漁樂 (曼坊)

营业中

休息中

星期日好遲起身，就同屋企人食個tea。四個人都係叫金邊粉，兩個清湯，兩個冬蔭公湯底。份量係夠一個人食嘅，清湯偏淡，我家老人家要加魚露；冬蔭公湯，有小驚喜，有香味，有辣味（微辣），有少少酸。❗️注意：湯麵會跟大量生洋蔥（有一缽仔糕size嘅份量）同芫茜葱，唔食嘅記得走。❗️越香魚片扎肉頭湯粉。金邊粉。清湯（下午茶餐）$35可能係下午茶，比較平，料都比較少。老人家話只得魚片頭、扎肉各兩片。越香雙丸湯粉。金邊粉。清湯（下午茶餐）$35雙丸係指牛丸同豬丸，兩粒豬丸，一粒牛丸開半，加埋即係三粒，又的確有啲少。冬蔭公什菌湯粉（單點）$49哩碗正常好多，啲菇有炒過。淡淡都食到菇，仲可以share。冬蔭公魚片頭湯粉（單點）$53魚片頭，其實係魚片頭+魚片，共六片。屋企人覺得片頭係食得過嘅，有魚香之餘，都有口感。［相入面係走左青嘅version］

曼坊商場規模雖然不太龐大，但食肆款式多，有日本餐廳、中式酒樓、上海菜館、還有這間東南亞餐廳等等。這餐廳設計頗有特色，座位寬闊，菜式大部份都味道濃沃， 主要圍繞咖哩、 喇沙、小炒、金邊粉、焗飯…… 今次午餐惠顧紅咖哩焗魚塊飯及海南雞雞油香飯，焗飯芝士多， 紅咖哩非常香，配上吉列的魚塊，超級好吃。不過魚塊下的飯醬汁較少，建議請職員添加紅咖哩汁。朋友吃的是海南雞飯，飯有少許咖哩味，海南雞也很嫩滑。餐飲除可免費選擇普通的咖啡奶茶外，還有熱檸蜜、朱古力、好立克等。餐廳整體環境食物質素都很好，價錢可以接受，不需要加一服務費。下次會再嘗試其他菜式。

兩人晚餐。其中點咗三色丼同豬肉鍋。好好食，價錢不會叫平，因為係香港地平均都唔會食到抵食壽司。呢餐算係咁，個飯魚生都新鮮，加個鍋，湯底都幾好。地方還好，聚腳不錯。另外都叫咗軟殼蟹牛油果壽司，不過無影相，味道都唔差。

慶祝新年所以去了一試這間店。看廣告主打是海南雞飯，從Open Rice 中得知一般，但媽媽想試，我們就點了一個海南雞飯的二人套餐。當天沒有很多顧客，打電話去訂檯但職員說不用訂位。果然，這個海南雞飯真的不行，我們那碟雞太肥，沒很多肉，但一讚是調味醬汁，非常好味，所以拿來點其他菜餚。芥蘭片薄入味，容易0趙。 個人比較喜歡另外點的黑醬牛油雞翼。

最近銀聯既雲閃付有優惠，去漁樂食滿$30可以減$20,基本上一個人去食個lunch set 點都過$30, 所以都幾抵佢啲lunch set 都離不開豬扒、雞扒、魚柳，開用唔同既醬汁，就變左好多款食物，所以其實只係有個好包裝既頹飯，不過喺美孚區無乜選擇同埋有優惠既情況下，間中食下都無妨而我就覺得佢既豬扒係做得唔錯既，唔會乾，煎得夠香，而且流心蛋真係有流心效果！不過個沙嗲汁就唔係太食得出係沙嗲味，之前食過咖喱，味道比較出色，但可惜食咖喱就無蛋。

和老公到漁樂吃晚餐，在店門外看到有二人餐的菜牌，就決定一試。二人餐包括海南雞、沙嗲雞肉串、肉骨燉湯、蔬菜（三選一，我們選了飛天通才），還有白飯兩碗。首先送來的是湯，這湯淡而無味，不喝也罷。接着送來的是海南雞和串燒。海南雞十分嫩滑，配上店家的秘製醬汁，真的十分美味。串燒雞肉的肉質也嫩滑，配上沙嗲醬，亦美味無窮。至於飛天通菜，可能通菜在冬天並不合時，所以菜較硬。吃過這晚餐，我們會再光顧，不過不會再點這二人餐，反而會再點海南雞和串燒，並嘗試其他的食物。

喺美孚開咗新越南餐廳依家終於有機會黎試吓，今次嚟到是下午茶時間，雖然是星期六但人不是很多，黎到唔需要排隊就有卡位坐。叫咗碗特色牛河同焗豬扒飯，大約5分鐘又可以見有得食，一上枱已經聞到牛嘅香味，先是一啖湯，但感覺鹹咗一啲，但充滿牛味。豬扒飯因為係焗所以要等耐少少但係大約10分鐘到已經可以食得，服務員好細心提醒我哋唔好掂到碟，以免燙傷。依個豬扒飯看似很細，但好多汁同埋芝士都好多，所以建議可以先撈左飯然後再慢慢品嚐，豬扒都有四件左右，肉夠哂林好香口。

