潮．悅 (始創中心)

话说上星期五订了潮悦, 想和家人庆祝中秋节团圆再加10月生日宴, 怎知道潮悦给予此菜单!潮悦,已是爸爸妈妈每月都去十数次的酒家, 已经相信他们, 所以一收到他们的信息已马上转发给妈咪, 当妈咪看到之后, 真的大吉利是! 马上劳气到不断咳, 致电给我说: 有冇搞!!! 这是什么意思??? 真的大吉利是!!! 可以错吗? 这容许可以错吗? 虽然我们只是二 三千左右消费, 不是高, 但服务水平也不止是那么垃圾级别吧.... 妈妈打电话给此发讯息人, 她说因为有同性太太订了枱櫈, 将此搞错了! 电话号码也不同, 可以搞错吗? 绝不能接受.....…查看更多

同屋企人食中秋节饭，食围餐，上菜劲快，由于屋企人有大有细，相对食得慢小小，但侍应不停地催促我哋食快啲，话枱面冇位摆菜，我觉得讲左1-2次系冇问题，但佢地至少催左4-5次，语气仲要好差，到分羹汤时，由于枱面已经有4-5碟大菜，已经冇位置分羹汤，侍应用语气差既态度话一早叫你哋食快啲，搞到依家冇位分羹汤啦，然后有另外一个侍应就指住枱面啲汽水同啤酒，呢啲都快啲饮咗佢啦，只可以讲嘢食系可以，但系有得选择就唔会再去。…查看更多

太子始创中心一间潮式酒楼，不过今次系食酒席，睇菜牌就无潮州菜成分，酒楼要行去商场另一边搭上比较难揾，酒楼环境几靓嘅。鸿运乳猪全体当然系砌出嚟，每人有两件，皮系香脆，肉质一般。上汤波士顿龙虾伊面龙虾似乎有啲细只 ，一人分到粒细细嘅肉，外表就唔错，伊面同酱汁都ok,系龙虾肉太少。脆炸凤尾虾多士面包同虾胶包住只虾炸，炸得酥脆，虾味清淡啲。姬松茸螺头炖鸡汤用料充足，汤水浓郁。当红脆皮烧鸡皮脆肉嫩，鸡味唔重，ok好食。瑶柱蛋白炒饭睇到有少少炸瑶柱丝同蛋白，食落就系有少少味嘅白饭咁，相当清淡。…查看更多

完全真实自费食评！话说前几个月前发掘太子美食时发现呢间潮悦，试过都几好。前几日朋友讲起想食龙虾伊面，然后我决定带佢去试试！龙虾伊面份量好多，每人都可以食到2-3碗。满满都系龙虾肉，唔系个种龙虾壳大但肉细嘅。虾肉肉质好新鲜好弹，上汤冇盖过佢嘅味道，反而令虾肉多啲汁水。清蒸东星斑，蒸得刚刚好，肉滑新鲜。东星斑鲜味十足，配上蒸鱼豉油同姜葱，真系绝配，好满意！豉汁蒸白鳝，肉质鲜嫩肥润，口感软糯，而且油脂均匀分布喺鱼肉纹理间，带嚟丰富嘅风味！咸菜胡椒猪肚汤，天寒地冻一定要饮碗汤暖暖胃，猪肚干净无异味，胡椒味香浓，餐厅更细心地用蜡烛保温盘保温住，每一口都热辣辣。评分：（5颗星满分）味道：5环境：4服务：5卫生：5抵食：4整体评分：4.5👍…查看更多

去佢哋间酒楼食晚饭，只烧乳鸽味道不错，值得推荐。但碟蒜香骨真系差到难以想像，炸粉酱厚厚包著排骨，炸到干晒兼硬到你唔信，仲系唔平，个胡椒猪肚汤味道不错，但渣多过汤而且啲芥菜差唔多同豆腐一样咁林！𧐢饼可以不叫，因为真系差过出面好多！但佢哋系潮州酒家，连最基本都做得唔好！叫人真系有啲失望。但服务态度不错，楼面都多后生，肯做！有礼貌！香港啲酒楼好少咁注重服务喇！希望佢哋留意一下啲出品。相信加上好出品佢哋啲生意一定好！佢哋啲食物价钱都需要检视一下，因为同北上实在太大距离！加上出品质素，酒楼又近旺角火车站，对佢哋一定有威胁。…查看更多