湊湊火鍋‧茶憩 (圍方)

营业中

休息中

秋風終於起~ 係最好嘅打邊爐時候喇！首先，講下佢嘅鴛鴦鍋湯底啦！真係好正，兩個人打都可以有兩款湯底～佢哋嘅鴛鴦鍋湯底有好多款可以揀，清、辣、濃、淡、養生都有，可以分開兩邊，唔使怕要就邊個！口痕友又可以一邊食麻辣、一邊食清湯，真係岩曬一眾好奇寶寶！先嚟就係冰鎮鮑魚啦！呢個係個少少貴啲嘅，比想像中少，但都可以一試嘅～鮑魚嘅肉質厚實鮮嫩，但反正我地都係勁肚餓，Ｄ 野食一黎到就即放入鍋，佢冰唔冰鎮都無所謂～但如果有朋友係中意，放係張檯欣賞下個鮑 十幾分鐘之後先食，咁就可能需要冰鎮喇再嚟就係人人都點嘅「企鵝丸」啦！味道係比想像中好，外形都可愛，令人忍唔住想咬之前，望多一眼～真係一款岩曬我 D 充滿少女心嘅朋友仔！最後嘅特選級牛肩胛啦！呢款牛肉真係上乘到冇得彈！每一啖都食到牛肉嘅鮮美！真係令人回味無窮！呢個可以叫三盤！總括黎講，企鵝丸 同 特選級牛肩胛 係我覺得比較值得叫嘅～留意返，最近都多人，最好早多多黎～ 如果唔係有排等

今日同老公去左圍方行街係一間新開既商場但原來有同事介紹佢要食湊湊話好好食喎 所以結果我地都去左🤭我一望個餐牌又係比佢個午市套餐吸引左 $298兩個人前菜好食配料花款多係魯肉飯火鍋方面加左$38 花膠雞湯但真心 花膠雞湯其實吾吸引因為個花膠雞湯好結身而職員亦都好遲先同我地講個湯底要不停攪但係個湯已經痴哂底同濃左而且舊花膠煲到最後都吾淋有d似美食節五十蚊買個d佛跳牆花膠雖然個湯入面真係有兩粒鮑魚但吾係特別吸引所以吾建議叫！！！！！👺👺👺👺👺但值得一讚係吾洗加錢既台式麻辣鍋入面有鴨血 仲有好多紅棗同豆腐 湯底夠香 牛肉係依個湯底下熟得快過花膠湯配菜都夠多 多到食吾哂成個套餐仲包兩碟70g肉 (有牛豬選擇）我地就叫左美國特選級牛板腱同埋牛肩胛肉質軟身 配埋自選配料醬合乎個人口味佢仲有桃啫喱送入面真係有果肉再加埋杯細細杯 水蜜桃菠蘿沙冰埋單找數$370/2抵食過晚市好多覺得賺左🌺🌺🌺🌺🤭

每次經過圍方都見到入面裝修好靚好特別，裡面偏藍偏暗充滿神秘感，而且有煙霧效果好似去左仙境咁，今日放假同朋友就去試下，十分期待我地都係walk-in等左半鐘度就可以入座了，裡面果然裝修特別，不過地下有痴笠笠既感覺，唔太舒服茶錢需另計，包出面食物吧既醬料同肉燥飯，茶香甜，用黎解膩唔錯醬料吧有唔少選擇自己配搭，但衛生情況一般清涼椰子雞湯底椰子味淡，欠鮮甜味，有點失望海鮮棒棒糖造型有趣打卡一流伊比利亞黑豬肉，脂肪同肉比例唔錯，推介烏雞肉卷口感特別，食落有層次，如果食厭左豬肉牛肉片，絕對值得一試竹蟶鮮甜味唔算好突出最後仲免費贈送 波蘿沙冰 同 蜜桃大紅袍茶凍 作結尾

