影片
以上资料只供参考，请与餐厅确认详情
汉间 @ 九龙塘无聊过黎扮下大学生…估唔到呢个商场有间咁唔错既burger店…对上黎呢个商场真系咸丰年前…过到黎先发现原来系外卖店…不过…侧边巷仔有两张台…加上微黄灯光又几有feel…最紧要系凉凉地呢度个menu都几搞野…汉堡包以"间"做分类…除左有汉间…你有日间…中间…夏间…饼间同森间可以拣。唔同间都代表左唔同口味…最爱中间路线既me…拣左"中间"…**中间系麻辣代表…另一成因汉间唔好听**另外点左柚子和牛, 鸡肉牛油果沙律同炸单骨鸡翼。首先面包质感好松软…入面烘到微脆…块汉堡扒煎到好焦香。配埋芝士, 炒洋葱同埋有羽衣甘蓝…好有❤️"中间"既轻"麻辣"好惹味…有麻辣得黎又唔会过浓冧左burger应有味道。 有两块patty口感更加丰富柚子和牛…油香更浓…如果你like油香必点。 点柚子系好好既选择…因为柚子味可以中和番和牛既味道…烤鸡沙律…烤鸡份量好慷慨…重有牛油果…蕃茄…生菜…好味又健康炸单骨鸡翼…外脆肉嫩…个炸浆都做得唔错…单骨食起黎非常方便…我杯🍊🍋🍍梳打几好饮…无论配burger salad 或者鸡翼都好好味😌😌#相机先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去处 #汉间 #汉堡包 #burger #麻辣 #九龙塘
继续阅读
🪑今日熊妹放假，同树熊到九龙塘闲逛一下。走到浸会大学附近，建新中心有好多间餐厅，转角有一间汉堡包外卖店《汉间》有好多年青人在光顾，似乎是浸会大学的学生🧑🎓👩🎓？📌汉堡有牛、鸡、虾或者素菜选择，仲有沙律同小食，小食有薯条单骨鸡翼🐥、一口炸芝士🧀、吉列炸虾🍤等等，饮品除咗汽水🥤，仲有梳打同埋冲调咖啡，凡购买任何汉堡或沙律，所有饮品价都可以减$10。汉间（双层），$89当然先点个招牌「汉间」汉堡包，树熊咁大食，点个双层汉堡俾佢。大大一个汉堡包，入边有生菜🥬，炒熟咗嘅洋葱🧅，两大块安格斯牛肉汉堡扒🥩，夹杂着热熔芝士🧀，咸香嘅车打芝士溶喺汉堡扒入边真系滋味无穷，一口可以享受多重嘅味道就系汉堡包嘅美味😋。夏间，$89「夏间」汉堡系多咗烟肉同菠萝，称之为「夏间」系因为加入咗菠萝元素，带入清新嘅感觉，就好似夏日令人清凉快感。加入埋烟肉片🥓，多重烟熏嘅咸肉味，原片好厚切菠萝煎烤过🍍，有脆边，仲有热溶芝士同埋安格烧牛肉汉堡扒，有咗菠萝的清甜大减肉类的油腻，成个汉堡食落好fresh💫，好容易就可以K.O.咗成个包。安格斯牛温泉蛋沙律，$64食咗汉堡当然都要食返啲菜，中和下油腻，感觉多啲纤维都健康啲。蔬菜一盒都好多，好惊奇嘅系入面有火箭菜，食食下食到火箭菜嘅独特牛油香味，系熊妹的大爱。配料仲有熊妹最爱的蕃茄仔🍅，份量都好多，而主菜就拣咗安格斯牛汉堡扒捞温泉蛋🥚，熊妹系好钟意食汉堡扒，继续可以再食安格斯牛汉堡扒好满足。鸡牛油果柚子沙律，$88再拣咗鸡扒牛油果同柚子沙律，全部都系熊妹最爱嘅食材。份量真系多，鸡扒煎烤过，够嫩滑啖啖肉，半个牛油果🥑够熟透，柚子份量多够新鲜有爆汁，成份沙律都好够营养又唔肥腻，系减肥人士嘅恩物。薯条（细），$17薯条细份，份量都唔细呀，粗炸嘅薯片热辣辣，入边有薯仔肉，点茄汁🥫系最佳配搭。鸡翼加汽水，$30单骨鸡翼有四只，奇脆炸的鸡皮好脆口，拆去鸡翼骨，然后点埋泰式辣酱，一啖入口香口又好味！可口可乐青柠梳打，跟餐减$10，$23📌简简单单的一间汉堡包外卖店，有几张堂食吧枱仔🪑，期间都引来不少外国年青人来光顾，看来都好切合外国人口味。
