添好運點心專門店

可以一试点心专门店😋撞正十月一日国内黄金周，商场入面多左好多游客，正因为咁都好担心食野等位要等好耐，都提前去餐厅拎位。由于早到关系，仲有吉位可以拣。但系都担心有用餐时间，会俾人赶走，都特意同职员查询，庆幸系可以任坐饮茶，值得一赞。而店员都好热心咁安排位置，坐低后发现冇主餐牌，只可以在手机查看及落单，对老一辈比较唔方便。落单后食物都好快黎😋整体食物质素唔错，但唯独有几碟唔太够热，可以改善再值得一赞，由于店员话冷气系中央自己调节唔到，都好尽力帮我地寻找解决方法👍🏻…查看更多

今日放假同屋企人谂住去沙田添好运饮个茶，点知去到门口就吓亲，排队嘅人多到打晒蛇饼！心谂既然嚟到，即管试吓等啦，点知又唔使等好耐就有位，算系咁啦！叫咗几款点心试吓，整体中规中矩，冇咩惊喜。鲜虾菠菜饺皮薄馅多，虾算爽口；虾饺都算晶莹，不过皮有少少黏。腐皮卷炸得几脆，但略嫌油咗少少。叉烧肠粉个皮滑溜，但蜜味唔算好出。凤爪排骨饭系稳阵之选，豉汁入味。最有惊喜系酿尖椒，鱼滑弹牙又唔会太辣！牛肉球同潮州粉果就正常发挥。如果唔使排长龙，可以一试，但特登等个几钟就未必值啦…查看更多

正正式式堂食添好运系第一次未到中午12:00到咗沙田新城市广场有位唔使排就带妈咪大人试试佢揼本装修坐得宽敞舒服嘅全QR code落单连老人家都用惯晒喇首先上枱嘅系猪颈肉捞粗粗面质地偏淋、猪颈肉同汤都中规中矩枱面没有任何调味品问店员有冇醋，店员说只有辣椒酱和喼汁浓味人都系要咗一小碟辣椒油迎接烧卖和几款传统点心烧卖加咗冬菇粒、山竹牛肉有芫荽（加喼汁）两款传统口味都OK洛神花脆脆虾肠$48有6件都几抵虽然洛神花酱比较甜唔系我杯茶整体上妈咪大人都话满意，性价比高期间限定同香港品牌维他奶crossover试咗反豆维他奶砵仔糕比传统嘅甜，如果可以多豆就好喇😛…查看更多

由添好运第一间深水埗店开始帮亲，都试过唔同店，最钟意都系总店。 到宜家新城市开新店，原本都几期待，近近地屋企附近就食到。食过几次沙田店，估唔到第一篇食评系呢个情况下诞生。食物质素系大商场租金贵的掣肘下，中规中矩都可以理解。今日终于见识到神级员工，一定要写低呢个奇遇。近4点来到，有一大班人等位，需轮候十几张台，系呢个市道算不错。等左唔够十分钟，突然不停叫号，原来前面的人都走了，但反应唔切，听到叫到我之后2个号码。惊过左唔计，急急脚去侍应面前，当时我问黑衫戴眼镜扎马尾中年女侍应，系咪叫左我啦，仲想话洗唔洗等多张先候补，点知都未讲第二句，佢突然发烂渣🤪侍应瞪大眼怒啤：「我咪好大声叫左啰，你听唔到架咩。」喂大佬！真系黑人问号❓我正正常常问一句，洗唔洗发癫。 咁我问宜家有无位，佢照带位继续一边闹🤪，埋到台我都认唔住笑笑口问：「我洗唔洗同你道歉？」 她继续怒啤， 屋企人话我地坐低后，她企系后面一路继续啤，真系俾佢笑死。之后佢入左后栏，就无留意啦。成件事超级无谓，唔知佢做咩自己开波。老老实实，食左咁多次，个个员工都正常，服务态度算几好，尤其有几个后生仔女。可惜，印象俾呢位骑呢躁狂阿姐打破，一粒老鼠屎影响晒- 糯米鸡够大份，馅料唔算多，味道正常无特别，同超市急冻返热差唔多- 红木肠： 肠粉皮口感软烂，水准算几差，少少正常的米香和口感都无，馅系炸虾🍤，味道系正常炸物，但无虾味，配果酱味道丰富啲，以前有花生酱，宜家可能系成本原因cut 埋。- 烧卖：无影相，馅料大部分系肥猪肉，不过算有啲虾味，正常发挥，系试过嘅点心中最好一款…查看更多

去沙田行街睇戏，想食点心，就拣咗好耐无食过嘅添好运。星期六午市真系比较多人，2人枱都等左一个钟，建议预早禁飞，然后系商场行街凉冷气。两个人食唔到太多嘢，食评如下：………………………………………………酥皮焗叉烧包 ⭐️⭐️⭐️⭐️⭐️皮薄馅靓，表皮酥脆，好食！晶莹鲜虾饺 ⭐️⭐️⭐️⭐️⭐️卖相好靓，大小刚刚好，虾仁新鲜有弹性，虾饺皮啲折痕系正宗嘅证明。蜜汁叉烧蛋饭 ⭐️叉烧太瘦，肉质亦都唔够林，蜜汁同豉油都唔够，麻麻地。陈皮牛肉球 ⭐️⭐️⭐️⭐️牛肉好嫩滑，配埋吸晒牛肉精华同喼汁嘅腐竹，真系好味，同细细个去酒楼食嘅山竹牛肉球完全一样味，系传统点心的味道。斑兰炸鲜奶 ⭐️⭐️⭐️⭐️期间限定的商品，奶味香浓，都炸得好香口，不过斑兰味唔够突出。………………………………………………添好运近年先系沙田插旗开新分店，但系其实好多年前已经系深水埗发迹，历史悠久，点心的品质相对有保证！不过如果要等一个钟先有得食，我会选择食其他餐厅😂 …查看更多