湯。雞

砂鍋桃膠雪梨椰子雞，配新竹米粉（$73）份量不少，雞約有七/八件，雞肉雖然唔算特別嫩滑，但都不錯，起碼唔嚡。椰子片好多，椰子肉爽口。桃膠味道正常。新竹米粉份量足，夠食，唔會碎濕濕及太淋。最後當然講吓湯底，一個字「掂」。首先夠熱，湯唔熱已經會扣分（天氣好熱，冷氣稍稍不足，一路食仲一路標汗）。味道清，唔油膩，帶少少甜，飲落好溫和好舒服，最後當然清哂啲湯。…查看更多

葵芳廣場入面好多小食掃街 難得有間可以坐低慢慢食 仲要係我最鐘意既雞米線當然要試下叫左個花膠雞砂鍋米線係成個鍋咁上 keep倒個湯夠熱 就算食到最後都係暖暖哋雞件都唔少 夠滑同多肉 唔會食哂d雞淨番好多米線 花膠就有兩件 我覺得都正正常常 算大件整體不錯 得閒會再黎食👍🏻…查看更多

在湯。雞最近的用餐體驗讓我感到非常失望。首先，服務態度令人不悅，侍應表現得不夠專業且不友善。在用餐過程中，侍應多次在我們桌旁走動，甚至在我們還在進食時頻繁地打擾，讓人無法安心享受美食。這樣的服務讓我感到被催促，完全沒有放鬆的感覺。至於食物方面，味道算是中規中矩，沒有太大的亮點，但也說不上難吃。整體來說，這次的用餐經驗讓人失望，主要是因為服務態度和用餐氛圍不佳。如果餐廳能夠加強員工的服務培訓，改善顧客體驗，或許我會考慮再去。…查看更多

真係超耐無行過葵廣啦，係嗰度掃街簡直係回憶殺🤣🥹💕不過比以前啲質素差左，同貴左！以前細個飲芒椰奶西$10到依家變左$18，仲要好似飲水咁🫠好差🥲不過比我揾到好野食！呢間花膠雞咁好食居然唔使排隊🫨係我好彩定咩？1️⃣砂鍋鮑魚花膠雞湯翅✨ $103[🅁🄰🅃🄴 5/5]平時我好怕食雞湯麵，因為怕啲雞好柴無肉得骨，我會咬唔到😅但呢間啲雞真係超嫩滑😋✨而且好大嚿，大約5-6舊，仲要係雞髀位（唔洗加$$！），鮑魚好腍入味，最勁都係個花膠，超級大塊，仲要有2塊👍🏻👍🏻超足料！個湯底應該係我有史以來飲完一啖會再想飲嘅湯底🤣平時好怕啲味精湯底唔健康，但呢個湯底勁足料！食到有金華火腿豬皮同埋魚翅💕👍🏻👍🏻超級正！我見到有好多人都飲哂個湯見到碗底😶‍🌫️呢個價錢真心值✨2️⃣砂鍋花膠雞湯翅 $83[🅁🄰🅃🄴 5/5]同1️⃣嗰個嘅分別純粹係少左隻鮑魚，差$20㗎，如果唔鍾意食鮑魚都可以揀呢一個，都已經夠好味😋…查看更多

## 食評：葵芳的午餐體驗星期日我同老婆去葵芳食午餐，呢間餐廳我老婆之前試過覺得不錯，但通常都要排隊。今次我哋未開店之前已經到，幸好唔使等。### 食物評價**醉雞刀削麵**：醉雞麵先上，湯香味充足，醉雞肉質結實，非常好味。醉雞湯加上辣醬，仲有少少麻子，極度惹味。不過，刀削麵有啲偏軟，唔夠咬口。**桃膠椰子雪梨雞米線**：椰子雞同米線搭配得一流，味道鮮甜，椰子非常新鮮。不過，雞肉略嫌不夠入味，但湯底非常好飲，桃膠的質感亦唔錯。**糖心蛋**：配合醉雞汁，味道特別，令人驚喜，真係好惹味。### 總結整體來講，今次的午餐非常滿意，食物味道都好。不過，下次可能會試下其他面，因為刀削麵有啲差強人意。總體來講，值得推薦！…查看更多

