潮鮮薈自助燒烤專門店 (已結業)

衝住佢個「轉轉轉燒」去食。去到有大閘蟹，差d sidetrack 左要泥既原因。因為一且再食埋大閘蟹就真係太飽，會食唔到好多轉轉燒😆所以最後都選擇focus番轉轉燒。雖然選擇無太多，但起碼會飽。因為等燒熟都要有d時間，一邊傾計一邊等，就開始消化。所以可以避免到太飽既情況，但對男仔泥講，要燒得好快先得，因為食量較大，唔會太飽。要大食怪飽肚，燒個時要有d智慧同策略先得😂飲品方面都有幾多選擇，酒類都不用加錢😜👍🏻…查看更多

秋冬係食蟹既最佳時節,所以見太子有間可以任食大閘蟹既食店,雖然我唔係好拆得,但就馬住個拆得既朋友去啦!上到去就坐左係一張好闊落既檯,中間有個串燒燒烤爐,呢度係做大閘蟹同串燒放題既,再加上依家仲送海鮮層塔,真係非常吸引!講下送既海鮮先,包括有龍蝦、鮑魚、扇貝、生蠔及蚌類等，睇住佢地係蒸籠入面慢慢蒸熟，食落口原汁原味,令人垂涎三尺!到主角:大閘蟹啦!係黎自江蘇既正宗大閘蟹!隻隻都好多膏,好新鮮,咁都未算,佢仲要每15分鐘就拎每人一隻黎,即係兩個鐘入面可以食到7至8隻!我拆得比較慢,開始時未食完一隻就又送黎,後黎知道要快拆同盡量食左D膏先!但我食到第5隻叫停啦,因為想食其他野!而我朋友作戰到最後,犀利!佢仲有好多串燒,豬牛雞丸腸菇菜咩都有,而且質素唔錯,唔係搭單既,正呀!!…查看更多

食物其實就無咩問題嘅但係一入到去但食物種類唔夠多張枱又擺好多好多野而係頂住哂好唔就手同埋其實無咩客嘅時候都唔洗成日趕人走嘅都明白你想快啲收工整體黎講對去咗一次嘅人個感覺係可一不可再但對未去過嘅我會講不可一不可再…查看更多

餐具非常污糟，用來串食物的燒烤叉也非常污糟，部分更似生了銹/有很久沒有清理的污垢。所謂大閘蟹放題，其實並不是任食，據待應報稱每15-20分鐘會補一次，但根本要成半個鐘才可補一次，而且每次只可補一隻。要求多給一隻，侍應會以各種理由拒絕，會話：「你都未食完」「一間先」（當然最後係冇俾到啦）。侍應態度非常差，每次都話：「等陣先」，只是要求拿走食物架，侍應手上沒有拿任何東西，都要「等陣先」。唯一可取是蟹質素還可以，還算多膏。總括而言，食物質素差、服務態度差、衛生環境差，不會再去！…查看更多

明明apps book左位，一行4人去到門口 先話太多人取消左我地既booking,完全無任何通知🤬🤬🤬但網上仍然可以繼續預約 ！唔明點解唔係留位比有預約既人？如果真係full曬都可以提早通知 而唔係去到先知被取消…查看更多

呢間舖頭打正旗號"任食"大閘蟹 🦀🦀🦀 但上到去鋪頭，入座後坐低先至知原來所謂嘅"任食" 係"分配"咁解😂原來任食同分配，店家係唔識分㗎🤔店員會將啲大閘蟹收埋，表示會15至20分鐘逐張枱每一個人會分配到一隻大閘蟹，但今晚所遇到嘅係 半個鐘左右，仲要問要追佢先會攞大閘蟹出嚟分配一人一隻😒 加上得兩個鐘時間任食，以及店員差不多半個鐘先至會分配大閘蟹既關係，於是問多兩次有無大閘蟹之後，店員姐姐已經唔耐煩，心情唔多好，仲要特登揀啲細隻嘅大閘蟹畀我哋😑😑😑食咗兩個鐘頭每人先分到四隻大閘蟹，加埋10%成三百蚊一位，食你四隻大閘蟹唔值囉🙅‍♀️其他嗰啲燒物又鹹又唔好食，個燒爐又唔夠火力唔夠熱力，最普通既嘢食如蘑菇腸仔都要燒好耐，雞翼更加唔使講，燒成半個鐘都未熟，未有得食🤣🤣🤣想真正"任食"大閘蟹嘅朋友，都未必需要幫襯佢😎…查看更多

