港灣壹號

营业中

休息中

知道港灣壹號午市 promotion 點心放題至八月底，總共有15款點心隨你選擇。於是我打電話去訂位，可能因為價錢實在太優惠，結果只剩8樓的座位。反正之前我曾經去過幾次午餐和晚餐，所以沒有窗邊的位置也無妨。五星級酒店的服務就不用多說，肯定不會差。然而，食物的上菜速度實在太慢。我聽到工作人員提到全院滿座，而我也看到有 walk in 的客人卻沒有空位。或許他們平時做慢工出細貨，這次突然需要快速招呼客人，實在應付方面有點來不及。在食物方面，總的來說並不算精緻。最好吃的當然是老火湯，真的煲得夠火候，而且材料非常豐富，還能吃到很多乾瑤柱。另外，鹹水角也很好吃，腸粉的味道也相當不錯。蝦餃，燒賣，牛肉屬一般水準，其他的點心也都不過不失。前菜的琥珀合桃更是一絕，吃完後還可以再添加。點心放題的價格是468元，另加一，茶錢每位45元。吃後強烈推薦到港灣壹號吃晚餐，實在太美味😋

初次嘗試，感覺良好😋😋餐廳安排了窗口位，可以飽覽維港景色。😀一坐下就奉上琥珀合桃及蔥油海蜇頭 ，琥珀合桃甜度適中非常美味，蔥油海蜇頭非常爽口。大讚👍👍我哋另外叫咗四樣食物，首先有必食叉燒，叉燒半肥瘦比例剛剛好，亦都非常之腍，調味適中，一定要試！😝😝之後有豆漿蟲草花浸時蔬，佢有幾款時菜可以選擇，我哋揀咗豆苗，估唔到比想像中大碟，入面嘅百合都非常爽口同鮮甜，成道菜都非常清淡解膩💚再來就是紅蔥頭煙燻龍崗雞，雞件非常嫩滑及而最估唔到係個紅蔥頭非常惹味。😋😋仲叫左1人份鮑魚石頭鍋飯也非常好食。當日招呼我們的侍應服務亦非常細心周到，配上優美環境及高質食物，成餐飯都食得好開心同滿足！👍🏻👍🏻👍🏻

讚-水準真係穩定地好 羊腩煲皮滑肉腍 好入味 蔥油雞係好出色 皮脆肉滑 蔥油醬超惹味 蟶子好爽口 少有地水準好穩定既中菜館-環境好靚 餐具同所有嘢都keep得好仔細彈-燈光暗到有啲眼瞓

已經踏入咗品嚐雲南野生菇菌嘅最佳季節🍄‍🟫 中菜行政總廚陳漢章師傅精心設計咗一系列時令菜式 採用營養價值豐富嘅雲南菇菌同新鮮食材入饌😻  例如炒帶子就拌以有菌中之冠美名嘅雲南野生雞㙡菌 另外稻庭烏冬就特登配咗選用雲南野生雞油菌🤩 雞㙡菌 鹹酸菜同豚肉鬆入饌嘅野菌肉醬酸辣湯  今餐最喜歡喺師傅新炮製嘅紅蔥醬油煙燻脆皮龍崗雞🤤 脆皮龍崗雞帶醇香嘅煙燻味 肉質鮮嫩多汁 配上師傅用乾蔥同蔥炒香製成蔥香濃郁嘅紅蔥醬油 忍唔住即刻叫碗白飯嚟撈飯食😏餐廳環境優雅大氣 仲對正尖沙咀維港美景✨ 啱晒同屋企人嚟一齊食中秋節飯 團團圓圓🏮 _ 📸 1️⃣ 紅蔥醬油煙燻脆皮龍崗雞🌟 2️⃣ 鵝肝魚子醬脆皮乳豬件 3️⃣ 25年陳皮竹笙螺頭水鴨燉雲南迷你冬瓜盅 4️⃣ 欖豉沖繩四角豆龍岩甜筍炒澳洲翡翠鮑角 5️⃣ XO醬雲南野生雞㙡菌炒北海道帶子 6️⃣ 野菌肉醬酸辣湯稻庭烏冬  7️⃣ 石榴蘆薈甘露 8️⃣ 蓮子南棗凍糕丨金網椰蓉盞🌟

