漢城美食

营业中

休息中

金巴利道多野食就緊左架啦🤣特別係韓國餐廳🍴有時花多眼亂都唔知揀邊間好😆今次就比呢間餐廳外牆既油畫🖼️同埋道桃紅色既門吸引左🤩😋芝士雞翼+年榚雞翼炸得好香脆，個炸粉又唔會太厚😀年榚夠煙靭😊再加上芝士粉🧀一齊食好似食shake shake薯條咁🤣😋香辣豬肉飯卷餡料好豐富😊豬肉辣辣地好惹味😀份量啱啱好😗😋炸醬麵炸醬汁份量好多撈埋啲麵到令到每一條麵條都可以掛到汁😊而且麵條都煮得好彈牙😍味道好正宗🤓😋韓式年糕拉麵呢個菜式有年糕之餘，又有魚糕仲有拉麵添呀🥳幾開胃呢個辣度啱哂食開10小辣嘅我😆

🤩 尖沙咀隱世韓式料理，正宗到以為自己去咗首爾！🌏呢間韓國餐廳已經喺區內屹立咗 24 年，老字號真係有佢厲害嘅地方！價錢親民，環境舒適，座位仲好寬敞，約埋朋友或者一家人嚟食飯都超級適合 🍽️🥩 韓式豬手（半隻 )🥩 一上枱已經聞到陣陣香氣，皮層軟糯帶少少膠質感，咬落仲有 QQ 彈牙嘅驚喜，肉質嫩滑，完全唔會有肥膩感 ✨ 蘸上醬汁，再用生菜包住食，口感清新得嚟又可以中和濃味，簡直係完美配搭！🍲 年糕人參雞湯 🍲 熱辣辣嘅雞湯，入口鮮甜濃郁，一啖落肚即刻暖笠笠 🥰 年糕煙韌有嚼勁，再加上人參嘅滋補效能，特別適合忽冷忽熱嘅天氣飲番碗，暖胃又暖心 💕🍶 生米酒🍶 呢杯米酒真係大發現！微甜帶少少酒香，好易入口 🫶 飲落帶少少氣感，好似汽水咁特別，仲有濃濃嘅米香 🍚 原來有 6% 酒精度，啤酒 level ！配埋韓式料理，韓味直接拉滿 🎉呢間韓國人主理嘅地道美食絕對係一個唔會錯嘅選擇 👌唔止有招牌菜韓式豬手，仲有石頭鍋飯、燒肉、各種地道韓式料理，選擇超級多 🍖🍚🍜

尖沙咀呢間韓國餐廳係由韓國人主理，菜式好味又正宗，種類選擇都好多，已經encore過幾次架啦😋餐廳入面環境乾淨，坐得好舒服，好岩一大班人gathering 傾計食嘢☺️👍🏻學生黎食仲有優惠，真係好抵食⋆🍜炸醬麵 $89炸醬麵既麵條煮得剛好，口感彈牙，搭配濃郁的炸醬，味道醇厚👍🏻味道好地道😋⋆🍗蜜糖蒜蓉雞翼4隻 $58外皮炸得金黃酥脆，肉質鮮嫩多汁，加上蜜糖醬，好好味👍🏻蒜蓉既香味都恰到好處，好惹味😋⋆🌯牛肉紫菜飯卷 $84飯卷用料豐富，除咗牛肉仲有小黃瓜，蛋絲，蘿蔔絲同菠菜，一齊食完全唔油膩，份量亦都好多🇰🇷⋆🌶️拉麵炒年糕 $95炒年糕絕對係韓國街頭小吃的代表😆年糕同拉麵煮到好煙韌，配上蔬菜同魚糕，醬汁微辣，年糕吸收晒醬汁既味道，食落每一啖都好滿足👍🏻

