潮興魚蛋粉

真心觉得呢间鱼蛋粉好好味，但不知为何每次嚟都近乎包场冇乜客。呢间啲鱼蛋鱼片松化又鲜味、河粉够滑。另叫了炸鱼皮，好松脆好好味。试过有啲食店啲炸鱼皮又硬又有油「益」味，但呢间就一点油「益」味都冇，而且好甘香松脆可口。现在找好吃的鱼蛋粉不易，很多有名气的试过都系名过于实。譬如渣甸坊某间，排晒队入到去，座位又窄又逼叫人动弹不得，而且啲鱼蛋淡而无味，非常失望无下次。呢间冇什么装修，十分平实。可能因为人少，座位好松动，都算好坐。服务都可以，有外籍客都细心讲解。价钱不算平，两个人叫了两碗鱼蛋河、一碟炸鱼皮、一罐可乐，人均消费$60+。不过好食嘅，值得推介！…查看更多

作为面食喜爱者，平时食得最多系米线，今日有啲赶时间，就去左隔离既牛杂粉面店解决，估唔到佢都几抵食。44蚊一个牛腩面，铜锣湾黎讲都算几抵食。牛腩份量都好多，有足足8大块，而且每件睇落都几靓仔，有啲意外，估唔到甘抵食。味道黎讲比我想像中淡少少，牛汁柱侯酱既香味好够，加埋炸蒜葱粒香到不得了。牛腩系好腍既，而每件都好大好多肉，但又见唔到好多肥肉。吃落几香，几正。整体黎讲44蚊食到依个质素真系值得一个赞，希望水准可以维持，下次会再黎的。…查看更多

今日黎开铜锣湾，lunch 时间周围都系人，想快快食个饭就番公司，是旦拣左间牛腩面铺，因为行过觉得几香，应该出品都唔错的。叫左个牛腩米粉，哗。。d 牛腩好肥，46蚊黎讲牛腩件数都几多，但系肥肉仲多😂 有一说一，牛腩系炆得好好的，仲保留左一部分口感，肉质唔会太散或太硬，唔错。汤底腩汁味系几出既，加埋佢有一大匙炸蒜芹菜葱花，加埋落个汤底入面真系好香！值得一赞！图入面系一件好靓既牛腩，似崩沙腩。味道黎讲超班，如果少d 肥肉会更好👍…查看更多

我吃牛腩通常都是崩沙腩或坑腩。崩沙腩，即爽腩，是牛肚皮的腩位，面积小及有块薄软胶质，爽软不硬，通常贵过坑腩。坑腩则是牛胸前的部位，牛味最浓，略带肥。崩沙腩正的地方，是那块筋膜。爽口的筋膜，配着炆得腍身的腩肉，好吃。「潮兴」出名手打鱼旦、鱼面等，牛腩我倒是觉得比鱼旦更出色。「崩沙腩河加色」$55整体味道我觉得差了，个汤有色无味，缺了潮州牛腩卤水香的灵魂，全靠那些芹菜粒、葱花及炸蒜粒提香：崩沙腩部位还不错，筋膜带肉算没欺场：可惜我觉得炆得不够腍，肉的部份有些柴。吃到中途，我习惯就会加上潮州辣椒油，让食味多一重变化。河粉够滑，这个稍为加分。…查看更多

今日专登黎铜锣湾交收，要等对家到，仲有成半个钟😂快快地可以趁依个空档吃个靓面，甘我就好随便甘拣左黎依间食个牛杂面。😉叫左河粉，个粉底其实几好，唔烂又可以吸晒d 汤汁👍 汤底都ok, 有好浓既牛汁味，又唔会话好咸，加埋一大羹青葱，炸蒜，西芹，混埋一齐真系好香👍 牛杂份量都几多，有膶，大肠小肠，牛肚，牛肺，膶唔系话超级新鲜个只，吃得出粉粉地，牛肺反而好好食，大大件又唔柴！而大肠系肥肠质地😂够晒邪恶！整体一个面40几蚊算系甘，铜锣湾黎讲算好平👍水准可以讲不过不失，下次可以试下佢个崩沙腩😉…查看更多