继续阅读
最近去九龙塘睇戏，行到去侵会附近发现一间汉堡包小店叫汉间，主打汉堡包外卖，有少量堂食坐位。汉堡包款式不少，大大个，即叫即整，卖相非常不错，有牛、鸡、鱼、虾和素口味。酱汁有柚子、松露、山葵、麻辣、冬荫等，自家制酱汁，配搭都算多变化，除此仲有沙律小食等。日间（章鱼烧风味）单层$64 加薯饼和汽水$16洒满了轻薄的木鱼碎，遇到热气后摇曳飘舞，酱汁也特别选用特色大阪烧酱，牛肉汉堡扒口感扎实，保留著饱满肉汁，西日fusion却完全不违和，薯饼软绵中带颗粒感。柚子鸡$79加鸡翼和汽水$30包身烘焙出外层轻脆口感，内里松软有弹性，带有微甜牛油香，无骨鸡扒啖啖肉，酸甜果香的柚子酱中和肉食的腻感。单骨炸鸡翼香脆，肉汁丰富，点上酸辣酱，好惹味。山葵鱼单层$56炸鱼粉浆金黄松脆，里面包著嫩滑雪白的鱼柳，咬下去外脆内软，配合爽脆沙律菜、半溶芝士和清新辛辣的山葵酱，令人胃口大开。冬荫虾单层$79将鲜虾剁成泥、反覆摔打增加黏性，制成手打虾饼，内馅弹牙鲜甜，揉合酸中带辣的泰式冬荫功风味，香辣又惹味。芝士薯条细$35汉堡包配薯条可说是经典配搭，芝士融化后覆盖在薯条上，造出牵丝打卡效果，面层仲有粒粒烟肉碎。紫薯片配山葵牛油果酱细$35紫薯片天然甘甜清脆口感，可以点上浓滑微辣的山葵牛油果酱，味道出色。
继续阅读
呢间汉堡包小店系小编朋友推介，大赞佢哋嘅汉堡包和沙律，小编搭巴士经过就买咗同屋企人一齐食。麻辣虾见到网上有人推介呢款麻辣虾，小编作为虾控都点嚟试一试。虾饼超厚，是平时食到的两倍，虾味十足。相比起辣味，佢既麻椒香味更重，所以不太吃得辣的人都可以食到。新鲜的蔬菜亦中和了麻辣味，令整体风味更平衡。饼间汉堡包非常松软，呢款口味啱晒重口味人士，在汉堡之上加薯饼和黑松露酱，即叫即整嘅关系薯饼炸到脆卜卜热辣辣，增加汉堡包的口感。芝士薯条满满的薯条，淋上大量芝士酱和烟肉碎。薯条炸到脆卜卜，所以即使淋上芝士酱亦保持香脆。大推！紫薯片配山葵牛油果酱第一次见汉堡包店有紫薯片提供，紫薯片炸到非常干身，一点都不油腻，散发淡淡紫薯香，点上山葵牛油果酱，令平淡的风味添了点辛辣，好有特色。牛油果苹果柚子沙律意想不到的好食，以汉堡包为主的小店，沙律亦极高水准，食材新鲜不在话下，酸甜清新的柚子沙律酱，令所有食材都融合埋一齐，令不太好沙律的小编都忍唔住一啖一啖吃光了。Mocha 、Peach soda 饮品发挥正常，前者咖啡香味浓郁，后者酸甜爽口。整体完全感受到小店的用心，从小店的名字到每一样食品，都见到小店的努力，足料和新鲜的食材是佢成为人气小店的原因。
继续阅读
柚子鸭胸沙律🥗佢个柚子酱酸酸甜甜 入面仲有啲柚子肉柚子肉劲甜 完全唔酸重点系个鸭胸 外皮几脆 入面啲肉质唔会柴几嫩口 唔会太熟 啲肉汁捞埋沙律劲好食😋紫薯片配山葵牛油果酱炸得几薄脆 唔会油腻👌🏻重点真系个酱 我自己觉得佢偏重WASABI牛油果相对冇咁重 所以食落系辣辣地点埋紫薯片甜甜辣辣 值得一试
继续阅读