已經有好一段長時間冇去幫襯呢間舖頭，不過去親葵廣，如果想坐低食餐好嘅第一間一定會諗起呢一間湯雞。唔知係咪太耐冇去，一見到個湯好有驚喜。今次叫咗花膠雞湯配刀削麵，砂鍋上枱仲係熱辣辣好滾，雞油適中唔會過多，湯頭好香唔會過分味精，而且好足料，湯入邊會見到好多金華火腿同埋魚翅碎。每次經過都可以去試…查看更多

經過呢間成日都見到好多人排隊今日特登早起趁佢開門冇耐去試點知都已經滿座 都要等兩張先入到😂我哋叫咗個雞湯翅粉絲同埋椰子雞湯粉絲上菜嘅時候仲滾住 熱辣辣😆兩個湯底都超級濃郁 必點粉絲 因為會朔晒啲湯嘅精華🤤🤤而且比較爽口另外雞嘅份量都好多 粗略數過都有六至七嚿而且係仲會有雞髀同雞翼🤩另外小食我哋叫咗麻辣墨魚頭 超好食！佢唔會死辣個種 會越食越上癮😆價錢就偏貴 $49一碟 不過佢好食都OK嘅 一定會keep住幫襯但係真係早啲嚟先冇咁多人 我哋食完出去都已經見到人龍…查看更多

夜晚喺葵廣巡咗一圈，最後揀咗呢間舖，排隊排咗半個鐘左右就有位入。原來係坐細枱，細枱會坐得有啲侷促，而枱底有細勾可以勾起啲袋。之後店員見有大枱空出嚟就安排我哋兩個人轉枱，而下一個只有一人就坐我哋原本坐嘅細枱，店員都識靈活安排。兩個人最後總共叫咗3樣：砂鍋桃膠雪梨椰子雞，砂鍋水煮雞，雞湯蘿白。佢哋嘅出品同舖名一樣係湯同雞，首先湯底夠雞味，係好味嘅，唔似味精湯，其次啲雞都算唔錯，小食蘿白有驚喜，食到好飽，如果遲啲有機會嘅話會二訪。…查看更多

小店砂鍋雞米線成日都要排隊🙈證明佢真係好食熱辣辣嘅砂鍋好濃郁嘅雞湯雞嘅份量都有六至七舊佢仲有好多粉麵選擇例如有米粉 米線 銀針粉 白飯 公仔麵 揀另外都仲有好多麻辣小食今次叫咗泡椒牛柏葉牛柏葉爽口 泡椒味道夠辣整體嚟講都好好食大家不妨試試…查看更多

知道呢間餐廳一段時間，一直無機會去食。今日終於有時間，一嘗佢既午餐。今日同朋友12:30 到，前面排左10個人左右。舖頭裡面坐位唔多，因為都少少趕時間，所以掙扎左一陣等唔等好， 最後都只係等咗十多分鐘左右，就已經有得入去坐。我點咗個砂鍋花膠雞湯翅，朋友就叫砂鍋雲吞雞。兩個都可以配飯或各種粉麵，我地就揀左刀削麵和紅薯粉。兩個砂鍋都好多雞，好抵食。雲吞有兩粒，花膠有兩大塊，都好味。價錢分別係 $83和$75，呢個分量和質素，好抵食。…查看更多

葵涌廣場呢間砂鍋米線物有所值，湯底夠晒水準，價錢又親民！必食推介：1️⃣砂鍋花膠雞湯翅 $86- 濃郁花膠味- 層次豐富- 雞肉夠嫩2️⃣砂鍋雲吞雞 $78- 米線入味- 湯底香濃- 雲吞夠水準🌟🌟🌟🌟🌟🌟🌟🌟🌟🌟🌟🌟打卡貼士：❤️建議避開繁忙時間💚份量夠飽肚💛性價比高Rating：懶惰鼠😻😻😻😻懶惰虎🤩🤩🤩+0.5…查看更多

