渝味曉宇重慶老火鍋 (聚賢逸居) (已結業)

又過左去西營盤探親戚，見到附近有間打邊爐，好似幾吸引咁，自稱邊爐控既我，竟然未試過中午打邊爐，所以決定入去試下。餐牌上款式好多，好多都好吸引想食，點餐之後，侍應就送上「紅棗雪耳糖水」俾我地滋潤一下。我叫左一邊係重慶麻辣，另一邊係羊肉湯，分開兩邊，岩晒唔食羊肉既我，鮮蝦一串串，算大隻，同埋好新鮮，啲肉透明，美國Prime牛小排既脂肪分佈好平均，正係睇到呢個樣已經急不及待想淥返一塊食下先。羊肉卷都好新鮮，蝦滑同桂花蚌好新鮮，睇見已經忍唔到手即刻放落個煲度，佢仲有提示教你淥幾多分鐘係最好食添～其他蔬菜品種都多，岩晒食完肥膩野食返啲蔬菜清一清個腸。呢間火鍋店依家推廣緊「生酮火鍋，食住瘦」，下次可以試下喎，呢排興「生酮飲食」我都要跟一跟個潮流～…查看更多

平時重慶麻辣火鍋就見得多，唔知生酮火鍋大家又有冇試過呢😋 今次生酮達人唐貝詩聯乘渝味曉宇，巧妙創出新晉健康生酮火鍋菜單， 湯底、食材、調味料都係專for生酮人士！供應到8月31日，有興趣既朋友仔記得去試🥰 餐廳最貼心係可以叫半份😙 以下菜式大部分都係order左半份，就算兩個人食都可以試多幾樣菜式～🌟 生酮鴛鴦湯底 (養生花膠雞鍋/普通辣大紅鍋)花膠雞鍋係生酮菜單限定🍲 湯底除左雞味濃郁，花膠都有5-6舊，雞肉嫩滑！🌟 美國prime牛小排/紐西蘭精品羊肉卷 ($128/$58)牛小排見到個雪花都知道入口即溶，值得一試👍🏻🌟 手打蝦滑/鮮鵝腸($68/48)蝦滑非常彈牙，配埋花膠湯底好滿足🥰 鵝腸就算半份既份量都好多。🌟 海帶麵 ($38)生酮飲食雖然唔可以食碳水，但係呢個麵係生酮人士都啱食！食落口感係彈牙版既粉絲，過到口癮之餘又好吸湯汁😋🌟 娃娃菜/鮮竹笙 ($18/$28)🌟 重慶酥炸肉/紅糖糍粑 ($38)酥炸肉擺落麻辣湯浸下再食好惹味！又辣又香～🌶️🌟 青檸梳打/生酮雜莓梳打($48)今次既限定menu仲有生酮特飲🍹 酸酸甜甜既冰凍有氣飲品配埋打邊爐真係一流😍…查看更多

熟識姐嘅人都知我係四季都可以打邊爐嘅火鍋狂人但係打一次邊爐要吸收嘅卡路里真係太多我呢啲長期要同卡路里抗爭嘅人經常都會好掙扎估唔到香港竟然出咗第一個生酮火鍋🙈 咁都俾你諗到 勁👍首先當然係黎個花膠雞湯底隨便一撈都有長長嘅花膠同蟲草花雞件數量都唔少 有成1/4 隻雞架而佢哋嗰個辣嘅湯底 都係非常足料10小辣嘅我嚟講都算幾辣 除咗湯底之外佢仲有生酮火鍋菜單稍為特別嘅有稻田毛肚、大刀豬腰肝、鮮黃喉、鮮 鵝腸、功夫萵筍片、海帶苗同埋乾貢菜但我自己特別要個人推介嘅係海帶麵佢係用海帶製成的麵條 主要是纖維 接近零卡!!!食落口麵質爽脆 冇卡路里負擔之餘 口感仲非常清新特別 極度推介大家試吓另外仲有我最愛嘅淮山 有紫色同埋白色 吸左濃濃的湯底 正正子！最令人意想不到嘅係 佢連調味料都係生酮 超癲 完全係貫徹由頭到尾都要生酮到底不用懷疑佢連嘢飲都係我哋嗌咗 青檸梳打同埋 生酮雜莓梳打 用了生酮糖做代用糖 簡單啲來講即係無糖！ 呢兩杯嘢飲嘅共同點都係生果味好豐富 唔會有啲人造死甜嘅味道喺入面 總之飲落去你就覺得係瘦㗎啦😂鍾意打邊爐嘅肥人福音 想去好快啲去…查看更多

