海鱻城

今晚朋友介紹這間海鮮酒家，整體味道都可以第一道菜是什麼腩肉叉燒，每隻豬只有好少部位，味道可以牛肋骨，太乾了，完全不是想像中的味道大蝦配煎米粉，大蝦味道不錯，米粉沾上了蝦的味道也好好味忘記了是什麼魚，這條魚都很新鮮，味道不錯到今晚的重頭菜：椒鹽鮑魚，聽說這個是令他們獲得米芝蓮一星，個人感覺太乾了，鮑魚的肉質變得比較乾身蒜子菜心是今晚最精彩的一味餸松皮蟹不過不失壽包都可以今晚服務員質素比較好，值得一讚…查看更多

鱻讀“鮮”，海鱻（鮮）城，第一次嚟，朋友對此餐廳重點介紹 - 海鮮平靚正，喜歡海鮮的我，當然要嚟試一下啦！四個人，叫左五款嘢食。沙薑豬手：雖然沙薑味唔夠濃郁，但味道仍可接受。雞踨菌淮山牛柳粒：味道不錯，牛柳粒亦夠腍。馬拉盞豚肉啫啫芥蘭：雖然菜式感覺有點多油，但味道不錯，幾好味道，可能是馬拉盞煮法，所以感覺上油比較多。臘腸班：肉質嫩滑可口，豉油另上，以免影響魚肉的鮮味，落多少豉油由食客自行決定。阿拉斯加長腳蟹：一斤$198包煮，去街市買長腳蟹最平都三百幾一斤，真係平過街市買翻屋企煮，自己煮除左蟹錢，重要燈油火蠟。5斤幾四個人食到抱住嗰肚！用最簡單方法烹調（蒸），長腳蟹只要夠新鮮，肉質就會鮮甜無比，不需用什麼特別方式來煮。本來今天想訂七點，但接線的服務員說可能要7:30才有位，就改了7:30，來到餐廳見到非常多人，還好，只是等多8分鐘就能入座。食飯時候，餐廳比較人多，比較嘈雜，過了八點後，就開始有空枱，應該可以Walk in不用訂位。感覺今餐性價比非常之高，喜歡吃海鮮的，可以來試一下，以後，不必去到鯉魚門或屯門三聖邨食海鮮。…查看更多

上個星期六，我哋一班好友為咗慶祝其中一位摯友嘅生日，特登嚟到位於樂富嘅「樂富海鱻城酒家」。甫踏入門口，就已經被透明海鮮池吸引，氣氛已經好期待。餐廳裝修餐廳裝潢結合現代簡約同中式典雅，魚類裝飾配搭暖黃燈光在天花上影成海上飄的感覺，既有格調又帶親切感。座位之間保留足夠空間，唔怕尷尬，大家傾偈食飯都好自在，令整晚聚餐氣氛輕鬆愉快。精彩海鮮呈獻- 阿拉斯加長腳蟹（三食）：蟹腿肉質飽滿鮮甜，輕輕一咬就能嚐到海水嘅天然鮮味，蟹殼容易剝開，完全唔費力。 - 芝士蟹身伊麵：蟹膏同濃郁芝士相互融合，伊麵吸滿醬汁，入口帶有香滑同海鮮嘅雙重層次，份量十足。 - 油鹽蟹腳：外層輕輕炸至金黃，裹上秘製油鹽，皮脆肉嫩，微微鹹香令人一口接一口，停唔到口。每道海鮮都係即叫即炸，確保保留最高鮮度，成碟上枱依然熱氣騰騰。特色熱炒及配菜- 芥末野菌牛柳粒：牛柳粒切得適中，外層微微焦香，肉質軟嫩Juicy，配以香辣芥末醬同野菌清香，層次分明。 - 小炒皇：粵菜經典小炒，有鑊氣夠香，蝦乾，乾鱿等食材也能發揮出香味，亦唔硬椒鹽鮑魚 炸得外脆內嫩，彈牙有口感,惹味香口服務與細節餐廳侍應態度殷勤有禮，對招牌菜式瞭如指掌，主動推介最受歡迎嘅海鮮。上菜速度掌握得非常到位，熱盤熱食迅速上枱，冇半秒冷場。得知我哋有壽星，仲貼心準備咗精緻小蛋糕同賀卡，儀式感十足，令壽星成晚都好開心。價錢與性價比八位平均每人大概 HK33+以海鮮鮮度、份量同服務水平嚟講，絕對值回票價。阿拉斯加長腳蟹同芝士蟹身伊麵喺其他餐廳多數要更高價錢，呢度唔使破產都可以食到頂級享受。總結推薦整體體驗打滿分：餐廳氣氛、海鮮鮮度、菜式創意、服務細緻，都超出預期。如果你想同親友慶祝特別日子、或者一班人食海鮮聚餐，「樂富海鱻城酒家」絕對係首選。…查看更多