漢城美食 @hansunghk 📍：香港尖沙咀金巴利道74-76號地舖🚗：佐敦地鐵D出口 步行10分鐘📞：+852 2375-5055💲：~HKD150/head for dinnerFood quality👌🏼：Honey Garlic Half Chicken, Spicy Pork Hot Pot Rice + Soup, Can Beer總結：🤔尖沙咀韓國街韓式🇰🇷餐廳多不勝數 今次試咗間有啲名堂嘅老店 屹立不搖多年自然有佢原因 🤔韓食料理選擇多 部隊鍋 肉類 炸雞 炸雞翼 韓式套餐 石頭鍋飯 飯 湯 麵 飯卷同煎餅🫓 總有一樣適合你🤔試咗蜜糖蒜蓉炸雞🍗有得叫半份對二人行非常友善 份量都唔少 如果炸得脆啲會更開心🤔另外試咗辣豬肉韓式石頭🪨飯 都係足料大碗仲送埋紫菜湯🤔飲品佢哋得酒類 米酒 燒酒同啤酒 試咗韓式啤酒🍻比較易入口😨員工態度友善啲會更好 衛生都可以更好

開業24年嘅漢城美食真係尖沙咀一個唔可以錯過嘅韓國菜老字號😋佢哋嘅菜式種類繁多，從石頭鍋飯到燒肉，仲有超好味嘅人蔘雞湯😋餐廳由韓國人主理，味道正宗😛環境舒適，坐落於金巴利道，位置方面，真係好適合約朋友一齊享受美食！✨年糕人蔘雞湯人蔘味濃，非常足料，年糕配埋白飯食落好夠飽🍚🥣 韓式豬手嫩滑入味，搭配生菜食落爽口又唔膩🥬🍖美食配埋生米酒，真係無得輸🍶！ #香港韓國餐廳 #尖沙咀美食 #尖沙咀好去處 #香港韓餐#韓式料理 #漢城美食

黎到尖沙咀既韓國料理店鋪 基本上行過呢條街都會見到好多韓式店鋪~不過見到呢間鋪頭裝修好有特色，環境乾淨企理，感覺坐得舒服就入左去試😙先黎既係韓國配菜，基本上如果去韓國都會有～（芽菜、泡菜）呢間係韓國人主理，叫既每一款都好好味🫶🏻估唔到香港都有正宗既韓國味道食到👅🔵吞拿魚飯卷韓國飯卷之中除左牛肉飯卷，最岩我口味既就係吞拿魚飯卷！餡料非常足料，份量同朋友share亦都好足夠～🔵韓國炸醬麵韓國既主食一定要提到炸醬麵~啲麵既質感好彈牙，撈埋醬汁非常滋味！🔵年糕炒麵非常推薦既主食！！！香濃醬汁加埋彈牙既年糕，食落小小辣，好過癮～🔵醬油雞翼趁熱食非常正！底下仲有醬油，非常足料~同屋企人食係啱晒，因為可以每份叫啲一齊share🤣🤣🤤

十幾年前我已經來過這間由韓國人主理的韓國餐廳，那時候已經係尖沙咀區最抵食嘅韓國菜。今日同先生經過，忍唔住再入去重溫一下回憶。餐廳翻新過，環境好乾淨，坐得舒服，枱與枱之間都有空間，仲有大枱可以坐十幾人，感覺好親切。我哋點咗半份🏅蜜糖蒜香炸雞，外脆內嫩，甜甜地帶少少蒜香，好開胃；仲有🏅辣豬肉韓式石鍋飯，熱辣辣送飯一流，鍋底飯焦尤其煙靭好味；配返支冰凍韓國啤酒，簡直係完美嘅晚餐。多年後再嚟，味道依然令人滿意。

