潮牛腩

营业中

休息中

今時今日， 雖然物價貴左好多， 但賣得98蚊碗崩沙腩河粉， 點都可以有少少期望掛。 點知呢間舖話你知 你諗多左啦 傻仔。 98蚊碗崩沙腩河 俾幾條肥衣（肉都冇條） 算俾面啦。 （實物如圖） 受騙感覺仲慘過俾人抄牌。

唉，scam個湯係好好味，但係啲肉應該太珍貴，得勁少又勁肥。個侍應仲要介紹錯食完之後完全唔夠喉，仲要俾咗成舊食碗麵水我都唔知講乜嘢好。唯有係啲湯係值$100Very disappointed with the portion sizeDespite the soup tasted flavourful, It really doesn’t worth $100 for a bowl of noodles with hardly 100g of beef. Most of it was fat anyway.I’m not going back again

這間的牛腩同傳承清湯腩一樣，也是每日從金牌買手 牛皇莫 手中拎貨的新鮮騸牯牛腩，水準一定有番咁上下！有比較，唔一定有傷害，反而食得出兩者各有千秋！這間店主主打崩砂腩、爽腩、坑腩。聽聞燜牛腩的湯底用上高達 70 斤牛骨熬製 18 小時，牛味夠鮮濃，與傳承嘅湯底相比，確實冇咁清甜，但反而有更重既牛味及胡椒味。牛腩既話，第一次試左佢哋嘅爽腩，so far 對這間尚算滿意，牛味濃肉汁重！📍潮牛腩灣仔謝斐道307-311號快添大廈地下2號舖

TVB 有套旅行節目, 叫做咩XX潮什麼, 我一套都未睇過, 非常反感, 件女巴巴嘈, 煩死! 熄機!埋下對潮哩個字嘅唔老黎感覺.近排去銅鑼灣出差, 同事捉我去哩間潮牛腩.入去原因佢話貪佢無咩客同坐得比較舒服.結果......問問女侍應, 咖哩辣唔辣, 回覆只係小辣, 於是點咗客咖哩牛根腩飯. 凍菜蜜少冰.枱面 Menu 推介一款叫騸牯牛肉麵, 小弟"財"疏學淺未聽過, 但圖片好吸引. 優點:1, 冷氣足夠.2, 侍應服務態度滿意, 掉位坐無黑面.3, 座位闊落坐得舒服.4, 牛根夠冧, 一D都唔硬唔韌, 而且夠入味. 缺點:1, 凍菜蜜太淡.2, 咖哩牛根同牛腩份量不足.3, 牛根夠冧口感一流, 但牛腩肉質太實唔夠鬆軟.4, 對於其他人唔辣, 可惜我感覺太辣, 攪到一碗飯都食唔哂.果然, 潮哩個字同我唔夾, 要留意. 

日日都操就係為咗晏晝或者夜晚果餐，知道今晚都係食素、晏晝梗係未能食素啦，所以 去咗 灣仔 潮牛腩，價錢除非有好，唔緊要最緊要物有所值，即刻叫碗爽腩河開心下先，上抬後我以為睇錯，收我$98一碗，俾五大嚿牛腩我，唔知以為今日我生日，大佬我叫爽腩你就俾啲坑腩加肥膏Remix我，唔係一舊牛腩帶少少肥膏就叫做爽腩呀大佬，啲河粉潮漲，我都知道冒險㗎喇，但係冇諗過會冒險到呢個點，九記、水記、傳承牛腩全部都唔敢收呢個價錢，你敢收就要俾啲良心食物人哋啦、湯底標明用咗18個鐘頭牛骨熬出嚟，我飲完由灣仔口渴到尖沙咀，可能真係用咗18個鐘頭熬出嚟不過唔係湯底係味精製造過程。每個人都需要有第二次機會，我見到個餐牌上有豬腳筋，呢個係一個十分之有Heart 嘅食品, 於是諗都唔諗你都碗豬腳筋X自製韭菜餃粗麵, 平心而論豬腳筋係好食嘅，冇雪味，韭菜餃10分飽滿，充滿韭菜，食食吓忽然遇到我初戀情人「蚊芝」，好彩我太座唔係坐我側邊，我即刻同佢打個招呼先，跟住我介紹「蚊芝」之俾侍應姐姐認識一下，侍應姐姐諗都唔諗就即刻棒打鴛鴦、搞到我最後同「蚊芝」不能有情人終成眷屬

