清真惠記

营业中

休息中

勤勤寫準備同大家推薦多啲好食嘅食物🤩今次嚟到位於銅鑼灣熟食中心入面嘅一間清真食品店🙊雖則話係清真食品，但其實佢有賣燒鴨太爺雞，今次遠到而來，就係想試吓佢嘅燒鴨🤪我哋總共叫咗一飯一面👍🏻-🍖燒鴨瀨粉 ($45)燒鴨有驚喜‼️雖然皮下脂肪唔多，但皮燒得香有趣👍🏻而且鴨肉好鮮嫩，唔會好老。今次我叫嘅奶粉餐廳比咗鴨髀位😍一碗細細足一隻髀，其實性價比幾高。湯頭清甜，但略為食完會比較口渴😟🍛咖哩牛飯 ($56)叫左個咖哩牛試試，一碟大嘅有6-7舊牛腩左右，再有少許牛根，牛腩炆得十分之腍同入味👍🏻咖哩底偏辣，送飯一流‼️但量黎計就偏少，食完都說唔夠飽啊😆-🍹飲品方面，各式汽水啤酒都有提供，今次我地2個決定去戰肥仔水無叫嚕🙊P.S.熟食中心環境嚟計都叫幾乾淨‼️怕污糟嘅朋友都唔使太擔心，另外佢哋呢一間餐廳仲有賣古法蝦子柚皮️，本身我地想叫但剛剛賣晒😟唯有下次再試

碰巧在附近工作完畢，於是便到鵝頸熟食中心的清真惠記來個午膳。我愛他們家的咖哩帶點羊肉香味，跟坊間不太一樣，惹味得很﹗男友點了一客咖哩羊腩飯，而我點了一客咖哩燒鴨飯。羊腩鬆化入味軟腍、份量多。燒鴨肥美皮脆，配上帶點羊味的咖哩汁，令風味提升、味蕾雙重感受。大家經過的話，不妨一試吧﹗

話說帶屋企人去東區醫院複診，之後指定一定要搭的士過嚟鵝頸街市搵咖喱羊腩，老竇話佢後生嗰陣時已經開始喺度食喺家族生意，而我自己咁大個人係第一次過嚟呢頭：其實2樓係街市熟食嘅地方，今日係星期一，時間已經係晏晝3:30左右，見到依然有幾台客食緊佢非常出名嘅咖喱羊腩碟頭飯，我帶着爸爸指明一定要咖喱羊腩，另外再點咗一隻鵝髀同埋蘿蔔，我老竇話呢一間嘅蘿蔔非常之林，絕對啱無牙阿公食：如果我呢一篇食評呃到你入嚟真係唔好意思，因為我係外賣帶返去我喺大西北嘅屋企，掛住食唔記得咗影相，只可以講佢嘅咖喱羊腩係有少少辣嘅，但係我呢啲唔食得辣嘅人都接受得到，一盒咖喱羊腩係$78，另外我+1隻鵝髀同埋一盒蘿蔔total $138，總括嚟講性價比非常之高，而且佢嗰盒咖喱羊腩係好多羊肉😉抵食又惹味👍

The signature dish is “Curry Mutton”, we ordered the large size but it’s served in a rather medium sized bowl, still, there were 10 pcs of lamb and a few potatoes. Flavours were spot-on, nothing fancy and not too spicy. “Roasted Duck” here is made in HK-styled, just like those you find in local barbecue stores, aromatic skin and a tender duck leg was given to us. Also tried the “Soy Sauce Chicken” - sweet and savoury skin well marinated, with a smooth chicken leg generously arranged by our serve

褒獎過譽的清真羊咖喱重陽節三傻休息，今次輪到藍毛毛、檸檬仔和小突兔出行，其實就是睡醒之後想出去走走，看看有什麼平日難得吃不到的美食，走著走著就到了鵝頸橋街市，想起許多帖都介紹的清真咖喱。清真羊咖哩 54元 (無飲品)街市的環境固然是普通，有很多假日工作的藍領一族，實在辛苦他們。你問我54元抵嗎？我覺得普通，吃完都飽，但一上桌的賣相一般，而羊肉又太少，咖哩很濃但蓋不住其羶味，加上又無飲品。除了咖喱，似乎燒鴨都很受歡迎，但胃口有限就不叫了。總結就是可以不去的餐廳，吹大左😅清真惠記銅鑼灣鵝頸橋街市#清真惠記 #清真 #銅鑼灣美食 #藍毛毛 #檸檬仔 #小突兔 #香港 #午餐 #重陽節 #夏天 #跑步 #白爛貓 #lanlancat #搞笑 #羊肉 #咖喱 #curry #lamb #世界動物日 #animals

