星期五happy hour完同D姐妹即庆揾饭食，8点去刚刚有位，全场爆满。 问有冇位嘅时候，有个哥哥态度特别差，语气唔好，好似我哋欠咗佢咁。心谂真系无下次，帮衬你重要受气。豉椒蛏子炒米粉，蛏子就少啲，不过配个米粉嘅味道就刚刚好唔会太咸。豉油皇鹅肠好爽口，头𠮶两碟都好好味嘅，心谂应该冇拣错地方。之后重点就嚟啦！！！避风塘濑尿虾， 只虾又真系好大只嘅，但系可惜系霉嘅。辣子鸡，炸到啲鸡好干又咸。平时最钟意食小炒王，一定要试吓，咁咪会嗌一碟，从未试过食两啖就已经要放弃了。 又咸，腰果又淋。最后其他朋友都放弃咗个小炒王，叫咗个金银蛋白菜仔，呢个先叫做正常返啲。食物同服务方面都有待改进。…查看更多