近排屋企人話想食返餐好啲嘅，又唔想去到太遠，咁啱醒起樂富廣場B區有間叫「海鱻城」嘅酒樓，見佢OpenRice啲食評都唔錯，地點又方便，就決定同屋企人去試下。餐廳環境都幾闊落光猛，坐得舒服，唔會好迫，啱晒我哋成家人坐埋一圍。我哋今次主力想食海鮮，所以叫咗幾個海鮮小菜。首先上枱嘅係**避風塘鮑魚**，賣相好吸引。啲鮑魚size都幾大隻，肉質好彈牙爽口，一啲都唔韌。面頭鋪滿炸到金黃色嘅蒜蓉同新鮮蒜蓉，超級香口跟住嚟嘅係**芝士牛油龍蝦伊麵**，呢個一上枱就全場嘩嘩聲！龍蝦已經開邊，啖啖肉，面頭嘅芝士汁勁creamy，牛油味好香，但又唔會完全蓋過龍蝦本身嘅鮮味，兩者平衡得好好。最正係底嗰層伊麵，索晒啲汁嘅精華，好食到停唔到口，我一個人都不知不覺食咗一大碗。食中菜點少得條蒸魚，我哋叫咗條**清蒸石斑**。呢啲最考師傅功夫嘅菜式，海鱻城都處理得好好。火喉啱啱好，啲魚肉蒸到好嫩滑，一夾就開。豉油嘅甜鹹度亦都調得好好，加埋面頭嘅蔥絲，將條魚嘅鮮味完全提升咗出嚟，屋企個個都讚。最後仲有**清蒸奄仔蟹**，秋風起，真係食蟹最好嘅季節。呢幾隻蟹爆晒膏，啲橙紅色嘅蟹膏甘香到不得了，蟹肉就好鮮甜結實。簡簡單單用清蒸嘅方法，就最能夠食到佢嘅原汁原味，完全唔需要其他多餘嘅調味。總括嚟講，呢餐飯真係食得好滿足。每樣海鮮都好新鮮，份量又足，睇得出師傅好有心機煮。服務都唔錯，侍應加水換碟都幾快手。價錢方面，以海鮮餐嚟講CP值算幾高。如果你想同屋企人或者朋友喺九龍區搵個地方食返餐正正常常、有水準嘅中菜，樂富呢間海鱻城絕對係一個唔錯嘅選擇，值得推薦！…查看更多

星期五晚飯分2輪…我明。準時到6:30坐低咗6:35至落單，但唔明點解可以6:40全部餸上齊🙁又係預製菜❓個女侍應仲催咗2次叫我哋快啲影相因為佢要剪隻龍蝦。唔通想我哋7:00交番張枱❓話咗佢一句叫佢等等先，跟住佢就成晚企喺度骨碟都唔換。直至個女經理叫佢，佢都只係放低3隻碟唔換就走開。我哋跨區過嚟食生日飯，但係佢哋似乎只做街坊生意。唔係唔想留港消費，有時真係幫唔落！…查看更多

放假想開開心心同屋企人飲餐茶，就到海鱻城嘆茶😐▪️點心質素😶蝦餃：蝦餃皮淋曬黏住，用咗濕水筷子小心夾仍一夾就爛皮🥺；蝦肉有啲梳打粉味🙊，是蝦肉粒，不是原隻蝦，蝦味淡。山竹牛肉球：一般正常水平，底無墊腐皮，商品說明的山竹去咗邊？🌬️可能跟住颱風登陸吹走咗😅馬蹄牛肉腸：皮軟簿滑帶點柔韌，肉量足，是唯一可取的點心😗香煎蔥花蝦米腸： 坐低即刻上枱？蝦米很細碎而非常疏落，沒留意不察覺。蔥都是暗啞綠色，食落口是炸的硬脆感覺，沒煎的香味，喜歡吃炸齋腸粉的出應該啱食😐。魚肚棉花雞：純粹大碟，墊底芋頭份量足，魚肚咬落吃到原汁原味（無味魚肚）。▪️服務：睇房阿姐無服務😑👎，唔收碟同籠，食得唔舒服；加水只肯加熱水壺的水，提出想加滾水就黑臉唔理照加唔熱夠的水，需要叫經理幫忙協助。之後服務員都走埋，經過就話要推車唔得閒，唯有要放假的食客自己落手自助加水😮‍💨。▪️環境：嘈雜，阿姐翻枱收隔離枱面碗碟嘈吵，霹靂啪啦，話知你同房食客嘈唔嘈🤔。可能領展屋邨茶樓無競爭，或者帶住當去咗黃大仙冬菇亭或市政熟食中心自助飲茶期望，就不會有基本期望要求。🙂…查看更多

