滄浪亭

滄浪亭是一家令人驚喜的餐廳，以其大排麵聞名。踏入店內，迎面而來的是溫馨的裝潢與悠然的氛圍，讓人感到放鬆。這裡的大排麵，麵條彈性適中，煮至恰到好處，搭配豐富的湯底，讓人一口接一口，停不下來。特別值得一提的是大排的口感，外酥內嫩，肉質鮮美，調味恰到好處。每一口都能品嚐到肉汁的香氣，與湯底的鮮味相得益彰。店家還特別加入了新鮮的蔬菜，增添了色彩與口感，讓整道菜更加豐富。服務人員態度親切，對菜品的介紹詳盡，讓人感受到用心。總體而言，滄浪亭的環境、食物及服務都相當出色，是享用大排麵的理想之地。如果你想尋找一碗美味又滿足的麵食，滄浪亭絕對值得一試！…查看更多

知道繁忙時間已經打電話嚟叫外賣去到舖頭門口果然係好多人，而且喺佢有限嘅位置cashier見唔到自己嘅外賣，所以避免行入去太擁擠就係出邊同夥計講已經打電話叫咗外賣，點知入面有個肥阿姨就好大聲咁講打電話叫咗外賣入嚟啦，企喺出邊做咩啫？當時其他舖頭嘅客人都喺度望住我非常尷尬，其實點解可以依個時代都有依啲夥計咁樣呼喝客人🥲其實自問已經好包容，之前外賣見夥計未有豆瓣醬去到就叫夥計包個豆瓣醬嚟，點知就俾佢鬧話下次落order嘅時候講定，今次已經講定豆瓣醬一樣冇🤷🏼‍♀️唯有應承自己下次幾諗唔到食咩都唔好再幫襯呢一間，坦白講真係唔係特別好食…查看更多

🍜呢間小店幾乎係我最愛嘅食店，係我可以接受生日飯係度食果種程度！！！每次食都覺得好幸福，當然都有因為食回憶啦，食咗佢十幾年了吧？🐣其中一樣必必必點就係嫩雞煨麵 $60🥹🥹佢個湯底真係非常之咁出色，雞白雞湯好濃，麵偏淋但係有口感，勁吸湯，🥬加埋海量嘅雞同菜，我習慣食一半之後再落埋佢算唔算辣嘅豆瓣醬，又有另一番風味！真係好鍾意好鍾意食！ 👍🏻毛豆百叶 $26 呢個係另一樣必點嘅小食，食完一啖又一啖真係會停唔到！🥚虎皮蛋 $6 呢個都好多時會叫，視乎大家鍾唔鍾意食蛋🥟菜肉水餃雲吞 $50 呢個反而係十幾年來第一次叫，都幾好食呀，雲吞同水餃用咗唔同嘅菜，建議雙拼，另外佢個香酥雞都好好食，炸得超好，雖然邪惡不過佢食落去唔會覺得好油，個炸皮剛剛好🍽️性價比非常高嘅一間小店，味道真係出邊食唔到，量多質素高，唯一係環境比較擠迫，好多時都要等位，而且佢每款食物預嘅量都唔算好多，好多時晏啲去就會賣晒㗎啦…查看更多

作為美孚老街坊，之前試過滄浪亭一次，服務態度已經麻麻，當時都忍住無計較。今次本想買外賣試試，點知體驗更差！落單嗰個男人態度已經唔太好，話我哋想叫嘅嫩雞煨麵賣晒，語氣冷淡到似嫌我哋阻住佢做嘢。仲未完，坐出面嗰個應該係負責煮嘢食嘅阿嬸，竟然拎手機出嚟影我屋企人，仲細細聲話「你唔好再遲啲嚟先買」，態度惡劣到極點！完全無基本尊重同禮貌。食物方面，上次試過嫩雞煨麵，湯底淡而無味，雞肉同麵條都好普通，份量少，性價比低。餐廳環境勉強乾淨，但同佢哋嘅名氣完全唔符，名過其實！今次體驗真係令人火滾，服務態度咁差，絕對唔會再幫襯，亦強烈建議大家唔好試，免得受氣！…查看更多

