潮藝館

营业中

休息中

新一年繼續出去食好野，今次來到這間位於尖沙咀的潮州菜餐廳，食了一個午餐！碧綠川椒雞，炸到脆口的珍珠葉，加上帶有微微麻辣的雞肉，雞肉嫩滑juicy，醬汁惹味！潮式魚湯浸時蔬，當日的時蔬是白菜仔，白菜仔多汁清甜，魚湯鮮甜美味，配有菇菌和蟲草花，十分清新！潮式炒麵線，麵線炒得乾身，材料有魷魚、肉絲、蝦仁、韭菜和芽菜，配上潮式辣油一齊食，味道更正！綠豆清心丸，最後還吃了我最愛的綠豆邊清心丸糖水，糖水不會好甜，清清地，而清心丸口感煙韌，而甜品作結十分滿足呢！

呢間位於ISQARE六樓的「潮藝館」以高雅時尚設計嘅裝修，提供傳統潮州風味嘅菜式，給予食客煥然一新的感覺！獅頭鵝件$298陳年滷香加嫩鵝冇得彈。潮式炸蠔餅$188每一口鮮甜又唔腥蠔仔🦪夠脆夠蛋香，配上魚露鮮上加鮮，口感一絕。鹹菜豬肚湯$138（一位）胡椒香濃，湯底鮮甜清澈，豬肚口感軟腍。韮菜豬紅$98傳統潮洲美食，好滋味，份量都唔少。燕麥一口薯$68創新新口味甜品🍮一口紫薯🍠軟糯香甜，鋪滿晒燕麥，口感好特別。

最近我就去咗位於尖沙咀嘅《潮藝館》，主打新派潮州菜，將傳統菜式注入新元素******點餐前店員先奉上一小碟鹹酸菜，潮州三寶之一，酸酸味味，增加食慾 🥢串茄核桃沙律 - 將蕃茄釀入核桃，口感外軟內脆，幾特別的一道前菜 🥢獅頭鵝件 - 選用獅頭鵝，肉鬆軟且鵝味重，滷水夠入味，而墊底嘅豆腐亦吸盡滷水汁，香濃好味 🥢菠菜蟹肉羮 - 菠菜混合蟹肉煮出嚟嘅羹濃稠度恰好，入口清甜，加入一粒小雲吞作點綴，絕對係用心製作 🥢碧綠川椒雞 - 潮州菜中我最喜愛菜式之一，嫩滑嘅雞肉帶有川椒味道，加上薄脆嘅珍珠葉，惹味又有口感 🥢普寧炸豆腐 - 炸得金黃香脆，外脆內嫩，蘸上白醋，相當有風味 🥢濃湯蠔仔肉碎泡飯 - 蠔仔和肉碎份量豐富，加入冬菜和大地魚粉，吃起來相當滋味 🥢燕麥一口薯 - 蕃薯面鋪滿砂糖和燕麥，一口大細，精緻又好味

餐廳環境佈置高級優雅，並設有吧枱及各式酒類供應，但菜式以中式潮州菜為主，既新派又特別😌入座後即送上潮式鹹酸菜小食，味道酸甜帶麻油香，非常開胃😌.🥢瑰荔堂皇（$38/位）有玫瑰及荔枝香，最抵讚係有蠟燭保持花茶溫熱，隨時可自由斟熱茶😌🥢獅頭鵝件（$298）鵝件滷得又香又入味，入口脂香十足；底部豆腐充滿鵝香，伴滷水汁好好味😌🥢碧綠川椒雞（$188）雞肉切成小塊，入口無骨啖啖肉又唔嚡口，味道有少少辣帶椒麻香，伴炸海苔同食好惹味😌🥢鹹菜豬肚湯（$138/位）豬肚清潔得乾淨，煲到又腍又入味，胡椒味好重，飲落暖胃又驅寒😌🥢酥炸鮮蟲草花初嘗炸蟲草花，入口熱辣又酥脆，估唔到幾好食，好啱佐酒😌🥢濃湯蠔仔肉碎泡飯（$168）蠔仔粒粒都飽滿脹卜卜，湯頭濃香帶甜，基本上食潮州菜每次必點😌🥢綠豆清心丸（$48）綠豆去衣，清心丸夠煙靭，兩者同食好有口感，味道只係微甜，飯後食好清潤😌

