潮牛腩

营业中

休息中

早前朋友帶我去食因為有好特別的牛部位同每日限量～騸牯牛肉麵 $108呢個係每日限量發售 係牛頸心黎架 第一次試崩沙腩河粉 $108呢個好食！呢個都係限量～ 夠哂冧同入味喔河粉係好食個款 湯底好濃鮮蝦雲吞麵 $48總共有五粒 入面有一隻原隻鮮蝦咖喱魚蛋 $42呢個好特別 有薯仔 同自家製魚蛋 好彈牙潮牛腩 (灣仔)灣仔謝斐道307-311號快添大廈地下2號舖#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳

以前食開喺尖沙咀潮牛莊，食物質素高，服務好。今日星期六中午來到灣仔謝斐道呢間姊妹店，梗係第一時間試特別部位 - 硼砂腩河、牛坑腩河啦。 上枱見到以為人哋食乘嘅，果碗坑腩河，得五小件腩，問阿姐，喺唔喺搞錯咗呢？阿姐答：5件，啱啊！ 真係無言。 算，碗硼砂腩河睇落似樣d？ 一夾，原來薄到不得了的，未食老婆已經話萬一唔飽，都可以附近食其他的。 最慘喺，食完無耐非常口渴！尖沙咀不會發生的！大家睇下第二版d朋友嘅負評就明咩事，下邊d朋友可能只係食58蚊嘅普通牛腩河，所以覺得唔錯。總結，連尖沙咀個間都唔敢幫襯了，可能同一命運。 令人婉惜。

又到了happy Friday，今次同同事一齊食潮牛腩。我叫咗牛脷米粉，牛脷好淋好香好有牛味。成碗米粉加咗辣椒醬之後好入味，即刻將碗米粉昇華咗。下次會試下唔同牛部位😋

店名的潮，絕對是潮州的潮！近排發現，無論是打邊爐，或是食湯河，潮州的牛肉牛丸類都擔當了一個很重要的角色。各種配搭，可選飯或湯河、湯米。想不到牛腩也有這麼多種類，牛坑腩、崩沙腩、牛筋、還有咖喱類，感覺是牛的專家！牛丸米，牛丸爽口彈牙！看似清湯的湯應該是以牛骨熬製，牛味濃。牛三寶河粉，牛脷很嫩滑！崩沙腩淨食，價錢雖然比較高，絕對物有所值，牛腩有點咬口，但又不癡牙，牛肉味濃，絕對媲美那些老字號的牛腩店，連湯都清甜好飲！

新鮮騸牯牛·低調美食新鮮的騸牯牛係招牌一定要試😋騸牯牛肉米粉 $108每日限量～騸牯牛脂肪分佈平均，肉質肥美嫩滑，且擁有更濃郁的牛味，就咁睇已經覺感覺到嫩嘅程度‼️湯底：秘製牛骨湯，每天熬足18小時，湯頭金黃清澈，濃郁不膩，入口回甘，鮮味爆棚💥米粉索滿湯汁正到一個點🤣牛坑腩河粉 $108極品牛坑腩‼️肉呈粉紅色，肉嘅紋路分明，一睇已經食慾大開😍邊位嘅筋肥瘦適中，牛味極為濃郁👍🏻絕對高質~ 河粉Q彈滑捋捋，掛湯力不俗✨韭菜餃每日新鮮製作，皮薄餡靚，脹卜卜韭菜豬肉7:3比例，韭菜味超濃郁，配上牛骨湯金湯，無得彈😍潮牛腩 (灣仔)灣仔謝斐道307-

