滿福庭

营业中

休息中

今日同屋企人係觀塘食晚餐，擇左間酒樓食，價錢都合理又大大碟。花生 - $18/茶芥 - $15。🥢紅燒妙齡乳鴿 - $68呢隻紅燒乳鴿皮脆肉嫩,肉質鮮甜彈牙,紅燒汁入味夠濃郁。。🥢晚市孖寶 - 清蒸沙巴龍躉仔配大師靚叉燒 - $288呢款晚市孖寶包括咗清蒸沙巴龍躉仔同叉燒,龍躉仔肉質細膩,清蒸後保留住鮮甜嘅本味,叉燒更是一絕,油脂恰到好處,肉質軟嫩多汁。。🥢海味粉絲雜菜煲 - $128海味粉絲雜菜煲湯頭濃郁,嘆落十分暖胃,粉絲質地Q滑。。總結黎講晚市都幾好食👍🏻

鄰近觀塘apm嘅鱷魚裇中心, 是飲食集中地, 交通夠曬方便。這間酒樓位於7樓, 裝修清雅, 樓底夠高好通爽, 唔會有侷促感, 座位闊落, 點心即叫即蒸, 款式多又抵食, 特價時段更加經濟, 茶聚就最適合。用點心紙落單, 上點心都好快捷。蟹子燒賣皇大大粒, 饀料幾足料, 蝦肉好爽滑, 肉汁豐富。四寶滑雞扎大件幾足料, 雞件嫩滑入味。蜜汁叉燒腸粉皮幼滑, 叉燒饀料夠份量。蔥花炸兩腸油條夠脆身, 加上蔥花吃起來更香口。陳皮叉燒酥甜蜜酥脆, 食落有陳皮清香。古法馬拉糕軟滑又香口, 甜度啱啱好。安蝦鹹水角外脆內軟, 饀料蝦香惹味, 還點了潮州粉果、蜜汁叉燒包、馬蹄牛肉球和蠔油鮮竹卷等點心, 吃得好滿足。

觀塘鱷魚恤中心向來是美食集中地，今天帶同愛好中菜的爸爸到訪七樓的中菜廳「滿福庭」，店內面積寬敞，天花用上大量懸垂吊燈盡顯大氣-🔹晚飯超值自選孖寶：至尊燒鵝 (例) 配小菜一款燒鵝份量十足，外皮充滿油光感；外皮香脆帶炭燒及濃郁鵝油香；鵝肉緊實細緻又入味，肉厚富鮮香，蘸上酸甜梅子醬更添美味層次又能解微膩，出色！小菜點選黃金大蝦球以脆炸的蜂巢盛載著蝦球，具心思及誠意；蝦球即點即炸熱度十足，粉漿厚薄適中，香脆帶濃郁鹹蛋黃香，蝦肉鮮甜爽彈，滋味無窮！-🔹翡翠炒斑球蜜糖豆鮮嫩爽甜，佐以紅椒及黃椒；龍躉斑片厚切肥美，魚皮軟中帶爽，魚肉緊緻嫩滑，魚香豐富-🔹紅燒乳鴿乳鴿皮脆肉嫩又多汁，紅燒鹹香恰到好處-🔹青瓜海蜇青瓜爽脆清甜，海蜇細嫩帶彈性；陳醋酸香及蒜蓉香平衡滋味

中國人始終鍾意食中菜，尤其是廣東菜啱晒我哋香港人口味，招呼所有外國人，我都係推薦中菜。觀塘晚飯，記得上次去鱷魚恤中心飲喜宴，環境唔錯，一於encore 滿福庭。餐廳環境確實很不錯，除了美食之外，也是和朋友聊天的好地方。餐廳用餐體驗舒服，店員服務殷勤有禮，換碟加茶做得好足。深海龍躉系列 翡翠炒斑球店長推介了必食的深海龍躉系列，非常值得逐一品嚐，皆因深海龍躉每日新鮮運到。店長說每日新鮮劏開龍躉，最少一條重十幾斤，特別鮮甜。新鮮龍躉片厚切，魚肉好鮮甜，食落口感好滑。大大件龍躉鮮甜濕潤，質地好彈牙，沾上蠔油帶點鹹香。伴上西蘭花好爽脆，小炒有鑊氣好惹味。紅燒海皇翅 朋友滋味吃紅燒乳鴿，我就喜歡紅燒海皇翅 ，兒時的味道，童年回憶，只有去飲先有得食紅燒海皇翅。紅燒海皇翅都好高質好新鮮，海鮮濃湯味，大大碗好多翅，果然是傳統招牌名菜。上湯煨翅好鮮甜，味香濃，份量多，灑上一點點酸醋，將味道提升更昇華。香濃嘅海皇翅，豐富餡料，芳香撲鼻，令人垂涎欲滴。至尊燒鵝是名符其實的功夫菜，金牌至尊燒鵝，皮脆肉嫩的燒鵝，新鮮即切，咬落啖啖肉，香氣撲鼻。燒鵝皮極度鬆化脆口，充滿燒鵝油香，而且鹹味適中，燒鵝絕對是伴飯佳品。大

