海鮮角樂

营业中

休息中

很喜歡光顧小店，尤其係用心製作既小店Order 左兩個 lunch set ； 另加$12配左佢個魚湯，味道拍得住啊媽煲既奶白魚湯。主食揀左個海斑蒸飯同蝦乾蒸肉餅，兩個味道都好調和～海斑蒸飯海斑味道新鮮肥美，鮮甜既魚油流曬落啲飯度，簡單既蒜蓉調味，基本都唔使落佢哋嘅蒸魚豉油。蝦乾蒸肉餅質感非常好，唔會太硬，又唔會好似落左好多粉咁，來自蝦乾的咸鮮味道，豐富左口感，係非常好既配搭。兩道菜都非常好下飯～ 簡簡單單友開心飽足既一餐 ！

呢間餐廳，一定要訂位，如果閑逸嚟嘅話，就唔使分兩輪，可以坐耐啲😜以海鮮黎計，真係幾好食同埋幾抵食蒜蓉粉絲蒸扇貝：扇貝好大隻，好爽甜，配埋金銀蒜同埋佢個自家製豉油，正鮑魚、聖子、龍蝦新鮮，蒸嘅火候啱啱好，肉爽鮮甜可口清酒煮花甲：清酒嘅甜味能夠帶出花甲嘅鮮味，連埋個湯都好好飲而家原隻龍蝦多士：呢個真係打卡一流，估唔到呢度除咗中式嘢食之外，做呢一個龍蝦多士都幾好食，龍蝦配埋少少茄醬肉碎，加埋個香脆髮包，又食出另外一種鮮味蟹粥鮮甜，洗咩去澳門食啊😏其實除咗海鮮之外，佢仲有啲串燒，都燒得OK，但係對比起嚟，海鮮的確比較出色

所有海鮮即叫即做, 不用複雜/重口味去做遮蓋 堅持選用最簡單身的煮法保持原味和新鮮食海鮮,唔洗下下去西貢既!而家多左好多主打食海鮮既餐廳!一樣每日用新鮮貨煮比你食!蒸蟹配糯米飯 原隻新鮮大蟹開邊蒸,新鮮炒既糯米飯有花生臘肉蔥花,夠香又軟糯 蒸完蟹既肉汁滲埋入飯之中!令到本來已經好香既炒糯米飯多添一份海鮮味道 蟹肉唔多,但味道非常新鮮 個飯食落真係香好多炸鮮魚柳配蔥豉油 新鮮魚柳起肉包粉炸 西式煮法中式食法 加蔥油同豉油食魚肉脆嫩鮮甜,配中式豉油又出奇地夾!三文魚肉碎沙律 三文魚切碎混醬放滿沙律,食之前拌勻,口感豐富鮮味清爽消費$500西環堅尼地城加多近街67號地下G16號舖

今日做咗第一枱客，所以老闆好詳細介紹menu，上菜個陣都好關心我哋嘅評價，睇得出老闆好認真。除咗老闆，仲有個後生仔幫手~另外環境都幾舒服，兩個人但坐到4人枱（1:00前人流好少）～講吓嘢食先：汁燒雞翼好正，好惹味又甜甜哋，牛柳粒正正常常，雖然做開海鮮，但串燒一樣好食😚而蠔仔粥好清甜，平時唔鐘意食粥嘅我，都覺得好食，最後兩個人清晒（大約有6-7碗仔）另外仲嗌咗鹽燒蟶子、芝士扇貝同奄仔蟹，質素👍，呢餐lunch好飽

見有唔少好評自己又鍾意食海鮮諗住試吓啦。叫咗$128嘅花甲得7隻；蟶子皇$48/隻又煮到好老；蟹粥不過不失….最慘係食幾樣海鮮都完全冇海鮮應有嘅味道同甜味。最後上粥時見個碗有啲之前花甲嘅清湯想換過一隻，個阿姐竟然話：用返呢隻得啦，就倒走我啲湯諗住算…我話啲服務點解可以咁垃圾時，佢就拎過個新碗「掟」向張枱度🤬🤬🤬🤬食到把幾火！！！！好少會寫食評，但真係好希望唔好再有其他人中伏啦！！！！！！！