🌼 騸牯牛肉麵 108加了$8 換雙拼要了鮮蝦雲吞。要了少河。騸牯牛口感有彈性也很嫩，搭配spicy soy sauce 非常入味，非常適合喜歡吃辣的人。鮮蝦雲吞也十分鮮甜，非常好吃 😋🌼 崩沙腩河粉 108 雙拼選擇了濃汁貢丸。這碗一樣，非常嫩滑而且不是全熟❤️ 我喜歡的質感 😌 貢丸也很好吃，口感很彈牙。🌼 蘿蔔淨食 30元蘿蔔切得很細，口感爽脆清甜，非常開胃。飲品跟了凍檸茶和凍檸蜜在灣仔上班的打工仔，這家可以試試 👍🏻

清湯味好正，騸牯牛崩沙腩好味，口感非常正，雖然價錢有點高，但都抵食。就算普通既牛筋腩河粉都好好味，價錢合理，另外值得一提就係杯奶茶，超級正，絕對有絲襪奶茶嘅感覺。一定會再次回頭幫襯嘅舖頭

潮牛腩今日中午嚟到灣仔食一間叫「潮牛腩」，雖然門口有一級，但唔洗等位可以即放斜板即入去，店員幫安排我坐單丁望牆位。餐廳入面算寬，有足夠空間比輪椅人士喺入面轉彎，冷氣同光線好充足，好彩早入座，早點野食，一點完門口就開始打仗，多人排隊拎外賣同等位，呢間最出名係湯底，每日係用幾十斤牛骨熬製18小時，湯底完全無加味精，咁出名當然要試下啦！1.咖哩爽腩飯$110+夏枯草500ml $10（跟餐優惠）（8/10）呢個咖哩爽腩飯入面有6舊爽腩，不過大多數係牛筋，有2-3舊係半筋半腩，牛筋好軟淋，勁大舊勁彈，好多骨膠原，咖哩算小辣，撈埋飯食一流！飲品就揀咗枝裝夏枯草，跟餐只係加$10，算平！2.清湯牛坑腩飯$108+凍檸茶$8（跟餐優惠）（9/10）呢個清湯牛坑腩飯入面有6舊牛坑腩，揀清湯反而食到牛味好濃，牛坑腩好淋，仲有3大舊白蘿蔔，3舊都好鬼甜又無渣，牛骨湯底好清甜，好好飲！飲品就揀咗凍檸茶，跟餐只係加$8，算平！3.炸魚皮+牛骨湯$28（9/10）呢碗炸魚皮份量超多，大約有15舊，有幾舊大到有成人手掌咁大，魚皮炸得好薄脆，仲附送一碗牛骨湯比食客點嚟食，呢碗湯原來清湯牛坑腩飯個湯係一樣，只不過係加

咖哩牛腩飯$64牛三寶河粉+水餃$72+$8咖哩魚蛋$42菜心$28熱西洋菜蜜+$5凍檸檬蜜 +$5好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：有日突然想簡簡單單食碗粉，路經灣仔這間店，見到近門口位貼了多張明星的相。郭富城、古天樂等等都有，估計食物應該會好好味，就決定一試。魚蛋跟牛腩的港式咖哩汁又香又濃，有點點辣，好惹味。牛腩和薯仔🥔夠腍夠入味。白魚蛋好障牙。牛三寶就是牛腩、牛筋、牛脷，全部都夠腍。牛筋富膠質，可補充骨膠原。加了$8要了2隻水餃🥟，皮薄而不爛，可以清清楚楚看到內裡的餡。餡料有豬肉、蝦🦐和木耳，吃起來特別爽口。河粉夠滑身。湯底不覺有味精。翠綠的菜心夠腍又甜甜的。另要讚讚侍應的服務，見我們二人點了數款食物，有主動給我們2隻小碗分食物。

Shangu cows are castrated when they are about 1 year old. The fat content of castrated cows is evenly distributed in different parts, giving the meat a fine marbled texture. They get slaughtered at about 4 years old when the ratio of meat to fat is the best. The daily supply is limited to 15 heads only and I was lucky enough to find In Beef that specializes in Shangu beef cuisine.Simmered Short Ribs - fresh and super tender. The fat and tendons melted in my mouth. Sweet soup base with a strong r