幾年無去銅鑼灣，今日去嗰邊，又，係獨食午餐，就回顧下以前銅鑼灣工作時的平價飯堂，鵝頸橋街市的清真惠記😁。熟食市場有冷氣，算係咁。最喜歡叫燒鴨飯+咖哩汁，老闆仍在，水準保持，燒鴨好味👍。舊時見過有些人的評語介紹，話皮脆。。。坦白講，食過咁多咁多次，真係未試過皮脆🤔，不過味道真係好嘅，價錢也不貴。佢地掛鴨方向跟一般燒味店不同，係鴨頭在下屁股向上，燒味店是相反的，唔知有乜原因🧐？咖喱羊腩也很多人點的，佢地咖哩汁是很好送飯，不辣的😋。有機會要再試那街市的車仔麵，聽說是用新鮮牛什，但好多人排隊。

多年前開始幫襯 最近少咗去又係俾媒體喚醒咗記憶好似以前係唔開星期日？去之前上openrice睇一睇咩環境前幾篇食評講水準有下跌唔係掛😨冷氣熟食中心格局要長期同人搭枱樓面呀姐都勤快醒目見你行埋嚟就招呼你埋位 太耐無嚟唔記得有無加價 合理價錢燒鵝飯 呀姐會主動問你要唔要咖哩汁當然無人唔要賣相靚仔仲有劈椰菜隻鵝都幾多肉😛咖哩汁係落足料 勁惹味淨係俾咖哩汁我都可以餸成碗飯味道無失準過 一樣好味道

雖然唔係成日嚟食，但係都知道呢度有個主打係咖喱羊+鴨髀飯，食過幾次，質素都真係幾唔錯，因為性價比實在太吸引，羊+鴨髀+湯都係$62，所以我每次都淨係叫呢個。今日係附近做完嘢諗住再食多次，一坐低當然叫呢個飯啦，點知個姐姐同我講一直都冇呢個拼法，要咁樣拼就要$9X，我就覺得奇怪，明明上個月先食過一次，都係$62，點會冇喎，之後個姐姐堅持話開咗10幾年一直都冇，講咗幾句之後好似好唔耐煩就行開左。之後我就即刻上黎OpenRice睇，原來我無老人癡呆，張相仲要有埋價錢，我俾埋張相俾個姐姐睇，個姐姐都仲要死都話無，谷鬼氣最後就走人。其實我都明，而家呢個市道，咁樣拼法的確好唔合經濟效益，始終呢啲小店都要生存，你照直講其實我真係OK，都會乖乖地叫個咖喱羊飯，手頭鬆動啲都會加錢嗌雙拼，但最唔爽既都係姐姐既態度，好似食就快啲落單唔食就快啲走人咁樣，附近又唔係冇嘢好食，唔食你咪唔食你。

早排喺YouTube見到過唔知咩KOL去食羊肉飯同埋燒鵝。講到啲羊腩好食到天跌落嚟咁。落開灣仔就去試吓。同埋見到咁多正食評。滿懷高興咁去一坐低就同佢講叫咖喱羊飯，見佢寫住含骨，應該都OK啦。好啦重點，將個碗仔啲餸倒落個碟度，嘩望落去全部一粒粒細嘅好似排骨，跟住叫咗一個好似大媽咁嘅阿姐同佢講。我話你地啲樣全部都係骨，好少肉黐住！跟住佢就望咗兩眼，攞個碗仔去，俾返一件，係一件羊肉，大個手指頭比我。我都算數費事同佢嘈，食完嗱嗱聲走人。俾錢個時候有一個好似後生啲嘅我諗係老闆娘，都算有禮貌講句多謝。我都冇再同佢投訴，但一定以後唔會再幫襯。羊肉飯，咖喱普通，係咪啲YouTuber講到咁好食咁誇張我話俾你哋聽唔係！附上碟飯嘅圖片，可能我影得唔係太好，其實全部都好似排骨一粒一粒咁，係完全冇肉咁滯。