漢城美食位於香港尖沙咀，是一家以韓國料理為主的餐廳。這裡的氛圍充滿了韓國風情，讓人仿佛置身於首爾的街頭。餐廳的裝潢簡約而不失典雅，燈光柔和，座位舒適，讓人感到非常放鬆。餐廳的佈置精心設計，牆上掛著韓國傳統的裝飾品，增添了不少文化氣息。首先，前菜泡菜非常開胃。泡菜的酸辣味道恰到好處，既不過於刺激，又能激發食欲。泡菜的質地脆嫩，每一口都充滿了韓國料理的獨特風味。服務員在上菜時會詳細介紹每道菜的特色，讓人對即將品嘗的美食充滿期待。接下來是主菜芝士炸雞。這道菜的外觀令人垂涎欲滴，金黃酥脆的外皮包裹著嫩滑的雞肉，再加上濃郁的芝士，口感豐富。每一口都能感受到芝士的香濃和炸雞的酥脆，絕對是芝士愛好者的最愛。服務員在上菜時會細心地詢問客人的口味偏好，並根據需求調整菜品的味道，這種貼心的服務讓人感到非常溫暖。石頭飯拌牛肉也是一道不可錯過的美味。石頭飯的米粒飽滿，拌上嫩滑的牛肉和各種蔬菜，色香味俱全。牛肉的鮮嫩和石頭飯的香氣完美融合，讓人一口接一口停不下來。服務員在上菜時會耐心地解釋石頭飯的食用方法，並提供額外的配料，讓客人可以根據自己的喜好進行調整。最後，搭配一杯冰涼的Cass啤酒，為整頓餐點畫上完美的

🔸醬油蟹+紫菜飯團 $190🔸年糕人蔘雞湯 $119🔸生米酒 $105-假日嚟呢度享受一餐由韓國人主理嘅正宗韓食，漢城美食菜式種類繁多，絕對係味覺同心情嘅雙重享受！ 首推招牌菜「醬油蟹+紫菜飯團」，橙紅色嘅蟹膏同埋蟹肉浸滿醬油嘅鹹香，入口即化每口都鹹香鮮味！配埋紫菜飯團軟糯，白飯配以紫菜同麻油，就咁食同配蟹肉食都一樣咁正！年糕人蔘雞湯，雞湯鮮甜濃郁，年糕軟糯，配埋人蔘嘅滋補效果，忽冷忽熱嘅天氣飲返碗最舒服。 最後，唔少得韓國經典飲品「生米酒」，微甜又帶少少酒香，好易入口，仲有股濃濃韓國風情，滿足晒正宗韓味。

呢度係2001年開鋪既老字號韓國菜，算係尖沙咀區開得最長時間，同區最經濟實惠既餐廳之一。呢度既環境整潔，座位寬敞，好適合家庭聚餐，而且菜式種類繁多由韓國人主理，美味正宗韓國料理。我地叫左呢度最出名既醬油蟹，蟹膏好多仲要醬油味濃郁。燉牛尾湯，牛尾好多塊，熱辣辣滾湯飲落好温暖仲有將飯放入湯度更正。瑪格烈米酒配韓國菜係最夾既，甜甜既口感易飲又好味。#香港韓國餐廳 #尖沙咀美食 #尖沙咀好去處 #香港韓餐 #韓式料理 #漢城美食

朋友介紹，尖沙咀有間韓國餐廳，由韓國人主理，正宗好味韓國料理 。2001年開到依家，係區內開店最耐，而且算係經濟實惠既店舖。菜式種類繁多，環境整潔，座位寬敞，適合朋友、家庭聚餐。韓式豬手（半隻）$168
呢份韓式豬手好多枱都有叫，睇黎應該係其中一款招牌菜，豬手燉得軟腍入味，入口即化，皮層軟糯，帶少少膠質感，咬落QQ彈牙，肉質嫩滑唔會太肥膩，蘸上醬汁再包埋生菜一齊食，平衡晒豬手嘅濃味年糕餃子湯（配一碗白飯）$98
湯頭係紫菜蛋花湯，清甜得黎帶點鮮香，年糕片咬落軟糯中帶點彈性，吸晒湯汁嘅清甜，餃子大大隻皮薄餡靚，配上一碗白飯，湯汁撈飯食都好滿足生米酒 $105
生米酒入口帶點微氣泡，口感清爽，像飲汽水咁，但又有米嘅淡淡甜香，味道清甜唔膩，微微嘅酒精感好輕，飲落順滑又易入口，配搭辣嘅韓國菜食啱晒📌漢城美食 (尖沙咀)地址：尖沙咀金巴利道74-76號地舖#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店

