滿滿食堂

呢间满满食堂简直系中环打工仔嘅必食餐厅，款式选择多，最重要系价钱实惠，由几十蚊嘅一碗嘅丼饭至到百零蚊嘅烧肉都有，系中环绝无仅有嘅平民食堂。平时中午放饭每日都排长龙，我放工去食就可以悭返时间唔使等位。萨摩牛和牛料理 150g日本和牛烧肉$126真系冇得输，油脂丰富肉味香，肉质松软，嚿热石够晒热，一放落去即刻焦香，沾上烧汁，更加滋味。套餐嘅饭可以免费升级做蟹黄饭，卖相好吸引，蟹黄份量都几慷慨，蟹黄应该捞咗一啲鱼肉或者蟹肉，拌饭都几好味。寿喜烧牛肉锅呢个锅配有日本豆腐同埋一碗白饭，锅嘅材料丰富，除咗有肥牛之外，仲有两只日本饺、竹轮、鸡蛋、一盒日本豆腐、芋丝、金菇、海带同埋一啲蔬菜，份量绝对够饱。肥牛薄片轻轻一渌已经熟，带有寿喜烧汁甜甜味道好食。其他配料都可以同样煮得入味，天气凉凉地食呢个锅好合适。手撕鸡肉青瓜蛋芝麻酱沙律估佢唔到呢个手撕鸡肉又几嫩滑，而且份量大，配上爽脆青瓜同埋爽口生菜，口感丰富。沙律用上芝麻酱，好浓好香，啱晒我口味。…查看更多

中环佢不嬲俾人嘅印象系啲嘢食比较贵，呢间满满食堂直程系中环打工仔恩物，全部好食夹大件😎 座位都好舒适阔落👍🌟厚切牛柳（200g）$98一定系呢度嘅招牌菜，用石板上，听到滋滋声已经流晒口水😂 石板够晒热，可以烧到外皮焦脆，内里系呀，好吸引嘅粉红色🤩 外脆内软质感，肉汁满满，肉味都好浓🤤 以中环标准而言，$98品尝到如此水准牛柳，真系难得😍🌟蟹皇饭 +$6套餐包咗白饭，加$6就可以换蟹皇饭，蟹香浓郁又唔腥，$6值得一试👏🌟匈牙利鸭肝 +$35追加鸭肝真系明智之举😎用石烧可以自己控制烧几耐，表面煎得焦香，内里却保持柔滑。🌟烟三文鱼沙律 $22有好多片烟三文鱼，$22真系好佛心🫶🏻 中和牛柳同鸭肝嘅油腻感，一定要叫呀😆🌟滑蛋包饭配咖喱吉列猪扒 $56滑蛋包饭又系好出色㖞😎 半熟炒蛋包裹米饭，卖相好靓🫶🏻 咖喱吉列猪扒外皮酥脆，猪肉保持嫩滑，日式咖喱非常温和，又香又甜，真系Comfort food🥰食咗咁多嘢，都系二百零蚊，性价比极高👍 特别推荐佢嘅石烧牛柳，非常高质👏 食饭时间记得早啲嚟攞位😎…查看更多

放工后跟同事来到中环的「满满食堂」食一个简单的晚餐🍽️，这是一间主打石烧料理的小店🔥，亦有寿喜烧🍲、定食🍱及特色饮品🥤选择，菜式精致又不失份量😉店内装潢走简约日系风格🌿，木系家俱🪵配上柔和灯光💡，墙上挂有手绘风插画🎨，座位设计宽敞🪑，营造出舒适悠闲的用餐氛围。而且店员服务亲切😊，细心介绍餐点📖，适合三五知己聚餐👫👭或独自享受一人时光🧍‍♂️☕。萨摩牛和牛石烧 (150g) $126萨摩牛和牛石烧肉质细嫩🥩，油花分布均匀✨，入口即化😋，和牛石烧后香气扑鼻👃，既满足又不腻👍。 套餐附送的白饭🍚/紫菜饭🍙/熊本咖喱饭🍛可免费升级为 蟹皇饭🦀🤩，蟹香浓郁，好惹味❗️套餐+$8 加配一杯 爱玉芒果奶昔🥭味道清甜🍹，爱玉果冻增添口感🍮，冰凉消暑🧊又解腻。寿喜烧牛肉锅 $72寿喜烧牛肉锅汤底甜咸平衡🧂，肥牛片口感嫩滑🥩，吸收汤汁更美味😋，配搭豆腐、芋丝、狮子狗、蔬菜🥬等配料，口感层次丰富，再佐以生鸡蛋蘸食🥚，口感更滑顺😍 套餐+$8 加配了一杯 鲜果水果茶🍹，味道清新🍋，冰凉解腻🧊。…查看更多

