港煮港食 (已結業)

同朋友喺深水埗珠仔街工作完，顺路喺附近觅食，于是试一试呢间茶餐厅。小店不大但算干净整理，二个人点左虾酱通菜,椒盐鲜鱿以及店员姐姐推介嘅蜜饯腰果牛柳粒，每个小菜都附送白饭例汤。一上菜已有惊喜位，冇茶记求求其其炒埋一碟嘅感觉，老板用炸米粉沙律菜伴碟，有酒楼小菜嘅质素。第二个惊喜位系蜜饯腰果牛柳粒，老板用料大方，牛柳粒肉质软滑非常多汁，唔系廉价牛肉，加上甜甜地的腰果，值得一赞。虾酱通菜好惹味，虾酱汁送饭一流，每餐必需要食菜嘅我，表示满意。而椒盐鲜鱿则稍嫌粉浆厚左少少，食到最后有少少硬，建议要趁热食，卜卜脆。整体都觉得满意，两个人食到好饱都系200蚊左右，下次再试埋招牌椰汁鸡煲!…查看更多

上两个礼拜一个人系深水埗呢间港煮港食食饭，入到去觉得铺面光线充足餐牌选择多，晚市以小菜为主，店员落力推介椰子鸡锅，不过自己一个人又怕食唔晒，睇咗好耐之后点咗个福建炒饭，等咗约10分钟左右，炒饭有蛋香:)福建炒饭系好多茶记嚟讲会好少俾埋细嘅带子粒呢度相对嚟讲料够多，味道都几好,冻柠茶正常，虽然地方吾系好宽躺，但$48黎讲价钱算系低食，宜家汝卅街真系多咗好多好多餐厅选择，如果以茶记黎讲个人觉得呢间值得推荐俾大家。…查看更多

劲钟意食茶记嘅我，成日去唔同餐厅食早餐同常餐。以早餐黎讲，唔多餐厅有叉烧选择，难得见到呢间有，即刻入去试下啦。其他系典型常餐选择（$29），沙爹牛肉、五香肉丁、雪菜肉丝等等。朋友想清啲所以叫左彷鲍片火腿米加奄列，如果想加方饱或多士要加$1，加奶油猪要加$3，少左块饱又点叫完整的常餐呢，所以我加左$1😉。我就叫叉烧面，餐蛋加奶油猪。份量唔少，碗米粉大大碗，鲍片火腿都唔孤寒。加左$3嘅奶油猪就得半只，似乎细左啲㖞。但叉烧都唔错，够淋。符合茶记水准。食食下望望餐牌，原来佢仲有得拣香茅猪扒（$31），都系俾多$2啫，下次要再黎试先。…查看更多

第一次系度写食评，今日夜晚系深水埗买完嘢后8点半左右途经汝洲街呢间（港煮港食）因为见门口员工几落力介绍，就一于试下啦，座位吾多，不过都算企理地下干净，跟住坐低叫咗一款四川回锅肉小菜套餐。上菜时间等约10分钟，嚟到见到个卖相都几吸引😍然后食落味道够香😋有少少麻辣味，腩肉切得都够薄，因为太厚会好鞋，不过本人略嫌青椒就吾够辣，我谂可能吾系长𠮶只青椒，但整体都好，冻柠茶唔太甜，我钟意，埋单连冻饮$70。下次会再嚟😃…查看更多

今晚九点半左右放工想食个焗肉酱意粉， 就行咗去老爷冰室食，点知已关门。 咁系佢隔离就系呢间「港煮港食」，见佢灯火通明， 就问吓个职员有无焗肉酱意粉啦， 个职员就好积极咁入厨房问，然后回答仲有。咁我同家姐就入去试啦， 落左单之后，我就行左去西九龙中心㩒钱，㩒完返来都十点一二啦，点知个焗意仲未到，我哋又坐左阵， 就听到个楼面问水吧个职员，「喂，个焗意仲未有呀？」之后水吧个职员先恍然大悟咁跑左去焗炉个边拎个焗意出来比楼面。 咁个焗意无冇㶶的。 但系 一抄， 料劲少， 薄薄一浸， 无茄味无芝士味。 啲意粉发胀晒，无味。都算， 食到尾 ， 见到然后， 同店员讲左声话佢哋唔系好衞生之后就买单走人虽然个疑似经理的人话唔收钱，叫我哋下次再来食，不过我哋有照比钱，始终佢哋咁夜都做埋我地生意，又真系有食到， 所以都系要比钱的不过要再来食就不了， 一来衞生欠佳， 二来食物质素都唔好 最后要提一提， 叫左杯冻奶茶少甜，但系都好甜， 而且茶味同奶味都欠奉…查看更多