湘川滬 (粉嶺中心)

衬国庆和中秋一连几日假期，提早和家人聚餐。一行六人订了枱，唔使等位。我哋点咗八个𩠌。头盘四式凉菜$118，份量一般，但有特色。北京填鸭(半只)$88，加埋配菜酱汁包住食，唔油腻好好味。花雕醉鸡$78，酒香鸡肉嫩，份量足。怀旧鱼香肉丝(跟薄饼)$80，炒得好够镬气，小小辣好惹味。腿茸奶汤津白$85，一般啦。招牌小笼包六只$72，热辣辣好好味。三鲜锅贴四只$48，煎得香，唔会太油。甜品:高力豆沙六只$69，好大只，唔太甜啱啱好。最后仲送埋红豆沙。呢间餐厅性价比非常高。啲嘢食又有水准。下次会再帮。…查看更多

8号风球！突然多左一日假！近近地落楼下同屋企人去左「湘川沪 」食饭。四式凉菜鸡丝粉皮 - 麻酱落得足，粉皮滑溜捞匀食超开胃 镇江肴肉 - 冻食啱啱好，水晶状肉冻睇得又食得 葱油海蜇 - ，葱油香唔会盖过海蜇鲜味 ，海蜇爽脆云耳青瓜 - 青瓜食落清爽，食完即刻胃口大开！北京填鸭片皮鸭即叫即片，饼皮蒸得热辣辣，夹住青瓜丝同甜面酱，鸭皮脆而不腻招牌松鼠鲈鱼鲈鱼起骨炸到金黄，个茄汁甜酸度平衡得啱啱好仲要冇骨啖啖肉，脆香鱼皮黄金虾黄金虾超大只，而且仲剥埋壳，咸蛋黄黐满每只虾，最正系连鱼皮都炸到薯片咁脆。上海粗炒镬气够又唔会太油，粗面咬落有弹性，肉丝同椰菜份量都足，稳阵之选…查看更多

朋友去咗间川菜馆，真系食到好满足。第一味就系水煮牛肉，一上枱𠮶阵红油翻翻，香味好够冲。牛肉好滑，唔会死实，加埋啲芽菜同宽粉，吸晒辣油精华，越食越惹味，唔觉意就食到出晒汗。 跟住系**田鸡干锅**，啲田鸡肉鲜甜嫩滑，冇腥味，辣香混住啲干椒、花椒，香味好立体。锅底仲有啲薯仔片、莲藕片，吸晒汁，又香又入味。边食边加热，保持住干爽热辣嘅状态，好过瘾。 最后试咗**蒜泥白肉**，呢味系凉菜，正好用嚟中和之前啲辣。肉片薄得嚟仲有少少脂香，入口即溶，配上香浓蒜泥同微酸嘅调汁，好开胃。食完唔会觉得油腻，反而想再嚟一碟。 整体嚟讲，呢餐嘢辣得够劲，但唔系死辣，有香有层次。三道菜各有特色，水煮牛肉重口味，田鸡干锅辣香过瘾，蒜泥白肉就清爽解腻，配埋白饭简直停唔到口。下次一定会再去！ …查看更多

闲日中午见呢间上海店有点心又有上海客饭套餐 几多选择~点心叫咗虾饺 菜苗饺 金钱肚陈川粉 煎萝卜糕 同排骨菜苗饺虽然有一粒烂咗 但胜在同虾饺皮一样有咬口 皮亦唔会好厚 馅都丰富😁金钱肚正正常常 但陈川粉就一pat野咁 痴埋一旧我食嘅时候每块分开返一块一块食🤣煎萝卜糕略为煎得唔够脆口 但味道都几好😊排骨都正正常常~我哋另外叫咗碟上海粗炒 有得少盐少油😆 每条面都沾满色 口感好味 面食落唔会淋 又有菇同肉丝 好食~最钟意食呢间嘅小笼包 继续皮薄多汁😍😍 每次黎都一定叫😆点心11:30前落单平啲(早茶价钱) 茶位每位$10~…查看更多

区内比较高价嘅上海菜餐厅，午市有套餐，晚餐嚟试觉得不过不失鸡丝粉皮：有花生酱香，粉皮都几有咬口，加埋青瓜清爽冇咁腻🥒糖醋鱼块：呢个认真唔错，鱼块唔厚粉炸得啱啱好，酸甜酱同菠萝更添滋味🍍瑶柱蛋白炒饭：炒得几香，份量唔少小笼包：有惊喜，薄皮多汁，而且几大只🥐价钱比较高价位，要加茶位同加一，性价比略为低啲…查看更多