見網上食評唔錯，今日嚟開呢頭，見午餐有蒸兩味海鮮加肉餅，再加十蚊要魚湯。只有一個阿嬸招呼，水吧上有杯及水樽，叫佢俾杯水，佢唔肯俾，話個餐跟嘢飲。order餐飲後好快就有。魚湯先上，好咸。湯入面粟米好硬。蜆同帶子唔鮮味，唔係新鮮貨，比街市買番屋企味道差，三隻蜆中有一隻比較梅，同樣個汁好咸！帶子尚算okay, 個飯好硬！飲完餐飲，仍覺得好咸。再叫阿嬸俾水，話嘢食好咸，今次佢粒聲唔出，俾咗杯水。唔會再嚟啦。

離堅尼地城地鐵站都算近，提早訂左位唔洗等。渠d海鮮真係超入味，又大只。外加燒牛仔骨，燒羊架，都係好惹味。味道風格我覺得係港式嘅。鹽燒類會係胡椒味，我勁中意，口味淡人士都唔洗太擔心，因爲我覺得唔會over左。元貝勁大只價錢又平，聖子微辣勁好味（開頭好肚餓唔記得影相。）不過我自己就冇預算食龍蝦鮑魚果d，價錢會貴多d，希望下次黎試。我自問都算大胃王果類人，食左好多野，埋單先487 HKD，隔離都有外國人去開嘅酒吧，好近地鐵，地段唔錯，簡直超抵。

早前女友人MY夫婦約我哋食飯,我就揀咗大前日(3-4-2021 Sat)晚嚟黃秋生介紹過嘅呢間,我哋book咗枱,而我同老公早好多到,店員睇吓有冇枱,原來有,因客人早走,就俾我哋入去坐同等.冇耐, MY夫婦到嚟喇.呢喥有好多選擇,而MY唔想出現選擇困難症,就揀咗兩個分別$888.00嘅海鮮盛宴同$688.00嘅角樂精選二人餐.1. 呀媽魚湯端上嚟時我哋只知係湯,一飲,魚味好濃,好足料,好正呀!味道: 5分2. BBQ鹽燒大蟶子皇落單時其實想要蒜蓉粉絲蒸,但店員提議我哋試BBQ鹽燒,因為係signature.食落味道真係好夾,好味.味道: 5分3. 蒜蓉粉絲蒸扇貝大大隻又足料,唔會過老,唔錯.味道: 5分4. 燒雞翼甜甜地,蜜味夠.味道: 5分5. 海鮮沙律蝦仁同蔬菜新鮮,醋嘅味道又啱啱好,好正.味道: 5分6. 黑椒牛仔骨細細件,略嫌黑椒味唔夠.味道: 3.5分7. 蒜蓉粉絲蒸原隻加拿大龍蝦味道同口感都正常冇問題.味道: 5分8. 慢煮星班扒用慢煮溫油浸,外脆,冇問題.味道: 5分9. 蠔仔肉碎粥有好多蠔仔,都幾甜.味道: 4分10. 加$18.00嘅秘製芝士香焗原隻加拿大龍蝦芝士好厚

$388一籠海鮮蒸籠飯，有兩款選擇：1. 南非鮑魚、花竹蝦、鮮艇魷、紅鏡貝2. 龍蝦、鮮蟹、星斑、花甲升級+$110可加配2隻蒜蓉粉絲蟶子皇+阿媽魚湯2碗🥣可先以whatsapp落單預訂，再到店取📲蒸籠包裝吸引，外賣回家可趁熱即吃，或再翻蒸也可🔥 份量夠三人分享，蒸籠內的紅鏡貝🐚、魷魚🦑、石斑魚🐟較美味，而南非鮑魚🦪則口感韌，花竹蝦🦐未夠新鮮，肉質太淋😔，反而加配的蒜蓉粉絲蟶子皇，就大大隻，啖啖肉而質感彈牙，是整個套餐內比較出色的海鮮😍整體海鮮水準參差，但籠仔飯伴有不少蒜蓉，是香口不錯的，也不算太油膩🍚以外賣來説，包裝和賣相絕對高分，味道整體則一般😉