First off, the atmosphere inside the restaurant is incredibly cramped. It was difficult to even walk to my table, as I had to squeeze through narrow spaces between tables. Once seated, I was immediately struck by the noise level. It was so loud inside that I couldn’t even hold a normal conversation with my friend sitting right across from me. Not a great start, but I hoped the food and service would make up for it.Sadly, the service didn’t improve. The staff delivering the dishes were fine, but the real problem was with the cashier. I tried to pay with Apple Pay, but Mrs. Ho at the cashier counter was rude and dismissive when I asked if I could use it. She said only physical cards were accepted, and when I asked why, she responded by saying I was causing her trouble. When I requested a receipt, she initially refused, only to later reveal that the restaurant still uses an outdated card machine that doesn’t support contactless payments.I find it completely unacceptable that in 2025, a restaurant in Hong Kong would not have an updated payment system, especially considering how common contactless payments are nowadays. What’s even worse was the attitude I encountered from Mrs. Ho. It was as though she couldn’t care less about providing any kind of customer service. Her behavior made my visit far worse than it needed to be.Overall, this experience was terrible. Between the cramped space, poor service, and outdated payment system, I won’t be returning. It honestly made me reconsider my entire trip to Hong Kong. I would strongly recommend avoiding this restaurant if you're looking for a pleasant dining experience.…查看更多

今日約咗一班朋友去探一位老師，老師就住喺樂富，佢就帶我哋嚟呢度飲飲茶。由於係星期日所以係好多人，樓底好低所以都幾嘈吵，如果想安靜傾偈嘅話就唔可以揀呢度。不過啲碗碟都好乾淨，侍應都算有禮貌，唯獨係地方細，同埋枱與枱之間都好近，出入小心啲。脆皮奶皇包，都有留心嘅算OK個皮脆卜卜卜。鯪魚球一般般，正常發揮，豬軟骨伊麵，豬軟骨唔夠淋，比較柴皮，伊麵煙煙韌韌有驚喜，魚香茄子燴米粉夠油香夠鑊氣，墨西哥餐包好貴，完全唔覺得好食，個皮係薄嘅，叉燒餡偏鹹少少，但真係好細個，性價比好低，可以唔食。 士多啤梨脆皮奶卷可以一試，外脆內軟，XO醬炒腸粉不過不失，同一般酒樓嘅味道一樣樣。魷魚鬚非常香脆。但下午茶一啲都唔算平，唔會再encore。…查看更多

在電視節目中常被訪問的酒樓,多添一份好奇🫢來試下午茶,果然受歡迎！13：30開始派飛13：50就可以入座,職員招呼不俗派位同埋開茶加埋等食物上枱都非常爽手,今次就坐房仔,又唔會太嘈；食物質素和價錢都合理😋燒鵝脾～哈哈！賺左🫢舊义燒梅頭肉~yummy燒鵝同叉燒瀨粉~好味夠份量棉花雞~三件芋頭最惹味雞件夠滑和魚肚索呀潮州粉果~傳統沙葛花生~正义燒不太肥也不會太濃味配上墨西哥的少甜~不錯不錯墨西哥叉燒包~中西fusion仲有鯪魚球新鮮爽口每人人均105蚊~值得…查看更多