屋企人好鍾意嚟觀塘呢間酒樓，覺得性價比好高，我覺得都幾好，裝修得幾舒服，餐桌餐具都乾淨衛生，招呼亦唔錯，黃金脆皮涼瓜(小食)新鮮炸起熱辣辣，外脆內軟，黃金的脆皮有咸蛋黃的味道，香脆可口，內裡的涼瓜正好平衡了惹味的外皮，好食，潮蓮燒鵝湯米線(碗)好抵食，燒鵝皮脆肉嫰啖啖肉，米線份量不少，軟硬適中，太白醉香雞外表看似是普通的白切雞，一上桌已聞到酒香，雞肉非常滑嫰，多肉，每一啖肉都吸收了酒味，正！紅燒乳鴿(隻)很出色的紅燒乳鴿，香脆的表皮，惹味的鴿肉，蘸配一點點淮鹽，更添滋味，皮蛋瘦肉粥粥底綿密，皮蛋瘦肉足料，超抵食，焦糖燉蛋有焦糖脆脆的口感，燉蛋滑溜，而且味道不會過甜，為這頓午餐畫上一個完美的句號。

很久沒有食中菜了，所以朋友找了間在地鐵站側的商場店舖，交通非常方便。中菜廳的座位很寛闊，很舒適。首先点了隻紅燒乳鴿皇乳鴿味道剛剛好，外皮香脆，肉質很鮮嫩，每口都保持肉汁。翡翠炒班球大大片厚切的深海龍躉輕微煎香，肉質鮮嫩彈牙，很有口感，味道鮮甜好味，魚汁滲入新鮮的西蘭花，好好味。千島汁蝦球爽口的大蝦球，非常新鮮，酥炸後再用千島汁包著每隻蝦球，味道很醒胃。欖菜香辣炒帶子少少辣加入冶味的欖菜，味道不太咸，剛剛好，可以帶出帶子的鮮味。

今晚住官塘的朋友約我去食中菜, 他揀了一間近地鐵站的酒家.滿福庭, 酒家門面闊,  裝潢亮麗.門外有菜牌, 介紹鎮店極品燒鵝, 另早午茶市資料, 好吸引.酒家地方寬闊,   樓底高, 燈飾靚, 裝修光猛, 高雅大方,  適合朋友, 家庭飯局聚會, 喜宴聯歡. 有多個海鮮缸,  海鮮生猛活躍.餐牌有多張, 好清晰食品款式多, 侍應招呼親切, 先開茶及送上花生小食, 我們點了普洱茶, 水滾茶香. 點餐無難度,  我們落單, 新自選晚飯孖寶:   至尊燒鵝, 加  酥炸黃金生蠔. 酥炸黃金生蠔 先送上, 炸漿薄,  炸至金黃色,  酥脆可口, 生蠔新鮮好肉, 蠔味濃, 沾些喼汁, 惹味好食. 紅燒妙齡乳鴿    妙齡乳鴿炸得香脆,  外脆內軟.乳鴿醃得入味,   多肉少骨, 肉質嫩滑, 好好食. 蒜蓉大元貝配龍口粉絲,   大元貝新鮮又大隻,  鋪滿了的蒜蓉及龍口粉絲, 蒜蓉好香, 元貝蒸得岩岩好, 夠鮮味, 不會韌,  粉絲也極柔軟, 撈些蒜蓉同豉油汁,  一起食好入味.至尊燒鵝, 燒得好靚, 外皮燒得香脆,  色澤均勻,  鵝皮又薄又香, 少脂肪.   鵝肉鬆軟, 肉厚,  唔肥,  滲

