潮公館

喺油塘做嘢嘅我不时都会同同事饮茶我都试过好多间嘅饮茶可能好多都系屋村酒楼所以都唔系太好成但系潮公馆就10分唔错食完之后仲会有糖水送所以我都几钟意食埋个糖水就非常满足…Read More

今天中午原本想去客家好栈饮茶，之后经过潮公馆，谂住试下，点知就......唉！食物系一般，不过服务低劣。我们两个大人加一个3个多月嘅BB,佢话我哋坐卡位放唔到BB车。咁我哋就坐四座位方枱，拎开张椅放BB车。正常BB车一定唔会放走廊位啦！点知一个懒到出汁嘅四眼女经理嫌麻烦唔愿意拎开入面张椅，叫我放架BB车喺走廊，吓！上菜位㖞！佢话会喺另一边上，又话BB车放入面阻住另一枱客坐🙄我哋最终冇理佢自己拎开张椅放咗喺入面，但系一啲都冇阻住另一张枱。之后叫咗食物，食到咁上下，有位小朋友入嚟揾我哋，佢已经食饱唔系入嚟食嘢嘅，只系入嚟等我哋。过咗一阵，我哋食完叫埋单，我都估到佢会收我哋3位茶钱。茶钱$6一位，俾唔系问题，但系我问佢小朋友一入嚟坐到埋单都冇摆过位俾佢，咁都可以收茶钱同加一服务费😡有后生四眼男侍应出声话依家啲香港人特别钟意嘈哗！有冇搞错呀！咩服务态度呀！受气，野食一般唔好去！…Read More

住喺系油塘呢个美食沙漠, 潮公馆我基本上帮衬过超过十次,  食物味道算几好, 不过服务质素就一如既住差!! 员工个个都好似无带脑, 而且经常唔够人, 嗌极唔应,  一定要check单 (经常上漏菜之余但张单又照收你钱), 同经理讲完都系应完你就算, 今日去食晏叫六样野, 有四碟都攞咗去隔离枱, 佢第一次攞错已经同佢讲咗, 不过之后三碟都系照攞咗去隔离枱, 真系食到火都黎, 之后D野黎到一半, 嗌佢加碗白饭, 到D野食都差唔多上齐 (白饭未黎, 咁就追啦) 之后全部野黎齐而且差唔多食完(白饭都仲未黎, 咁就叫佢取消啦) 到取消咗 准备叫埋单 先攞碗白饭出黎比你 真系离晒谱, 员工之间零沟通 D经理又爱理不理,  呢间野即时blacklist 无下次!!…Read More

碟头细，味道ok.但职员少，叫一样做一样，想电视转台黎经理又话唔得，咁不如唔好摆部电视出黎啦。叫佢转台又串我地包场就可以！态度认真离谱。其他客都冇睇紧电视。以后都唔会帮衬！…Read More

话咁快到年中, 将会有好多家庭聚会的机会, 今次为大家介绍一下系"潮公馆", 现今市面上有无数咁多间 "X公馆", 所有都系较贵价及超精致的菜式, 但呢间"潮公馆" 系例外, 不但唔贵仲好抵食添.亲友无意中发现, 就在父亲节试一试.以HK$2000以下12位一席的价钱已好难揾, 虽然价钱好大众化, 但招呼一点不马虎, 每碟𩠌菜都好足份量, 唔觉有味精, 味道不俗, 但留意无包饮品, 只包茶芥及加一, 已经系物超所值. 因为菜式会每月作调整, 所以不会一一介绍, 可以睇下图片便知到"物超所值".改变了"X公馆" 一定贵价的定律.…Read More