湯加 (大興商場)

發現湯品連鎖店 「湯加」 有個抵食2人套餐！套餐有足料又大碗燉湯之外，仲包一碟小菜，再加埋有一條鮮魚或者半隻鹽焗雞，仲連埋2杯熱飲，都只係 $175 ！好抵食！！ 大佬呀！平過自己買餸煮一餐好多！！🤑📝 2人套餐 $175燉湯 ( 3揀1 )揀蟲草花花膠魚肚燉雞無諗過都幾大碗！唔止咁！仲要有大片花膠同埋大雞髀，其他湯料仲有蟲草花、紅棗、杞子鮮魚 / 鹽焗雞 ( 2揀1 )揀鹽焗雞肉質滑嫩，肥膏唔多小菜 ( 11揀1 )揀豉汁勝瓜炒蝦球足料豆豉醬，啱晒撈白飯食砵仔飯 ( 2碗 )熱餐飲( 2杯 )水蜜桃QQ椰果 +$9凍咖啡 +$3魚湯浸時蔬 +$13揀娃娃菜其他選擇有白菜仔 / 生菜 / 菜心 / 蘿蔔_______________湯加 (屯門)屯門大興街1號大興商場地下71及74號舖_______________…查看更多

今次試咗佢哋招牌嘅燉湯二人餐，$175有齊燉湯、小菜、主菜同飲品➰燉湯二人餐 $175 ➿ 蟲草花膠魚肚雞湯蟲草花膠魚肚雞湯真係真材實料。湯底清澈、味道十足，飲落去感覺好滋補。花膠又大又厚，魚肚滑嫩，充滿豐富嘅骨膠原。➿ 豉汁勝瓜炒蝦球勝瓜爽脆清甜，蝦球彈牙，豉汁的濃烈醬香令這道菜更加出色。➿ 鹽焗雞半隻雞皮香滑，肉質鮮嫩多汁，鹽焗嘅味道恰到好處，唔會過鹹。搭配少少薑蔥油，更能夠帶出雞肉嘅鮮味。➿ 魚湯浸娃娃菜 加配$13加配價$13的魚湯浸娃娃菜真係好抵食。娃娃菜煮得冧，吸盡魚湯的鮮甜。➿餐飲兩杯仙草紅豆冰加配價$9，大大杯勁足料。而熱飲薑母茶免費加配，味道香濃暖胃。…查看更多

餐廳燉湯材料好豐富。今天點了好抵食的燉湯二人餐：有燉湯，鮮魚或鹽焗雞，可選一款小菜，兩碗砵仔飯，兩杯飲品。蟲草花花膠魚肚燉雞湯：花膠又大又厚、魚肚滑嫩。豐富的膠質口感。 雞湯非常濃郁入味。入口清甜，滋補不膩。鹽焗雞半隻 ：熱辣辣上桌。鹽焗雞皮滑肉嫩，味道鹹香岩岩好，肉質緊實，口感鮮嫩多汁。搭配少許薑蔥油，更添香氣。豉汁勝瓜炒蝦球：勝瓜爽脆，清甜多汁。蝦球炒得彈牙。豉汁令蝦球更顯鮮味。值得推介。水蜜桃QQ椰果：好香水蜜桃味，搭配QQ口感的椰果，清甜中帶有果香與咬口。冰涼爽口，大滿足。五寶薑母茶天氣剛剛轉涼。飲返一杯溫熱的五寶薑母茶。 薑味濃郁，暖胃驅寒。五寶的搭配讓茶湯層次豐富，不只是薑辣，還有微微的甘甜。可以加錢加配小食。這二人餐份量已經好足夠。這次午餐沒有加配。…查看更多

今日同朋友試咗個燉湯二人餐，整體來講幾抵食，味道都唔錯。個蟲草花花膠魚肚燉雞真係幾好，花膠同魚肚都算多，煮得夠淋，蟲草花帶少少咬口。飲完成個身暖笠笠，呢個湯真心推介。個鹹蛋馬蹄蒸肉餅食落唔會好膩。馬蹄粒加得啱啱好，增加咗啲爽口感覺。鹹蛋黃送飯一流豉汁蒸黃立䱽都算新鮮，魚肉蒸得啱啱好，唔會過老。豉汁味道夠但唔會太鹹套餐包咗飲品，可以加錢升級特飲，個芒果汁都幾清甜總括來講，有湯有魚有肉有飲品，住家風味，食得舒服…查看更多

