滿粥順德粥底海鮮火鍋

唔系食过好多次粥底火锅🍲一只手数晒，不过今次真系体验真系唔错！三个人叫多两渣饮品，加埋1之后平均每人$282 x3 已经食到鱼虾蟹带子鲍鱼😝仲可以自选6款食物，肥牛、猪腩片、鲜鸡、10几款蔬菜、肉丸类及云吞，仲可以追加不同的海鲜！佢哋会比埋计时器倒数食材的煮食时间，保证食到每样𩠌最鲜味嘅时间。砂白好大粒👍🏻肉厚、带子又系劲大粒。蟹同埋虾都好大只多肉，超鲜甜，上枱俾人㓥开一半都仲郁紧🫣，差唔多半只手咁大嘅鲍鱼非常弹牙。墨鱼丸多肉，口感爽弹肥牛唔大片但系唔系啲cheap牛肉一掂水就缩埋一旧。另外要赞下佢哋嘅前豉油真系唔错，佢哋调味料唔多，如果想食鲜味嘅话真系乜嘢都唔使落已经好够豉油，只系锦上添花。最尾整返个粥底入晒味嘅汤底煮粥埋斋😍…查看更多

今次嚟到呢间位于大角咀嘅粥底火锅店 估唔到$218就试到7款海鲜！！🦞海鲜套餐包七款海鲜，主茶有得简肉蟹/膏蟹/龙虾🦀仲有虾、鲍鱼、生鱼片、大圣子同两款蚬 🐟今次试左肉蟹 真系超厚肉超鲜甜！😋😋见到收银台后有自家鱼缸养住啲海鲜，够晒新鲜！！！份量恰到好处，食完觉得满足又唔会太腻🥩 其他配料有超过20款配料可供选择，可以自由搭配6款最推🍄‍🟫松露香菇贡丸同🐄酱爆濑尿牛丸😋咬落去真系会喷晒汁！！！我地仲叫左手工鲜虾云吞、美国肥牛、黑毛猪腩片同响铃整体质素虽然冇太大惊喜，但用料唔系cheap野🍲 粥底加料火锅尾声，店员会将南瓜、芋头、玉米同猪油渣加入粥底，慢煮至浓郁鲜甜呢个粥底真系全晚嘅亮点，粥香浓滑，带住啲海鲜嘅鲜甜，食完真系超满足～～～…查看更多

位于大角咀嘅常满，虽然地点好隔涉，但系我觉得佢比同类型嘅其他连锁店更加高质。佢有得拣唔同类型嘅海鲜套餐，我哋通常都会拣龙虾餐🦞。除咗龙虾之外，另外都仲会有六款唔同嘅精选海鲜，仲有得自选六款火锅配料。首先，店员会上咗唔同种类嘅海鲜俾我哋先，见到我哋海鲜食得7788就会将我哋拣咗𠮶六款配料俾埋我哋打边炉食。到最后店员会帮我哋将南瓜芋头放落个已经充满海鲜精华嘅粥底度煲粥食🍲🦪🐟啲海鲜好新鲜，全部都系老板每日见到边啲新鲜边啲靓边啲当造先至拣𠮶啲做当日嘅精选海鲜。🦐啲虾上到枱嘅时候啲脚仔都仲郁紧，而且龙虾都好大只啖啖肉。🥟🥬🥒其他火锅配料全部都好精致咁帮我哋分好咗一碟一碟（有好多餐厅真系是但堆埋一碟就上枱㗎啦），虽然睇落份量唔多，但系胜在可以每样食啲乜都试吓。其实当食晒所有海鲜同埋配料之后都已经好饱，个粥成日都会食唔晒。不过呢度老板会好贴心咁样问我哋需唔需要将啲粥打包拎走，唔好浪费。…查看更多

港人 一年365日都打边炉 近排天气凉返 突然好想食粥底火锅 畀我起openrice上面 揾到呢间小店佢最主打嘅系龙虾餐同肉蟹餐 双拼都可以 不过由于去食之前嘅一晚食咗龙虾伊面 所以最后尾拣咗肉蟹 可以加钱变膏蟹套餐入面有六款火锅配料可以自己拣 都系基本嘅肉呀 丸呀 蔬菜类 我哋嗌咗 鸡件 莴笋 两款丸 其中有个高度推介 酱爆 濑尿虾丸 一咬落去真系好似 电影咁样啲汁爆晒出嚟食𠮶阵小心辣亲 仲有腐皮卷 淮山 佢本身套餐配嘅海鲜都好丰富 蚬有两款 一大一细 煮到开口就食得 只只胀卜卜 有鲍鱼 好弹牙 成只放入口过瘾 有鱼片 虾 圣子煮到离壳 好鲜 不过唔知渌几耐嘅朋友唔需要担心 因为佢枱面上𠮶张餐纸 已经写好晒各种食材需要煮嘅时间 跟住佢嘅教学 时间 就唔怕啲海鲜唔熟或者煮到落过火 当你食晒所有海鲜同埋啲火锅配料之后 成晚嘅精华就喺呢个汤入面 店员之后会帮你 加蛋 萝卜粒 粟米 加粥 煮起又绵 超甜 其实两个人应该系食唔晒d粥 本身食完d𩠌已经好饱…查看更多

今日同朋友去咗呢间餐厅食海鲜粥底火锅，叫咗一个2人肉蟹餐。有六款海鲜六个火锅配料，同埋粥底嘅材料，都几抵食。蚬有两款蚬，两只都冇沙，而且好甜，只只都开口。沙白就大只小小，所以咬落去多汁啲，一咬落去𠮶啲海鲜味必晒出嚟。鲍鱼指引话落3分钟，又真系啱啱好。只鲍鱼非常林，味道鲜甜，一啲都唔韧，而且佢一早已经清除左啲污糟嘢，食落好方便。桶蚝桶蚝嘅海水味比较重，起码有半只手掌咁大只。而且一啲都唔腥。 虾见到个侍应系喺水捞上嚟，只虾仲系生， 所以非常新鲜。 佢用竹签吉住咗佢，所以唔怕一落去个火锅度只虾会郁嚟郁去。食落去啲虾告必晒出嚟，又弹又甜。肉蟹只肉蟹好大只，而且好多膏。 啲肉都系非常鲜甜，一定唔会系摆咗好耐。因为啲肉咬落去一啲都唔梅。 黑毛猪腩片猪肉味几浓，可能因为系黑毛猪。 食落去好滑，好软，一啲都唔韧。 美国肥牛肥瘦适中，加上本身个汤底系海鲜嘅清甜味，食呢啲肉就唔会好腻。 牛骨浓汁牛丸 推介师兄好有心咁提醒我哋，呢一只牛丸好多汁一咬入去会必晒出嚟，小心焫亲个咀。 点知真系好Juicy，而且牛味好重好特别仲好弹牙添。最后侍应帮我哋加咗啲芋头南瓜粟米粒落个海鲜粥底度，成个粥非常鲜甜。另外佢加咗啲菜脯同油渣粒，令到成个粥几有口感同埋味道几丰富。 整体嚟讲性价比非常高，侍应服侍周到，而且啲海鲜都好新鲜，最后𠮶个粥简直系精华。…查看更多