湯直送 (已結業)

今日跟朋友推介，黎呢間“湯直送”食晏，順便補補湯水。餐枱好乾淨，有紙巾同消毒液畀大家用。午市餐牌有成18款燉湯選擇，每款58-68蚊，然後加10-33蚊可以加配一款飯﹐飯頪都有成12款選擇。等左10分鐘，4盅湯上齊，影個大合照先。1. 南北杏蜜棗菜乾燉豬肺個湯好清甜，用料充足，豬肺爽口。2. 涼瓜黃豆燉唐排飲落有淡淡嘅涼瓜苦，除此都比較水，有好多排骨。3. 棷皇燉去皮雞貴少少果然係比較好味，個湯比較濃，有椰子味得黎再帶少少花膠味；雞肉就少左d，不過都鬆散易入口。4. 冬瓜薏米瑤柱燉唐排個湯又係好清甜，好排骨，肉夠鬆軟，冬瓜多水。5. 迷你咖哩牛腩飯迷你飯個碟比一個手掌大少少，咖喱味香，唔算辣，薯仔同牛腩都炆得好淋。6. 迷你黑椒雞扒飯黑椒汁味道濃，雞扒煎得啱啱好，好嫩滑，食到舔舔脷。埋單每人68-78蚊，講真唔太抵食，但間唔中幫襯下、飲下湯係一個幾好嘅選擇。…查看更多

抗疫期間成日食外賣，見天氣凍凍地，同同事一齊叫咗呢個外賣燉湯，個套餐仲有跟一個飯，價錢都算幾抵。夾夠$500就免運費，早一日order揀定食乜嘢。我哋揀咗12:30至1pm送貨，未夠12點已經到達，啲湯同飯都熱辣辣。個湯除咗有個蓋之外，另外用保鮮紙再包左一層，確保冇咁容易漏。份量都幾大，仲有湯料響入面。個飯就係迷你版，但叫呢個餐主力都係飲燉湯，所以個飯細細地都冇乜所謂。不過男士嘅話，就可能要加埋要大size嘅飯先夠飽。我叫咗個杏汁燉豬肺加豬扒配炒洋蔥飯。杏汁燉豬肺好足料，味道好好，好滋潤，呢個價錢真係算好抵。洋蔥豬扒飯都好夠味，size比較啱女仔。總括嚟講呢個價錢，呢個質素，仲要包埋運費，真係好正。返緊工都有得飲燉湯，好幸福呀！…查看更多

Hello 大家好，又係我地Hkfunlife小編分享好餐廳既時間啦:) 平時懶得煲湯但又想飲靚湯既你點算好？今日就想推介一間飲湯專門店比大家。呢間餐廳位於尖沙咀廣東道122-126號中港中心7樓，叫做湯直送。呢間餐廳地點可能要上樓，所以去到好快就有位唔洗等。埋到枱見到餐具清潔、幾乾淨，感覺安心。坐低之後，店員提供餐牌，呢度真係有各式各樣既湯選擇，仲可以配個小食同飯，一定會食飽飽。太多選擇喇，我地揀左陣終於諗好要食咩。店員態度溫婉，落單流程亦簡易迅速。今次我地就揀左呢個胡椒豬肚湯試下，個湯真係好好味，好足料，岩晒我地呢的都市人平時忙碌想飲啖靚湯補下。…查看更多

呢排凍冰冰❄️成日都想飲返碗熱辣辣嘅湯🍲唔講唔知原來尖沙咀有一間食燉湯好出名嘅鋪頭今次我試咗胡椒豬肚燉湯 另外加配迷你涼瓜菜脯煎蛋飯🍳上菜速度都幾快果然迷你飯真係好迷你賣相非常精緻 味道都唔錯 唔會太油同太鹹😛時間啱啱好食完之後個湯都上咗非常大兜非常足料😍有胡椒嘅味道得嚟又唔會太辣啲豬骨燉到好淋豬肚又非常有咬口飲完湯 食埋湯渣就超級飽😋同埋食完之後都唔覺得特別口渴所以我諗應該都冇咩味精~同事飲嗰個杏汁燉豬肺都好香下次再嗌呢個試吓先！…查看更多

哩間係位於尖沙咀既隱世湯店，佢地係主打無味精既多料湯水，我試左花旗參淮山燉去皮雞湯，佢係可以配客飯食，好適合打工仔黎食lunch，個湯係多料到我食晒佢既湯料（仲要配埋豉油俾我）後，已經好飽，以佢既湯料同味道哩個價錢算合理，價錢大約55-65不等，好適合鍾意飲住家湯既你地😍（PS:當日我下午3:00幾去到，好多湯都賣晒）服務：⭐️⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️⭐️性價比：⭐️⭐️⭐️⭐️⭐…查看更多

