添好運點心專門店

可以一試點心專門店😋撞正十月一日國內黃金周，商場入面多左好多遊客，正因為咁都好擔心食野等位要等好耐，都提前去餐廳拎位。由於早到關係，仲有吉位可以揀。但係都擔心有用餐時間，會俾人趕走，都特意同職員查詢，慶幸係可以任坐飲茶，值得一讚。而店員都好熱心咁安排位置，坐低後發現冇主餐牌，只可以在手機查看及落單，對老一輩比較唔方便。落單後食物都好快黎😋整體食物質素唔錯，但唯獨有幾碟唔太夠熱，可以改善再值得一讚，由於店員話冷氣係中央自己調節唔到，都好儘力幫我地尋找解決方法👍🏻…查看更多

今日放假同屋企人諗住去沙田添好運飲個茶，點知去到門口就嚇親，排隊嘅人多到打晒蛇餅！心諗既然嚟到，即管試吓等啦，點知又唔使等好耐就有位，算係咁啦！叫咗幾款點心試吓，整體中規中矩，冇咩驚喜。鮮蝦菠菜餃皮薄餡多，蝦算爽口；蝦餃都算晶瑩，不過皮有少少黏。腐皮卷炸得幾脆，但略嫌油咗少少。叉燒腸粉個皮滑溜，但蜜味唔算好出。鳳爪排骨飯係穩陣之選，豉汁入味。最有驚喜係釀尖椒，魚滑彈牙又唔會太辣！牛肉球同潮州粉果就正常發揮。如果唔使排長龍，可以一試，但特登等個幾鐘就未必值啦…查看更多

正正式式堂食添好運係第一次未到中午12:00到咗沙田新城市廣場有位唔使排就帶媽咪大人試試佢揼本裝修坐得寬敞舒服嘅全QR code落單連老人家都用慣晒喇首先上枱嘅係豬頸肉撈粗粗麵質地偏淋、豬頸肉同湯都中規中矩枱面沒有任何調味品問店員有冇醋，店員說只有辣椒醬和喼汁濃味人都係要咗一小碟辣椒油迎接燒賣和幾款傳統點心燒賣加咗冬菇粒、山竹牛肉有芫荽（加喼汁）兩款傳統口味都OK洛神花脆脆蝦腸$48有6件都幾抵雖然洛神花醬比較甜唔係我杯茶整體上媽咪大人都話滿意，性價比高期間限定同香港品牌維他奶crossover試咗反豆維他奶砵仔糕比傳統嘅甜，如果可以多豆就好喇😛…查看更多

由添好運第一間深水埗店開始幫親，都試過唔同店，最鍾意都係總店。 到宜家新城市開新店，原本都幾期待，近近地屋企附近就食到。食過幾次沙田店，估唔到第一篇食評係呢個情況下誕生。食物質素係大商場租金貴的掣肘下，中規中矩都可以理解。今日終於見識到神級員工，一定要寫低呢個奇遇。近4點來到，有一大班人等位，需輪候十幾張台，係呢個市道算不錯。等左唔夠十分鐘，突然不停叫號，原來前面的人都走了，但反應唔切，聽到叫到我之後2個號碼。驚過左唔計，急急腳去侍應面前，當時我問黑衫戴眼鏡扎馬尾中年女侍應，係咪叫左我啦，仲想話洗唔洗等多張先候補，點知都未講第二句，佢突然發爛渣🤪侍應瞪大眼怒啤：「我咪好大聲叫左囉，你聽唔到架咩。」喂大佬！真係黑人問號❓我正正常常問一句，洗唔洗發癲。 咁我問宜家有無位，佢照帶位繼續一邊鬧🤪，埋到台我都認唔住笑笑口問：「我洗唔洗同你道歉？」 她繼續怒啤， 屋企人話我地坐低後，她企係後面一路繼續啤，真係俾佢笑死。之後佢入左後欄，就無留意啦。成件事超級無謂，唔知佢做咩自己開波。老老實實，食左咁多次，個個員工都正常，服務態度算幾好，尤其有幾個後生仔女。可惜，印象俾呢位騎呢躁狂阿姐打破，一粒老鼠屎影響晒- 糯米雞夠大份，餡料唔算多，味道正常無特別，同超市急凍返熱差唔多- 紅木腸： 腸粉皮口感軟爛，水準算幾差，少少正常的米香和口感都無，餡係炸蝦🍤，味道係正常炸物，但無蝦味，配果醬味道豐富啲，以前有花生醬，宜家可能係成本原因cut 埋。- 燒賣：無影相，餡料大部分係肥豬肉，不過算有啲蝦味，正常發揮，係試過嘅點心中最好一款…查看更多

