灘萬日本料理 (港島香港里拉) (太古廣場)

今日我去咗位于金钟的滩万日本料理，呢间餐厅真系好有氛围，坐喺太古广场上面，望出去仲可以见到美丽的市景。餐厅的装潢简约而优雅，配合日本料理的主题，令人感到放松。我点咗一份铁板烧午餐。真系唔可以错过！当牛肉上枱时，肉色鲜艳，油花分布得好均匀，散发出阵阵香气。第一次咬落去，肉质非常嫩滑，口感一流，甚至唔需要太多调味，就已经好好味。特别系配搭佢哋自家制嘅酱油，味道更加提升，肉汁嘅鲜甜感直逼味蕾。另外套餐仲有烧扇贝，味道一样令人惊喜。扇贝煮得恰到好处，保持咗海鲜的鲜味，加上少许的酱汁，简直系一口一口咁食唔停。配搭啲生菜，令整体更加清新，唔会觉得油腻。套餐仲包前菜，同一份鱼生。而且，餐厅的服务态度亦非常好，员工都好有礼貌，随时都会主动帮你加水或者解答你嘅问题。整体来讲，呢个午餐经验令人十分满意，无论系食物质素、环境定服务，都做到高水平。下次一定会再返来试其他菜式，真系值得推介畀大家！…查看更多

📍Dining City Restaurant Week返嚟啦‼️• Shangrila Set Dinner Menu🍣 — 滩万日本料理🇯🇵•#pigfoodiexhk_金钟#pigfoodiexhk_日本菜==========================Restaurant Week又返嚟啦！🥂今次有超过300间优质餐厅提供低至7折嘅精选餐单，当中仲包括超过70间新餐厅加入，价钱低至HK$148😆今日介绍呢间日本料理位于港岛香格里拉酒店，主打怀石料理同铁板烧，环境舒适，店员服务好周到😙好啱同朋友嚟静静哋食住嘢倾下计🥰今次就试咗佢哋嘅set dinner menu😙—————————————————-Dining City Set Dinner $998/pp⭐️是日前菜三款前菜有海胆玉子、鲍鱼片及木鱼昆布，当中最钟意海胆玉子，味道鲜味，玉子仲有阵忌廉香🥰•⭐️松茸茶碗蒸蛋蒸蛋滑溜，松茸则增添口感·⭐️是日刺身三款刺身有吞拿鱼、左口鱼同深海池鱼，三款都好新鲜😆·⭐️杂锦天妇罗大虾炸得好香口！南瓜同番薯好香甜😍·⭐️萝卜沙律·⭐️黑毛和牛西冷照烧和牛肉质腍身，油脂香丰腴😙·⭐️太刀鱼盐烧鱼肉嫩滑，配埋萝卜茸一齐食好夹😗·⭐️是日寿司三款，蚬清汤三款寿司入面最钟意海胆寿司😍味道浓郁鲜甜😛·⭐️是日甜品荔枝奶冻滑溜富奶香，为整餐画上完美句号🤪————————————————————-卖相：3.5/5味道：4.2/5性价比：3/5推介度：3.5/5…查看更多

🍚NadamanStaycation第二次嚟食 上一次系食怀石料理 今次试下过瘾的鉄板焼🔥有8道菜 主菜我哋拣咗西冷🥩想口感丰富啲！ 食铁板烧的话会有另外一个用餐场景 餐桌系环回式设计 有几张枱都可以望到出面的城景/山景🌳点完菜之后 厨师会端出要烧的食物 由帆立贝开始 一路烧到最后的一道饭/面 厨师喺烧牛嘅时候会将牛切成一小块 并且将部份小牛肉留低用嚟炒饭或者炒面 个饭炒得好香好好食🤩夹杂着一粒粒西冷牛肉 非常滋味 但系面嘅话就甜咗啲+油啲 烧物的次序都系一样接一样 唔会重叠的 食到中途会上返个面豉汤 刚好中和一下铁板的油腻 staycation价钱人均$1250 包咗一晚城景房+breakfast+lunch 呢一餐就包埋喺入面啦😋 • Teppanyaki Special •- 铁板特选套餐 $580 - ‣ 前菜‣ 青菜沙律‣ 三文鱼刺身‣ 牛油煮帆立贝‣ 西冷牛扒 / 牛肉薄烧‣ 杂锦野菜‣ 炒饭/ 炒面‣ 面豉汤及泡菜 …查看更多

