潮味居潮州菜 (已結業)

今日有朋友生日, 冇idea去边食, 就拣左去食潮州菜地方唔系好大, 7PM去到, 好快就住爆全场, 听讲到book枱先食到一坐低就俾左d 功夫茶你饮, 先知原来食潮州菜前都会饮功夫茶一开始未齐人, 食左d小食, 个潮式豆腐干好正好入味白肺汤, 坐低冇耐, 老板话见我朋友有几声咳, 就叫左个俾我地, 第1次饮, 本身我唔系杏仁, 就觉得好臭, 不过d朋加话好好饮潮式鹅肝, 第1样点既野食系潮式鹅肝, 之前食过1次, 好好食, 原来食呢味最好订枱前留定要几多件, 因为卖晒就冇, 预1人1-2 件就够, 因为好腻的, 今次可能浸得耐左少少, 冇咁滑, 但都好好味秘制咸蛳蚶, 第2样必点一定系秘制咸蛳蚶, 蛳蚶本身系少少腥, 唔系个个食到, 不过食潮式蛳蚶既好处系佢殗到好咸, 食落去冇咁腥, 呢度殗得好入味, 食到停唔到口潮式卤鹅片, 几香, 味道岩岩好, 唔系太咸/ 浓味油泡鲜鱿, 炒得好香好入味, 但系好唔抵食, 成碟应该连一只鱿鱼都冇, 好似要成80蚊川味鸡球, 首先, 佢完全唔系川味, 第2, 整得唔系太好味炒豆苗, 完全冇味因为有朋友唔食得海鲜, 所以叫左个肉丝炒河, 同茶餐厅差唔多, 好普遍总括黎讲, 我觉得系几好食架, 不过系潮式野先好食, 其实野就麻麻地…查看更多

今日买料加𩠌！晚餐已经有菜及鸡肉，去呢间潮洲菜好耐之前食过堂食，已经觉得好好味，今日到呢度睇门口推介！本来想食卤水鹅，来到见到鱼饭又忍不住！问收银小姐要等几耐（我唔个系鱼饭，以为系热食嘅盐焗鱼）佢话即刻有！所以要一条外卖！（$128）收银小姐仲会问埋使唔使帮我切开起骨，我话唔使！卤水档师傅好小心剪一块保鲜纸，再包起条鱼，然后部长亲自入袋交比我！返屋企打开包装，自己切开起骨，鱼唔算好大条，幸好鱼肉有油香，点啲普灵豆酱食，好香甜！要赞系收银店员都好好礼貌！部长交鱼比我时，系双手交比我（唔系好虚伪好假𠮶只，系亲切嘅！）呢间系餐厅，唔系小厨，唔会粗声粗气，虽然在街市当中，但一啲都唔马虎，讲真服务好过好多大饭店！…查看更多

八珍豆腐煲用料非常丰富，有香菇，虾，鱿鱼，豆腐，猪肚，同猪肉。各种味道集聚交融，味道富层次，很惹味，上来时热辣辣，趁热好快食，冻咗会有d漏。最中意入面嘅猪肚，竟然爽脆依然，并不是想象中软软，一撇撇咁。春菜煲 春菜煮得太老啦，变晒色。里面有大量咸猪肉，搞到成煲菜十分咸。本来想点个菜，清淡d，点知成为最咸嘅菜。值得一提的是，里面嘅萝卜吸收咗咸猪肉嘅精华，咸淡刚好。盐焗乌头鱼本身无咩味嘅，蘸豆瓣酱食又太咸，因为其他野都太咸，索性直接食啦，真系鱼当饭。所幸鱼肉鲜嫩，新鲜，足矣。卤水拼盘好丰富，但都不是我爱食嘅野。有鱿鱼，五花腩，鹅件，红肠，猪大肠。浅尝了鱿鱼，发现尼间卤水比较淡，不会太咸，还若有若无的甜味。秘制香草炒圣子分量太少，不划算。而且所谓秘制香草，食起来也无咩特别。并不是店家拿手。胡椒猪肚汤未影像已经分晒，中挺之作啦，猪肚分量都够，一人两三块，不过汤本身就无咩味，好似滚汤罢了。…查看更多