叫左個大 閘蟹放題，成個半鐘先黎一次！完全係唔想俾你食禁啲服務態度又差明明book左9點半成9點45先食得但照當我9點羊開始食咩都上得慢分明主要係想你食啲燒嘢！成3百幾蚊，只係食串燒放題我唔洗揀佢啦伏到爆…查看更多

見有任食大閘蟹，又有串燒，所以黎試下!點知：-book枱覆電話嘅職員無禮貌-到咗無人理，無人開爐-之後問一下女職員應該點樣開，反而俾個女職員鬧，態度惡劣-所謂任食大閘蟹，只係每15分鐘出一次，每人只得一隻，仲要唔係一定15分鐘就有，任食兩小時只出得5次，即食得5隻，何來任食!!!!-環境惡劣，地下濕淋淋，差啲滑到-冷氣唔知係咪壞咗，出住汗咁食- 枱面串燒嘅籤無人收，堆滿哂向枱度俾錢黎食嘢，仲要受個職員氣無可能再幫襯囉:(:(呢個價錢，可以有更好嘅選擇…查看更多

一直都好想試既自動轉轉串燒，平日夜晚同朋友兩個人去食。去到都已經好多人，我地當日預訂左位，所以去到等一陣就可以入座。一入門口見到有自助飲料，有日本梅酒、日本清酒同檸檬水，岩哂貪新鮮既我可以每樣斟少少黎試。另外仲有枝裝飲品同罐裝飲品既雪櫃，非常多選擇，不過如果有埋唔凍揀就好啦。入座之後，串燒係雪櫃自取。主要有兩大個串燒櫃，一邊擺放蔬菜同丸類，另一邊擺放肉類同海鮮類。肉類同海鮮類：雞柳、牛柳粒、雞軟骨、豬頸肉、雞翼、魷魚翼、豬柳、雞腎、多春魚等。蔬菜、丸類：豆卜、秋葵、蜂巢豆腐、腸仔、仿平貝燒、菠蘿、栗米、車厘茄、翠玉瓜、芝士腸、龍蝦丸、茄子、黃金丸、台灣腸、黑椒牛丸、獅子狗等。另外再有一個雪櫃，放冷盤、沙律同烏冬，最開心係見到有棉花糖！我行開左去拎串燒時，店員放左一隻開左邊既龍蝦、蒜蓉醬同計時器比我地。好驚喜有海鮮送，後來見到原來四個人係會有海鮮拼盤送。隻龍蝦好厚肉，肉質彈牙，加少少蒜蓉醬點綴，美味至極。放串燒原來都好有學問，因為唔係每串都一樣大細，如果兩串都好大串放埋一齊就會卡住，轉唔到！ 所以最好拎大小適宜既串燒，因為太重都係會好難轉。於是執好串燒位打算坐享其成之制，大鍋了！幾時熟？燒幾耐熟？你估呢串熟未？我同友人腦海漂浮全都是問號。發現救星有枱角！原來枱角有貓紙，建議唔同食品既燒烤時間，非常貼心，拯救左唔識燒既我地。望住串燒轉下轉下真係好治癒。燒到差唔多熟，就可以加入醬汁，有蜜糖燒肉汁、地獄韓燒醬同秘制沙嗲醬，不過醬汁味道都唔係太強烈。所以重口味人士可以再添加其他調味粉，包括岩鹽、孜然粉、七味粉、味椒鹽、淮鹽同紅椒粉，簡直多選擇到以為自己係大廚。不過，其實有部分串燒本身已經調好味，燒完直接食都好原汁原味。燒到一半，見到人地張枱有個火鍋淥下淥下，即刻問下店員，原來除左燒烤之外，仲可以打邊爐，有清水同辣味既湯底選擇。正呀！即刻淥啲蔬菜黎食，自我感覺良好。如果讚好 Facebook Page 再五星評論，就有一杯 Häagen-Dazs 雪糕送，作為餐後甜品，好滿足。最後值得讚既係店員收盤既速度非常迅速，我地問佢地問題都好詳細解答。雖然燒烤限時120分鐘，不過夠鐘我地都冇再燒，但我地繼續坐係到都冇趕我地走，可以同朋友慢慢傾下計。…查看更多

2個鐘先俾得4隻我。完全係唔想俾蟹人。又講到15-20mins就會上一次。有成半個鐘以上冇上過蟹。唔問都唔俾。職員話可能唔記得俾我地。但又唔會再補返轉俾我地。基本上每一枱都鬧緊d蟹咁耐先上…查看更多