有冇人同我一樣好鍾意打邊爐，但係又好怕肥🤢而家有救星喇🌟‼️‼️《渝味曉宇重慶老火鍋》最近邀請左生酮飲食達人唐貝詩Lydia Tong合作，聯乘設計出一套生酮火鍋菜單✨令大家可以瘦住咁同朋友打邊爐🤭呢個idea真係好大膽創新！一定要試下😍今次揀左位於堅尼地城既分店，環境乾淨企理，座位好寬敞，坐得好舒服！除左多款生酮火鍋湯底外，餐廳仲精挑左多款符合生酮飲食既食材，連調味料都有生酮醬料，真係岩晒生酮人士🥰❥ 鴛鴦湯底 ：養生花膠雞鍋、大骨滋補湯 $58/位生酮湯底有3款可以揀，非生酮湯底有4款🥘花膠雞鍋比起其他湯底貴$20/位，但真係真材實料，好值得一試✔️ 花膠雞鍋選用左三黃雞，加埋花膠、新鮮蟲草花、杞子及雞湯餚製而成🔥飲落味道鮮甜，雞肉好嫩滑，花膠份量都唔少，夠晒滋補🥰至於大骨滋補湯就係非生酮湯底，有好清甜既豬骨味！❥ 美國Prime牛小排(半份）$128脂肪分佈均勻，肉質軟腍，牛肉味好香濃，高質❤️❥ 滕椒牛舌（半份）$68爽口惹味，好有驚喜😛❥ 嫩牛肉(半份）$48肉質嫩滑，完全唔會韌，牛味都好濃郁🥩❥ 鮮活海蟶(半份) $45適逢蟶子當造時期，d蟶子真係粒粒都咁肥美，食落好有鮮味🤤必叫‼️❥ 鮮鵝腸(半份）$68口感好特別，爽脆順滑！❥ 黑豚腩肉(半份）$48肉味香濃，油脂感都好夠🧡肥美👍❥ 鴨血(半份）$48打邊爐必叫😆口感好滑溜，同湯底味道好夾！❥ 海帶麵(半份）$38由海帶製成既麵條，接近零卡😍完全冇罪惡感！食落好爽口，放落雞鍋仲可以吸到雞湯既精華👍❥ 生酮雜莓梳打 $48❥ 青檸梳打 $48呢兩杯梳打都用左生酮糖作為代用糖，所以係無糖飲料😚飲落清爽解喝，又冇負擔感，Yeah✌🏽❥ 紅糖冰粉 $28清甜爽滑，消暑一流💦…查看更多