我地一行三枱人，早幾日book左今日5點，酒樓人員話可不可以食到7點交番枱俾番佢地，我地表示可以，然後我地選擇加錢包房，當時接電話的酒樓人員表示ok。到今日，另一酒樓人員打黎confirm 是否6點，我地表示是約了5點，我諗當初第一位酒樓人員mark 錯時間，都不要緊，酒樓人員都話5點都ok。到了酒樓，侍應的態度都已經好差，跟住上菜的侍應已經好趕忙，好快上曬啲菜，咁都好既呢點。但個問題係，當去到大幾約6點，我地大致上清了大部分食物時（仲未食曬的！），開始有酒樓人員「柝房」，（明明我地book 到7點！😭），開始一塊塊隔板推走，好快我地間房就變成不是一間房，坦蕩蕩咁，明明我地每枱加左200蚊，total600蚊，就係為左間房，我地都未走就柝！其實酒樓人員做到咁，我都有點驚訝🙄，第一次咁趕人走。同時間，酒樓侍應開始收枱上的碗碟，明明我地未食完😂，心諗趕人走使唔使做到咁出面，其實我地有班老人家想坐耐少少聚舊，傾下計。跟住重點來了！我聽到有個肥肥地的侍應（拆緊隔板）係度同同事講「我唔理啦！就算佢地鬧我，我都照柝」。唉，今次用餐經驗真的好不愉快，三枱花費接近一萬蚊，都可以有咁既待遇，希望大家唔好

一行十二人預約了酒席$3688 如意龍躉宴包房，在7月5號星期五晚上七時入座吃飯。事前付了$500 訂金預約。食物質素尚算正常，食物份量不足。當中的瑤柱蛋白炒飯和乾燒伊麵更加變成二選一，並不是每人兩款，與餐牌列明有所出入。 服務質素體驗未如理想：一：預約時早已交代是12位，入座是桌面極少坐得非常不舒服，明顯是8到10人檯。最後需要聯絡經理才得以加大枱面。二：食物上菜後，沒有侍應負責分發食飯碗和匙羹，需要自己分發 😂三：食飯食到九點的時候，經理在沒有知會的情況下已經把房間間隔拆開。當初可以購買酒席套餐旨在爭取包房方便聊天，對此安排頗為失望。四：晚上9:30時經理通知10點前需要離開，9:45經理再次過來通知我們場地需要殺蟲清潔，希望我們現在離開。 我們配合經理指示9:50離開。值得留意：網上資料顯示營業時間到晚上10時半，預約和入座前經理都沒有告訴我們原來需要10點前離開。總結：Blacklist 不會再次光顧。

滿福庭(觀塘)今日放工同同事到觀塘食晚飯，同事推薦滿福庭餐廳。餐廳環境大，座位闊落，二人位都坐得好舒服。晚市有好多小炒、海鮮提供，選擇眾多，總有一款啱你。粟米酥炸龍躉球龍躉球好新鮮，魚肉好鮮甜好滑。外皮薄薄一層，為龍躉加上咗種口感，帶點酥脆。粟米都炸得好香脆，內裡好甜好多汁。黃金大蝦球蝦球大大隻好新鮮，質地好彈牙。外面都炸過，脆皮厚薄剛剛好，唔會粉。最正就係外層裹滿咗鹹蛋黃醬，好有鹹香，好惹味。紅燒乳鴿乳鴿即叫即炸，外皮脆脆地，肉質好滑，而且好juicy，食嗰陣要小心熱同爆汁啊。粉絲蒸元貝元貝都好新鮮，依度啲海鮮都好高質。元貝大大隻，好厚肉，好鮮甜。面頭粉絲蒜味香濃，份量多，將味道更昇華。粉絲海味雜菜煲最後仲叫咗啲蔬菜，雜菜煲啲菜好甜，湯底清清地，幾好飲。裡面仲有啲粉絲同蝦米等材料。

位於觀塘鱷魚恤中心嘅❣︎滿福庭❣︎係一間海鮮中菜酒家，今日去嘆下午茶，呢度嘅價錢好親民👍🏻小點都係$21.8，另設有下午茶特價組合，點心款式多，難怪一上去幾乎8成滿座。❣︎貴妃雞湯米線❣︎$28.8雞肉肉嫩香滑，呢個米線都唔使$30，計埋茶位加一都係$42到，如果就到時間當lunch食真係抵👍🏻仲有杯茶嘆下。❣︎午市點心超值自選配❣︎$198呢個餐包2籠點心同2個主食♡︎鮮蝦菜苗餃♡︎即叫即蒸😋上枱時仲出煙架，皮爽滑有韌性，晶瑩剔透，菜苗份量超多，鮮蝦彈牙。♡︎潮州蒸粉果♡︎爽軟潤滑，餡料豐富，入面嘅靈魂就係沙葛，食落非常爽口。♡︎脆皮燒腩仔♡︎個皮燒得超香脆😋👍🏻好似食梗薯片噤，肉質鬆化帶咸香。♡︎迷你魚香肉碎茄子煲♡︎其實一啲都唔迷你😆份量都多，茄子咸香惹味，吸盡晒啲魚香肉碎汁。❣︎蓮子紅豆沙❣︎$21.8紅豆入口軟腍😋👍🏻味道好清甜，仲有啲起沙，又夠熱超好食。