抗疫期間，又要保持社交距離，又想少搭交通工具，又唔想外出午膳，又想飲足料靚湯?當然call湯直送喇! 約埋兩三個同事一齊訂，足料靚湯加自選細飯就準時送到! 今次叫咗個竹蟲草花燉唐排竹絲雞加黑椒雞扒飯，超滿足。個黑椒汁功勁野味，飯盒細細，有五件雞肉，食埋湯入面啲肉就好飽喇，因為湯料都有四件唐排，同三件竹絲雞㗎。最滿足都係飲到靚靚燉湯，又香又清甜。呢段時間，除咗保護好自己，仲要對自己好啲，飲多啲靚湯，有助保持身體健康呀！…查看更多

最近見到多左好多以湯為主打嘅店，但自己一直就覺得點都係自己煲較好，所以就無去試過。而今次係尖沙咀呢邊行街，姊妹話見附近有湯飲就帶我黎試。估唔到質素比我想像中好好多，足料飲完唔口渴，而基本款式都有十多款，今次兩人叫左兩盅，每人平均$60。原來有APP可以落Order，新入送30積分，仲可以24小時落單，半夜想飲都可以叫。堂食仲有幾款自家調味料比你加黎食。蟲草花栗子燉素湯 $55湯有好多料，相信係真材實料，味道偏清清地，而色澤透徹，飲落好舒服，呢個時候飲補一補一流。胡椒豬肚燉湯 $55 胡椒味好香好濃，唔會過咸，非常推介呢個，飲完即刻暖哂。湯料一樣都係好多，豬肚都有六七舊，唔腥又入味爽口。…查看更多

平時成日出街食飯，好少係屋企飲到湯水，而且加上工作忙，連自己煲湯嘅時間都沒有！不過知道尖沙咀有一間專門採用上等食材原盅燉製的燉湯專門店，採用真材實料湯料，糅合傳統和現代的精華，打造多款燉湯美食，吸引左我過去試吓！日頭去到戶外的日光照射入內，感覺很清新舒適，除咗可以堂食仲可以外賣走非常方便！我就揀選了一個燉湯套餐，點了一盅冬菇燉竹絲雞湯配細豬扒配洋蔥飯。估唔到冬菇燉竹絲雞湯好大碗，以密實封口包裝外賣，入面嘅配料都非常多，原隻冬菇加竹絲雞，飲落去更有黐口質感，好好飲！而豬扒配洋蔥飯的豬扒肉質鮮嫩，好入味。朋友還點了蟲草花栗子素湯，大讚蟲草花味道濃郁！很欣賞湯直送 有24小時只要消費滿$55就能全港直送，在APP落單新開戶更有$30蚊送，好抵！…查看更多

今日去湯直送食午餐。第一次去試試。同事們都話好食咁味道真係好唔錯，好足料d湯。椰皇燉去皮雞湯黑椒雞扒最近加左價了，午餐分兩种價錢。湯$58及$68。十$8蚊有一份份量好少好少既碟頭飯，食完好似冇食過野咁…查看更多

之前見到湯直送FB，秋冬起最啱飲燉湯，作為人事部嘅我決定喺今日公司下午茶嗌比同事試吓（其實係自己想試！）我叫咗杏汁燉豬肺，呢個湯功夫非常多又煩，喺屋企真係唔會做，今次大好機會一定要試！打開盒蓋，內有乾坤，原來仲有保鮮紙包住內碗，搣開保鮮紙，好香嘅杏汁味道，試一啖，仲係熱嘅，杏仁味重！再試豬肺，好淋好易咬開，又無內臟果種「益」味，好正又足料！見到隔離同事叫燉白鴿，有成隻白鴿脾，又有原粒干𦾾柱，六十幾蚊一盅真係唔貴，最重要係各位同事都好欣賞，下次又可以試吓其他！喺 app 訂仲可以見到工場現場直播，無返咁上下整潔乾淨嘅環境又點敢比大家睇，所以完全好放心食。另外因為突發事馬路封咗，辛苦晒送湯嘅哥哥仔要行幾條街送上門，感激！…查看更多

我好喜歡飲中國湯，覺得湯水好能夠調理身體健康， 好可惜之前幾個月冇姐姐用，所以冇煲湯好耐啦，老公對我真好， 特別帶咗我去這間餐廳飲湯。老公幫我點了一個 '花膠燉杏汁鮮奶'，( 因為我自己唔捨得點$128 一份) ，好足份量，有三大塊花膠，其中兩塊有我手掌咁長，有一塊仲長過我個頭，真係好有驚喜，杏汁夠香，花膠好嫩滑，唔會過火，仲落咗薏米，所以好有咬口。老公點了一個'粟米栗子燉雞'，好多料，仲有原粒乾瑤柱， 有三大碗咁多，$55蚊的價錢，自己喺屋企都煲唔到。 用木桶裝都幾有特色。…查看更多