朋友順口問問是否有興趣參加 wine dinner，小妹一口答應。他驚訝 🤔，又不是 Bourgogne dinner 竟然話去？其實小妹志不在酒 😌，想吃『港灣壹號』啫。況且「隆河谷」之酒少飲，也當然不想錯過喔，小妹曾喝 E. Guigal，口內繁花競艷，百味爭鋒，如音樂中的馬勒第一，縱然美酒，小妹應接不暇，還是回到 Bourgogne ，之後沒有再飲了。是夜小酒局只有廂房中兩桌，很不錯啊。之前沒有細看酒單，除了 Rhône Valley 的 Hermitage 還有兩支 Bordeaux，二者 「風馬牛」，為何放在一起呢？原來是老闆同一個人。【 蜜糖汁叉燒 | 鵝肝魚子醬脆片乳豬件 | 椒鹽澳洲鵪鶉腿 】小妹喜愛『港灣壹號』乃它菜式味道和諧，今晚頭盤也是如此，尤其是鵪鶉腿和叉燒。至於乳豬，因為要「張就」那些人們認為是「矜貴」食材的魚子醬和鵝肝，反而味道沒有那麼合襯，是重了一點。****頭盤配搭兩款 Hermitage 的 white wines。******其實鵝肝和魚子醬都不一定是「貴嘢」，價格合理而質素挺好的比比皆是。當然跟所有食材一樣，你想要比 average 好，就要付出不

今次在沒有訂枱的情況來到宜家本地的生意真係差Walk in 都有位😂我都有啲驚嘆由reception 進入沿途都有啲吉枱不過都有驚喜啲嘢食質素好咗好多佢哋服務不嬲都好㗎啦叫咗個花膠羹非常足料茶燻雞又做得好好真係冇嘢可以投訴👍

呢次喺grand Hyatt 「港灣壹號」食中菜慶祝爸媽嘅生日，嗰晚因為太遲訂枱，所以只坐到8樓，冇辦法欣賞到落地玻璃嘅維港夜景，有啲可惜。不過食物方面，開胃菜有「琥珀合桃」同「梅酒香小紅茄」，正！合桃甜中帶酥，好快俾我個女K.O.晒，小紅茄酸甜開胃，仲有好香嘅酒味，啱晒我爸食。主菜方面，「蜜糖汁叉燒」真係有驚喜，色香味俱全，啖啖肉又好彈牙，大人細路都爭住食。「脆皮龍崗雞」都算唔錯，皮脆肉嫩；「鎮江醋香黑豚豬柳」就正常；「砂煱干煸蟹肉炒粉絲」就ok，不過「煙燻馬友」就好出色，煙燻味好香，食落去好滋味。甜品方面，本身想試蛋撻，不過要等20分鐘，所以算了，最後試咗「黑白芝麻千層糕」同「鳳梨奶皇千層酥」，十分滿意，尤其係鳳梨奶皇千層酥，香脆得嚟又唔膩，好快就清碟，下次一定encore。服務質素同環境都好讚，尤其係餐具設計得好精緻，連小朋友用嘅餐具都好靚，見到餐廳好用心。整體嚟講，雖然今次冇搶到靚夜景，但食物同服務已經足夠令人開心，慶祝嘅心情一點都冇減。推薦俾想食粵菜嘅朋友！

Lunch for 2. Seated next to the window. Didn’t really like the Set lunch ($688 pp) so went for the a la carte menu. Server noted that we would be able to order dim sum by piece. Here’s what we had.Complimentary walnuts 酥皮煽鮑汁海參柚皮- a surprisingly complementary combination; puff pastry was done perfectly, 柚皮 was a bit bitter tho. 原隻鮑魚雞粒酥- abalone was tender; pastry was just right. Probably one of the best I have tried.松露鮮菌蒸粉果黑豚肉松露煎葱花蝦米腸粉- no good. Couldn’t taste freshness of the pork at all. Just a