滿福庭海鮮酒家滋補藥膳鳳爪/ 香濃奶味雙皮奶/脆卜卜經典蜜糖脆麻花/ 經典南乳豬手勁抵食點心低至$7.8-$16.8 我趁住小朋友暑假前夕，要珍惜飲茶好時機飲茶都係唔適宜帶永遠坐唔定小朋友去講起中菜，其實我好鍾意同家人去飲茶食下一盅兩件嘅點心，歎一壺靚茶一邊聊天又歎下冷氣加上呢度坐得闊落舒服 今日我約了朋友去咗 ＃滿福庭海鮮酒家食點心，我最欣賞呢度係 ＃即叫即蒸稍為飲杯靚茶，等一陣就有得食普遍點心味道剛剛好，唔會太過濃味唔係預先蒸熟嘅，點心都係熱辣辣係最好食呢度服務態度好🤗仲會記得熟客仔茶客飲開邊隻茶☕ 💓馬蹄牛肉球$8.8手打新鮮牛肉配上爽口馬蹄粒，如喜歡吃牛肉的你必定要試！ 💓魚湯浸鮮竹卷$16.8奶白色的濃魚湯，配上充滿新鮮爽口又好有豆味的鮮竹卷。 💓滋補藥膳鳳爪（跟欖角排骨飯套餐$49.8）非常滋補的藥膳湯水，淨喝幾口湯已經好值回票價，鳳爪炆得好軟腍，唔使點咬。 💓南乳豬手$16.8炆得好肉腍的豬手，好有口感。 💓蜜糖脆麻花 $7.8香脆皮薄，配上蜂蜜糖漿，份外好吃。 💓鳳城薑汁雙皮奶質感細膩嫩滑，而且奶味香濃，口味甜香清淡。 另外，竟然有人推車仔推住豆腐花

收工跟老友聚餐，佢就我便過來觀塘搵食，選擇左到鱷魚恤中心的滿福庭酒樓開餐，環境闊落舒適，座位唔迫坐得舒服😌。紅燒乳鴿, 皮薄脆肉質嫩滑，肉汁豐富，即叫即制熱辣辣，送酒一流。蒜蓉粉絲蒸班頭腩，大碟份量足，蒸製時間剛剛好，魚皮有韌性，肉質新鮮唔會有腥味，蒜蓉很香配粉絲吃，味道唔錯。波士頓龍蝦🦞（上湯），龍蝦鮮味肉質爽彈，龍蝦鉗內的肉都很易出剝海，食得好方便，醬汁濃稠度剛好亦很好味。大大支啤酒🍻只需$48，抵飲超值。

觀塘呢間中菜酒家，晚市好抵食。呢間餐廳價錢唔算貴，食物質素唔錯。一坐低，我哋就揀好食咩😝 揀咗啲海鮮。大元貝$48/隻，元貝夠大隻，用蒜蓉粉絲蒸，夠鮮甜又口感彈牙。另外試咗南非網鲍$68/隻。呢個網鲍有果皮同蔥香，蒸得啱啱好，夠新鮮。豉汁帶子蒸豆腐$148，帶子新鮮滑嫩喺豆腐面，豆腐吸晒豉汁嘅香味。肉類揀了乳鴿$68/隻。乳鴿燒得幾香，味道濃郁但唔會太油膩。最後蒜茸粉絲蒸斑頭腩$158，斑頭腩魚肉嫩滑，蒜茸同粉絲嘅香味融合得啱啱好。晚市茶芥$15/位。

位於觀塘的這家酒家,以其正宗的粵式菜餚和優質的服務而享譽四方。今日有幸品嚐了他們家的多道拿手好菜,深有感觸。京式片皮鴨,只見一道色澤金黃、酥脆可口的鴨皮躍然眼前。一刀下去,鴨皮發出清脆的聲響,內裡的鮮嫩多汁的鴨肉如同化在舌尖,令人回味無窮。搭配上特製的甜麵醬,更是增添了這道菜的層次感。翡翠炒斑球,斑魚的鮮甜滋味與翠綠欲滴的蔬菜完美融合,入口即化,甘甜可口。而湯汁恰到好處的濃郁度,更是提升了整道菜式的風味。紅燒乳鴿令人讚嘆。乳鴿肉質嫩滑,皮脆肉香,搭配上濃郁的紅燒汁,回味無窮。這家酒家的經典粵式菜餚,是精心烹制、美味可口。