📍 湯加｛屯門｝最近天氣仍然炎熱🥵但係都會好想飲湯，喺大興嘅平民區有一間價錢合理，而且做街坊生意嘅燉湯店除咗飲燉湯出名之外，呢度嘅鹽焗雞都相當係招牌🥢🥢🥢呢度嘅湯款都好多，全部都係養生湯🥄🥄如果屋企冇煲湯嘅時候，落嚟飲碗湯都係一個好選擇🙆🏻‍♀️🙆🏻‍♀️✨ 蟲草花花膠魚肚燉雞有半隻燉雞，湯水非常清甜充滿雞味，而且入邊仲有花膠、魚肚，全部都好滋陰，而且仲用蟲草花，令整個湯水更加養生！用燉嘅方法令到精華更加容易吸收❤️❤️✨鹽焗雞鹽焗雞不愧為招牌菜，雞肉入味，肉質嫩滑，皮薄而且沒有多餘脂肪，撈飯一流🍚✨果醋豬軟骨呢排又熱又焗無咩胃口。最啱食d野醒胃呢個果醋豬軟骨菜飯就啱哂心酸酸甜甜有超多舊豬軟骨，好似食極都食唔完咁啖啖骨膠原，配埋菜飯就係一個healthy lunch！二人餐仲會配兩個✨白飯✨飲品🥤…查看更多

大興商場湯加幾乎每一日下午茶時段都有8至10人圍埋一台，必定坐喺左手面近廚房嗰個位，而且必定好嘈，好似喺度開會咁。此舉嚴重影響其他食客。我冇留意係唔係次次都係同一班人，但係佢哋坐同一位，若干嘅人數，喺同一時段出現。究竟呢班人係咩人？係湯加嘅老顧客定係公司職工？食物方面都還好，整體舖頭樓面潔淨舒適…查看更多

見到大興邨有湯加, 好似好耐無食過, 不如食一下, 一入去就見到好多位😅唔通d人又北上晒不留港, 定d野好難食🤣因為1点多照計都係食飯時間吖🤔 望下餐牌太多選擇, 究竟食魚好定主打飲湯好😀之後揀左個鮑魚姬松茸燉老雞, 揀左要藜麥飯配熱銀菊蜜, 等左一陣餐送上, 賣相又唔係敢差, 係面有塊好大的雞皮同一点点肥膏😆如果貼心d先拿起再出餐, 敢樣會更好😁睇下有乜嘢料先, 有幾只冬菇有幾只姬松茸有二只鮑魚有幾件雞👍飲啖湯先, 好清甜好熱🤩好好味😋我索性將d藜麥飯, 一d一d加落去浸湯食💕好好食, d湯真係好滾, 食到差唔多食晒都係熱熱的🥰👍再飲埋銀菊蜜滋潤一下, 夠熱唔係好甜, 整體其實唔錯, 真係唔差, 可以再來😍😋…查看更多

SOUP PLUS 湯加每個星期日第一件煩惱的事就是到那裡與小絲吃早餐。港式的沙嗲牛肉麵雖然好吃，但每次都是這些又怕小絲悶，所以每次都找不同的食店試試。這間SOUP PLUS 湯加算是與一般茶記有些分別，最特別是有台式芝士蛋餅。是用一片酥皮包著炒蛋和芝士。因為有芝士的關係，所以吃完整過蛋餅蠻飽肚的。另外我們還點了一個雞扒早餐，這個和平常在荼記吃到的差不多，這裡粉麵轉了蛋白麥皮，方包可以轉熱香餅。味道就不過不失，不太喜歡那個蛋白麥皮，味很淡，有點像吃白粥。那裡另一個好處是客人不多，沒有壓力，可以與小絲慢慢吃。阿偉食評：食物味道、服務普通，蛋餅特別，客人不多，可坐耐些。推介指數：5.5/10…查看更多

1點幾買外賣，成個場兩臺客，叫完就聽到有客話整錯野食，然後我等左20分鐘先有外賣，翻到屋企見到都比錯湯（我仲要係加3蚊轉嘅）。差唔多吉場得個兩張單都錯，呢間野已經無得救。…查看更多

這個《前封比目魚》真係好好味！原來煎封的意思是，係落油獲炸😍嘩！配埋少少豉油煎完的香脆外皮邊真係一流平時小妹來吃為了食魚，因為通常附近餐廳🍴的魚都會賣光。但有次發現這裡的蒸魚較甜因加了少少糖，吃了幾次後不慣後便沒再來！沒想到現在因為這個《煎封比目魚》，再次喜歡💕來這裡晚餐了這是十分嘴饞的食家推薦多謝你的識食推薦啊😍👏🏻👏🏻…查看更多

我平日好少特登寫食評，但今次真係不得不寫！星期日補完習諗住喺大興商場附近食少少嘢，由於平日少過嚟呢邊，同埋比較趕時間，所以見到呢間餐廳少啲人唔使等位就入咗去，點知中咗伏！雖然係午飯時段但成個餐廳都冇乜人。諗住落咗單好快有嘢食。上咗嘢飲之後，等咗超過20分鐘都未有嘢食。然後就聽到隔離有兩枱投訴，話已經等超過半個鐘頭都係得嘢飲，冇嘢食啲員工先施施然攞張單入去廚房跟進，但跟進完都係冇聲氣，出返嚟又喺度傾偈。我坐咗咁耐一直都未見過廚房有人攞嘢食出過嚟，只係得嘢飲。由於我真係趕時間所以最後取消咗個餐，去同收銀講嘅時候仲要對我反白眼到到我走嗰刻都係未有嘢食從廚房攞過出嚟。如果大家想去大興商場食嘢就千祈唔好去呢間！冇得食不特止仲要受氣…查看更多