年頭工作較空閑相約好友嚟食潮洲菜，餐廳位於交通方便的尖沙咀ISQUARE，室內設計高尚，由名廚團隊主理傳統及創新潮州美食，坐得舒服，一大班朋友或家庭聚餐都適合。獅頭鵝件$298滷水鹹香十足，濃淡適宜，鵝件滷得夠入味，肉質細嫩，鵝香滿溢。鹹菜豬肚湯$138（1位）傳統潮州湯水，怎何季節都適合飲用，再加豬肚燉足時間，口感爽脆又嫩滑兼十分暖胃。潮州咸蛋酥$138口感酥脆帶鹹香味，食落好開胃。碧綠川椒雞$188嫩滑的雞肉帶有香、濃、麻的川椒味道，伴著炸得輕盈薄脆的珍珠葉，非常惹味兼有口感。層出不同$288打卡一流色彩繽紛嘅炒飯，頂層紫椰菜，中間及底層係蛋、鹹蛋、蝦米🦐蔥花的炒飯；再隔著蔥花 蒜頭而成的一層；真係層出不窮，味道口感層次分明，有創意！

一向都好鍾意食潮州菜，最近發現尖沙咀呢間新開嘅潮藝館，就決定同屋企人試吓。首先係胡椒豬肚湯，有蠟燭熱住啲湯，飲落辣辣哋，好暖胃，豬肚唔腥，仲有鹹菜，好正。沙嗲牛肉炒芥蘭份量都唔少，芥蘭幾新鮮爽口，沙嗲牛肉好淋好食。普寧炸豆腐幾有驚喜，炸到外面好脆，入面啲豆腐好滑，仲有鹽水點，食落冇咁熱氣。懷舊春菜煲有好多春菜，煲到冧晒咁好入味，同啲肥豬腩肉一齊食，夠哂正宗，好好味。另外嗌咗個蠔仔肉碎泡飯，蠔仔夠多，又肥美，有薑絲同埋豬肉碎，好大煲差啲食唔晒。甜品試咗燕麥一口薯，有四舊，好精緻。主要係暖暖哋嘅紫薯，配埋燕麥同糖，好特別。

行完尖沙咀決定同屋企人食潮州菜，呢間新開嘅潮藝館，裝修好舒服，服務都好好。我哋要咗個普寧炸豆腐，外脆內熱，炸得好好食，點咗鹽水就唔會覺得好熱氣。沙嗲牛肉炒芥蘭，啲牛肉好腍，沙嗲汁唔會太鹹，芥蘭都好新鮮。胡椒豬肚湯飲落有少少胡椒嘅辣味，豬肚好乾淨，一啲都唔腥，仲有鹹菜都好好食。懷舊春菜煲份量都幾多，春菜煲到冧晒，仲有少少肥豬肉，好好味。蠔仔肉碎泡飯嘅份量好多，入面嘅蠔仔都幾肥美，有少少薑絲同埋肉碎，連我麻麻哋鍾意泡飯，都覺得好食。燕麥一口薯份量啱啱好，紫薯暖暖哋，加埋甜甜地嘅燕麥，食落好特別。見到佢有啲大張嘅圓枱，如果鍾意潮州菜，就可以叫多啲人一齊嚟食啦。

我屋企人食過一次話幾好食，所以我就諗住去一次試吓. 當時餐廳只有我們一張檯，另外一張枱已經上晒嘢. 等了一個鐘兩籠點心都未到，最後仲係錯的. 兩個人食咗一碟滷味飯，一籠菠菜蟹粉餃加茶千$308. 完全不明白點解剩係得一張枱都可以咁樣出錯. 佢啲嘢味道係OK的，但係真係久得有啲離譜. 未曾試過去一間酒樓得一張枱要等成個鐘先有點心. 我哋又唔係嗌得多就係一疊滷肉飯+2籠點心最後佢都係錯嘅我哋叫咗份過佢嚟咗蝦餃. 有啲懷疑OpenRice嗰啲likes

