湖越

星期五晚揸架車入大美督，想chill 下冇咁多人，逃離下城市🤣 估唔到呢間真係有驚喜！食物+ 環境都good😌 下次真係有機會再黎！早啲嚟，門口泊車免費，門口大約有六個車位，唔知道另外一邊仲有冇，個裝修幾有心思，外面係一艘船嘅設計，而間餐廳真係對正湖，入邊個廁所都裝修得舒服企理😌 有室內同埋室外位，我哋見到涼涼哋，就坐咗室外，好舒服！最推介佢嘅火車頭 $102 牛肉湯底好清甜濃味，用靚牛丸，牛腱（懷疑係新鮮牛腱），牛筋入口即溶，簡直係我喺香港食過數一數二好食嘅火車頭，呢碗嘢市區價錢，但值得入嚟食🥰🥰小食拼盤 （細）$168 其實係三至四人份量，兩個人食到好飽，最驚喜係個扎蝦，彈牙鮮甜，另外個春卷都炸得好薄好脆，即使攤凍一陣，都仍然保持爽脆口感，其他小食就正常發揮，都係好食！🥰鮮蝦米子卷 $108 相對之下，呢個就係出邊市區都食到，但材料都豐富，即叫即包，蝦肉彈牙！😝椰青 $52 好清甜，靚椰青！😍龍眼冰 $46 個杯都幾大，配越南嘢就啱晒！😚…查看更多

喺OpenRice咁耐第一次留言，我哋從來未試過食一餐飯可以咁差服務態度，食到一肚氣。今天假期下午2點幾3點7個人去，由於有狗仔，要坐戶外，天氣咁熱，可以只開戶外屋頂上既小風扇，兩部大坐地風機冇開，我地主動叫佢開一部大風機，點知佢推咗部大風機去俾隔籬枱吹，係吹唔到我地🤬🤬🤬🤬但隔籬枱係冇提出依個要求，大風機已經係莫名其妙。去到點餐，我地order法包時已經強調講明只要包及豬肉，其他配菜及醬汁都唔要，因為有食物敏感，有啲配菜及醬汁係唔食得。一黎到，法包係完全冇走配菜及醬汁，第一次同佢講，佢夾走咗配菜，第二次上台，佢再次強調沒有醬汁，點知我打開個包有少量配菜及醬汁，第三次再同佢講，佢話法包冇貨，要等半個鐘車入黎。咁我地就話轉炒飯，之後佢話炒飯賣晒，咁我問佢有咩，佢答我廚師發脾氣，唔肯煮嘢食...👍👍👍👍今時今日咁嘅服務態度，果然厲害，全場只有三台客人，仲要只係下午時間。重點係兩個侍應只有三台客人，兩個可以得閒企喺度傾偈，上菜侍應問落單侍應，落單侍應講明已經同廚房講咗，係廚房出錯，但最後係要客人去受氣👍👍👍連餐具及水都要由我哋主動同侍應問，水亦都要講幾次先比，侍應仲要答，你地叫左野飲以為唔使俾水你地，但係我地叫佢俾水既時候野飲已經上咗枱。成餐飯係叫埋單最快。依間野可以永遠black list，冇下次。…查看更多

今日揸車去左大尾督本身想搵港式燒烤食，但泊低左車之後見到呢間越南菜餐廳，就俾佢門口成隻船嘅設計吸引左，試左呢餐即興越南菜 - 潮越。頂級安格斯牛肉湯粉（$98）想知越南菜餐廳水準，就要試下佢碗pho，呢度pho湯底偏清甜，有淡淡牛肉香味，湯表面冇咩油脂，覺得食完唔會好heavy，而呢度嘅河粉係偏幼身嗰種，河粉入口軟滑，本身亦冇細碎情況出現。配料方面主要有安格斯牛肉片同手打牛丸，牛肉片肉質細膩，而反而有驚喜嘅係牛丸，牛丸咬落彈牙，唔會死實，同埋勁有肉汁。湖越經典法包（$88）入面有扎肉同雞絲，爽口的扎肉加埋juicy 的雞絲同烘到好脆的法包，再加埋啲菜絲食，口感層次好豐富，法包切開一半，好方便食 。蝦多士（$108）蝦多士共有5件，上枱嗰陣見到蝦多士表面落左好多芝麻先炸，所以炸得好香口而且金黃酥脆，蝦膠亦做得十分彈牙出色。可樂（$16）特濃青檸梳打（$48）揀左汽水同青檸梳打作餐飲，梳打味道清新微澀，係開胃之選，搭配今餐濃味主菜，可減輕油膩感。…查看更多