話說我好多年前已經食過漢城美食，今日行過金巴利道，竟然發現佢仲喺度！😍 即刻入去回味一下！呢度咁多嘢揀，總有一款啱你口味！😋韓式牛肉炒烏冬 🍜🥩個牛肉炒烏冬夠晒爽身，牛肉入味！🤤 食落好惹味，正！👍蜜糖蒜蓉炸雞 🍗🍯🧄呢個炸雞真係必點！😍 炸到金黃香脆，但係又唔會覺得熱氣！雞脾肉好多汁，蜜糖蒜蓉味又夠晒香，忍唔住即刻叫多罐啤酒嚟開心下！🍻香辣魷魚石頭鍋飯 🦑🌶️🍚石頭鍋飯熱辣辣，將啲飯、魷魚同埋醬料撈埋一齊食，真係好香口！😋 有少少辣，怕辣嘅朋友仔就要留意啦！🌶️ 不過我就覺得辣度啱啱好，好開胃！👍總之，漢城美食真係開飯嘅好地方！👍 佢哋有好多嘢揀，價錢又合理，一定有一款啱你心水！下次再嚟試吓其他嘢先！😋漢城美食地址：尖沙咀金巴利道74-76號地舖 📍 📸

這間韓國菜歷史悠久，喺香港有20多年歷史。加上韓國人主理，可以說是傳統正宗韓國菜，有韓國街之稱嘅道金巴利，有好多不同韓國餐廳選擇，這間非常適合聚會，座位空間寬敞！今次兩個人點了四款韓國傳統美食‼️韓國炸醬麵麵條質感很像烏冬烏冬，柔軟彈牙。醬汁濃稠，拌以豐富洋蔥椰菜，撈埋一齊食非常惹味👍🏻‼️牛肉飯卷紫菜包住很多材料，一整條可以足夠四個人食🤭‼️甜辣雞翼醬汁甜甜辣辣好開胃，外皮炸得鬆脆，雞翼超大隻，均勻地沾上醬汁！‼️年糕炒麵雖然食咗好多澱粉質，但係呢個不能錯過。每條年糕都煙靭掛上香濃醬汁，😋成碗連汁食晒。每款菜式都經濟實惠👍🏻

理大老友又帶我搵食🙂‍↕️🙂‍↕️🙂‍↕️今次去漢城美食食韓國菜！環境好有韓國vibe🤭staff都係正宗韓國人my first soy crab in my lifeee!!!人生第一次食醬油蟹🦀用甜豉油醃製🫙爆多蟹膏🤩與紫菜飯攪拌均勻後食用🤤連唔鐘意食蟹嘅朋友都覺得好味😎原來一啲都唔腥好易入口！呢幾日天氣咁凍😝食湯飯就係皇道🙂‍↔️牛尾湯幾足料🆙湯底都幾清🥣有近十舊牛尾骨🦴非常足料👍🏻胡椒味濃都幾開胃！菜式都有好多種類，總有一個啱心水😗食韓國野米酒是必須的！🍶

🇰🇷尖沙咀有不少韓國餐廳 但最鍾意都係佢地 餐廳外牆最吸晴🤩 餐廳入面闊落又整潔👍🏻 燈光柔和 坐得舒服 而且都幾多款式 每人大約百幾蚊😙 價錢又合理🤗 😊兩個人叫咗⭐️半隻蜜糖香蒜炸雞 蜜糖味夠晒香甜可口 加埋蒜香更惹味😋 雞肉都幾嫩滑 呢個口味唔會太漏🙂 下次可以再encore 另外再叫咗一個⭐️石頭鍋牛肉飯 凍凍嘅天氣最啱食熱辣辣飯 牛肉份量充足😍 加埋配料 韓式醬撈埋一齊食 真係特別開胃🤤 味道口感都非常豐富😙 再嚟⭐️一樽CASS啤酒 絕配 啤酒非常易入口🍻爽口嘅口感 好啱配炸雞 石鍋飯 簡簡單單又一餐 滿足🧡