去沙田行街睇戲，想食點心，就揀咗好耐無食過嘅添好運。星期六午市真係比較多人，2人枱都等左一個鐘，建議預早禁飛，然後係商場行街涼冷氣。兩個人食唔到太多嘢，食評如下：………………………………………………酥皮焗叉燒包 ⭐️⭐️⭐️⭐️⭐️皮薄餡靚，表皮酥脆，好食！晶瑩鮮蝦餃 ⭐️⭐️⭐️⭐️⭐️賣相好靚，大小剛剛好，蝦仁新鮮有彈性，蝦餃皮啲摺痕係正宗嘅証明。蜜汁叉燒蛋飯 ⭐️叉燒太瘦，肉質亦都唔夠林，蜜汁同豉油都唔夠，麻麻地。陳皮牛肉球 ⭐️⭐️⭐️⭐️牛肉好嫩滑，配埋吸晒牛肉精華同喼汁嘅腐竹，真係好味，同細細個去酒樓食嘅山竹牛肉球完全一樣味，係傳統點心的味道。斑蘭炸鮮奶 ⭐️⭐️⭐️⭐️期間限定的商品，奶味香濃，都炸得好香口，不過斑蘭味唔夠突出。………………………………………………添好運近年先係沙田插旗開新分店，但係其實好多年前已經係深水埗發跡，歷史悠久，點心的品質相對有保證！不過如果要等一個鐘先有得食，我會選擇食其他餐廳😂 …查看更多

明有大把位，諗住坐嘅時候，店員黑面咁安排，同佢講嗰個位係風口，叫佢安排第二個位佢就無視我，我指定話想坐嗰個位，個店員都聽到即刻安排另外嘅顧客去坐嗰個位，叫我哋坐返原位一句對唔住都冇!整體嚟講係差!服務員黑面同我哋講叫我哋坐返原位嘅時候就推卸責任畀第二個店員，完全冇諗住幫我哋調位。令外嗰個店員就淨係識得講「幫緊你㗎喇!盡晒力㗎喇」凍都坐得㗎，照坐住先啦，冇位喇(明明周圍都大把位)最後我走咗，佢都冇反應…查看更多

今天和朋友二人到此店用餐，同一時間旁邊有一名女人跟我們同時入坐。該名女人票號是在我們後邊，但因店員同時呼叫兩個號碼一起入座。該名女人毫不客氣走在我們前面，但負責帶位的女職員也客氣先詢問我們想坐那裏，這個做法是值得稱讚的。但後來有一名男侍應上餐時，我們詢問是否會有甜醬，他態度十分差勁，並且面露難色，叫我們「等一下啦！」之後其他侍應上菜也會詢問我們有否叫這道菜，單號可能是跟旁邊女人重疊了，或是因為分了A,B枱令他們非常混淆？後來該名態度很差的男侍應過來看了很久，然後說了一聲，叉燒腸粉，因為我地點了這道菜，所以也應聲「係，唔該」但他竟然放了在旁邊女人的枱上，我們也不以為意，以為她也叫了叉燒腸粉。但此女人是沒有任何反應的，後來一直沒有上這道叉燒腸粉給我們才開始追問，這女人聽到我們在追單突然十分徬徨，並立刻起身埋單。後來我再向另一位女侍應追問，是否將我們的叉燒腸粉給了隔籬枱？女侍應行了一個大運（並沒有去確認）便跟我們說她應該是也點了叉燒腸粉，那我們便繼續等，後來已等到不想吃便跟態度差勁的男侍應說我們不要這道菜了。食客質素並不是餐廳可以控制，但員工質素一定可以，想問這是什麼用餐體驗？…查看更多