湊湊開左咁多分店但從未食過，圍方開幕咁就腳，一於過黎試吓星期五晚好多人，book唔到位唯有現場walk in，不過真係等左好耐！門口位都算貼心，佢地都知d客要等好耐，準備定一大盤紫薯波波同茶俾客人頂住肚先等左1.5小時😓到我地入位時已經冇晒人等位！等左咁耐終於坐低叫嘢食，我哋3個人，二人餐睇落都幾抵，叫左二人餐再叫左d唔同配料，豬肉、羊肉、響鈴、豆腐⋯首先上檯係鴛鴦湯底，台式麻辣+椰子雞湯，湯底味道不錯，套餐配料陸續上檯，牛肩胛同牛小扒、企鵝丸、基圍蝦、皇帝菜同粉絲。牛肉質素都唔錯，雖然底部都有墊d菜，但份量都唔少！基圍蝦上檯時蝦身仲係透明，而且仲好生猛郁緊都想讚下竹籤係剛剛好插係蝦肉同殼之間，令到煮熟後好容易就剝到殼企鵝丸係湊湊火鍋signature ，真係幾有心思，造型可愛之餘，底部特登界左一刀，可以排排企係鴛鴦鍋中間食得又玩得，完全係打卡able其他配料都不錯，原來鴨血同豆腐係可以無限添加，二人餐本身都好多野食，我地額外叫既野食都食唔晒，未食晒既配料店家仲會提供打包盒同袋，並且唔需要收費整體黎講呢個質素都算幾抵食，難怪每間分店都咁爆滿

星期日夜晚排隊都好多人，等到9點後先入到去食。咁啱佢做緊優惠，9點後單點餐牌8折。食物：8/10嗌左麻辣湯底，一啲肉盤，海鮮，蝦滑，菜啊。麻辣湯底幾香，唔太辣，適合啲唔太食得辣嘅人2個牛肉盤份量都唔多，但肉質唔錯。蝦滑啲蝦好足料，食落去啖啖蝦肉。啲蜆餐廳幫你開左款，但開完之後放落去打邊爐，係會跌哂出嚟，唔會痴住個殼。蜆肉好細，唔太抵食其他野食就正常水平出面自助吧有少少前菜同生果果日嘅哈密瓜好甜好好食，西瓜就一麻麻地冇咩味道服務： 3/10 上菜速度有少少慢，有啲餸要成半個幾鐘，要催佢先上到。甚至有個沙冰係我哋已經食完所有野都上唔到，途中有叫過幾次侍應，問幾時會有。但佢都係不停地話等陣有等陣有，不過我哋完全feel唔到佢有幫我哋催過。最後等到頂唔順，就走左。走果陣望到水吧啲人根本唔係整緊沙冰，而裝沙冰個機入面都冇哂野，佢哋仲係度清洗緊，好明顯就冇諗過要出沙冰比我哋。當日隔離枱都不斷催沙冰，而係我哋走嘅時候，隔離都係未有。環境：7/10呢間新開嘅環境都幾靚，等候期間有茶水可以飲用，亦有好少小食。但我哋坐係個位置設計到非常隱蔽，而侍應又唔常行過嚟，令我哋每次嗌人都好困難。Overall :

二人套餐好抵食湊湊的火鍋真是百吃不厭的😍首先佢個兩人套餐很係好抵食的基本上次次都打唔哂需要打包的先說一說套餐包什麼- 鴛鴦鍋通常我會選麻辣，因為有鴨血同埋豆腐，而鴨血同埋豆腐都係可以無限添加嘅！- 肉類方面可以四選二基本上選牛肉嗰兩款就係最抵嘅但係如果你哋唔食牛，亦都可以揀豬肉或者雞卷- 丸方面我就選咗企鵝肉丸- 菜方面蔡方面可以選萵筍同埋皇帝菜- 面食方面麵食方面你可以揀油炸鬼或者烏冬或者冬粉我覺得冬粉 呢都幾好食嘅個口感一流，所以大家都可以試吓㗎- 爭啲講漏咗，仲有海鮮- 飲品呢就要自己嗌，我覺得烏梅綠茶係最好飲嘅- 醬油方面呢出邊呢全部都好無限添加嘅有生果啦，同埋一啲小食所以一定係夠飽！

環境一流，燈光好有氣氛，座位非常闊落，值得一讚（其實一開始係俾佢個門面吸引，因為都要佈置有晒煙霧，好似好有氣氛咁），如果拍拖同朋友食飯都非常推薦。入座後，因為趕時間關係，直接叫咗個二人餐$698， 鴛鴦鍋： 湯底揀咗（椰子雞湯 / 蕃茄湯），非常欣賞佢個椰子雞湯湯底，非常清甜，雞肉都非常嫩滑，放牛肉落個椰子雞湯度食嘅時候，完全唔會蓋過牛肉嘅味道，令到成個牛肉非常鮮甜添，個人非常推薦，大家揀椰子雞湯。肉類: 美國特選級牛板腱 (180g) / 美國特選級牛肩胛眼肉，個特選級牛肩胛眼肉非常有驚喜，每碟都好大塊，一碟最少有12大塊，對啲牛魔王嘅食家嚟講，大滿足。綜合拼盤: 企鵝丸4個, 甜玉米 4段, 金針菇100G, 皇帝菜100G, 鮮香菇2個隨餐附送: 水果, 蘸醬, 前菜, 米飯食物質素非常高，尤其是牛肉，椰子雞湯底非常清甜😋😋😋，雞肉也十分嫩滑，物有所值！👍🏻👍🏻👍🏻👍🏻最後，買單連加一大概$760。（食物質素同環境，對得住個價錢）

