深宵食堂

营业中

休息中

早兩日放工同朋友去咗旺角，疫情之後其實都好少行街，估唔到旺角變化唔多，少咗好多舖頭餐廳都冇咁多今日就去咗一間居酒屋，4個人嚟食嘢，可能我哋早嚟到， 6:00有大把位，我哋選咗窗邊位佢哋而家食選擇都多，不過係串燒為主，我哋鍾意食定食多啲，所以叫做石頭鍋飯石頭夠熱，入面有飯焦，和牛牛肉都幾好味，食呢個夠晒飽小食鍾意食雞泡魚乾，背埋沙律醬好好味，又好咬口，鍾意食小食嘅朋友一定要試價錢唔算貴，呢度睇到旺角夜景，同朋友傾偈嘅話餐廳絕對值得推介

服務態度欠佳，無服務可言，客人唔多， 但係員工都係黑口黑面， 衛生非常惡劣有曱甴，尤其個廁所污糟過公廁，去完都唔想再食嘢，以後唔會再嚟， 如果冇錢請人清潔就唔好開啦。

放工同朋友去旺角，都好耐冇見面，同埋好少出旺角，感覺而家旺角冇咁多嘢行，餐廳雖然多，但好似都係兩餸飯為主，選擇冇以前咁豐富最後選擇依間喺樓上嘅日本餐廳，佢哋感覺好似居酒屋，入邊滿佈唔同嘅Figure同埋動漫元素，感覺都幾開心嘢食方面，都係以串燒為主，我哋叫咗幾個燒物，炸年糕幾好食，唔會好腬好香口，呢個嚟到一定要食燒扇貝都唔錯，食材幾新鮮，燒完之後啲汁好好多，呢個人一定要一啖食晒另外石頭鍋飯同埋鯖魚都做得唔錯，兩個人食，竟然餸都夠飽，可以坐低慢慢傾偈，下次會再嚟

節假日夜晚6-7點，全場得我地一台客。點咗石窩牛肉飯、鐵板炒麵、燒鯖魚、燒秋葵、燒粟米。全部都又難食又鹹。居然連最普通嘅粟米都可以燒到咁難食。鐵板炒麵超鹹，成堆醬汁。石窩牛肉飯水汪汪，好似煮糊仔咁。燒鯖魚又乾又鹹。服務超差。一個收銀一個侍應，兩個人都喺度睇手機。成個場得一台客，個侍應都唔會及時收走食完嘅碟（張台本來就細）。食物太鹹要兩杯水，d水係有異味嘅。我地兩個人面對面坐，個侍應攞水嚟到兩杯水擺曬喺我面前，正常人應該會分開擺對方兩個人各自面前掛？祝早日執笠。

而家好多食肆都收好早，想搵間收夜d都難，而且仲要有番甘上下質素更加係難上加難。難得出到黎油麻地，就決定揾下有乜好食，上網見到呢到評價唔錯，就去試下，黎到餐廳都已經9:45pm，得1張枱有人係度食嘢，心諗唔係伏丫嘛，但都黎到 ，又好鬼肚餓，點都坐底試下，叫左好幾樣嘢，有蒜片牛粒石鍋飯，燒茄子，牛舌，雞軟骨，雞翼等等，食落真心唔錯，樣樣燒得好好，唔好燶，而且又唔會話好咸，樣樣食物都非常滿意，佢而家啤酒仲有buy 1 get 1 free，配埋串燒，簡直絕佳配搭，值得推介

🇯🇵旺角嘅日本餐廳，開到好夜，所以叫做深宵食堂😈岩哂我地呢啲夜鬼👻一坐低侍應就介紹宜家逢星期一至星期三，4款啤酒買一送一，送完即止！即刻叫兩杯Suntory PREMIUM 🍺另外清酒都做緊優惠🎌 全店720ml清酒，限定優惠「照價7折」🗾呢度嘅食物款式都幾多，刺身小食主食串燒都有，價錢經濟實惠🍢串燒叫左鹽燒雞軟骨、汁燒三文魚腩串、汁燒茄子串、煙肉荔枝卷🍢汁燒三文魚腩一式兩串，塊皮好脆，啲肉就好林，油脂感好正🙌🏼🍢煙肉荔枝卷一咬落去就有啲荔枝汁搣晒出嚟🤪🍆汁燒茄子串只係$13 😮😬 一定要叫🦪吉列廣島蠔脆卜卜，入面就有鮮甜大大粒既蠔🥘香蒜和牛粒石鍋飯，有大大隻溫泉蛋，賣相幾靚，和牛粒配上蒜片特別香，仲有啲醬汁 唔怕黐底

