温野菜 (太古城中心)

营业中

休息中

是晚OT⋯⋯9點幾先有得食晚餐見到想試好耐既溫野菜原來有宵夜優惠～～就衝入去試啦7折都幾抵架～平時唔捨得食既人可以9點後黎食😂😂兩個人叫左個藥膳湯底（原價），店員真係過黎夾d藥材放落去湯底淡淡地，味道唔算突出～美的牛胸腹肉🐂薄切～牛味淡粟米丸、淮山卷同埋旺菜～淮山卷唔錯！免治雞肉～大約整到4粒，口感幾得意，食到d雞軟骨好中意上方的柚子醋（點蔬菜）～下方胡麻醬係點肉既最後用d湯黎煮埋個「玉子雜炊」，辛苦晒店員好用心咁勺走湯入面既湯料，再慢慢煮個飯，好好食呀隻玉子好香蛋味～～～（禁錯慶祝生日改唔返⋯⋯🙈）

同朋友睇戲，G殺優先場，睇完仲有分享問答大會，完場已深夜，但好戲更係要連場啦，連場搵好西食呀！由戲院一落電梯就見到呢間，shabu-shabu係天寒地凍嘅日子實在啱晒，仲唔晒兩頭騰，正。同朋友一人一窩，各自揀湯底，材料share 食。我揀左骨膠原柚子鹽湯，聞落好香柚子味。而朋友要野菌蕃茄湯，味道亦香濃。材料肉類同蔬菜都非常新鮮，不過份量都幾少。好彩深夜不宜食太多，所以都okay嘅。邊食邊吹水，環境舒適，確實不錯。

途經太古城，見到温野菜9點後40項火鍋料有7折，所以等到9點特登試下。餐廳環境裝修日式，但略嫌環境唔夠乾淨，一坐到入去張櫈仲有啲食物殘渣喺道。兩個人入到去叫左2個一人一鍋，一個藥膳湯($39)，一個骨膠原柚子湯($39)，前者有啲過咸，後者清清地幾特別。之後叫左雞肉，豬肉等等嘅火鍋料，每份$15至30幾不等，份量唔多，叫肉會抵啲。仲加左28蚊任飲啤酒放題，兩個人食$480，係貴價版吉野家，如果9點前正價唔值得去食。

貴版日式火鍋，午餐食比較抵，普通lunch set $88-$148,晚餐平平地都要$300-400，想試下，可以㨂食lunch。用類似iPad點單，一個餐有好多選擇，人多，點餐都要啲時間有好多湯底揀，我地叫左昆布湯底，其他好似要額外加錢個set配薯仔沙律，兩碟肉一碟菜同飯/烏冬連埋飲品我地叫左：-U.S. 牛肋肉，肉質幾好，有牛味👍🏼-熊本豚腩肉幾好味😋放左喺鍋好耐都唔會好硬-丹麥豚梅肉同丹麥雞胸就一般Set個免治雞肉都幾好食👍🏼佢地嘅柚子醋同芝麻醬都唔錯之後我地再加配埋甜品，個温野菜雪糕😋3個lunch set連甜品，份量唔算多，啱啱好，total $422另外，服務超貼心👍🏼👍🏼👍🏼，但lunch上菜都有啲慢，我地等左半個鐘先有得食

今日同老婆都放假所以我哋都去咗太古城shopping，行到咁上下大家都肚餓嘅時候就見到溫野菜呢一個招牌，記得我第一次食溫野菜火鍋係喺日本旅行嘅時候，當時覺得佢嘅湯底有好多選擇，亦都有一個非常特別嘅菜式，呢一個就係雜炊，所以今次決定入去回想返日本嘅味道。今次我哋點左一個番茄湯底同昆布湯底，番茄湯底雖然味道比日本淡，但味道都好足，另外我都大力推薦大家試一試昆布湯底，我同我老婆都好鍾意呢一個湯底，食落好有味道，甜甜地幾開胃。今次叫咗豬牛雞各兩份，另外叫咗大概8份配菜，加一杯啤酒，份量啱啱好。溫野菜有兩款醬油比客人，一款係用嚟點肉類，另一款係點配菜，但我覺得湯底夠濃唔用醬油都可以。最後我哋上埋個雜炊，食完就走人，總括來講雖然冇日本咁好食，但都已經唔錯，起碼已經感受到當時身在日本的味道。