今日我係飲粟米栗子雞件燉唐排，入面有2舊大唐排，3隻雞 (有大有細)，2件紅蘿蔔，幾粒栗子，3件粟米 (約半條)。如果以10分黎講，個湯值8.5分，因為全無味精，唔油膩 (如果有雞皮應該會偏油)，足料，佢送黎仲會有一包鹽俾埋添，飲完個湯基本上有6，7成飽飯方面，今日嗌既係咖哩牛腩，有傻仔2舊，牛腩幾舊同牛筋一條，整體而言，個飯唔算突出，亦唔好太抱有期望，因為我相信佢主打係個湯，所以我會俾6分如果以一個正價係$63既set，我覺得係值，第一次透過app仲要減3草，絕對係超值題外話: 呢間野做既order，我會早一晚會響app收到通知正準備我既order，到出order當日會再收到一個whatsapp話今日會幾點送到，而送黎既時間仲俾原先既早左20分鐘 (我叫佢20分鐘後先送都無問題)，非常值得一讚…查看更多

返屋企食晚飯之前，有朋友介紹我嚟呢度飲啖老火湯，見到樓下同埋門面裝修金碧輝煌，仲以為價錢好貴，但實際價格都算合理。座位唔算闊落亦唔算多位，我估因為佢哋都係預算做外賣為主堂食次要。先來粟米栗子燉去皮雞湯，啲湯料裝滿成個湯盅內，有2-3件豬骨同大約3-4件雞，又有乾瑤柱，湯好清甜，湯表面冇乜油，這個湯嘅份量有平時燉盅嘅2.5倍大，以$55/盅來說，性價比高。花膠燉杏汁鮮奶比較滋補一啲，將湯內的花膠攞出黎，發現有三件花膠，最大嗰件花膠有成隻手掌咁長，花膠亦算厚及有彈性，湯底清而滋潤，杏汁味唔算好濃，可能係花膠份量比較多，湯的質覺比較’杰‘啲。後來發現佢哋做緊推廣，24小時全港直送，用手機落單$55/起已經免費全港送貨，下次唔使咁遠嚟呢度飲湯啦，外賣喺屋企慢慢飲。…查看更多

近排天氣乾燥，真的要飲湯水滋潤一番😌😌，要我地在職太太褒湯真有點難道😝😝聽同事說對面中港中心新開燉湯店 放工買2⃣盅同老公飲😋一出門，有點意外，裝潢乾淨企理，有不少堂食座位，仲有得嘆電視📺一望餐牌，價錢好抵，幾十蚊有交易，450ml 用具齊全，袋、碗都好扎實，每碗包實曬去燉，包保吾會漏，過埋關都無問題👍👍店員講俾我聽可以download個 app，全香港24小時免運費送湯，偏遠地區當然除外啦😱😱😱我order 凌晨$55的湯都會送，「係！準時」好堅啊😍😍😍湯方面，真材實料！450ml真係夠曬飲☺蟲草花燉竹絲雞，四五件雞仲有排骨，渣都可以食埋😝😝湯很清，用燉嘅方法特別原汁原味，一點都不油😬😬花旗參淮山燉去皮雞大大粒花旗參，大大粒瑤柱！非常足料，好重花旗參未熱辣辣飲落好舒服👍看見堂食仲有好多醬料可以點湯渣😌😌下次試堂食，環境好乾淨，店員服務都好好🥰🥰有咗燙直送app之後唔使煲湯啦🤪🤪🤩🤩…查看更多

「世上只有媽媽好，靚湯只有家中有」🥺當然最好就係咁啦！不過都市人生活繁忙，唔係個個都有時間煲湯，呢間餐廳就岩哂喇，可以堂食飲湯食飯，仲有得外賣，自取又得，送上門都得，仲24小時添。今日親身試2款湯冬瓜薏米瑤柱燉唐排$55好清甜嘅味道，薏米煲到腍哂，仲有大粒瑤柱，唐排亦肥瘦適中，唔會鞋，仲好香，亦唔會浮起肥油，湯渣完全適合食用花膠瑤柱燉雞$128真係好多花膠！花膠每塊都有手板厚，一共有四五塊，筷子夾上黎都，感覺到有幾墜手。海味加埋好鮮，配合雞肉，好滋補，飲完亦唔會口渴，真正真材實料店面好靚景觀又開揚，外賣嘅落單方式亦都好照顧到我哋嘅需要，可以用app，與時並進，岩哂都市人。坐左係度一個鐘d外賣單無停過手，質量有一定保証！…查看更多