網絡上成日見到人食企鵝丸🐧查看一下原來係來自火鍋店「湊湊火鍋」 湊湊火鍋係一間主打臺式有料火鍋和正宗臺式現搖茶店大圍圍方店鋪非常大 八卦下原來有間KTV房 下次可以約埋班friend一齊打邊爐唱下K❣️湯底選了清涼椰子雞鍋🥥🐔店舖選用日本雞肉 🍗肉質鮮嫩 加入椰子水、椰肉、珍珠馬蹄等。。飲落啖啖椰香順喉🥥為企鵝丸而來 混合魚肉、墨魚肉、豬肉。口感Q彈墨魚仔彈牙冇雪味 不錯👍🏿基圍蝦(活）大大盤 爽口鮮甜😛竹蟶 爽甜鮮嫩 日本贊岐半生烏冬 彈牙有嚼勁山藥菠菜🍹車厘子茉香茶🍵黃金鮮桔茶食到尾聲店員送上刨冰🍧和果凍 愉快滿足的一餐🥰

同朋友又去行圍方，今次揀左好有名氣台式火鍋店的新分店。餐廳空間感大，座位舒適。最估唔到就係原來提前預約係可以安排獨立包房，一邊唱K🎤，一邊食火鍋🔥 整體食物水準都高，會再來的～🥢鴛鴦鍋：台式麻辣鍋 + 蕃茄牛膝骨鍋麻辣鍋好香濃，但唔太辣，適合大部分人食到。最好就係可以鴨血同豆腐無限添加。 鴨血有點似台灣口感，實心又彈牙，豆腐都好吸湯，好味～ 而另一半個蕃茄鍋都香味濃郁，超多蕃茄和牛骨在湯底。火鍋不用沾醬都夠味🤤🥢自助小料台除了汁醬外，仲有麻辣魚皮、滷肉飯～🥢企鵝丸其實係黑白墨魚漿製成～ 好得意～ 店員會將企鵝仔插入鍋中間🤣可以做到企鵝跳水一樣。好味又好玩🥢美國特選級牛板腱/ 美國特選級牛肩胛肉眼兩碟份量都多，油花均勻肥美，肉味亦較香濃🥢墨鱼仔都唔可以叫墨魚仔🤣大隻到應該叫墨魚佬。入口爽滑彈牙，新鮮又正🥢油條台式火鍋必點🥤車厘子茉莉雲朵冰沙/ 車厘子茉香茶買一送一好抵飲🍧加入店舖媒體平台，仲有附送沙冰同甜品

📍湊湊火鍋(大圍)@coucouhotpothk圍方食肆基本上間間都好旺咁！食嘢都要提前預約先得！今日黎朝聖圍方新店湊湊火鍋，聽聞鋪頭仲有包廂拍攝➕KTV～享受美食同時仲可以同屋企人或朋友一齊唱歌，非常適合聚會！咁好玩梗係要預埋我！🤣😍一入座就有正山紅茶供應。另外仲提供自助餐櫃服務，價格每位19元，包括前菜、水果、醬料和滷肉飯。🔹臺式麻辣鍋💰198湯底方面，我地揀佐高人氣“臺式麻辣鍋‘’，經過長時間嘅燉煮，湯底濃縮而成，帶有麻辣、醇厚、甘香等多種味道，令人愈食愈上癮。鴨血和豆腐仲可以無限任食~🔹美國特選級牛肉雙拼💰248兩款牛肉薄切，雪花均勻，十分新鮮牛肉味濃郁～🔹墨魚仔💰58有7隻細size墨魚仔，新鮮爽口好味道👅🔹鮑魚💰108兩隻活鮑魚，食材十分新鮮，擺盤精緻冰鎮的，口感爽口煙靭。🔹企鵝丸💰59企鵝丸🐧係企鵝形狀，賣相好得意啱曬打卡🤣咬開係黑白配的墨魚丸，爽口彈牙好味😋🔹油條💰28作為主食，兩個人食覺得份量都好足夠，好飽肚😆最近車厘子系列飲品推出買一送一的優惠，車厘子茉香茶和車厘子茉香雲朵沙冰味道清新，飲落仲有果肉十分推薦～最後follow 社交平台附送沙冰和甜品，鋪頭真係好有誠意

