隨即嗌”早餐, 炒蛋多士, 凍奶茶走甜”侍應寫單後便走了, 但在11:59am 走回來, 說早餐已停。她叫我改常餐。我說現在只是11:59，早餐時至12點的。他說時間是根據牆上的鐘，而那鐘是12:02pm。如果你們要 專登把時鐘較快三分鐘 或 要硬性根據牆上的時鐘 ，請貼出告示，不要誤導食客。又或者你們可以將餐牌，改早餐時間至11:57am最後我吃了 $40 的快餐，沒有了通粉，炒蛋再滑，也畫不去我的憤慨。

so call 早餐其實同茶餐快餐都係一樣嗰啲嘢。🤭經典嘅早餐火腿通粉反而成為左我今日最鍾意食嘅嘢，平時我最注重反而係個多士（我偏向薄身多士）但係唔知點解呢排個口怪怪地，個喉嚨有啲似喉嚨發炎咁，咁食完野個口會變得淡茂茂好似食咗藥咁！原來冇咗味道個人真係會好唔開心㗎。 個通粉濕濕地食落去好舒服😌湯底好夠味，不過啲通粉可以再硬身啲。我連飲奶茶嘅味蕾都好似冇埋咁，救命救命 🆘今次我仲外賣左兩碗燉奶返屋企食，食完先話你知個意見啦，不過一定冇堂食咁好食㗎啦！😜

小編每次經過佐敦，都好想食這間真正屬於香港人嘅港式茶餐廳。😋 今年因為疫情關係，少咗出街食飯，所以都好耐冇嚟幫襯，今日小編終於有機會有時間，又可以食返次香港好出名嘅🤩光速茶餐，懷念一下。光速茶餐最厲害之處，就係即叫即有，食物會以光速送到你檯面，仲要係熱辣辣，唔係凍冰冰，岩哂講求速度的香港人。雖然好耐冇食，炒蛋仍然好好味，蛋汁濃郁，通粉湯底仍然係咁出色，唔似出面一些茶餐廳的超hea 湯底或味精湯底。

人氣老字號嘅澳牛係人都知澳牛咩料啦首先要讚係澳牛真係幾為員工著想(但唔知佢對員工嘅待遇如何啦)話說上年小妹忽然好想去食一去到見到貼咗紙話疫情嚴重 為員工健康著想自行停業雖然我就撲空 但都覺得好有人情味💛另外好多人都對佢哋嘅服務態度有好多意見老實講 我未試過比佢哋串/ 趕/ 唔禮貌咁對過反而一入到去 侍應已經自動自覺拎櫈比我哋擺袋(眼見對其他客都係)出面有人龍 佢哋係會見到食完就收碟我覺得都正常 但都從來無開口催過反而仲叫我慢慢飲埋杯嘢先走都得😆(唔知同我操流利廣東話有無關😂)星期日2點去都要排十幾廿人好彩turnover快 實質等咗10分鐘內✌🏻門口已經叫你填定表/ scan定 #安心出軌之後有位就即安排入座成個流程都好smooth 安排得幾好茶餐 (+$2配凍飲) $48叫完餐 一如以往 快速上餐好啱成日趕時間嘅香港人食🤣叉燒可轉火腿/ 牛肉下次想試牛肉🐮叉燒意粉/ 通粉 🙆🏿‍♀️唔好睇佢好似咁少料咁其實啲叉燒喺晒個底到意粉同通粉都屬正常唔會好淋 有少少咬口嘅而湯都算濃味 雖然唔係忌廉雞湯嗰款 但都幾正火腿炒蛋多士 🙆🏿‍♀️厚多士唔駛加錢炒蛋煎蛋任你揀最後仲有兩塊火腿雙蛋好大份 好足