最近想食大閘蟹放題，上網見到有介紹呢間食大閘蟹放題的串燒燒烤店就一於試吓，點知就賴嘢了。上到去環境都幾細但算正常。一坐低就俾咗一人一隻大閘蟹，串燒得嗰兩個雪櫃，小到不得了，完全唔值咁嘅價錢。都算因為一心諗住食大閘蟹，所以就諗住order大閘蟹啦，點知每次都要等好耐先有大閘蟹，最後要叫佢哋先會比，仲要係等勁耐先會比。最嬲就係我明明見到佢有大閘蟹都唔攞出嚟，做大閘蟹放題做到咁不如唔好做，咁孤寒。啲大閘蟹d蟹膏仲要係黑色的，真係嚇死人，每次等咁耐就係等隻死蟹過嚟。嬲到我啊，呢間野唔會再有下一次，亦都唔建議食，差到咁都係第一次。嗰啲甜品有我一坐低都食到尾都冇refill 過，唯一我老公喜歡食的羊肉串燒都係食得一串就話冇貨啦。垃圾到不得了。…查看更多

每枱都有一部燒烤自轉機，唔洗自己轉既，放啲串燒就會自轉燒烤，又真係幾有趣既，哩度主打無煙無火，食完身上唔會有油煙味既，不過好可惜，食完成頭都係油煙味既🥺🥺🥺哩度雖然係唔係自己燒，但係嗰鑪真係燒得好慢，肚餓既朋友真係唔多建議食哩度既😏😏😏我地最後要左大集蟹串燒放題，仼食大集蟹既。。細細隻，都okay ge☺️店肉有六種特色調味粉放大，又有好多醬汁可以自己調味，沙嗲，蜜糖汁、韓式辣醬。4位以上即送龍蝦海鮮盤，帶子、龍蝦、鮑魚、蟶子仲有魚件等等，仲有黑毛豬腩件、和牛丸、有機啡菇，和牛丸真係好味既😊哩度好多唔同既肉類串燒，牛肉，羊肉，豬頸肉，蜜糖燒汁鴨胸，芝士腸，紅腸，台灣腸丸類，各類蔬菜🥬，原本食第一串牛肉覺得又幾好食啵，但當食第二串既時候覺得勁多鬆肉粉既口感，完全唔係食緊正常既肉💁🏻‍♀️💁🏻‍♀️哩度仲任飲汽水、清酒、梅酒及啤酒，不過唔好期望係好高質既飲料🥤不過食一次就可以了，同行朋友都覺得係咁。…查看更多

上次黎食之後，心思思又再同朋友黎食過呢間串燒店，適逢佢地今次仲有時令大閘蟹食，而且係任食，價錢都係288元/位，梗要嘆番夠.........首先新添了沙律吧，有好多餐前開胃小食選擇，樣樣清新可口依舊按人頭送海鮮拼盤，龍蝦、鮑魚、帆立貝、貴妃蚌、廣島蠔、馬友......第一盤🦀🦀🦀大閘蟹係任食既，賣相亦相當吸引，雖然唔算大隻，但勝在隻隻多膏，而且鮮味十足，仲要係大部分係我最愛口味既蟹公呀蟹公呢個價錢絕對超值，而且對大閘蟹迷的我，真係抱個大肚皮走了…查看更多

自助自動串串燒—潮鮮薈琴晚同朋友兩個人去左太子食自助串串燒！平日晚市收費係成人$218一位！我地都係第一次食呢款自動轉轉串燒😂😂我地兩個人去，每位會送一邊龍蝦！每張枱會有計時器同串燒教學指南但真係指南，因為要睇實際情況先食得，有時夠鐘都未熟😂 而且比較大件嘅食物要隔一兩格先轉到燒到！太密就轉唔到！有時亦要自己調整下位置燒！每張枱有幾款調味粉同醬油，但呢三款汁都勁鹹！所以落左一次就無再落！Overall 食物質素ok 但種類不多！我地兩個人大概食左50-60串！試一次就夠了！…查看更多

 食物係採用環保制，保證唔會浪費，呢點本人係非常支持。但燒之前記得先嗅下有冇怪味，十串有4串出事，親眼見伙記執番d材料循環再用，同伙記反影左也冇用(不過個阿姐勝在幾好人)。要行3層樓梯先上到去唔緊要，最重要唔好食兼食唔落肚(叔左)，仲要6個人迫埋一個爐坐，每次燒得幾串，限時2個鐘本來應該唔夠，好彩d嘢一陣叔味同難食，否則2個鐘係食唔切。衹有台灣腸可以食下(可能交貨來的關係)…查看更多