对上一次试完一间全港最贵的和牛三文治就深深喜爱左呢款食物，咁岩见到滩万港岛区果边做紧一个和牛主题的限定宫崎牛怀石料理，当中就一道系和牛三文治就忍唔住去试下。先讲返摊万环境及装修优雅，灯光柔和，有落地玻璃可以看到楼下太古广场及远处少少海景，服务员主动及有礼，有花时间晌加茶、上菜、收盘询问等，但美中不足较为粗略讲解食法，另一位有时直接无讲，菜名有时都系睇返menu，缺乏介绍。怀石料理感觉应该要详细介绍同讲返…建议食的先后次序吧，因为有时唔止上一道菜的。 杂食物方面就今次呢个限定餐黎讲，坦白讲系失望，部分菜太浓味（如：太咸、太酸等），部分菜过淡，未能好好balance 返，感觉好似人生咁不停高低起伏咁。以和牛主题的怀石料理未能将牛肉味道提升，部分有点盖过牛肉味，感觉系每道菜只系加左牛肉，在C位站住未有C位的效果。 原则上整餐饭份量算系饱肚，但食完过后几口渴。餐饭最好的优点系汇丰信用卡有9折优惠？！🤪 烤和牛三文治：佢比较似系炸过的刈包夹菜夹肉，包皮有少少甜品脆口，但因成个包炸过有点油腻感，牛肉份量少，酱汁带酸味，算系好味，但又有点唔满足。 煮和牛豚肠：除左眼见比较油，食落几舒服，油可能系煮牛肠的关系。入面有洋葱、蒟蒻、牛蒡、萝卜。调味算系适中，朋友话呢个系今日最好的一道菜。😂 煮海螺、薇菜寿司、蚕豆：螺感觉唔系好入味，薇菜寿司清淡，豆咸啊。 和牛西京串烧：呢个真的惊讶了！～果两粒牛肉串眼见系和牛粒，但食落感觉似系食紧腊肠，佢个酱汁味同腊肠一样味，完全唔似食紧和牛，就连咬开爆出和牛油脂都似腊肠油….盖过牛肉味，个人算系几钟意接受到（好耐无食过腊肠怀念），但朋友接受唔到😂佢话明明系和牛高价品做成腊肠好咩。 煮蜂斗菜及鲜腐皮：正常范围，有豆香唔算浓。 茶碗蒸：同连锁餐厅差唔多，无咩惊喜，无乜内涵，但价钱却是差距两三倍。杂锦鲜菇茶壶汤：由四款菇煮成较为清淡略带少少菇味的汤。初鲣鱼配洋葱醋汁：佢以醋汁伴洋葱及菊花花瓣，入口无咩腥味，但果股酸味劲难入口，洋葱少少辛辣同时亦带有苦涩味，酸苦辣混合以酸为主不太好食。中拖罗、池鱼、伊佐木鱼：正常。和牛腩配马铃薯饼及姜汁：最顶系有洋葱及wasabi ，姜酱汁较甜带少少酸味（有少少似烧鹅酸梅酱味？）。牛腩佢呢个煮法令佢肉质有点似面档食紧牛腩咁一丝丝的肉，只系佢煎过或烧过，肉质素的确系和牛，食落牛脂香味仲晌到。反而薯饼有惊喜，明明浸左晌酱汁到，都仲保留到有少少脆口感，中心竟然系薯蓉，食落口感有点似麻薯咁。 冷制和牛涮涮锅及配菜：真系最黑人问号的一道菜菜，店员上菜时也是说呢个涮涮锅只不过系冻食版。肉眼见个食法似刺身或和牛他他多点吧？呢个真心唔好食，可唔可以换返个热的涮涮锅比我。🥲对唔住，我接受唔到。炭火烧和牛牛柳：和牛牛柳、冬菇、露荀、蕃薯，炭火烧味效果几好。牛柳粒食得出佢油脂肉汁系有质素，但系表面洒太多盐及黑椒…..非常地咸，咸到食一粒饮一啖水，四粒食完一杯就完了。😑咸到我现在都仲谂紧，点解当刻无谂过反映退或换左佢呢。梦心地釜饭配和牛筋咖哩汁：梦之米连续超过十年拿到日本一的山形县黑泽农场的白米，饭粒晶莹饱满但同咖哩唔多夹。咖哩虽然以铁pan形式上菜，但食落又唔似九州门司港烧咖哩，佢似系单纯普通浓咖哩带有牛肉粒，个人觉得唔辣朋友就觉得好辣。（PS:梦之米卖点都系自己上网科普，店员无介绍😵‍💫）泡菜及面豉汤：浓郁的赤面豉汤。季节鲜果：😍系蜜瓜的季节，很熟很甜。芒果亦很甜。琵琶正常微甜。…查看更多

港岛香格里拉酒店无庸置疑有气派、五星级服务名符其实、地理位置极佳，餐厅质素坐拥名气。今年老板请食生日午餐，拣到高级和食料理︰滩万。食物方面 - 单点刺身5食︰每款3件食材新鲜，款式多份量够；甜虾鲜滑肥美、鱼生片厚切入口满足。定食套餐 - 杂锦鱼生饭配炸虾天妇罗荞麦冷面：前菜汁煮菠菜，菠菜冷盘爽口，开胃清新。定食套餐 - 海老天妇罗荞麦冷面︰两大只新鲜虾肉，肉质一样鲜嫩肥美。炸粉香酥薄身、唔油腻、盐味刚好；荞麦面偏硬、弹牙有咬口，天妇罗同食口感清爽满足；可惜冷面汁只系一般坊间味道，欠缺诚意，拖低高级料理水准。定食套餐 - 杂锦鱼生饭︰刺身饭份量丰富，刺身鱼粒脂质丰厚，鲜味突出。生鱼片脂肉分布平均，令人不知不自觉成碗食晒。最后餐厅分开为我准备生日蛋糕 - 小圆饼(约5吋) 日式轻芝士蛋糕︰顶层生忌廉偏甜但轻盈唔腻、主体芝士浓郁满足、咸甜度适中；最底挞底不松散，硬脆刚好，增添层次又唔会抢味。总结︰其实所有配套（气氛、环境、服务）都好好，可能只因我选择嘅定食太普通？因为太基本款所以做得唔够细心而被忽视？未有重点令我觉得需要翻桌。…查看更多