啱啱去叫外賣，想試吓佢出名嘅燴雞麵，淡而無味，阿姐呼呼喝喝，態度惡劣之極，唔知以為欠咗佢，衛生又惡劣，啲食材就咁擺喺門口，周圍又有曱甴！永遠唔會再幫襯! 極度overate!…查看更多

太近屋企次次唔想煮飯就會落去買外賣😂😂😂我最愛嘅係紅燒軟排麵。排骨炆得好腍，筷子一夾就散，入口即化，冇半點鞋口。湯底吸晒肉汁精華，濃而不膩，配埋煙韌嘅上海麵，真係一啖接一啖，食到停唔到口。食完成個人都暖晒，好似畀人抱住咁。 正宗comfort food! 百吃不厭 ！ 嫩雞燴麵都好有驚喜。乳白色湯底香濃得嚟唔會太重口，飲落去有種溫柔嘅感覺。雞肉滑得離譜，啖啖都係幸福。麵條掛汁力強，食落去好有層次，係一碗可以安撫心情嘅麵。感覺好健康！大排麵就係滄浪亭嘅街坊之選。炸排骨外層香脆，咬落去脆卜卜，入面肉質嫩滑反而令整碗麵更有層次。配埋湯底一齊食，真係冇得輸。滄浪亭唔止係一間食店，佢係街坊生活嘅一部分。每次食完都覺得心情好咗，肚飽之餘，心都暖咗。呢啲味道，唔係咩高級食材，而係用心煮出嚟嘅人情味。…查看更多

每次嚟到滄浪亭，都係掛住佢嘅嫩雞煨麵，所以久唔久都會過嚟吃個麵。上次寫這店食評，原來已經是2018年，早陣子過來吃嫩雞煨麵，水準也保持隱定，這麵多年前已寫過食評，所以今次唔再多講了。今次決定改一改，吃葱油開揚拌麵。葱油開揚拌麵$60~葱頭油炸得香噴噴，端上枱已覺吸引，蝦米也有相當有份量，先撈勻整個麵團先⋯⋯麵質爽彈，煮得剛剛好，甘香味美，散發出陣陣嘅豬油香氣，今次捨棄嫩雞煨麵，估唔到有意外驚喜！但吃完整碗麵後，發現碗底仍有淨很多葱油，所以油嘅比例略嫌重手咗少少，唔怕肥膩的朋友，久不久邪惡一下，未常不可。糖醋骨$54~餐牌上寫著小食，雖然碟仔細細，但無論價錢和份量都算可作主食，熱騰騰，小心燙咀，炸得脆口，唯獨是筆者略嫌汁太多，醋味太濃。整體來說一個人到來的好選擇，份量足，好味夠飽肚。每每到來美孚，都會被吸引著，俘虜筆者，必有原因。…查看更多

🐑菜肉雲吞麵，先講個湯，係而家出面好少見到、小時候成日食到、好舊式嗰款豉油色嘅湯底，好令人懷念啊🥹，食到咁上下加啲醋同豆瓣醬落湯一齊食，更加美味。個幼麵淥得啱啱好，唔會糊口一Pat Pat，十分爽身，時間掌握合宜。雲吞4粒大大粒，係好家庭式嘅味道。🐑嫩雞煨麵，雞湯呈白色，好濃郁，帶有點點奶香，可能加咗忌廉奶或鮮奶，令到個麵變得有少許西化，同坊間其他嫩雞煨麵嘅口味有所不同，有記憶點，而且好好味。🐑炸大排炸得金金黃黃，炸衣加咗少少南乳，增香又增色，十分酥脆可口。🐑肉絲春卷，我從來冇食過有爆漿效果嘅春卷，呢個真係一絕，敬告大家，小心焫親🤭。🐑香片茶，食店奉送嘅清茶嚟講，佢都算有誠意，用一個裝有茶葉嘅大茶壺沖水，我相信佢壺內嘅茶葉都唔少，因為飲落都幾係有茶香同甘味，難得難得。…查看更多