今年越來越喜歡越南嘢！今日食呢間，越式小食拼盤以酥脆的春捲與香茅肉串揭開序幕，蘸上酸辣魚露，瞬間喚醒味蕾。接著登場的「湖越生熟牛肉湯河」——生牛肉片以熱湯澆淋至半熟，肉質柔嫩如絲；湯頭清澈卻滋味深邃，九層塔與檸檬汁更添層次，每一口都是經典的南洋風情。「牛魔火車頭」則將牛肚、牛丸與牛肉集於一碗，湯頭濃郁醇厚，河粉滑溜吸汁，配料在口中迸發豐富的咀嚼感，滿足感十足。壓軸的「經典越南發包配薯條」創意十足：烤得酥脆的越式麵包夾入醃蘿蔔與烤肉，佐以金黃薯條，東西合璧的趣味令人驚豔。這趟越南饗宴，從清淡到濃烈，傳統與創新並存，每一道皆展現了越南菜系的靈魂——平衡與鮮明，值得細品。…查看更多

今日去完龍尾灘玩，順便係附近食埋野先走，夜晚7點左右入左去食，等左9個字先有野食到，隔離左右前後枱既其他客人都做緊同一樣野，不斷搵店員催單，個個人都等到成肚氣，未食先飽，終於等到食物但係落錯單黎錯野食，一等再等，谷鬼氣，下次唔會再嚟。附近都有好多選擇，唔建議大家黎等。…查看更多

訂座了，到達後沒有紀錄，更要求我們必須坐室外，重點是菜單上的帽子火鍋明明沒有寫不能點，但一場到達後才告知材料不足，要求我們點其他菜代替，更提醒我們應來臨前告知？？我是特意生日過來希望嘗試特色火鍋，此服務簡直離譜，無恥至極限…查看更多

大埔友表示一直都好少越南菜，左搵右搵見大尾督有間好多好評既，同朋友約咗周末去。蝶豆花椰汁🥥：藍天白色既漸變有藍天白雲既感覺，都幾岩打卡，如果可以冰粒少d就更好。綜合越南粉（火車頭）：個湯底真係勁濃厚，河粉都細滑，配料有牛肉丸、牛肚、牛肉片、牛筋，牛肉部分基本上已煮到林曬，一咬就化。雞扒春卷撈檬，檬粉既分量十分多，春卷係鮮有用豬網油包既，所以一咬落去脆同有陣豬油香，餡料調味偏重黑椒，雞扒都係焦香岩重口味友！扎肉蝦仁米紙卷：蝦仁新鮮，主要係米粉包，肉既比例如有多d就好。想講間鋪一入去已經被牛骨味包圍，調味唔似市心有間完全港式，用咗好多越南本地既調味料，食物量都大，對河邊享受美食…查看更多

餐廳裝修很有越南特色。點了一個二人餐，有兩碗大嘅湯河。其中點了濃蝦湯黑豚肉河粉，湯底非常濃郁，又有蝦，蜆，紥肉，黑豚肉，超級推介越南炸春卷和芒果呢個叫咩芒果軟殼蟹卷十分出色。下次再來大尾篤一定會再來。…查看更多