好鍾意食野嘅我，雖然食肥咗，但又唔想節食減食😂，所以最近從食物入手，揀適合自己嘅食材，均衡飲食自然瘦💙。最近見到火鍋店推出生銅火鍋，可以食住瘦🤩，咁吸引一定要去試下渝味曉宇首推生銅火鍋🍲，⑧間分店都有得食。我地去咗西環分店，店鋪好大，除左窗邊卡位、普通座位、仲有包廂。一坐低，店員就為我地送上冰糖雪耳糖水🧡，味道好清甜，裡面仲有紅棗幫我補血🩸點菜以QR code 落單，最特別係食物可以揀一份或半份，🦆小鳥胃都可以有無限選擇，盡情咁叫🤩鍋底識㨂一定係㨂鴛鴦湯底，一次過滿足兩個願望💭。我地揀咗養生花膠雞鍋，裡面好多花膠，滋補養顏，有雞味清香🐓。另一邊叫皮蛋芫荽湯，清熱解膩。食物方面都幾多選擇，海鮮、肉類🥩、內臟、蔬菜都好多款式。食物上面附有牌仔提示水滾碌時間，超級細心👏🏻肉類🥩美國Prime牛小排咬落好有層次，牛味濃郁，可以加配旁邊嘅生銅醬油🫙黑豚肉嘅豬味好香，朋友落埋蒜蓉自制蒜泥白肉，佢大讚呢度嘅蒜蓉好濃郁🤣🐏羊肉肉質嫩滑，有微微酥香，好鍾意🤎四寶丸有齊墨魚丸🦑、蝦丸、牛丸同魚丸。最鍾意係墨魚丸，有淡淡黑松露味，而且最爽口。蝦丸都唔錯，蝦味濃郁又彈牙😋海鮮🐋鮮龍躉片嘅魚肉同魚皮都好厚身，咬落冇骨又啖啖肉✨🌟最驚喜係有魚膘（即係花膠嘅原材料💕），咬落好滑，有微微彈性，冇腥味。咁滋補都只係$38半份，真係超值，大家一定要試‼️本身仲想叫蟶子，但我地遲咗一步，已經售罊🙈，下次早啲去再叫肉臟🧠朋友鍾意食鵝腸，呢度嘅鵝腸好乾淨，裡面完全冇肥膏，好彩有叫🤩 口感都好爽蔬菜🥬功夫萵筍片將萵筍切成闊條麵條狀，碌一碌食好爽口；碌多一陣食萵筍會吸收晒湯底味道，咬落好juicy😋另外我地仲叫咗一份蓮藕片同油麥菜，夠哂健康生銅飲食本身要❌戒澱粉質，但呢度有專為生銅飲食者而設嘅海帶麵，以海帶製成，主要係纖維，接近0️⃣卡，比一般麵質更爽脆飲品🍹呢度有生銅特飲，所以叫咗一杯雜莓梳打試一試。雜莓味酸酸甜甜，以生酮糖作為代用糖🍯，所以都算無糖飲料😂☕️每杯羅漢果茶都用上⓯ 粒羅漢果加水煲製 45 分鐘而成，非常足料。當中甜味全部來自羅漢果，無另行添加，又健康又解渴👍🏻…查看更多

而間餐廳一直係我鍾意嘅邊爐之一，今次推出咗首創生銅火鍋，我依個吃貨緊係唔執輸😂我冇諗過生銅同打邊爐係可以扯上關係🫣今次佢地請咗生酮飲食達人唐貝詩設計生銅火鍋菜單 ！我想講佢同普通火鍋冇乜分別😍勁正可以健住康咁打邊爐，仲要有埋特製嘅生酮豉油，真係第一次試！今次點左好多嘢食～佢最正嘅位係可以每樣叫半份，可以試到好多唔同嘅嘢食！生銅火鍋裏面必叫養生花膠雞鍋！好多花膠 個湯底又好飲！另外佢個海帶麵係接近零卡，生銅特飲仲要係用生銅糖，完全冇罪惡感😎除咗依個生銅餐單，真心私心推介鮮活海蟶（類似細蟶子）好耐冇食過咁鮮甜嘅蟶子！其他嘅配料全部都好新鮮，佢個功夫萵筍片就睇到師傅嘅刀工！同埋鍾意食辣嘅朋友，記得要點佢個重慶辣大紅鍋同麻辣牛肉😏另外我好欣賞佢一入座就會送一碗糖水先，打邊爐緊係要開下個胃😶…查看更多

怕肥又想食火鍋🍲 生酮都係一個唔錯嘅選擇 起碼冇咁邪惡先 🤞🏻 而且味道仲幾好 同普通火鍋冇分別！食之前仲有雪耳糖水送！店員中解釋食辣前食雪耳糖水會比較舒服☺️#生酮醬油 都好特別 調味得好好，除咗鹹仲有鮮味👍🏻🌟鴛鴦鍋＄58/位🌟養生花膠雞鍋新推出嘅生酮湯底！湯底係用三黄雞、花膠、新鮮蟲草花、杞子等餚製。入面仲有好多料。🌟重慶麻辣鍋 辣度比較高，而且麻香非常強勁，連聞到都覺得攻鼻喜歡食辣比較推薦依個。🌟美國牛小排 油花分布比較均勻，牛味好濃！肉質鮮美滑嫩。比起其他部位呢個就最滑最林，就算碌耐左都唔會鞋。🌟精品羊肉卷羊肉肉質都幾鮮嫩～唔會有好重so 味。配麻辣就最啱.🌟海帶麵 佢係用海帶製成嘅麵條，主要係膳食纖維纖維，口感有啲似幼版蒟蒻麵，入口好爽脆～仲有接近零卡路里如果減緊肥就好合適，飽肚而低卡路里。飲品：🌟生酮雜莓梳打 ＄48屬於🔥無糖飲品🔥～用咗生酮糖作替普通糖，微甜有莓香，清涼解辣！…查看更多