這間潮州菜館非常受歡迎，今天試過，果然名不虛傳蠔仔肉碎泡飯：蠔仔的鮮味與肉碎的香濃味道相融合，為飯菜增添豐富的口感。口感豐富🤩鹹菜胡椒豬肚湯鹹菜的鹹味與胡椒的辛辣味道相互融合，為湯品帶來豐富的風味。豬肚的軟嫩口感與湯汁的滋味相得益彰🤩燕麥一口薯燕麥一口薯是一道獨特的料理。燕麥的香氣與共紫薯的軟糯口感結合，而且作為甜品非常健康，不太甜膩🤩玫瑰荔枝茶玫瑰花的芬芳與荔枝的甜美完美融合，散發出誘人的香氣。這款茶飲口感清爽，帶有微酸的荔枝味道和淡淡的花香，令人心曠神怡。

友人唔特別好中菜，今次俾我捉左佢來食新開既潮洲菜，仲話有驚喜😂成功介紹好西俾身邊既人，好有滿足感🤭潮藝館有別於普通中菜餐廳，環境設計時尚有格調，寬闊舒適，客服友善有禮，用餐體驗唔錯Menu好多菜式都想試，加上好肚餓，叫多左少少🤏但全部都食得晒😋普寧布包豆腐外脆內嫩既布包豆腐，口感棉密胡椒豬肚湯湯頭清徹鮮甜，充滿胡椒辛辣香味，足料無味精靚湯😋下面有蠟燭加熱保暖，飲得慢都唔怕攤凍晒，設計貼心❤️獅頭鵝件滷水味無一般中菜既滷水菜式咁濃烈，可食到食材既原味道，滷水鵝下面既豆腐吸晒滷水汁夠入味🤤碧綠川椒雞賣相鮮豔吸引，雞肉口感嫩滑，食落有淡淡川椒香味，甜中帶咸，醬汁惹味香濃，加埋炸到香脆既紫蘇葉一齊食😋我同友人真係食到停唔到🤣蜆肉鵝肝炒飯炒飯粒粒分明，炒得非常乾身有鑊氣，鵝肝既油脂滲入米飯，加埋蜆肉、雞蛋，口感豐富，而且唔覺油膩，係一碟好有水準又創新既炒飯👍🏻燕麥一口薯紫薯切到細細舊，舖滿燕麥片，甜度適中，有飯後甜品加持😎perfect!

今次同三五知己閂起門，一齊去試咗間新開業嘅餐廳。潮藝館四人餐，料足味美得嚟，又唔會過分貴杯，正所謂物美價廉。首先，潮藝四小品真係夠晒招搖，外表靚靚，每款前菜都精巧得滯，夾一啖咁滑嘅金磚豆腐，一啲嘢都唔洗諗喇，嘴裡一陣芳香外脆內軟，印象深刻。飲咗那碗翡翠蟹肉羹，有啲令我驚喜，以為淨係普普通通嘅湯，乜知味道層次豐富，啖啖菜肉，連塊小肉餃都值得拍手叫好。跟上嚟嘅碧綠川椒雞同油雞樅炒蝦球，雞絲爽口得嚟唔辣，啲蝦球更加係畀我驚嘆，爽滑又充滿彈性，真係詮釋到咩叫得意，而油雞樅就更加特別，似青豆咁爽脆，賞心悅目。講到最正嘅一定係鹵水拼盤，特別係啲鵝腸，肥美得嚟唔膩口，每啖都令人會心一笑。炒麵絲就算喺滿桌美食之中都可以抖出位，絲絲分明，推介！最後嘅特式西瓜凍，試完咁多重口味後，嚟個清新下，啖啖肥美，啫啫涼快，端出上場，真心覺得好正喎！簡單嚟講，潮藝館呢次食，真係叫人食得開心，食得滿足，食完都想再嚟！🍴👌🤤