今晚入開大美督行吓，見到而家開咗好多新餐廳，見到呢間越南菜望住過湖，環境幾好，睇吓有Menu都好多嘢食，一於試吓。我哋坐室外環境好靚，好乾淨，我哋叫咗個火車頭河份量都好足，又大碗，湯底濃濃牛骨味，清澈帶有少少甜味，唔錯，加杯啤酒一流跟住叫咗兩個小食，一個蝦春卷一個係燒豬頸肉，兩樣都好好味，蝦春卷成件好實淨，完全冇偷工減料，豬頸肉好入味，好香炭香，另外仲叫咗個菜，不過冇影相，都係唔錯的。跟住我哋夜晚諗唔到食咩決定喺度外賣埋，唔知道其他嘢都一樣咁出色特別想讚吓呢個越南法包，佢都算係香港食過數一數二正宗，同我當年喺越南食過嘅味道完全一樣…查看更多

今日屋企人話想食越南嘢，於是我揀咗呢間湖越，貪佢環境好，可以坐耐啲。我哋叫得唔係多嘢食，先嚟過越南小食拼盤，都好豐富，有豬扒，有豬肉串，有扎肉，有雞翼等等，全部都係炸嘢，另外叫咗個米子卷，好清新，點埋佢個「碌林」汁，味道昇華。跟住叫咗個竹炭麵包咖喱卷殼蟹，好大份，咖喱汁滲入去竹炭麵包非常好食，配搭埋軟殼蟹更加係口感一流，埋單四百零蚊都相當合理，有埋咁嘅環境食飯望住個湖，係唔錯嘅選擇，另外呢度嘅洗手間非常乾淨，值得一讚…查看更多

越湖lake Vietnam（ 大埔大美督）今日揸咗車去大埔，見到有間越南菜，門口仲要有得泊車非常方便，即刻入去試吓餐廳有室外同室內，見今日有風，坐室外感受一下，望出去仲有湖，非常舒服又休閒越南街頭牛仔骨$128肉質鮮嫩唔會太鞋，脂肪同肉嘅比例非常平均，香濃嘅牛肉味上面鋪滿大量黑椒，唔會覺得油膩馬拉盞通菜$88通菜顏色嫩綠，爽口，帶有微辣，濃郁嘅蝦醬同魚露嘅味道，用咗馬拉盞嚟炒係泰國一種經典嘅調味，鹹香味重，入口惹味，融入醬料，口感豐富椰青焗大蜆$128第一次食到用椰子肉嚟調製嘅大蜆，有好多嘅椰子肉喺入邊，每一啖都散發出香濃嘅椰子香味，大蜆份量算多，味道鮮甜，好新鮮，入口又冇沙，有香濃嘅椰青同埋香茅味，夠晒清甜，配菜有大蔥，香茅辣椒，炸蒜越南珍多冰$42顏色非常鮮艷，用咗斑斕粉製成嘅綠色粉條，質感爽滑，又清甜，椰汁味非常重，入面仲有新鮮菠蘿粒…查看更多

今日落住毛毛雨又入咗大美督行陣，因為唔想出商場去迫，又唔想返大陸咁遠，香港好多集團式經營越南菜，味道已經做到好一般，入到嚟見到呢間湖越，有午餐，都幾抵食都係60至$70。我哋三個人，二話不說叫咗兩杯啤酒，有一個唔飲，夠晒凍有冰杯。我哋各自叫咗嘢食，有麵包有湯粉有小食，特別要講吓呢個法包，外脆內軟，滿滿嘅材料有雞絲同埋扎肉，肝醬同牛油，配料都有好多，好少做得好食，呢個真係推介。另外叫順化黑豚豬湯河，嚟到碗嘢真係嘩咗一聲好豐富，有豬肉，鴨血，豆卜，蜆，河粉幼滑，非常好食，湯底係用蝦湯，濃郁非常。生熟牛河（走蔥），店舖話明係60斤牛骨當然要試吓，上到台個湯夠晒熱唔在講，真係好香，牛肉靚，成碗嘢即是味道昇華，高分。另外香茅雞翼同埋越南春卷都做得非常正宗及入味，呢間越南菜真係我喺香港食過數一數二。…查看更多