系中环食晚饭, 除了连锁快餐, 又想平平地食餐饭填饱个肚, 就去咗---满满食堂, 主打多款石烧、丼饭等…对于中环地段黎讲, 确系惊喜抵食。餐厅位于地库, 设有多个卡位, 企企理理。每款石烧都跟一款自选饭类, 石板烧热辣辣上台, 如果用餐过程中石板唔够热, 可向侍应免费更换。厚切牛柳: 果然牛柳有如掌心般厚切, 切开后可见中心位仲系keep到嫩红, 可因应个人喜好控制牛嘅生熟度, 肉味香浓, 不会过于油腻。顶级牛肩扒:牛肩扒牛脂较为集中, 肉质比起牛柳有咬口一点。广岛蚝:一客共有四只脤卜卜嘅广岛蚝, 非常juicy, 一d都唔腥。鸭肝:鸭肝厚切, 放上热辣辣石板上, 很快渗出鸭肝嘅油, 油香味浓郁。紫菜饭: 白饭加上紫菜, 带点清香兼可平衡主食嘅浓郁肉味。+$6 升级 蟹皇饭蟹皇酱份量非常糠概, 蟹鲜味十足。…查看更多

今次约左个friend去书展，就出黎港岛揾佢收工一齐出发，佢就话去之前系佢公司附近食个快饭先去，佢就带左我去呢间抵食日式餐厅食野啦😆餐厅环境都ok，有卡位坐得舒服，外面有个自助酱料区几正，蒜茸，芝士酱，茄汁，tabasco都有齐晒😉萨摩牛和牛料理套餐（100g)（$98）呢个和牛餐好屈机，有外面烧肉店既和牛咁靓，$98有4块，有较肥，少少入口即溶既感觉，平时一碟可能已经百几，佢$98跟多碗饭真心癫价，个饭仲特别可以升级蟹皇饭，个蟹皇酱都几好食🐮矶烧鲍鱼铁板鸡扒（$63）呢个餐都好劲，有齐鲍鱼，鸡扒，薯条，鲍鱼就预左系普通货，个日式酱汁带出个味，都几好，块鸡扒就好食，煎我表面香脆，连埋薯条都要点佢外面攞既芝士酱，最后都系会跟碗饭，今次就拣左紫菜饭🐥顶级牛肩扒（$48）呢块牛扒又系好抵食，$48有得玩石烧牛真系难揾，块扒既质素就普通货，食落真系唔差，佢肉质唔算韧，又系跟一碗饭，呢个拣左咖哩饭，个咖哩似超市有得卖既日式咖哩包咁，都系正常野🥩百香果水果茶（跟餐+$8）冻柠茶（跟餐+$8）任何饮品冻定热都系加$8，呢个系唯一价钱唔算抵既地方，不过佢好在特饮类都系同价，如果系饮特饮类，咁又抵番d🍹呢间餐厅真系非常抵，你系食每一样野都怀疑紧咁平究竟系咪会唔好食，食完成餐我完全唔觉得差，佢系用一个平价钱食到正常食材质素又好食既野，讲真茶记食个炒饭都可能要$50-$60，呢度$48食到石烧牛加碗咖哩饭，真系抵到癫，仲要平得黎味道系唔差，而想食好d，贵少少都有靓和牛食到，性价比一样高👏🏻…查看更多