添好運名大於實，一直想嘗試下是否真的是米芝連年級數，但嘗試完之後發覺比屋邨酒樓更差，而且服務欠佳，叫咗碗粥問侍應有冇胡椒粉，侍應攞咗支胡椒粉來，只比我落一次就收回，不能等我同家人食完碗粥才攞走。佢地啲茶杯用紙巾抹會甩色，問個侍應表示是茶漬，但明顯是個杯甩色，最後個侍應都醒目換咗個紙杯比我哋。感覺上樓面侍應無受過訓練，佢哋直接倒豉油在腸粉上面，有經驗的應該是倒在碟邊。至於價錢方面三個人埋單三百零蚊，算是中規中矩。至於食物方面，除粉果外，其他並無特別出色，與普通酒樓一樣。…查看更多

喺新城市行咗陣街，食晚餐諗唔到食咩嘅時候經過1期4樓，見到呢間平時晏晝大排長龍嘅點心舖無人排隊，就即刻入咗去食🤩～佢嘅dinner menu同lunch完全一樣，點心種類都一樣咁多，人均食到飽連埋茶錢都係大概$80，新城市嚟講算係好抵食喇！添好運都有唔少分店，沙田係比較近期開嘅。餐廳以綠色為主，入面裝潢同茶樓差唔多，只係佢晚市依然做點心😍夜晚比較多老人家喺度，由於唔係太多人所以比晏晝靜招牌叉燒焗叉燒包（3個） $35 （9.5/10）招牌果然係招牌😍😍叉燒包上嘅時候係熱辣辣嘅🥵叉燒包上面嘅酥皮少少甜，作為成個包嘅點綴；叉燒好多，唔肥但又唔韌，令成個包好惹味，嚟到就一定要食！洛神花米網紅米蝦腸 $48 （8/10）紅色皮嘅腸粉，入面包咗一層炸到脆脆地嘅米紙，米紙入面有蝦肉同埋蔥。腸粉皮薄，蝦肉幾爽（不過再多啲蝦肉會再好味啲🙈）腸粉用咗洛神花醬而唔係鼓油，腸粉唔油之餘有淡淡嘅洛神花香，係幾特別嘅配搭☺️土魷馬蹄肉餅飯 $42 + 白灼西生菜 $28（7.5/10）熱辣辣嘅一個傳統酒樓蒸飯，無飯焦，肉餅好香同唔硬，唔油膩而且調味啱啱好，可惜係肉餅比較細塊😔飯嘅量就好充足，多啲肉配飯會無咁寡。菜就正正常常喇，加咗健康啲🥹…查看更多

途經這點心店，難得未見人龍，我倆便決定試吓其出品。～酥皮焗叉燒包這店招牌點心之一的酥皮焗叉燒包一定要趁熱吃。面層酥皮微甜，餡料的叉燒醬料是鹹的；一口咬下，鹹甜味討人，味道層次豐富。～鮮蝦燒賣皇賣相一般，但味道也不錯。蝦和肉同樣爽口，彈牙味鮮。～鮮蝦腐皮卷剛炸起的腐皮卷皮脆餡軟，口感甚佳。～免治牛肉腸膓粉皮不算薄，碎牛肉份量適中。入口軟滑的腸粉淋上醬油才好味。～土魷馬蹄肉餅飯賣相並不是十分吸引，但一吃便感覺不錯呀！肉餅軟滑味鮮；如果土魷和馬蹄的份量可多一些，那就更理想了。整體來說，這店的點心真材實料，味道有保證，價錢公道；免服務費也算是其吸引的地方，怪不得這店不乏捧場客。…查看更多