騸牯牛肉麵，唔係牛腩麵，有牛肉味，夠滑，真係唔同，店員話係打邊爐嘅靚牛肉做牛肉麵，又真係幾好食，而且限量，每日買曬就冇，有下次再來食👍，店舖光猛，地方都幾企理。

外賣筋腩飯$60，加凍檸茶加$5，中午一點外賣，落單唔知伙記定老細，叫完野食諗緊叫咩野飲，就趕住出單外賣人唔多，等約10分鐘。番到公司食外賣仲熱，但牛腩得4、5舊，牛筋約3舊，以咁嘅價錢計份量少，牛腩偏廋，湯底胡椒味重，牛味一般。整體價格偏貴，無下次。

朋友介紹話呢間個清湯腩唔鍇，今日去灣仔做嘢，就順便試吓，賣牛腩來講，地方算企理，店員都幾有禮貌，叫咗碗牛坑腩河粉，份量夠，腩夠入味湯清甜，真心唔錯，看到隔離枱嘅咖喱牛腩飯都幾得咁，下次再來試下👍😋

食開尖沙咀店，今次試下灣仔地鋪店，點咗牛坑腩河 + 凍檸茶，盛惠$103，價錢同尖沙咀店差唔多，牛腩質素差左十萬八千里，牛腩肉柴，少脂肪相間，睇圖就知道質素有幾差下，好激氣

牛腩超級肥，成碗得個4、5舊之餘，仲要舊舊都係脂肪，肉的部份佔1成都冇，怕怕😵。其實點解咁都可以serve比d客食既？湯底都好普通，頗淡，冇咩味。唔講唔知係用牛淆既湯。職員態度傲慢，落order時有壓力，要遂個人遂個叫，唔準用英文（但明明餐牌係用英文付號），要叫返食物中文全名，最好係menu指埋比佢睇添！ 食物未黎前都仲有d期待，心諗能夠請d咁有澳牛feel既伙記，食物應該會有返d水準哇。。。。結果，落差太大了！有少少比門口d明星相欺騙了。🙄總結：＄56食左碗淨河 （牛腩太肥，真係入唔到口），一次便夠了🤑

上次食完屯門新仙一吐氣爽腩河，今次食番碗好味嘅爽腩伊，開心番晒，不過伊麵略為腍咗D，唔啱我口味，價錢算貴，間唔中食下都可以。杯凍檸茶比較遜色，所以連相都無post。

真心好食既牛腩，其實本身唔算中意食。但食得出佢真係真材實料。湯底濃得黎唔會口喝，會再去食。有試埋豬蹄筋，第一次聽亦第一次食，感覺好骨膠元 XD建議叫埋餃子黎食，9菜唔錯

剛剛食完嘢作為牛腩粉嘅地方一啲都唔平，基本上都要六七十蚊，但作為招牌之一嘅牛脷，竟然黑邊，毛都未抆咁，冇打咗個突味道都還好啦，價錢偏貴，雖然好近公司，但未必會再黎。。。

$94 得兩舊肉。收這個價就唔好咁孤寒啦。我都願意$94蚊食碗河粉，圖片顯示起碼有5舊肉我才叫的。唔怪之得，中午食飯時間都無咩人。價錢做唔到，可以再加價 。例如$128⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

湯底鮮甜，可以感受食材嘅原味，真係最難得珍貴。鬧市causeway bay都有隱藏著地道港式風味，必試經典牛坑腩。牛坑腩粗麵炆得非常軟腍，而且每一啖都有骨膠原。肥瘦分佈均勻，根位同肉質入口即溶。清湯牛腩湯底清甜，能夠飲到牛骨濃郁嘅香味。牛腩偏瘦，肉質實淨。咖喱魚蛋唔係街頭嘅普通魚蛋，而係選用咗潮州嘅魚蛋，所以特別彈牙，而且每一粒大小不一，證明是手工製作。而且咖哩汁都好香，薯仔軟糯，簡單之餘都好好味。