同事轉工約食飯；大家夾嚟夾去都搵唔到日子。最後夾咗星期五下午飲茶。近近地揀咗寫字樓附近嘅樂富海鮮城。呢度嘅點心同小菜都有水準；海鮮更加無話可說。九個人叫咗一個六人套餐；再加啲點心。六人餐包一條蒸魚，大大條蒸得有水準。魚肉嫩滑，匙油配搭得十全十美。另外亦包一碟炒粉麵同粟米魚肚羹；仲有木耳前菜同點心。魚肚羹多魚肚；肉絲炒麵啱啱好，有水準。大家食得高興，每人百幾蚊，性價比高。雖然同事轉職；但友誼常在。…查看更多

午飯時候來到樂富廣場飲茶，等了十數分鐘才能入座。～潤燒妙齡鴿鴿子燒得顏色恰到好處，味道也不錯，但可惜鴿肉有點韌。～蘿蔔干絲酥賣相討人，炸得金黃色。一口咬下，外脆內軟，蘿蔔絲清甜可口，好吃。～黑松露滑蛋叉燒腸黑松露味淡，叉燒有點油溢味。第一次試這款腸粉，應該不會再點了！～𧎚餃皇𧎚餃皮稍厚，但餡料充實，蝦肉爽口彈牙，不錯。～陳皮牛肉球陳皮味完全吃不出，牛肉球味道一般。這酒樓食客也不少，午餐時段除了街坊也有不少公司客。這酒樓面積不算小，但座位卻較為擠迫，但勝在可訂廳房宴客，較有私人空間。…查看更多

份量少得可憐，問經理份量會五會有d強差人意竟然得到回覆係今日係母親節既關係例牌份量係如此，真荒謬絕倫如果香港人喺香港慶祝母親節遇上呢啲咁嘅食肆就真係想死心都有怪五知得香港人上哂大陸消費香港食肆自己做衰自己，無L得救…查看更多

藏身樂富廣場的海鱻城以新派粵菜驚艷味蕾，甫入座即被匠心獨運的點心吸引。平時小見的點心都有，帶子荔蓉盒以酥脆金黃外衣包裹綿密芋泥，內藏彈牙帶子，鹹香海味與芋香層層交織；杞子魚滑腸粉顛覆傳統，透薄米皮裹著鮮甜魚漿，枸杞子點綴添養生風味，入口滑溜如絲；最驚喜莫過紅豆蓮蓉焗布甸，中西合璧的甜品，表層焦糖脆殼下藏著蓮蓉流心與西米布甸，紅豆粒增添咀嚼趣味，甜而不膩的韻味令人難忘。 鮮蝦燒賣亦見真章，三顆飽滿如元寶，蝦肉爽彈透出淡淡蟹籽鮮，啖啖真材實料。餐廳雖處商場，卻以親民價位呈現酒樓級水準，每道點心都像主廚精心編排的味覺樂章，創意粵式點心好味又有功力同巧思。…查看更多

牧師英國🇬🇧返港去樂富飲茶🫖，冇得book位，1200去等位，等到1300先有位，五個人坐四人枱，普洱茶，冇小朋友👧🏻餐具🍴，點心紙tick。脆麻花超巨型，15cm x 30cm原條上，皓震撼，打卡able，皓脆口。蘿蔔絲酥餅皓香脆。乳鴿新鮮炸起，皮脆肉滑juicy。叉燒腸一般。燒肉飯燒肉皮脆肥膏多。炸魷魚鬚都大碟香口。壽包大個，蓮🪷蓉餡有蛋黃正。馬拉糕鬆軟。蝦多士都香脆。食唔哂打包，個脆麻花要用保鮮紙包…查看更多

同同事黎樂富飲茶。點心幾好食🤓好食過上面間酒樓，而且份量都多。環境係正常有啲嘈吵嘅屋村酒樓，都好多街坊幫襯。蛋散勁大碟，有手臂咁長😂桂花糖漿幾甜，同蛋散一齊食好夾。蛋散味道似脆身嘅馬仔，唔會油淋淋。蝦餃燒賣正常發揮，每籠有四粒，都算大粒。七味豆腐外脆內軟，椒鹽鮮魷唔會韌，有比埋喼汁我哋點，可以解膩。春風得意腸包咗蝦、油炸鬼同三色豆嘅腸粉，味道都唔錯🤔雪山叉燒包都正常發揮，面頭微脆，叉燒餡熱辣辣。金錢肚惹味，大概有五六舊，底下墊咗啲白蘿蔔。蒸腸粉係早餐食嘅白雪雪冇包餡嘅腸粉，都幾滑lulu，有三條切開做九件腸。#沒有接受用餐款待…查看更多