餐廳佈置幾用心，好有日本居酒屋嘅感覺，同埋而家啤酒買一送一都幾啱約埋朋友出嚟聚吓。黑松露海鮮炒烏冬烏冬份量好足夠，炒出嚟都好惹味，偏濃味嘅送啤酒一流。和牛粒石鍋飯呢個勁多和牛粒，超級抵食，個飯底又飯焦嘅燒得幾香口，配埋個蛋黃汁一齊食勁開胃，呢個必叫。燒煙肉蠔塊煙肉燒到脆邊，個蠔都燒得啱啱好用料幾靚，食落去勁濃嘅蠔味。燒蒜香大啡菇燒得啱啱好，唔會成口油，一咬落去就好濃嘅菇味。免治雞棒免治雞個醬汁調味好好味。鹽燒雞翼雞翼燒得幾乾身，師傅對燒物嘅火候掌握得幾好，又係送酒必點。豚肉露筍卷蘆筍嘅份量勁多，一口咬落去成口都係蘆筍同埋都係燒得啱啱好，連埋豚肉包住一齊食勁正。

今晚好夜先收工差唔多10點先有時間食飯好多舖頭都收晒俾我發現旺角原來有一間深宵食堂開到好夜估唔到質素都唔錯喎，幾鍾意食佢哋嘅石鍋飯：（鰻魚飯）鰻魚肉質鮮嫩，搭配香甜的醬汁，讓每一口都充滿滋味，飯粒吸收了鰻魚的精華，令人回味無窮。煙肉荔枝串**：煙肉的鹹香與荔枝的甘甜形成獨特對比，口感層次豐富，令人驚喜，適合在聚會中分享。大蔥雞肉串**：雞肉多汁，搭配清新的大蔥，讓整道菜色添上清爽感，烤至金黃的外皮更是香脆可口，令人一口接一口。

幫襯勁買💛深宵食堂🌙@midenight.mk
鐘意日本居酒屋嘅輕鬆氣氛、豐富菜式同啤酒一杯接一杯嘅樂趣，就一定要試下✨打開𨋢門就直接入到餐廳，整個空間被一系列復古海報裝飾，由經典嘅日本動畫到懷舊電影都有，充滿個性📜芝士蟹肉玉子燒🧀
玉子燒又滑又厚，芝士同蟹肉嘅味道融合得啱啱好🦀 最吸引係個表面有手寫嘅茄汁字樣，好有心思!🥫鹽燒三文魚鰭🐟
三文魚鰭油脂豐富，喺最肥美最滑，連皮燒得金黃香脆😋 同魚腩相比，魚鰭尺寸比較細👆🏼 大概喺一隻手指咁，非常適合作為下酒小食🍺香蒜和牛粒石鍋飯🪨
石鍋飯上枱時依然滋滋作響，賣相非常吸引，最特別係中間放咗一隻生雞蛋黃🥚 拌飯時蛋黃同飯融為一體，增加咗滑潤嘅口感🌋 和牛粒嫩滑多汁，配埋香蒜嘅濃郁香氣🧄 整體味道非常豐富🎈唐揚雞軟骨🦴
同平時脆漿單純炸嘅唔一樣，外層包裹咗一層甜甜地嘅醬汁。份量十足，食到牙骹都軟埋🤣 但又忍唔住想一直食落去🙂‍↕️名古屋雞翼🍗
雞翼外皮炸得香脆，外皮有芝麻，咬落仲有啲肉汁滲出嚟，好好味！魷魚大板燒🦑
大板燒切成三角形，食落口更加方便，堆上鰹魚片，提升鮮味層次🪵厚燒牛舌👅
牛舌本身嘅鮮嫩加上黑椒強烈嘅香氣🫑燒冬菇🍄‍🟫汁燒茄子串🍆

深宵食堂旺角彌敦道575號LADDER Dundas3深宵食堂既感覺係要隱世，同埋食物會令你有suprise既感覺。銅鑼灣同旺角分店都係o係唔顯眼既building入面，要用心發掘才會知道呢間隱世野，好幾年前食過銅鑼灣舖，印象深刻，老闆（定員工😂）好親切既服務。銅鑼灣鋪開咗都起碼10年，旺角鋪我諗都有3/5/7年,水準依然keep得住。食串燒同飲酒好地方。一入到舖就感覺很日本，牆上貼滿日本宮崎駿poster，天花有櫻花裝飾點敍，聽住日文歌食住串燒嘗櫻花埋，望住彌敦道感受下鄉下係呢個日子下是最好的慰藉。海膽炒飯一上菜就好香噴噴，海膽入口即溶；串燒冇得輸，雞翼入味，外脆，食完想再食；炒雜菜份量好多，性價比十足；仲有其餘嘅特別料理鮑魚杯都可以一試。價錢唔算貴，日式居酒屋中下價錢，埋單人均大約一二百已經可以，約朋友敍餐坐得舒服傾到計既好地方。