First time trying out the fusion restaurant in Meifoo. We arrived at 7pm but there's a long queue outside already. After 30 mins wait, we finally can go in and start eating.烏頭: 等候時候比較長，差不多吃完其他餸先到。魚煮得熟左啲，有啲乾，不過還可以接受。茄子牛肉粉絲: 幾夠火喉！不過偏油馬拉盞通菜: 味道正常，都係偏油。海南雞半隻: 肉質幾滑，有雞味。值得推介！

漁樂的食品一向不俗，而且在星期六日也有午餐供應，價錢不貴，所以就來這裏吃午飯，我們點了海南雞飯和越式牛河。海南雞飯的雞嫩滑，飯很香，好吃。越式牛河的牛肉也嫩滑，湯香濃，河粉也很滑。由於覺得好吃，所以後來還叫了一個海南雞飯外賣，帶回家給家人吃。不過外賣的份量較堂食少，特別是那杯凍檸檬茶，太細杯了（忘了拍照）。

星期六我哋好多時都喺出街食早餐，午飯就留晌屋企煮；今次就相反，朝早就晌屋企煮早餐食，晏晝飯就近近哋落去曼克頓山嘅「漁樂」搞掂。正正因為上次去過「意樂餐廳」，見隔離呢家「漁樂」新開無耐，又幾多人幫襯，故此，有啲興趣嚟試試。環境同隔離嘅「意樂餐廳」幾相似，地下鋪上花磚，裝修帶點工業風嘅感覺。晌門口已見到大大隻霓虹光管字寫住「Asian Food」，所以，翻一轉餐牌，就見有唔少不同東南亞國家嘅菜式，單以午餐而言，選擇十分之多。而所有菜式都包基本餐飲，但亦可以加錢轉為特飲，或配小食、配甜品。順帶一提，基本餐具都已經放晒晌枱面，自由取用。越香扎肉魚片頭湯河 $49老婆一向喺湯米、湯河支持者，見佢有條「魚仔」標誌，應該喺廚師推介之類啦。份量就好夠喇，仲鋪咗唔少紫洋蔥及金不換添，扎肉及魚片頭都交足貨，前者幾爽口，但後者似一般炸魚片，非魚片頭，還好嘅喺幾爽，有魚味，河粉亦夠滑溜，湯底就普通啲，幸好無偏鹹嘅問題。泰正金不換炒金邊粉 $56以小煎鑊盛載，幾有心思，但最特別喺配料，初睇表面，有啲辣椒乾、花生碎、青檸、沙糖放晌4邊，加上粉內有點豆腐乾及泰國臘腸，算預3弟見識少，呢個配搭我都喺第一次試，整體味道

同事鍾意食海南雞，所以呢期成日來新開幾個月的漁樂。今天運氣好，可早一點放lunch，早點來，不然的話一定要等位等很久了。同事點了海南雞，係幾滑，跟油飯惹味！如果慳十蚊就食海南雞湯河！不過比起飯小D鷄同埋位置冇飯D咁靚！我就第一次試冬蔭公香茅豬扒金邊粉，濃味啱我，豬扒都啖啖肉！最估唔到不杯熱斎啡啱曬我，晤駛加錢飲即磨晤酸，good!之前食都要等一輪位，今日walk-in有位！大家都食得開心，希望餐廳加油keep住quality la!

曼坊開咗兩間新餐廳，今日 lunch 試咗漁樂。先講過冬陰功魚片頭金邊粉， 一上碟， 見到大量魚片頭，起碼有九至十件。另外亦都鋪滿咗洋蔥，我好鍾意。 不過冬陰功湯底唔夠辣， 熱度都唔夠。另外叫咗海南雞飯，叫咗白飯冇食油飯。雖然啲海南雞係冇骨，但係我有少少失望，因為鷄皮多過鷄肉。唔夠肉食好似唔夠飽咁。另外餐牌有啲追加小食，我就加咗 $13 追加兩隻炸雞翼。 鷄翼係新鮮炸出嚟，自然好食。咁嘅價錢，食物不太差，環境又舒服，美孚多了一個揾食新選擇。

座位算多嘅， 但係 嘢食質素好一般同埋啲員工嘅態度唔係咁好， 價錢嚟講亦都唔係平。佢啲意粉嘅味道唔太好食，如果有得揀都盡量唔會揀佢… 港食物質素而言某大品牌薩XX 都好食過佢，且價錢又平過佢…

原本系759舊址的地方開左新的餐廳，入美孚運動又多左個食飯的地方，真系太好了，美孚實在太少餐廳了，食來食去都系那幾間。今天系打算食個下午茶，下午茶幾抵食，加十蚊有手抓餅。于是就坐低試下啦。要左杯西洋菜蜜。熱飲來架，飲一杯幾舒服既。泰式咸肉炒飯，可惜不夠乾爽。而且咸左d,飯底太多油，呢個餐系失敗的，早知點其他野食了，得個米飯，仲要晤爽，送不多，好單調。手抓餅就幾好，夠酥，好多層餅，鬆鬆軟軟，幾好味。

越香魚片頭扎肉湯金邊粉- 湯底清徹鹹香帶白胡椒辛香，蔥花、芫茜新鮮添香，九層塔新鮮芳香，炸蒜香甜不嗆，薄切紫洋蔥幼細清甜討好，一小片青檸為湯底上一份清香- 魚片角香口不油膩，札肉內有軟骨、脂肪粒及黑椒粒，肉片爽中帶脆，討好- 金邊粉腍滑吸湯