即使要減肥或者進行生酮飲食😚，打邊爐都可以食健康又開懷！最近「渝味曉宇重慶老火鍋」聯乘生酮飲食達人唐貝詩，新推出生酮火鍋菜單🍲。除咗多款生酮火鍋湯底，菜單亦精心挑選多款符合生酮飲食嘅葷菜同素菜。我哋試咗生酮鴛鴦湯底，養生花膠雞鍋選用三黃雞、花膠、蟲草花等餚製，滋補又養顏😚。另一邊山珍菌湯主要食材係多種菇菌🍄，滋陰鮮甜。食後感係「渝味曉宇」作為精品火鍋店，無論係食物質素、餐廳環境同埋服務態度都係一流，推薦！————————————————👅美國Prime牛小排（半份$128）👍🏻油花分布平均，燙30秒啱啱熟透🐮，係最佳嘅滋味👅紐西蘭精品羊肉卷（半份$58）
👍🏻羊肉味又唔膻，肉質細緻🐑，羊肉愛好者有口福啦👅黑豚腩肉（半份$48）
👍🏻豚肉肉味濃，厚切更有口感🐷，無人可以拒絕五花腩帶嚟嘅快樂 
.
👅嫩雞肉（半份$38）
👍🏻火鍋剛燙熟時嘅雞肉充滿肉汁🐓，品嘗雞肉本身嘅甜味，非常適合低碳高蛋白嘅生酮飲食
.
👅鮮龍躉片（半份$78）
👍🏻龍躉一定活動量多，魚肉好結實🐟，魚味鮮甜，魚皮似啫喱一樣Q彈，每人兩片真係唔夠食
.
👅鮮黃喉（半份$58）
👍🏻似脆骨又帶有嚼勁😝，食材本身無咩味，要靠調味料提味
.👅鮮鵝腸（半份$68）
👍🏻食重慶火鍋必食嘅菜品😻，新鮮鵝腸脆口又唔會有異味，調配一個重慶油碟更加地道

👅功夫萵筍片（半份$28）
👍🏻堆砌成花朵嘅賣相🌼，爽爽脆脆又鮮甜.
👅淮山條（半份$28）
👍🏻兩種唔同顏色嘅淮山條係口感上都有分別，白色爽脆，有啲食粗薯條嘅快感😆，而紫色會香啲粉啲，甚至有少許芋頭味.
👅娃娃菜/油麥菜（半份$18）
👍🏻蔬菜新鮮無黃邊🥬，放入菌湯有一陣菇菌清香.
👅海帶麵（半份$38）👍🏻 使用海帶製成嘅麵條🪴，主要係纖維，接近零卡路里，有啲似粉絲又有啲似蒟蒻麵，好爽脆嘅口感
👅生酮雜莓汁雞尾酒（$48）👍🏻幾好飲嘅調酒，前段係雜莓，後段係輕微酒味。所有生酮特飲均採用生酮糖⭕️，所以都係比較健康嘅無糖飲品.
👅青檸梳打（$48）👍🏻酸咪咪青檸味加上清新薄荷🌱，解膩一流————————————————🚩總結：減肥人士嘅福音😚———————————————— 🌟注意：每位茶位及醬料費$20，另收加一服務費————————————————📍 渝味曉宇重慶老火鍋地址：西環堅尼地城卑路乍街163號聚賢逸居1樓🗺地區：#bem西環📥分類：#bem中菜💰人均消費：#bem401至800蚊…查看更多