朋友生日帶她來這家老牌餐廳 比佢感受一下天花板級別的高級服務 安排坐在望海的位置 看著維港夜景享用晚餐 又是另一種享受 令人陶醉著迷☺️預定了當季套餐 一共有七道菜+三道甜點 開胃菜來了一道話梅酒香小紅茄 非常精緻1️⃣ 水晶皮蛋子姜+鵝肝魚子醬脆皮乳豬件+椒鹽澳洲鵪鵜腿最初還以為是什麼水晶餃子🥟 完全沒有想過是皮蛋😂第一次食鵪鵜腿子 原來個肉質係幾似魚肉？！用椒鹽製作 更有香港本土風味更加惹味👍🏻•2️⃣ 椒鹽百花龍蝦鉗伴無錫汁燴波士頓龍蝦🦞服務員細心講解要先從左邊吃 這個無錫汁是大廚精心調制過的醬汁 配上爽口的龍蝦 又莫名配合•3️⃣ 椰皇松茸竹笙螺頭燉竹絲雞這個是我最喜歡的一道菜 用椰皇燉的湯 真的特別清甜好喝 加入松茸竹苼螺頭 整個特別養生健康🥰•4️⃣ 鮮花椒蟲草花蒸龍躉柳這個花椒真的很香☺️原來配在龍躉上食 又是令一種風味•5️⃣ 酥皮焗鮑汁海參柚皮很特別的一個設計 上桌時 已經散髮著一陣陣牛油酥皮的香氣 利用酥皮在外麵包著 把裡面的食材保持著溫度 非常濃郁的鮑汁 還有超大片海參、柚皮、冬菇 真材實料👍🏻但酥皮真心好漏😂•6️⃣ 魚湯杞子浸豆苗這個湯真的絕了 魚味非常濃郁 •7️⃣ 梅菜叉燒帶子粒炒脆紅米

港灣壹號(One Harbour Road)位於香港君悅酒店內，超大的落地玻璃窗可以挑望維港景色，採光一流😌 雖然會看到工地有點礙眼😅餐廳共2層，裝潢古典優雅，設有人工水池，別具氣派🤩平日午餐時間來到，9成入座率，職員安排了靠窗座位給我們👍🏻很多中菜廳的點心一碟有3-4件，不過職員跟我們説有部份點心可以改為2件，這樣便可以試更多款式，非常貼心！💕🤎原隻鮑魚雞粒酥鮑魚軟嫩Q彈，酥皮鬆化，而底下的雞粒及醬汁很入味，吃起來層次豐富，推薦！🤤🤍賽螃蟹鮮帶子餃皮薄餡多，口感豐富，很有鮮味！👍🏻🖤黑山雪影焗餐包皮酥脆鬆軟，叉燒微甜，不錯！☺️🧡X.O.醬炒蔥花蝦米腸粉使用了自家製X.O .醬😍 腸粉皮脆內滑，微辣很惹味呢！🤩🩵生磨杏仁茶芝麻湯丸杏仁茶香滑，不會太甜！內有2粒湯圓，皮薄煙韌，略嫌芝麻餡不夠多🥹港灣壹號整體食物質素非常高😋 職員態度友善，有機會會再次到訪～😌港灣壹號地址: 灣仔港灣道1號君悅酒店7-8樓

姐妹們，黎到呢間食肆試下啲老火靚湯真係正啊！🤤 第一個上來嘅就係【肉鬆茄子】，茄子腍得嚟又唔爛，肉鬆係咁嘅鬆化，係咁撈兩樣，無錯！趁熱一試，我梗係掂住肚一路食到見底。再講講【脆皮龍崗雞】，淨係聽聲都知夠晒脆，邊啖啖肉都嫩得滑嘅，加上啲鮮味冇得頂，真係啖啖肉啖啖正。一塊塊金黃脆皮，一咬落去係咁嘅爽口，完全係雞皮愛好者嘅瘋狂美夢啊！炒菜方面添，【薑汁炒芥蘭】真係做到又靚又香，啲芥蘭脆到飲啖水都怕聲，薑汁味道啱啱好，咪話炒菜就搞啲大炮仗，簡簡單單都可以做得好有心思。而[]啊，呢個就真係讓我喜出望外，啲牛肉嫩到融化喺口裡面，啲醬汁獨特香甜得嚟唔膩口，配上啲靚洋蔥，真係俾個滿分！行過經過唔試真係對唔住自己，記得下次同你啲食友一齊黎試一試啦！🎉🥢