太古城店開左溫野菜。。。代替了之前既pizza hurt. 下午茶時段有7折。。 主要係套餐, 可揀有豬或雞, 普通牛, 同貴牛之選。。 套餐包湯底, 飲品 , 魚滑同蔬菜我揀左麻辣湯底, 覺得唔多辣。 肉靚。 份量少。個碗有個隔。。 好正。。可以隔走d湯。梳打飲品。。大杯但普通。。麻辣湯唔多辣朋友加錢叫左藥膳湯。。佢會係你面前倒藥材落去魚滑冇特別。。個菜有紅心蘿蔔。好爽口好正有兩種醬。。一隻好似係柚子。。一隻芝麻。。分別點肉同菜。。。問侍應佢竟然唔知係咩黎。。

天氣開始轉涼，係時候打邊爐。安排位置方面，等位等左半個鐘，先入到。我地有7個人計埋bb，俾6人卡位我地，有bb車又唔可以放兩邊，因為係用黎擺食物車，搞到要抱住bb打邊爐。其實餐廳可以俾8人卡位我地，但可能佢地覺得浪費左兩個爐賺錢。😔食物方面，我地都幾滿意。一人一鍋，自選湯底，我地叫左鰹魚湯底，野菌湯底，豆乳湯底，湯底各有特色，值得一提的是鰹魚則係柴魚乾。雞軟骨滑好特別，肉類選擇多，個人最喜歡美國牛，而豚肉眼肉質就比較實，口感無咁好。食到尾，就可以跟推介加個飯同配料，用湯底煮個飯，好好食。邊爐黎講的確比較貴，但食物有特色，如安排座位方面有改善，絕對會再返黎食。

秋風起～雖然一點都不覺涼，但心心念念要打邊爐了～走進溫野菜，攤開餐牌～ 一張又一張，零零碎碎的， 其中又夾雜著 一些推廣的資料～ 想點野食啫 花多眼亂～ 好似返工執文件咁！🤣 結果太懶唔想諗，點了二人餐 🤣🤣🤣藥膳湯 $39～ 剛端來的時候 覺得貨不對辦～明明幅圖有好多湯料，為什麼飢詩的是空空如也😆！ 原來，是有專人服侍，將12款藥材 介紹功效 😚 忽然覺得整件事高級咗 😚 聞係幾香，但偏鹹，而藥材的真正味道在尾聲時才盛放 😂塩辛薯仔 （伴魷魚沙律醬）～ 極重口味！😚  薯仔鬆軟 仲有好多牛油 超香～ 塩漬的魷魚 鹹鮮味甚濃～ 一小碟可以下飯兩碗～未必人人食慣過味道，但飢詩表示很歡喜😍～鹿兒島黑毛和牛脊肉～ 入口溶化～😉內有年糕的福袋～ 有趣 😚黑松露免治雞肉～ 其他配料 都是正常新鮮 沒甚麼特出，倒是這個有驚喜😊，烚完後雞肉仍是嫩滑，肉有軟骨增添口感，還有微微的松露香～飢point : 6 /10 #hungermarch #飢詩 #非飢詩