湯底無味 椰子雞得4嚿雞重要無味 汁料 好明顯係椰青加水 或者可能椰青水都冇落竟然冇麻醬得花生醬…牛肉無味可以一d牛肉味都無 似合成牛依個價錢絕對唔值 重衰過吉野家不可一不可再

成日聽朋友講湊湊火鍋唔錯，今日就試一試大圍圍方呢間新店，原來入面有VIP房可以唱K，下次提前預約定同班朋友去開邊爐party😳入座後店員奉上正山紅茶，入口淡淡花香幾好飲👍出面有自助小料台，客人可自行調配醬料，仲有台式小食同生果任食～🔸台式麻辣鍋 / 紅顏花膠雞鍋🔸好幾種湯底都想試，why not both咁揀左鴛鴦鍋😆麻辣鍋冇想像中咁辣，入面嘅鴨血同豆腐超入味，仲可以無限添加！另一邊花膠雞湯超級濃稠，滿滿膠質好滋補咁😳除左雞肉，仲有鮑魚仔、雞髀菇、鮮冬菇、魚肚等，味道鮮甜濃郁👍🔸企鵝丸🔸招牌之一嘅企鵝丸造型超可愛😍店員仲教我地將啲企鵝夾喺鍋中間，想食邊隻就推邊隻落鍋🙈（好邪惡😈好地獄😈我鐘意🤪）企鵝丸其實係用墨魚漿整，彈牙之餘甜甜地，有得食有得玩😆造型💯🔸美國特選級牛肩胛🔸打邊爐點少得食牛肉～牛肩胛脂肪同肉嘅比例啱啱好，有牛油香之餘肉味都濃😋 🔸墨魚仔🔸墨魚仔都幾大隻，一啲都唔「仔」😂冇雪味仲好爽口彈牙，大隻而且份量都唔少，感覺好抵食✨🔸鮮活豆苗🔸第一次見成盆連根上嘅豆苗，可以自己即時收割落鍋，好新鮮😆亦可叫店員幫忙處理，有機豆苗吸滿濃郁花膠雞湯汁，超級好食😳🔸竹笙🔸竹笙嘅吸湯能力更加

湊湊火鍋店是一家非常出色的餐廳！我在那裡度過了一個令人難忘的用餐體驗。首先，環境舒適溫馨，裝飾充滿了現代感。其次，服務員們非常友好和專業，總是笑容滿面地為我們提供幫助。菜品選擇豐富多樣，新鮮的食材和精心烹飪的火鍋底料讓我回味無窮。無論是肉類、海鮮還是蔬菜，都非常美味。最後，價格實惠，物超所值。我強烈推薦湊湊火鍋店，如果你想要享受正宗美味的火鍋，這絕對是一個絕佳的選擇！

食物品質和湊湊其他分店－樣新鮮好味，飲品選擇多，我最愛翡翠檸檬+珍珠🥤中秋大聚會，我們一行10 人包房，最低消費$3500， 可以在－間3 面電視的房邊食，邊唱K, 大家都食得好飽及玩得好開心🎉（因為又要食，又要🎤， 忘記影吓間房有幾大😅）

大圍新商場，位於港鐵站上蓋商場好好行，行到攰就嚟呢間台式火鍋店打邊爐原來佢有VIP房，不單止自成一角仲可以唱K 空間感大，坐得舒適自助小料台仲有任食既生果同小菜鴛鴦鍋台式麻辣鍋/清涼椰子雞麻辣鍋有任食鴨血和豆腐鹵得好入味，豆腐好嫩滑而入味椰子雞要飲湯先，好清甜雞肉嫩滑企鵝丸餐廳最出名嘅丸原來可以企喺湯鍋上面用上魚糜、墨魚肉同豬肉食落彈牙、鮮味比利時五花肉一層肥肉一層瘦肉用麻辣鍋煮得好入味一啲都唔會覺得太肥膩墨魚仔好新鮮爽甜我鍾意喺椰子雞湯入邊煮食得出海鮮嘅鮮甜毛肚食麻辣鍋點可以唔無毛肚唔會有內臟味但好彈牙七上八下就可以食得了響鈴不論係浸椰子雞湯定係麻辣鍋都係咁好味吸收湯汁大紅袍珍珠奶茶超級出色，大大杯濃郁的茶味加上煙靭的珍珠平時行過可以淨係買嘢飲都好ok車厘子茉莉雲朵冰沙奶蓋濃郁Creamy 仲有車厘子的酸甜茉莉花茶夠味最後配上啫喱