是日朋友饭局，打算食潮洲野去！本来想去北角但又怕有排等位，就近近地去铜锣湾鹅颈桥，之前都食过一次。一行6个人早一日订左位，因为怕星期5无位。七点半到左都差唔多满坐。食潮洲野当然一定要叫鹅片拼豆腐同蚝仔粥，盐焗乌头。仲有唔系潮洲菜o既杂锦豆腐煲同鸡炒芥兰。鹅片拼豆腐两个都好够味，蚝仔粥d蚝仔都几大粒而且无沙。上寸已经帮我地打开左，条鱼本身无咩味，dip左酱就鲜味d。到杂锦豆腐煲入有有豆腐、猪肚、猪肉、生菜，虾等等。真系名符其实杂锦豆腐煲，大杂烩一样咩都有。反而芥兰炒鸡就唔系咁好食啦！D鸡好大阵雪味同白赖哂唔系好够镬气。…查看更多

犹记得上一回到潮味居时， "宽粉王" 因公事未能赴会，仅得老公与我撑台脚。而当晚正正又是老公、"宽粉王" 和我三人的原班人马，便决定再到潮味居品尝潮菜，将上一回未能完成的画面重新塑造。晚上8时40分抵达，甫进门女侍应便引领我们到所订的桌子，恰巧又是上一回的那一张桌子，大抵是缘份的安排吧！上回没有尝试的蛳蚶，当晚终可一试。用手打开蛳蚶的硬壳，一幕血腥的场面出现了。蛳蚶肉躺卧在壳子内，似是在淌血一样。吸血僵尸又怎会害怕血腥的场面，一手将蛳蚶送到嘴边，让牙齿把鲜红的嫩肉吸啜到嘴巴内，尝到鲜甜夹著潮式的蒜香、酒香、咸香与及香菜的味儿，尽露潮式的独特风味。连不喜爱生食材的 "宽粉王"，也尝试了不少，她也认为味道不错，相信不久的将来，她快要变成我们的同类 — 吸血僵尸！原欲尝试的杏汁猪肺汤已沽清，上回亦试过了咸柠檬炖野鸭汤，也许胡椒猪肚汤是唯一的选择。猪肚新鲜，咸酸菜富有爽劲、酸咸度恰好，而胡椒用量采中庸之道，适宜普遍的食客，也合夏天饮用。可惜是汤底的韵调也跟上一回的咸柠檬炖野鸭汤犯上同一弊病，就是不够丰郁，这点或许有待改进。也许我们用餐的时间晚了点，上一回盛赞的冻乌头又卖光了，于是要来了杂锦卤水拼盘。杂锦卤水拼盘包含了墨鱼、红肠、猪腩肉、鹅片、大肠和豆腐等，唯未尝到该卤水有何突出之处，味道平平而已。上一回的春菜煲给我们留下美好的印象，所以当晚再来一试。春菜煲水准依然，放入口中，春菜独有的香气随即在嘴巴里回荡，不禁令人神魂颠倒，再加上异常入味兼润滑的特质，潮味居的春菜彷佛是浸淫在恋爱中，然后细致地烹调出来，让人感到润润甜甜的满足感！配有白萝卜的春菜煲，亦是潮味居春菜煲的标志！几年前在另一家潮州饭店试过糯米酿大肠，那份美味仍留在记忆中！糯米酿大肠是一道手工菜，糯米既要烹调得甘香美味，质感也要做得软糯丰腴；若使用新鲜大肠的话，清洗工夫更是烦琐；在烹调方面，步骤亦少不了出水、蒸、煮、炸等，工夫多多，正要是考验厨师的一道菜式。端来时，糯米酿大肠香气不俗，放入嘴巴后，大肠皮带点软腍，明显香脆度不足。而肠内的糯米带香气、糯米不算过份腍软，做得还算可以，不过整体仍有进步的空间。到了此刻，我们三人都纷纷感到饱意，只是心灵上未能完全地满足。老公看到邻座的沙茶牛河，状甚美味，于是老公跟 "宽粉王" 打赌，要两人共分一碟沙茶牛河，输者要付钞结帐，想不到平日食量不大的 "宽粉王" 竟欣然接受。沙茶酱香气迫人，稀稠适中，不会太腻口，调味亦没有过浓，除了我试了一小碗外，剩下的都由两人吃光包办了。所以味佳的食物，绝对不愁没有捧场客。集合了原班人马，更巧合地坐于同一张桌子，可是菜式的不同，造就了不同的味觉感受。可能上一回的菜式实在太完美了，令那禾秆里的珍珠峰芒毕露，今回那颗夜了的珍珠显然有点累了！…查看更多