好耐無同母親大人出去食飯👩🏻，見佢想打邊爐，作為孝順仔嘅👦🏻當然要帶媽媽食餐好，今次就揀左「渝味曉宇」，試下佢最近新出嘅生酮火鍋菜單，今次仲唔食住瘦🤣？🌟生酮鴛鴦鍋🍲（大骨滋補湯+養生花膠雞鍋）大骨滋補湯由豬骨等藥材製成，湯底濃厚，重豬香味。而重點養生花膠雞鍋內足料，食極都食唔完既滑雞同厚花膠，輔以蟲草花、杞子等藥材，對貪靚既媽媽實屬養顏精選👍👍。🌟海帶麵海帶麵係生酮食品，完全無澱粉而又好飽肚，食落口感似粉絲，質感爽脆幾特別！🌟生酮飲品（生酮雜莓梳打+青檸梳打）生酮雜莓梳打唔會太甜，雜莓味豐富；青檸梳打口感清爽，絕對適合想飲甜野而唔想增肥既人士。🌟豬心+豬腰豬心同豬腰十分新鮮，淥一淥就食得，豬心豬腰鮮嫩唔腥，兩者都有補身功效，岩哂想進補既人士！🌟鵝腸鵝腸👦🏻表示係必點（👦🏻本身係Fans），鵝腸新鮮，清洗得乾淨，食落去爽口彈牙，無腥味。…查看更多

「烚下烚下」一向都係港人至愛🍲但係對於啲飲啖水都會肥嘅體質黎講，打一晚邊爐起碼都會肥返3、4磅🥲所以晚飯聚會一聽到係「打邊爐」都會膽戰心驚🥲直到見到渝味曉宇重慶老火鍋推出期間限定嘅「生酮火鍋湯底養生花膠雞鍋」套餐，生酮飲食 × 打邊爐😧 又健康又過癮，即刻9秒9黎試下～先係選擇適合大夥兒嘅鴛鴦湯底，一邊選擇左生酮湯底，有女士至愛嘅花膠養生雞湯，花膠爽口得黎好厚實，湯底冇加鹽同調味料，份外清甜；另一邊係招牌重慶麻辣湯，淨係睇顏色同辣椒嘅數量，都知道唔惹少🥵 真係食得辣嘅朋友先好叫，後勁相當凌厲🥵🥵🥵除左湯底外，亦有考慮到生酮人士嘅菜單同調味料，好貼心👍🏻 海帶麵 $38 / 半份 4.5 / 5充滿纖維嘅海帶麵麵質較爽脆，仲要低碳低卡，必試！鮮龍躉片 $78 / 半份 4.5 / 5平時打邊爐都係食鯇魚片，有龍躉咁矜貴嘅緊係要叫埋，大片厚切，晶瑩剔透到好似刺身🤤鮮魚膘 $68 / 一份 4.5 / 5又係比較罕有嘅火鍋配料😍 有食開魚膘嘅都知平時要買都好難買，畢竟每條魚都只有一條，有得成份嗌緊係要食！😋牛骨髓 $48 / 半份 4 / 5本身冇味道嘅牛骨髓索湯一流，尤其係麻辣湯😋 口感滑嘟嘟 👍🏻鴨血 $48 / 半份 3.5 / 5好𝘚𝘵𝘢𝘯𝘥𝘢𝘳𝘥嘅鴨血，配麻辣湯啲味會出啲🤏嫩牛肉 $48 / 半份 4.5 / 5必點，大塊嫩滑嘅牛肉好有鮮味🤤 最緊要真係好嫩，入口即化😋武隆苕粉 $28 / 半份 5 / 5 🌟🌟🌟🌟🌟重慶特產亦係紅薯粉，比平時食到嘅寬粉更加煙韌有彈性👍🏻黑松露墨魚滑 $58 / 半份 4 / 5爽口彈牙嘅墨魚滑，黑松露可以重啲仲正😋生酮雜莓汁雞尾酒 $48 3 / 5 冇諗過飲品都可以生酮，比正常版嘅雞尾酒冇咁多汽，飲落清甜順口，好似果汁🍹紅糖糍粑 $68 4 / 5食得太辣想叫個甜品中和下，無估到份量都幾多！入口先係香脆外皮，軟糯嘅糍粑沾上花生粉層次更豐富😋———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛———————————————…查看更多