我真係好鐘意食咖哩，又好鐘意食羊，呢度非常合我口味，而且係碟頭飯，一個人食都得👍🏻，加上四眼哥哥仔好有禮貌，仲吹得兩咀， 如果唔係收咁早，我一個星期會嚟食一兩次囉😁P.S. 不過今日多咗啲骨😅

唔知係咪因為太多客，啲侍應開始有啲不可一世。尤其係帶位嗰個西面阿姐，啲服務態度真係差到一個極點。 街市熟食中心既環境已經擠迫，想同朋友正正常常食餐飯姐，問一問可以坐邊一度，費事坐咗隔離餐廳嘅位置，啊姐即刻西口西面，講呢樣果樣，搞到我哋好似乞米咁，喂大佬，依家係我幫襯你，唔係過嚟求你比野我地食，當我乞衣？ 我付出真金白銀食個飯，都要搞到要我求你咁。如果咁麻煩嘅話，都係行過對面食過第二間，成個場大把選擇。blacklisted

久聞大名, 今日終於扚起心肝出城試吓.唔太中意食飯, 叫咗咖哩羊粗麵走水 ($45) 超 抵/好食 , 叫多個蝦子柚皮 ($20), 普普通通, 但咁嘅價錢絕對冇投訴.如果有咖哩羊撈丁就好嘞!

天氣微涼，放午餐首選最好是食咖喱🍛奈何灣仔銅鑼灣好少好食的咖喱😰😰忽然想起鵝頸橋街市上面有間清真咖喱，都有成年冇去過，立即想去試吓！ 5分鐘不用就上菜，效率極其至高👍🏻👍🏻落單講咗要牛筋腩，點知上菜一件牛筋都冇🤢🤢咖喱牛腩完全冇筋都算，而家直情變咗水咖哩，一碗到落去，直情食湯飯咁樣😰越做越唔似樣！呢度唯一能夠保持水準就係燒鴨，入味，而且冇鴨臭味👍🏻果啲姜溶就鹹到要洗腎呢個湯就真係算吧啦！都係要用黎洗䈐子😮‍💨😮‍💨又無味又凍$8，情願買支水好過！唉😮‍💨⋯⋯依家啲食肆真係好難能夠保持到水準！再加上啲阿姐服務，直頭係趕客，個個都好似欠佢錢咁，餐飯都要俾人訓話，坐邊度又要俾佢管，落單又要一次過叫晒！

🍪 【#灣仔】清真惠記 Wai Kee💥鵝頸橋寶藏 清真咖喱羊腩💥.🍪惠記屹立半世紀，為本港六十餘間少數獲清真認證的餐廳之一😳✧The half-century-old Wai Kee is among the sixtyish rare halal-certified restaurants in Hong Kong.🍪回教徒佔本港人口4.1%(約30萬人)，他們來自印尼、巴基斯坦、中國內地等地。當日去都見到唔少回教徒！👏🏻✧We saw quite a lot of muslims enjoying halal food here. They make up 4.1% of the population in Hong Kong. 🍪招牌菜係燒鴨，但咖喱羊腩飯更是非試不可‼️✧While the eatery boasts about its roast duck, mutton curry rice is a must-try! ~~~~~~~~~~~~~~~~~~~~~~~~~~~~~~🍽咖喱羊飯(含骨) $52（5/5）Curry Mutton w/Rice (with bon

清真惠記除左咖喱羊腩飯外，佢地既燒鴨脾飯都好正😋燒鴨脾飯 ($55)睇過間鋪既訪問話會賣燒味係因為香港人鐘意食就賣埋😂燒鴨皮好脆，同埋次次去食隻鴨脾都幾熱，鴨肉嫩滑多汁，不過一定要連埋皮食，肉有小小鴨味但整得唔算入味，成隻脾主要個味都係靠皮表面既醬汁，醬汁相當出色，如果唔食皮既話就會覺得味道比較淡，但質素比好多燒味鋪既鴨好食好多😋價錢: $55 / 位環境: 4/10味道: 7.5/10性價比: 8.5/10