15.04.2021一直唔贊成俾差評，我唔啱食，唔代表其他人唔啱食，直至...之前叫「湯加」（大興）一直好地地，個「兩餸一菜」餐選擇多味道好，之前仲特登俾comment平反，讚佢地個「兩餸一菜湯飯餐」。但上星期開始突然失控，一日用Deliveroo 叫外賣，竟然因為無開機漏哂啲單，第二日再俾多次機會，轉用Foodpanda 叫，無漏單，但漏餸，叫咗蝦滑，我和同事得一條，一直起碼四條，好多份量；最攞命係個魚湯底有腥臭味⋯⋯真係叫人好失望！今日的我打倒昨日的我，唉，無下次了。😢…查看更多

曾經啲職員態度幾好， 尤其是配眼鏡瘦瘦哋嘅女職員態度最好，我久不久會在這裡食早餐， 啲牛乳炒蛋幾好食。 但我4月4日那日去， 啲職員唔同哂， 態度好差! 尤其是當天穿著黑制服的職員，我舉哂手， 叫埋，都冇人幫我落單 ! 我特登走去收銀(黑制服女職員)嗰到落單，佢只敷衍我話” 叫早餐 ? 要等30分鐘加喎” 木口木面， 完全唔歡迎客人嚟落單 ! 我係喺食嘢 ! 唔係嚟求乞 ! 嗰日真係好嬲。 後日我再去食， 情況有啲改善，舊職員出返現，但啲炒蛋好似冇以前咁好食了，唔夠滑。 不過整體都係ok嘅 ! 希望呢間餐廳唔會變差!…查看更多

湯加（屯門大興）今日午餐同事一齊叫屯門大興湯嘅「湯加」，我見好少留言，而且只有負評，好想為佢持平俾少少個人意見。今次不是第一次幫襯湯加，前一次15.03.21我用網上外賣平台訂「蟲草花花膠魚肚雞湯飯」，其實味道不錯，只是雞油太多，整體上四星。但今次我聽了同事的意見，叫了「兩餸一菜飯湯飯」，結果選擇非常多，最重要是有健康的選擇，例如竹笙、豆腐、鮮牛肉、雞肉片、多種瓜菜，我同事都揀了雞扒，又香口又美味。另外湯底（例如魚湯、辛辣、番茄）同飯/粉/麵都有好多選擇，連三色飯、薄餅也有。選擇十分之多，悉隨尊便，而且可以加好多嘅餸，最多好像是十款，哈哈！其他同事叫「姬松茸鮮淮山竹絲雞湯飯」味道尚可，無「蟲草花花膠魚肚雞湯飯」那麼油膩。但另一個訂「客家黃酒薑絲煮滑雞湯飯」就不太合味道。最近網上外賣平台也有折扣優惠，尤其網上外賣平台有八折優惠，十分化算。所以我想湯加的湯飯未必個個喜歡，但我覺得「兩餸一菜湯飯」，選擇好多，味道佳，值得推介！…查看更多

之前番工間唔時都會去湯加食Lunch, 但佢既早餐就未食過, 今日就入去試下。呢度空間都幾大, 不過放滿左枱櫈, 令通道有少少窄。放餐具既地方就係枱側的櫃筒, 如果有人行過既時間想拎野, 就要等一等。另外, 餐廳的人手明顯不足, 係咁多枱客人既情況下, 只有3個員工係樓面, 要負責收錢, 落單, 收拾餐枱等等工作, 根本應付唔黎… 💦💦我叫左一個餐, 餐飲等了15分鐘才有, 而食物更係等左多過30分鐘先上枱 (途中催左一次)… 我聽到坐我附近的食客都不斷催促店員, 可想而知人手不足的問題真係幾嚴重。 吉列魚柳．炒蛋 配 蛋白麥皮．牛油多士 ($35)魚柳比想像中細, 不過炸得脆口。而沙律醬的份量少, 可能我鐘意沾好多醬食, 所以如果俾多D沙律醬就好了。炒蛋炒得唔錯, 唔會煮得老。不過食落比較薄身, 好快就食哂成個炒蛋。蛋白麥皮無落糖, 如果需要甜味, 可以係櫃筒拎白糖撈埋一齊食。成個餐比較失望係個牛油多士, 佢係就咁一塊無處理過既方包, 皮邊好硬。另外就係牛油另上, 要自己塗。加上櫃筒入面無放Tissue, 如果客人無帶紙巾, 就會食到好狼狽。 早餐餐牌：…查看更多