❣︎ 新派潮州菜 (^u^)／裝修時尚雅致 燈光柔和有氣氛服務到位 親切有禮有大枱 多人黎食都冇問題👌♡⋯⋯食評⋯⋯♡ ☻ 4.6/5 ✨普寧炸豆腐 $108炸至金黃色 豆腐外酥脆內嫩滑大大件咁都幾抵食😚✨獅頭鵝件 $298鵝件底有豆腐 鵝件皮脆有光澤 肉汁多而不帶腥味✨蜆肉鵝肝炒飯 $228好足料🫶🏼蜆肉同鵝肝切碎哂融入係個飯到✨沙嗲牛肉炒芥蘭 $188鮮甜濃郁的沙嗲同芥蘭係絕配👍🏻芥蘭翠綠清甜 入口爽脆✨菠菜蟹肉羹 $108位有驚喜❤️看得見的真材實料蟹肉有不小 飲完個人好暖笠笠😚✨燕麥一口薯 $68薯係紫薯 唔會太甜

潮藝館位於尖沙咀彌敦道63號iSquare國際廣場6樓602號舖市面上嘅中菜越做越精緻，想突圍而出並唔容易，今日就想一嚐新潮與藝術結合嘅新派潮式中菜。菊花茶（ 茶位$28）菊花清香，茶壺下有蠟燭保暖，十分雅致。小食（$38 ）酸菜花生做飯前小食， 開胃。懷舊春菜煲($198)是一道著名的潮州菜，以春菜、豬肉排骨作為主要材料。這道菜的特色在於其清淡的味道和具有春菜的鮮嫩和爽脆口感，風味獨特。去骨鵝件($278）鵝肉去骨，肉質軟嫩，味道鮮美。係潮州菜其中高級的美食。胡椒豬肚湯（ $138 ）一個很受歡迎的湯品，在潮式中菜中亦很受歡迎。湯的味道濃郁。豬肚嫩滑鹹菜鮮爽，胡椒嘅辣味亦有助驅寒令整個湯嘅香味提升不少。蜆肉鵝肝炒飯（$228 ）不用多說就知道這個炒飯的矜貴程度，翻炒得乾身，粒粒分明，蜆肉鮮甜，鵝肝味濃。綠豆清心丸。（ $48 ）傳統潮式甜品，清心丸細細粒，口感煙靭配合綠豆甜湯，令人食唔停。

蠔仔肉碎泡飯一道傳統既潮洲菜，有蠔仔鮮味同肉碎加上少少既薑絲，簡單而好食，非常大碗。話梅涼瓜呢道感覺係一道新派開胃菜，這道菜用酸甜的話梅和清爽苦苦地既涼瓜，兩者好似唔太夾咁，但話梅的酸味平衡了涼瓜的苦味，帶來了一種新風味。菠菜蟹肉羹呢個羹係位上的，有一個小火一直暖住個湯。湯係有菠菜打成茸,菠菜草青味不重一入口,加上一小攝既同一小餃子，幾特別。📍潮藝館尖沙咀彌敦道63號iSQUARE國際廣場6樓602號舖港鐵尖沙咀站 H 出口, 步行約4分鐘

今天要介紹的餐廳位於尖沙咀，是一家食潮洲菜既餐廳。餐廳唔係一般既潮洲打冷感覺而係走新派路線希望比一個唔同印象比大眾。擺盤唔似一般中菜擺盤而係有心思更有菜色有以擺到接近fine dining既感覺。座位位置唔算多但坐闊落，有大枱亦酒吧區，可以食中菜又可以飲下酒咁。🌟獅頭鵝件 這道菜以滷水浸鵝肉，使鵝肉入哂味而保持肉質嫩滑。除左有鵝肉外仲有豆腐墊底，豆腐亦有滷水味。🌟韭菜豬紅這道菜非常簡單就係得韭菜同豬紅。豬紅份量好多多到上菜時見唔到韭菜，韭菜係吸引哂醬汁既味而豬紅挺身同冇豬既腥味。🌟燕麥一口薯呢個甜品非常健康，用一口薯黏著燕麥。燕麥的香氣配焗得好香既紫薯，感覺有少少似麥皮蝦。📌潮藝館尖沙咀彌敦道63號iSQUARE國際廣場6樓602號舖🚇港鐵尖沙咀站 H 出口, 步行約4分鐘