今日同友人一同去佐敦辦事，辦完事剛好是午餐時間，一早plan定到澳洲牛奶公司食午餐，因為自從工作地點轉到香港後，已很少來澳牛，未到中午十二點已經要排隊，不過等候了十分鐘左右就有位了 (因為食客不會在茶餐廳內吹水🤣)。香港人冇人不識澳牛，有人不喜歡澳牛的侍應哥哥態度火爆，催促食客落單，以及很快收走吃完的碟子，催促食客離座。但也有很多食客很喜歡澳牛，喜歡這裏的簡單，直接，好味！快、靚、正! 😋而且特別適合有選擇困難症的人。😅曾經有一段時間在海港城上班，那時候經常在佐敦下車，然後通過九龍公園走路回公司，既可當作運動，又可以欣賞公園的花卉，偶爾會刻意經過澳牛，買早餐回公司享用，或索性先在澳牛享用完早餐再回公司，精神充沛的開始一天工作。侍應哥哥先詢問我們是否願意四人同坐卡位，坐下來很快就點出我們需要的食物，我要的是叉燒湯通粉/炒蛋多士/凍檸茶少甜，朋友則是叉燒湯意粉/煎蛋多士/凍檸茶。這裏的餐牌一目了然，早餐/茶餐/快餐(統稱"光速餐"😂)，其實都是差不多的東西，只要你去過一，二次，你就能背得出他們的餐單，所以這裏的食客大部份都是熟客，不用看餐單，坐下來就會立即點餐，而且很純熟地說出所需及烹調方

澳洲牛奶公司 呢間早午餐一定大排長龍招牌菜炒蛋同多士，每次吃完都回味無窮；炒蛋滑滑嫩嫩，蛋香同奶香都好濃厚招牌燉奶，滑嫩帶奶香。純正道地掛隊人雖多，但店員速度飛快一分鐘就可以上到餐，翻率高，不洗等好耐都可以入，早餐食超幸福。滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟

👍🏻雞蛋三文治 $20滑蛋份量十足！夠厚夠滑身，蛋味好重🤪炒蛋用左牛奶炒，所以食到陣陣既奶香😋份炒蛋唔怕油淋淋，令到個麵包好油膩👍🏻生熟度啱啱好，怕生/過熟既朋友都啱食😆味道：9/10性價比：9/10-📍#澳洲牛奶公司 佐敦白加士街47-49號地下#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #佐敦 #佐敦美食 #佐敦好去處 #黃店 #佐敦黃店 #黃色經濟圈 #澳牛

澳洲牛奶公司出名環境高壓 未食完茶餐 已經企你附近幫你執嘢 落order稍為慢少少 麻甩佬店員都會啤你串你 偏偏餐廳咁多年來仍然大排長龍 可能就係憑着佢呢個本土港式「真性情」 餐牌選擇並唔多 點完幾分鐘就有得食 被港人稱作「光速餐」 好啦 介紹吓食物先 不外乎都係食茶餐炒蛋多士 炒蛋夠滑 牛油多士脆口就係人都知 教大家多一個食法 就係多士灑啲砂糖 對甜食喜好者來講 真係好滿足 (不過真係好肥…) 今次再介紹兩個secret menu 茶餐嘅叉燒意粉 其實可以轉做滑牛肉 牛肉質素都唔差 另外再特別試咗「果汁凍鮮奶」 據說係今年四月先出 一上枱見到原片橙 放上一杯鮮奶上面 入面冇放冰 飲入口涼涼哋 好順滑 Um…味道都幾得意 甜甜的 但說不上好濃果汁味 好特別 成份應該有橙汁+牛奶+花奶 食完茶餐 不妨單點一杯嚟試吓～  整體性價比：🦖🦖🦖

傷心的燉奶係天意的安排或是係心情嘅倒影本來想去食個All Day Breakfast 但 Cafe 無咁早開 （笑）於是去都賣早餐大名鼎鼎嘅澳牛一早去到都已經大排長龍行過雪櫃見到水珠和倒影不禁有感。而影Edaciousness 7/10心情影響視力

:: 澳洲牛奶公司 ::由細食到大，街知巷聞、中外馳名嘅茶餐廳。同屋企人食咗N次，印象中第一次食係幼稚園hahahah。之前因爲武肺停業咗一排，一開翻兩老就話要去食，結果晨早十點去到已經排緊隊-,- 。；早餐 $38最掛住個炒蛋（好有動感😂)，滑得嚟有奶香，食過咁多炒蛋都係呢個最得我心，配埋烘過嘅厚多士就係perfect池嘅早餐。通粉正常發揮，不過我鐘意叉燒意多過火腿通，可惜早上無啦o(｀ω´ )o。；鮮奶燉蛋白 $30必食之選，質地動L動L，又滑又香。今次食仲覺得佢無之前咁甜，非常好，💯。