餐廳係典型嘅日式風格好鍾意牆身嘅懷舊日式海報掛畫座位寬敞，坐得好舒服周圍影相都好靚梗係要試吓呢度嘅招牌菜芝士蟹肉玉子燒 餡料勁豐富爆曬漿食落口仲有幾個層次牛油果大蝦紫菜格格成個底就係紫菜口感脆卜卜香蒜和牛粒石鍋飯要攪拌埋蛋黃食啲和牛粒勁嫩滑個飯都勁飽肚炙燒帶子海膽冷烏冬一定要撈埋個麻醬食口感煙煙韌韌香蒜焗蠔大大隻仲另外叫咗啲串燒都唔錯我哋叫咗咁多嘢人均都係$200幾性價比唔錯無論係情侶定係一大班朋友都好啱！

今日經過旺角，突然之間好想食串燒！！上網睇到呢間深宵食堂，即刻上嚟試吓！價錢都算平民，價性比高，人均都係兩百多，已經食飽飽！！叫左大蔥雞肉串鹽燒雞翼芝士年糕，必點煙煙韌韌最愛既汁燒雞皮燒秋葵$11就有1串唐揚雞軟骨，仲以為係一串串上，點成疊大大份！！名古屋雞翼，好香口！！炸魷魚，份量都好多！！黑松露海鮮炒烏冬，烏冬也是必點超級惹味的！！不錯不錯！！熱蜂蜜蘆薈香蒜和牛粒石鍋飯環境不錯，落地玻璃望到街景！上菜快

最近我同幾個朋友諗住去你哋餐廳食飯，結果真係令我哋好失望，心裡充滿憤怒，呢次經歷真係差到無朋友。我哋大約晚上快11點到達，睇見裡面有唔少空位，入座率大約50%左右。根據網站顯示，餐廳嘅營業時間係到凌晨兩點，我哋以為唔會有問題，可以安心享受晚餐。但係當我哋走入去時，職員竟然話要等半個鐘！我哋心裡直諗：為咩會咁？等咗半個鐘，終於叫我哋進去，但竟然安排我哋坐一張四人桌，仲要加一張摺凳！五個人擠埋一齊，根本冇空間，真係好唔合理！大家都覺得好被唔尊重，心裡都火都嚟x埋！咁樣根本就唔符合一間餐廳嘅基本服務標準！於是我哋就問可唔可以安排一張六人桌。但職員嘅反應真係令人火都嚟x埋x2！佢哋話其他桌已經被預訂，仲一副唔耐煩嘅樣子，似乎我哋嘅要求好x過份！咁樣嘅態度，真係令人火冒三丈！明明餐廳裡面仲有咁多空位，佢哋卻因為自己嘅安排，令我哋感到無比不快！我哋真心覺得，作為顧客，應該受到基本嘅尊重同友好對待，而唔係咁冷漠同唔耐煩！面對呢種情況，我哋最後決定離開餐廳，因為根本冇心情食飯！大家原本期待有一頓愉快嘅晚餐，結果卻因為咁差嘅服務而感到無比沮喪，真係好失望！如果服務態度一直咁，將來嘅顧客都會同我哋一樣感到

11點入座，已經查詢店舖兩點先收舖一入到去完全唔想招呼我哋五個人俾兩張枱加一張摺凳比五個人去坐但隔離仲有一張二人枱同我講有人訂咗枱留咗位後面仲有三四張二人枱，點解店員唔識得安排訂座可以坐其他位置？原來呢間店舖鍾意招呼兩個客都唔招呼五個客唔該老細好好檢視員工的服務態度唔想做可以唔好做

呢間野好多打手，真係食過就知服務差，逼人叫酒，淨係嗌野食會比侍應串。話自己係居酒屋但無居酒屋嘅質素，野食普通到不得了，靠打手生存，咁嘅市道，呢啲無質素嘅食店應該淘汰間野平時根本無人幫襯又多吉枱，咁都要限時😂