朋友住係美孚！帶我們試試地區小店（上海麵）😘燻魚麵👍雖然燻魚切成薄片（有四塊）但一啲到唔乾！唔“鞋”！好入味👍👍燻魚麵湯雲吞👍青菜煨麵湯底好creamy 😋另加：水餃（四只）朋友愛加餃子亦可以加追大大塊炸大排👍小食：毛豆百頁雞絲煨麵👍（👑皇牌煨麵）好好彩！賣剩一碗咋😋手快有、遲咗賣哂㗎啦🤣…查看更多

今天到訪饒宗頤文化館，逛完往附近找到間上海館，6:40pm已有人在排隊中和等外賣🤣，這間小店舖只有4張4人枱，等待10分鐘後便安排入座。💥大排湯麵~大排軟淋，麵硬度適中，湯清甜。💥嫰雞煨麵~多人推介，果然名不虚傳😋。>>>雞肉軟入味，青菜又多，煨麵超多又不會過淋，奶白色的湯底，鲜味香甜滑👍。…查看更多

i’ve been seeing this place all over reels and finally got to check it out. their stewed tender chicken noodle soup is everything! the broth was incredibly creamy and flavourful, perfectly complementing the chicken pieces. despite the generous portion, it was so yumz that i finished it all. plus, it’s rlly affordableeeon the downside, the pork ribs were a bit hard to chewthis resto has been ard for almost 30yrs so u know they’re doing sth right:) just be ready to wait in line- its totally worth it thoughin our tums- 🐥stewed tender chicken noodle soup嫩雞煨麵🥓deep fried pork ribs w noodles大排麵🍜scallion oil noodlesprice: $50-100 pp rating: 9/10revisit? yesss…查看更多

最近朋友推介了一間小店，果然沒有失望。店裡最出名的是嫩雞煨麵，湯底的味道非常出色，濃郁的奶香味讓人回味無窮。這碗麵的份量也很驚人，對於一個人來說，想要吃完全部實在有點困難。另外我們還加了一塊大排，外皮酥脆，肉質鮮嫩。😋不過，可惜的是這間小店的空間實在太狹小，坐位非常擠迫，會影響到用餐的舒適度。…查看更多

滄浪亭屹立喺美孚好多年，店內職員都係一把年紀，可想而知佢真係好有歷史😝今次我就食嫩雞煨麵🍜朋友就食嫩雞煨年糕，份量十足，湯頭呈奶白色，飲落似豆漿+雞湯，十分美味，🐔雞件就切得比較碎濕濕，應該係方便客人食。整體非常滿意，食一碗🍜非常飽肚👍🏻缺點係店舖細，坐得迫，需要搭枱。…查看更多

同屋企人去開美孚行博物館，咁啱想食上海菜，記起十幾年前食過間幾好食。去到幾乎準備落場，好在肯做埋我哋一枱。氣氛好chill, 唔憂做。雖然細細間，但座位唔太逼。茶好飲，仲有得refill。嗌咗糖醋排骨，豬扒麵，水餃雲吞雙拼，豆漿。老實講唔係我食開嘅上海味，個麵冇乜彈性、排骨有啲鞋 口、糖醋又好濃味、水餃又唔太鮮。勝在個麵湯好濃郁惹味，豆漿好飲。最開心係伙記會同你吹兩嘴。呢個時代仲可以食到啲有人情味嘅餐廳，買少見少了。…查看更多

門口排隊跟次序入座，安排坐下之後又廹換枱，冷氣滴水，座位擠迫，員工冇禮貌，對客人呼呼喝喝，嫰雞煨麵太鹹，一入門口就見到死曱甴、衛生環境欠佳，座位背後就是食物，冇下次。…查看更多