👱🏻‍♀️🎂女兒生日，近近地在太古城中心搵食店，溫野菜是火鍋，家人都想去，便決定拿起電話訂位。7:30到達食店，環境感覺清新乾淨，經服務員安排，起初是坐近門口，後來要求換位，但只是坐入了幾張而已，原來檯已分好人數，所以基本上無得選擇，個人覺得其他位較開揚！翻開餐牌有散叫有套餐，價錢不平宜，見𣾀豐信用卡有推廣，便點了4人餐，一千三百多元，湯底另計，食物內容豐富，有前菜，其他每樣有少少，最重要有不同產地豬及牛，家人喜歡！溫野菜是一人一鍋，湯底有多款選擇。 豬牛肉類，🔪了細細片，可以品嚐到肉質，且容易消化，而且滾耐了也不硬，烏冬彈牙，飽魚大隻尚新鮮，餃子🥟皮薄，最差是魚滑，食不出是什麼味道，蔬菜非常新鮮，4個人食了約$1700，都幾貴，但很滿意且很飽足！溫野菜如果能提供醬汁調味一下就更好!個人評分食物：A環境：B服務：B抵食：C衛生：B

最近天氣涼左D，自己好想食D烚下烚下嘅野。早前剛經過太古發現依間近排新開溫野菜，門口裝修寛敞，眼見座位都多客人坐得舒服，於是同朋友決定試試。入面餐廳環境都算大，人客多但不見焗促。服務員亦好迅速提示落單及介紹最新優惠套餐，不過到最後我地二人選擇散叫。一落單，食物很快二十分鐘內就送上枱前很有效率👍🏻我地叫左以下東西：1) 鰹魚湯  ⭐️⭐️⭐️(清清地之選）2) 秘傳月見壽喜湯  ⭐️⭐️⭐️⭐️(甜甜地）3)中華麵 ⭐️⭐️⭐️(面身尚算煙韌）4)蝦丸⭐️⭐️⭐️(咬囗感不錯）5)車麩  ⭐️⭐️⭐️(感覺似響鈴類別）黑松露免治雞肉   ⭐️⭐️⭐️⭐️（香濃松露味配打碎雞軟骨，十分滿意！）野菜五品盛合 ⭐️⭐️⭐️⭐️（蔬菜整體新鮮）6)美國牛肋肉   ⭐️⭐️⭐️(肉身鲜紅高質）7)丹麥雞腿肉  ⭐️⭐️⭐️⭐️(雞腿嫩滑！）8)炸白身魚魚餅 ⭐️⭐️⭐️(口感彈牙）9)八爪魚魚餅 ⭐️⭐️⭐️(ok!無乜特別）10)秋葵 ⭐️⭐️⭐️(算幾清爽）11)丹麥皇冠豚梅肉 ⭐️⭐️⭐️(梅肉味道一般）12) 津輕完熟林檎蘋果汁 ⭐️⭐️⭐️⭐️(入囗清甜果汁，大愛的呢!）13) 西柚燒酎梳打  ⭐️⭐️⭐️(自己榨西柚汁不太方便，不過味道算ok易入口）以上份量兩個女仔都已經好足夠～整體

秋天到，又有啲涼涼地,就係去打邊爐的時候啦! 見到有做緊信用卡套餐，但係食物唔吸引，唔係自己想食，所以就散叫。分別點左有機豆乳湯$29和藥膳湯$39。藥膳湯較出色 熊本豚梅肉$49 佐賀A5黑毛和牛西冷 $189 熊本豚腩肉$49以上三款肉 我都覺得值得叫，肉質好嫩滑， 新鮮。 丹麥雞腿肉$32雞腿肉都係嫩滑，但係如果只可以俾我揀三樣我唔會揀呢一個囉! 炸豆腐魚餅 $29 必試，入口好滑，但又有彈牙感覺豚肉餃子$29唔好食，味道好淡 豆腐麵$19麵質好粗鞋燒魚卷 $29 唔好滾太耐，會冇左魚味道 旺菜$25有苦味，放係藥膳湯嗰邊係辟到個苦味，但係好鹹。紅心蘿蔔$25好特別，爽口 明太子芝士年糕免治雞肉$39好鹹，唔好食整體嚟講嘢食都幾新鮮，但係份量就太小喇!2人枱都比較細，嗌多幾樣食物會覺得好迫