身邊都有唔少friend on 緊 keto diet，以前成日都覺得accommodate 到keto diet嘅餐廳唔係好多，就算有都好貴。但原來而家好多餐廳都多咗keto嘅menu! 呢度最近就同唐貝詩聯乘，推出咗呢個生酮火鍋系列，可以同on keto diet 嘅朋友一齊打邊爐！養生花膠雞鍋($58/位)呢個湯底係生酮😍 佢係用三黃雞加入花膠、新鮮蟲草花、杞子及鶏湯等餚製。三黃雞肉質嫩滑，味道幾鮮甜，雞嘅膠質溶於湯中，加埋花膠，夠晒養生！鴛鴦鍋底嘅另一邊，我地揀左傳統嘅大紅重慶麻辣湯底。佢用好多香料餚製，淨係睇個色都知好辣，不過辣得黎又好想繼續食😂😂嫩雞肉(全份:$68;半份:$38)點餸揀係要點生酮朋友至愛嘅雞肉！肉質香嫩多汁，非常適合低碳高蛋白的生酮飲食。美國 Prime 牛小排 ($248)打邊爐又點可以冇牛🐮牛小排嘅肉質同厚度都恰至好處，脂肪比例平均，食肉獸必點！現炸豆皮(半份:$38)有啲似響鈴，不過係冇捲埋嘅響鈴，好好食，口感幾脆，仲要吸收到湯底😋😋武隆苕粉 (全份: $48)作為澱粉控，超中意呢款武隆苕粉，佢好似薯粉咁，索哂湯底的精華😍鮮滑魚麵 (半份:$38)呢款魚麵有好得意嘅口感，同樣令人食唔停口。海帶麵(半份:$38)生酮嘅朋友唔食以上兩款麵，可以領呢款生酮麵。佢係使用海帶製成的麵條，主要是纖維，接近零卡，比一般麵質爽脆😍😍青檸梳打生酮特飲($48)食完辣梗係要叫番杯青檸梳打💦 酸酸甜甜好解渴，佢仲用咗生酮糖代替傳統糖，唔使驚肥羅漢果茶( $38)佢係用左15 粒羅漢果加水煲製 45 分鐘而成，甜味來自無添加的羅漢果糖，好解渴， 同樣適合生酮人士飲用。…查看更多

「舌尖上的中國」唯一推薦的重慶火鍋 👍🏻每個weekend活動就係不停食食食所以長期有個大肚腩而家食火鍋都可以「食住瘦」✨生酮達人唐貝詩生酮火鍋就啱哂我怕肥又鍾意食火鍋嘅人 😍鴛鴦湯底🐔養生花膠雞鍋湯選用老雞、鶏腳餚製 6 小時加入咗花膠、新鮮蟲草花、杞子及鶏湯等餚製雞肉肉質嫩滑 味道鮮美🌶重慶辣大紅鍋湯底辛香麻辣 我都覺得好辣 🔥用上等重慶朝天紅辣椒、茂汶大紅袍和金陽青花椒經40分鐘炒成同平時其他麻辣鍋味道完全唔同 特別有香麻味怕肥必點✨海帶麵（半份）✨海帶製成的麵條 好多纖維 接近零卡比一般麵質爽脆 好特別青檸梳打🍹生酮雜莓梳打🍷採用了生酮糖作為代用糖 係無糖飲料其他食品可以揀一份/半份 可以試多啲唔同嘅嘢食 🤩🐮美國Prime牛小排(一份）🐑紐西蘭精品羊肉卷(半份）🐚珊瑚蚌（半份） 鮮活海蟶（半份）🐟鮮滑魚麵（一份）手打四寶丸(半份）🫓現炸豆皮（半份）炸酥肉（一份）…查看更多