葵廣人氣小店。次次經過都總有人排隊。試左幾款睇下邊款最好味？🥰第一名：砂鍋花膠雞湯翅 $83湯底：砂鍋上到嚟熱辣辣係咁滾住，食好耐都好熱。湯底有雞湯嘅清甜味。味道唔錯。材料：花膠即係好大片嘅魚肚乾，大大片好滑有咬口。雞都幾滑，味道較淡。麵：  建議唔好選新竹米粉，因為啲米粉索晒啲湯汁之餘，自己都會出一啲米粉水，令到個湯有少少米粉水味。不過未算嚴重。🥰第二名： 醉牛舌 $58門口counter有好多唔同酒味嘅食物，醉牛舌出面好少見就買來試下。花雕酒帶有話梅嘅甜味，有酒香得來，又唔係太濃烈。好易入口可以就咁飲。牛舌份量都OK，食落好滑，又唔會有一般中式整牛舌嗰浸騷味。整體係好味。👌🏼第三名：砂鍋桃膠雪梨椰子雞 $73佢唔係一般椰子雞湯嗰種好清甜嘅椰子湯味。反而係原有嘅雞湯味道比較重，再加咗甜味，但又唔特別食得出雪梨味或者椰子味。椰子切得比較細條，容易咬容易入口。👌🏼第四名：藥膳醉雞刀削麵 $67醉雞：正如上面所述，佢嘅酒係好味嘅，甜甜地剛剛好，雞件都幾滑。湯底：藥膳湯底帶一點當歸和黨參嘅味道，都會食到預期中嗰浸藥膳味。但雞湯味唔算濃郁。正常水平。😐第五名：砂鍋姬松茸蟲草花螺頭花菇雞 $80預期中嘅味道，就係菇味加淡淡嘅雞湯味。味道唔算特別濃郁，正正常常冇咩特別。Extra: 👌🏼醉溏心蛋 +$12味道正常，用上面講到甜甜的酒汁，蛋生熟軟硬程度都做得唔錯剛剛好，但夾埋又冇話好香好驚喜，試過下次就唔使特別嗌嗰種。環境: ★★☆☆☆食物：★★★☆☆ 性價比 : ★★★★☆ 推介度： ★★★★☆…查看更多

真係估唔到，呢間小店啲湯底，真係唔錯。砂鍋姬松茸蟲草花螺頭花菇雞銀針粉（$80）約十分鐘，一上枱，已經好香菇味。先呷一啖湯，雞湯混和菇香再帶少少甜味，好味道。雞比咗脾位，雞肉好嫩滑，室溫浸落熱湯，微溫易食。姬松茸、蟲草花、螺頭、花菇，每樣配料都足，食到尾都仲有。銀針粉份量多，索哂湯汁，口感好𡁻頭。醉三寶紅薯粉（$75）雞中翼，4件單骨，入味，皮爽口但肉稍嚡。牛舌，約十多片，有厚有薄，夠味，腍身。豬肚，約十數條，爽口彈牙，三款個人覺得最好食。湯底係藥膳湯，有沙參、圓肉、淮山，味道清甜。紅薯粉份量及味道正常。…查看更多

呢幾日咁凍，緊係要食啲熱辣辣嘅野食😂 呢間餐廳已經encore過好多次！主打雞湯米線，有唔同嘅養生湯比大家選擇～食米線同時又可以飲埋湯，一舉兩得😋砂鍋桃膠雪梨椰子雞米線（$73），成個米線都好足料，桃膠雪梨都好多，成個湯底好有雞湯味，好食！😍姬松茸蟲草花螺頭花菇雞粉絲（$80），成個湯底勁濃郁，真係會忍唔住飲晒！啲雞好鮮嫩，一啲都唔韌🥳！粉絲索哂啲湯底勁有味，不過如果你想飲湯，就唔好叫粉絲，因為都幾快索晒～不過呢間餐廳平時都多人排隊，想食就要排隊等一陣💕…查看更多

從來未試過打評論，第一次就比左呢間舖。撫心自問，我覺得個砂鍋花膠雞湯翅唔係無可取代，只可以話到此一遊打個卡算😅當然咁既價錢唔好expect翅多同埋個湯會濃身啦。其次，最趕客依舊係員工態度，極差有機會好好享受食物嗎？澳牛咁既feel lor🤣你食得慢都唔安樂果種，我明要做生意，依家個市都差生意難做理解，但大家香港人，小店有番少少人情味會更好。…查看更多