中午请朋友吃饭，路过位于太古城中心二期三楼的的“温野菜”日式小火锅，上前询问，饭店订位员热情，安排座位得当。餐厅环境尚可，基本都是卡座。入座后，pad点餐，菜品不贵，有午市套餐，价格比较公道。点了两款肉食套餐，一份素食套餐。量稍小，又加了一次单。也许是因为中午繁忙原因，上菜较慢。快吃完了，才发现汤底有一只小蟑螂。等朋友走后向店员投诉，店员告不确定虫子是什么时候进去的。懒得理论，结账走人，不会再来。

晚上8點去到太古城，和朋友揀咗食溫野菜，8點15分到達，無需要攞飛就入得，可能係平日既關係，半爆都冇，不過店員態度親切，讚呀👍🏻點餐用個pad，店員有善咁教導點餐，叫咗🐮鹿兒島黑毛和牛牛肩和佐賀A5黑毛和牛肉眼😋，和牛好有牛味，入口即融，好肥美，每款都係百幾蚊，唔駛兩百，湯底就揀咗壽喜燒湯，再點咗2款菇，仲有春菊同水菜🙄唔多夠添，叫多個澳洲M9和牛牛肩同熊本豚腩肉🐷，澳洲和牛比日本和牛瘦一d，下次都係揀返日本和牛好一d😬

一個月 光顧左呢間日本火鍋連銷店兩次！皆因一個豆乳湯底！超級好味！豆乳既豆味同牛乳味好重，完全無味精既感覺，兩次食完之後唔會覺得好口渴，豆同牛乳濃既成份好難用話語形容，只能描述：個湯只要靜止半分鐘已經會製造出一片腐皮，好正！色香味如下：相唔多，但今晚四個女仔叫左唔少野！前菜：椰菜沙律，幾特別，用椰菜做沙律比較少見，但真係okay 喎，生椰菜比生菜更甜，以後自己整沙律有新煮意了！！至於拾下拾下既材料，幾個愛素既女仔咩都點d，叫左魚糕類（魚餅、野菜餅）、芋絲、福袋年糕、肉類有雞胸，黑松露雞滑，海老餃子，菜類可點野菜五品盛（即雜菜拼盆，𥚃面有種叫”水菜”，好食！)！肉類點左兩份雞胸肉（亦有雞腿肉揀)，一份原來有四長片，無脂肪可言，愛健康同清淡既女士必選！另值得一提亦不得不提既，係酒類飲品！下圖係小妹最愛既西柚燒酌梳打，要自己揸西柚汁，好玩又好味！打邊爐最傳統當然係飲啤酒，但女士們可能會有同感，啤酒較肥，但有時無得揀都無辦法。呢間餐廳個wine list ，由日本啤酒到燒酌，到梅酒清酒，到champagne，仲要有唔同酒杯上，好開心！整體講，三個字：超中意！愛健康人士出街打邊爐首選之地！識揀一

晏就放工一行四人好有目標咁想試溫野菜 每人一鍋幾好呀 可以試多個湯底 叫左 藥膳 四川麻辣 完熟蕃茄 壽喜燒湯叫左牛 雞 豬肉 牛係159$ 四片 好珍貴 係好食但真貴其他食料都係一小份 平均29$一份 年糕片好食 放鍋十秒內 見到變軟身 即可食無咩特別味道 但煙煙un un 中意個口感個魚糕都唔錯 食物平均都係好食 唔伏四川麻辣 唔太麻辣 完熟蕃茄 好香 將兩者mix埋 係幾配 可以一試藥膳 都係偏清淡 壽喜燒都係似吉野家超濃湯版總括係好食 但份量比較少 係人數既份量 例如 四粒蝦丸 四片牛 四舊魚糕 不過食好野貴一餐半餐 溫野菜係值得既