時不時大家都會聽到唔同減肥既方法，但最驚就係要戒口。不過中意食野既人近年就有福啦，因為近年興起一種叫做「生酮飲食」既減肥方法，依種飲食就係一種以高脂肪，充足蛋白質，極低碳水化合物為主既飲食。而最近見到「渝味曉宇」推出左生酮火鍋，友人進行緊生酮飲食就捉左我去試下。初初以為生酮飲食會無咩選擇，但正正因為佢以高脂肪加充足既蛋白質為主，選擇其實都幾多，今次揀既湯底有平時最愛既花膠雞湯，而另外揀咗非生酮飲食既「重慶麻辣湯底」，因為黎到「渝味曉宇」無可能唔食麻辣😆湯底方面，自己初初食既時候就覺得唔算太濃味，但煲左陣之後感覺就開始濃，濃得黎唔會蓋過咗食物本身嘅味道，而花膠雞湯仲有好多花膠添，啱晒又想減肥又要美顏嘅朋友仔🤣配料方面，要同大家推介「海帶麵」、「嫩牛肉」、同埋「黑松露墨魚滑」。「海帶麵」本身係屬於生酮飲食嘅配料，佢望落去似粉絲，但係食落嘅口感係更加爽口，又可以吸到湯底本身既味，所以一定要試。另外，「嫩牛肉」比平時出邊食到嘅滑牛更加滑口，牛味好香，配埋麻辣湯，一個字 - 「正」！而至於「黑松露墨魚滑」，墨魚滑本身就係我自己嘅最愛，加埋黑松露，係將本身墨魚滑嘅味道提升一個層次，滑都夠彈牙。嘢飲都比較特別，而家先知原來都會有生酮特飲，飲左杯「生酮雜莓梳打」，甜度比平時既梳打無咁甜，因為用左代用糖，但依然都會有種refreshing既感覺👍🏻…查看更多

呢排好流行生酮飲食，keto餐廳越開越多，估唔到連打邊爐都有！生酮達人最近同渝味曉宇推出生酮火鍋套餐，供應到八月尾，要試就趁早😍🥘同keto朋友打邊爐，一邊揀咗養生花膠雞湯，另一邊揀咗蕃茄湯底就返我🤣，花膠湯底好足料，用咗花膠，三黃雞，蟲草花煲，打完邊爐仲可以當湯咁飲。打邊爐之前每人一碗紅棗雪耳糖水做前菜，幾特別鮮黃喉豬嘅喉嚨，食落好爽口，大大塊曉宇苕粉其實即係薯粉，雖然份量唔多，但係每條都超大，吸收左湯底嘅精華，口感煙韌😍海帶麵🍜用海帶整嘅麵，食落似粉絲，高纖之餘接近零卡路里，食完都冇罪惡感生酮雜莓梳打🍹用咗生酮糖代替普通糖，啱晒減肥人士，消暑解渴，又唔使飲熱茶🤣…查看更多

近年好興生酮飲食🙌🏻見到有好多明星都係成功例子，我都想跟下風架！靚媽我好愛打邊爐，聽到渝味曉宇重慶老火鍋 出咗生酮火鍋😍即刻心心眼拉埋另一半黎試下！我哋order左鴛鴦湯底，一邊係生酮餐牌嘅養生花膠雞鍋，湯底材料有花膠、新鮮蟲草花、杞子，飲落味道都幾鮮，有回甘，而且冇咩油份，另一邊係佢哋傳統嘅大紅重慶麻辣湯，小辣都好刺激味蕾，兩者交替食，感覺食起上嚟都冇咁邪惡。另外仲有生酮特飲和生酮調味料～青檸梳打、生酮雜莓梳打用咗生酮糖做代用糖，所以屬於無糖飲料，飲落酸酸地微甜口味，有好香嘅果味，搭上薄荷葉，好清爽！生酮豉油就冇咁鹹，唔會太口渴，唔錯。火鍋料方面我哋order左海帶麵、鮮鵝腸、鮮龍躉片、鮮魚膘、熟鵪鶉蛋、鴨血、韭菜豬肉水餃、嫩牛肉、黑松露墨魚滑呢度嘅火鍋料可以order半份或者一份，我哋兩個人，就可以食多啲款😊，款款都好新鮮，連鮮鵝腸、鮮魚膘呢類比較難處理嘅食材，都整得好乾淨，冇腥味，特別一提生酮Menu上面嘅海帶麵，第一次食呢款麵條，成份主要係纖維，接近零卡，口感有少少似蒟蒻麵，比較爽脆，食到最尾先至放，吸收埋湯底嘅精華，好正🥰…查看更多