（坐言起行）永遠是老爸給我的最大座右銘，睇人食不如自己食，上網看到價錢合理就一於按著手機訂座去啊。。。當日是平日跟朋友二人準時入座，沒有什麼要求情形下竟然是派給窗邊位實在慶幸，雖然外邊還是（施工工程），但對於大大的玻璃窗，相信無一客人是不喜歡的，職員貼心地送上餐牌，好吧，我們便由餐牌開始～港灣點心花園HK$138.(每位）包括有鮑魚蒸燒賣，麻辣鮮蝦魚米餃/竹影山珍如意粿，這一款其實在上網訂位之前已經被心心眼吸引過去，當然不能不要，三款味道，當中包括麻辣蝦魚米餃，輕微得在沒有輕微的少少麻辣口感，實屬老人家也不會抗拒⭐️⭐️⭐️⭐️鮑魚燒賣上枱的時候看似沒有將鮑魚切開，心想會否吃不動咬不開？原來這一切放在口中已經被推翻了，原因鮑魚烹煮得很稔⭐️⭐️⭐️⭐️竹影山珍如意粿，用上竹笙包裹着讓入的菇菌類，手切得很細小，輕輕一咬就算連我壓力不好的人士也很容易的吞噬⭐️⭐️⭐️⭐️竹笙蘿蔔絲脆腸粉HK$128.又是一款用竹笙做的食品，雖然是全素，但吃在嘴巴來口感豐富，而且中間夾雜着的脆皮有着一定程度的口感自己就蠻喜歡⭐️⭐️⭐️⭐️蟹肉鮮蝦三元餃HK$94.由於自己及朋友當日都不願意吃得太過飽滯，所以有點來了一度比較清新的點心，三

今晚隨意隨緣朋友聚會，晚飯幾個小菜，無甚特別，只是大部份菜式近乎完美，於是想紀錄下來。Amuse-bouche 是【 肉鬆茄子 】這種西菜玩意，小妹並不贊同，然而細細涼拌一碟，還是可以的，大菜的話，必須大碟熱騰騰的上菜才好吃喔。肉鬆茄子作為開胃菜無疑佳作，沒有茄子草腥之味，醬汁和茄子卻香甜濃郁，和肉鬆的 fluffiness，口感味道層次分明，兩者相當搭配。**【 脆皮龍崗雞 】今晚炸子雞是完美的。皮脆而不乾，調味無懈可擊，雞肉嫩滑入味，單單就這幾點小妹無需調味可以吃掉半碟啦。當然沾點檸檬汁，灑上小許淮鹽，則錦上添花呢。**【 薑汁炒芥蘭 】完美技藝的表現。炒菜最簡單卻巧功夫。芥藍炒得香，夠火候，沒有生硬。薑汁辟菜草青之味，不要其辛辣，薑汁味道平衡，並未喧賓奪主，菜之清甜和甘口未有被淹沒（要知很難預期中菜廳大規模運作，可以有很高質的蔬菜架啦）。是夜一道炒芥藍，沒有下芡，炒得香而不焦，Maillard reaction 妙絕顛毫，所以說是純粹廚藝的表現沒錯了。**【 中式牛柳脯 】煎西班牙安格斯牛柳鋪上「中式」醬汁。哈，小妹對於中式牛柳汁，即茄汁溝喼汁加糖的芡汁並不欣賞，可能天生味覺對醋

因爸爸喜愛這裡的出品，所以已是第四次到這裡吃慶祝節日的家庭飯了。是次點了以下食物：■ 化皮乳豬件 香脆可口。■ 薑葱生煲 生夠鮮，薑葱雖只是配菜，唯吸收了汁夠晒美味。■ 西蘭花蝦膠鱈魚件 鱈魚件內混了蝦膠在其中，口感特別的一道菜式。■ 粉絲中蝦煲 粉絲吸收了蝦味，超級吸引。蝦夠大隻，亦夠鮮味。■ 燒鵝 皮脆肉嫩，水準之作。■ 鵝肝肉鬆炒飯 炒飯夠乾身，混了鵝肝肉鬆在內，味道有層次，好味道。因是次為慶祝母親節，酒店亦一如以往很窩心地送了杏仁芒果卷給我們慶祝。😋😋

以往呢間中餐廳一向嘅水準都保持到今次再嚟就真係有啲失望平時呢度去招呼外地來的朋友就最好不過啦第一，環境地方舒適第二，員工招呼一定妥當第三，食物質素通常有保證尤其是啲甜品，耐唔耐有驚喜今次來發現啲食物差咗少少味道同以前有少少唔同Keep 唔到唔知係咩問題今次絕對唔值呢個價錢希望佢哋改善下唔好浪費咗呢個咁好嘅地方