香港咁多好食點心，真係未輪到食添好運今日咁啱經過，敗比好奇心，試一試佢！1. 酥皮焗叉燒包 $35聽聞係經典必食！落單後唔洗2分鐘即黎，內餡爆汁又唔會太甜～整體合格但又未去到好香口～2. 洛神花米網紅米蝦腸 $48呢個幾特別，跟埋一碟仔洛神花醬，腸粉滑，似掃左好多油！不過米網都幾脆，整體都有驚喜！3. 添好運蜜汁叉燒飯（送蛋）$74蜜汁叉燒都鬆軟，但醬汁唔算好濃，配左個半熟蛋，但淋完醬油之後都係唔香。價錢唔平，唔建議試😬4. 晶瑩鮮蝦餃 $44呢個係成餐最好食嘅點心！皮薄蝦爽！ 每粒都飽滿唔黐皮～熱辣上枱好加分！5. 賽螃蟹蝦春卷 $38呢個又係好特別！香脆唔膩！ 外皮炸得剛好。不過我好努力想試下賽螃蟹嘅特別之處，就唔係好感受到😝整體都OK，但呢個價錢再食就唔會了，相信會有更好嘅選擇～…查看更多

幾年前試過深水埗的分店，食物新鮮有水準，性價比高。今見沙田新分店開幕了一些時間，決心再次光顧，但除了店員服務態度可以接受外，其他全部不合格。食物水準之低，簡直慘不忍睹，非常令人失望。我們兩個人，在平日下午5時45分，店內不太繁忙時，叫了以下食品：-1. 土魷肉餅馬蹄蒸飯（肉餅鬆散）2. 豉汁蒸鳳爪 （一般正常）3. 豉汁蒸排骨 （有雪味）4. 南乳炆素菜齋 （最差，沒有南乳味，水汪汪）5. 香煎蘿蔔糕 （一夾即散）…查看更多

多年來未曾光顧添好運點心，這次特意來試試新開的沙田分店，結果發現食物質量大不如前（中環香港站那間）。名氣依然在，但實際質素令人失望。點心的質量普普通通，我們還點了雲吞麵，但麵條感覺像是浸泡在水裡很久，吃到一半就已經放棄了。相信我們不會再來光顧，這裡似乎只是吸引海外客人。…查看更多

沙田店買成千外賣等咗成30分鐘，當佢話準備好時，我哋話check一check齊唔齊！ 見對方係收據紙上有三個點心對方職員未刪除（當時我哋覺得係因為未收到，所以未剷除），對方職員話不用check, 一定齊叫我哋攞走不用點. 返到屋企發覺真係少咗三個點心，豉油又冇所有醬又冇！ 打電話俾佢又冇人聽，打咗10幾次電話都冇人聽！服務真差，態度不好………………………………………………………………………………..…查看更多

平時只會係油尖旺區見到既點心店😊竟然會開到黎沙田區，沙田友又有多一個選擇啦。仲要開正係舊H&M既位置，環境空間都好夠，可能新開啦，所以都好多人排隊等食，我同屋企人都等左大概30分鐘左右先入到座🤨😋洛神花米網紅米蝦腸個皮係紅色既😀好特別好靚🥰 腸粉好滑😚啲蝦大大粒😜😋潮州蒸粉果皮薄，而且餡料好飽滿☺️😋鮑汁鳳爪夠淋夠入味👍🏻😋酥皮焗叉燒包做到外脆內軟☺️好有牛油同蛋香味🥳😋陳皮牛肉球牛肉大大粒🤗配埋喼汁食一流🤗舔舔脷指數👉🏻7😋/10😋滿分 可以一試😋…查看更多