餐廳環境寬敞，座位多，坐得舒適。餐牌上有不同款式的牛腩麵、牛腩飯等，選擇不少。⭐️清湯崩沙腩飯$108點了一份清湯崩沙腩飯，崩沙是牛腩比較少有的部分，入口味道爽口，吃起來牛腩味道很突出。配上米飯很滿足。⭐️騸牯牛肉麵$108湯頭每日熬製18小時，沒有添加味精，味道清甜。騸牯牛肉是香港新鮮牛肉，牛肉偏瘦，但入口牛味濃郁，配料有蘿蔔、菜心、蔥花。加配了兩粒牛丸，咬下去很juicy，牛味很突出。⭐️本地菜心$28吃牛腩麵少不了一碟菜心，味道爽口。⭐️熱檸水$5⭐️凍檸茶$8

今天去左係灣仔既牛腩專門店，試左佢地既招牌菜牛腩 河粉。這道菜的牛腩煮得非常入味，口感非常嫩滑，搭配上Q彈的河粉，湯汁亦係冇味精，飲埋個湯底都唔覺得好頸渴。除了牛腩河粉，我地叫左個牛坑腩飯。這道菜既牛坑腩肥瘦相間，燉煮得非常入味，食起上黎非常有飽足感。飯粒也非常香，搭配埋個牛腩湯底，口感更加豐富。另外，小食方面叫左咖喱魚蛋。咖喱的味道非常濃郁，魚蛋也煮得非常入味。最後，我也試了他們的牛三寶河粉。這道菜的牛腩，牛筋，牛脷煮得非常入味，牛筋充滿骨膠原，牛脷亦都非常爽口，簡直係一間性價比超高嘅餐廳。

今日同朋友晏晝去咗食午餐 本身見中午時間冇乜人都覺得幾好唔使等 😁睇餐牌嗰時見到有好多唔同款式 最後叫咗個清湯牛腩飯$60 但個飯嚟咗之後得5-6舊牛腩 蘿蔔差唔多佔咗一半 🙁味道都係麻麻 份量同個質素都對唔住個價錢 好難想像如果再俾貴啲嘅腩飯會唔會都係俾得幾舊唯一覺得唔錯 就係個辣椒油 食起上嚟個辣味幾突出 最後兩個人埋單食咗$128 同一個價錢我覺得可以喺同地區有更好嘅選擇 本身都對呢間嘢有啲期望 點知最後係換來失望 有待改善

好耐之前食過一次，記得質素尚算正常，但今次食完之後，一定唔會再去食！平日下午lunch 時間同朋友黎食，因為想係灣仔附近搵間食牛腩嘅餐廳，同埋見佢唔洗點排隊，所以就入左去，點知就中左伏！同朋友每人叫左個$60嘅清湯牛腩飯，味道一般，唔係特別好食，但牛腩嘅份量實在太少，同價錢唔成正比，牛腩又細舊，又少(得4-5塊)，好唔抵食！一定唔會再黎食！味道好普通，又貴！飲品要另外加錢，凍飲加$5，熱飲加$3總共埋單$128

同同事嚟食，見唔使排隊行入嚟，點知伏咗63蚊（+$5伊麵）一個牛坑腩麵22蚊咁嘅質素！得兩舊筋，三舊腩，全部細舊仲要好硬！加咗$5叫伊麵，得兩啖， 以我食伊麵嘅經驗，得半個！食完仲撩爛咗幾支牙籤。凍飲，飲凍菜蜜，叫做正常，如果咁都唔正常都唔知可以點！同事叫嘅普通咖喱牛腩，仲硬到食唔落得啲咖哩汁正常！同侍應反映，完全無回應！總括：品質差，份量少！最後大家要行去買雞蛋仔嚟填飽個肚！埋單$68（$58+$5伊麵+$5凍飲）唔會有下下次！