Happy Friday 去咗大美督食晚飯，朋友搵咗一間食越南菜嘅餐廳，去到餐廳覺得好驚喜，環境好舒服，我哋揀咗外面嘅座位，吹住陣陣涼風，感覺寧靜舒適。見到Menu嘅越式湯粉非常吸引，所以點咗一款試試，另外再點咗個咖喱同牛仔骨。順化黑豚豬腩肉濃蝦湯粉湯頭係好香濃嘅蝦湯，非常正！本身係配檬粉，我轉咗河粉，河粉非常滑。除咗有豬腩片，仲有蝦、扎肉、鴨血同豆卜等等，非常豐富。越式椰香咖喱軟殼蟹配法包咖喱汁加咗蛋，更加香同厚身，用嚟配法包非常好食。法包好脆身，好香口。軟殼蟹好大隻，切件後份量好多。抵食！炭燒牛仔骨牛仔骨好香，肉質又唔會乾，幾好食。食飽之後，由於環境太舒服，所以點咗杯特濃青檸梳打，再坐多陣，一面飲一面傾吓偈，吹吹風，好enjoy。整體食物質素唔錯，價錢合理，最重要嘅係環境自然舒適。餐廳外亦有地方泊車，啱晒駕駛人士入嚟食飯。…查看更多

今日一家人入去大美督食晚飯，訂咗呢間越南菜，當晚唔多人可能係平日啦出邊風涼水冷，超好環境，又靜靜地我哋叫咗越南春卷，豬肉串，飯，牛油雞翼，燒魚，菜同埋米子卷好多嘢。特別要講就係個春卷同埋豬肉串仲有個河粉，個越南春卷係人手包，新鮮好食同我越南食嘅一樣，個豬肉串又係爆汁。蒜蓉牛油雞翼，好香牛油味，好食個牛湯河真係好正，濃濃牛骨味，之後仲忍唔住叫多個剩牛丸，呢度啲牛丸又係爆汁全部都係用靚嘢，而家好少小店捨得用呢啲貨，完全食得出。👍🏻…查看更多

平時好少食越南菜，今日入到嚟揀唔到食咩就試吓呢間湖越，上網睇評分都唔錯，去到餐廳都坐咗一半人，有室外室外，我哋揀咗坐出邊。我哋叫咗個越式小食拼盤，有蝦餅，豬肉串，春卷，扎肉，香茅豬扒都好豐富，全部都好好食，可能我又好肚餓。跟住見到佢哋新出咗個蕃茄蟹膏湯檬粉，我知道出邊都有好多間有做，但係我就未食過，佢哋係原隻蟹釀咗好多蟹肉蟹膏入去，成隻蟹差唔多隻碗咁大，蟹膏餅唔同出邊咁樣係一塊塊，個湯係用咗大量蝦頭同埋蟹去煲湯，店員話絕無味精，我飲晒成碗都係冇口渴，呢碗嘢簡直係依半傷人，雖然佢買緊百幾蚊但係真材實料。跟住叫咗個咖喱，係越式咖喱比較稀少少，好香椰奶味，唔似出邊啲咖喱咁杰撻撻。香茅雞翼，正常味道跟住仲叫多咗個菠蘿炒飯，好有鑊氣份量夠大，可惜就唔係成個菠蘿上。仲有個明爐魚，好大條我哋四個人都食唔晒，不過呢個就冇打包，佢哋個海鮮汁酸酸辣辣幾好食。總括呢間餐廳係唔錯，食物質素係有心機，份量都偏大，價錢唔貴，四個人食都要打包走。坐出邊仲可以望住個湖景，靜靜地食飯，唔錯。…查看更多