最近同屋企人食呀爸生日饭，喺铜锣湾呢间食咗新出嘅「高原珍馐 宴彩云南」潮菜系列，真系有种一秒去咗云南嘅感觉🌄，个人觉得呢个云南系列 诚意十足👏。一坐低前菜就有「玫瑰洛神花百香果」🍹百香果肉同洛神花，味道酸酸甜甜，开胃到不得了😚！主菜「火焰烧汁云南鲜菌鲈鱼」🐟用咗云南鹿茸菌同姬松茸菌，鹿茸菌爽脆又鲜美，听讲仲对身体唔错💪。将新鲜菌子酥炸，再配埋炸鲈鱼最后淋上自家制云南风味酱汁，食落外脆内嫩，真系好味到停唔到口🤤。「新鲜姬松茸竹笙花胶羹」🍲，用咗姬松茸、诺邓火腿、竹笙同花胶，啖啖都系珍稀食材。诺邓火腿用咗千年盐井嘅盐腌制，竹笙滑溜，花胶胶质感十足，饮完成个人都觉得滋补咗😌。「金耳伴虾胶酿羊肚菌」🍄，金耳有「耳中贵族」之称，外形靓到好似金色花朵🌼。金耳放入南瓜金汤，汤汁挂满每一片，清甜又滋润。羊肚菌酿咗虾胶，一啖爽嫩，一啖软糯，层次感非常丰富😮。甜品「玫瑰花酱反沙芋头」🌹，系我最期待嘅，个人好中意食芋头。呢款芋头炒到干身，外层包住砂糖，咬落去有淡淡玫瑰花香，清甜又唔腻🥰。真系好推介。 成餐饭食到好满足，每道菜都见到主厨嘅心思同手艺👨🍳。云南食材新鲜又有特色，配合潮菜嘅烹调方法，真系食到唔同层次嘅味道👍。同埋餐厅环境都唔错，仲有包房可以同屋企人一齐喺度食饭，仲有啲私人空间添 。…查看更多
