6月9号收工见到新开呢间嘢，就同朋友入去试。因为返咗成日工冇几多嘢落肚，就谂住食多啲叫三拼，然后再加钱转鸡髀。结果第一碟嚟到，烧鹅剩系得皮，一啲肉都冇；加钱转鸡髀，但得半只鸡髀（明显见到佢系一只鸡髀斩开一半𠮶种）我同侍应反映话烧鹅无肉wo…得骨同皮既？跟住佢哋换过一碟俾我，但系居然拎走埋我𠮶半只鸡髀，换咗图入边圈住嘅零碎鸡肉比我，而烧鹅依然系一样只有骨同皮。真系嬲嬲地，我又再问侍应，点解换完我本身加钱要嘅鸡髀冇咗？于是佢哋又换一次，今次搭返只鸡髀上嚟啦，但系鹅肉依然系皮包骨。但心谂算啦都换咗两次啦，照食啦。点知一咬落去，啲烧肉系臭嘅….成碟饭最好食系只咸蛋。真系冇谂过$113食碟烧味饭可以差到咁，街市30几蚊双拼饭都好味过佢10倍。真系食到一肚气，当日已经想喺OpenRice劝喻大家唔好中伏，但佢开业两个月先登记OpenRice。终于俾我等到！简直系土瓜湾红磡区数一数二嘅难食同埋黑心价钱。…查看更多