好耐冇食過啲令我個頭可以fing足全晚嘅meal!先頭部隊泥個蒜蒸蟶子, Oh The MG, 勁肥美勁鮮甜， 彈口嘅程度係咬住條蟶子嘅時候對筷子跣手，然後佢回彈動L咁bounce😂蒜蒸乜乜都係我嘅天堂，龍蝦啖啖肉，surprisingly好多膏！星斑石斑扒不得了，完全將個魚昇華咗，外皮脆到soksok聲，條尾可以當薯片食，然後肉又很嫩離一離題講吓non海鮮先，牛舌好值得一提， 史無前例嘅厚切，燒得泥，內心是軟軟juicy的，未食過咁好食嘅牛舌😭蠔仔肉碎粥好好癲啊，個湯鮮甜已不在話下，啲蠔肥肥大料，有兩粒眼球咁大🤤 同埋因為係潮州version嘅關係，啲米係粒粒分明非常之啱我口味！ 味道：9/10 海鮮角樂 4人精選套餐 $1388魚湯,上湯雜菜,蒜蒸聖子,蒜蒸龍蝦,星斑石斑扒,手打肉餅,羊架,水上人家糯米飯,蠔仔肉碎粥 加料!厚燒牛舌x2 $46燒雞中翼x2 $56鹽燒雞皮x2 $44蒜香茄子 $19 📍堅尼地城

雖然宜家已經多左出去食番好西,不過繼續外賣🥡都係有必要性既🙃今日算係一個特別既日子,所以決定食豪少少,黎個海鮮🦞🦐🦑🐙大餐———————————————-@seafood_corner 想試左好耐既特盛大海鮮🦞🦐🦑蒸籠飯🍚本身有A/B兩個款式選擇而我今次揀左哩個就係B款,包括有:南非🇿🇦鮑魚/花竹蝦🦐/紅鏡貝🐚/墨魚🦑,另加$38/1加配蒜蓉粉絲蒸扇貝2隻哩個🦑🦐蒸籠飯除左鋪滿左各式各樣新鮮既海鮮之外,蒸籠底下既飯底份量亦都係非常大,真心係絕對夠晒2-3個大人👩🏻👨🏻既份量架🙃————————————————-外賣🥡或者送貨番到屋企之後凍左都唔洗怕,海鮮飯連蒸籠直接放入煲/鑊/蒸爐入面,蒸番大約5-10分鐘度就直接食得,超方便！碗🥣碟🍽都唔洗用咁多🙈————————————————-鮑魚厚身得黎又唔會韌！紅鏡貝鮮甜,墨魚🦑就爽口彈牙！蒜蓉🧄蒸既蝦同扇貝就自然無得輸😋海鮮🦞🦐🦑蒸完既肉汁流晒入籠底粒粒分明既飯入面,超級好送飯🙈 鮮味😋到連平時麻麻地食飯既男朋友同佢媽媽👩🏻都食左好多飯！三個人食到一粒飯都無剩添😋😋🙈

海鮮蒸飯 + 升級大聖子🐟🦞🦀超讚的一餐飯2-3人完全夠食海鮮足料又新鮮個聖子王👑大到我個碟都放唔落😛個「呀媽魚湯」搶手到相機未食已經分左落肚🤣🤣🤣超級鮮甜，一啲都唔腥👍🏻👍🏻👍🏻而家外賣自取價$388唔想自己拎仲可以幫你call埋車送到屋企樓下🚐 （5籠以上仲可以免運費）返黎蒸返3-5分鐘熱辣辣超正 🎉🎉🎉好似即叫即蒸咁食完個籠仲可以留返自己屋企整野食，蒸點心🤟🏻🤟🏻老闆好好人回覆超快唔明講到你明❣️取貨時間非常彈性絕對係貼心嘅服務真港人自助💋💋

▮海鮮角落▮ 外賣自取優惠海鮮籠，超抵食，HK$388/籠，已經夠2-3人份量啦！即叫即製，啱晒鍾意seafood既朋友，特別係住附近既西環友有福啦！籠內包括：☆龍蝦🦞一大隻，啖啖肉 ，彈牙新鮮😍😍😍😍😍！食到lamlam脷啊！依家諗返起都流口水🤤。-☆蟹一又係一大隻 ，味道鮮甜 ，可惜無咩蟹膏 😊。-☆野生星斑件四小件 ，肉質紮實 ，有海水位 ，不過有點兒蒸過籠 、有d鞋 😅。-☆大花甲4大隻 ，入口鮮甜 、無沙🤪。-☆蒸飯鋪滿整個籠底 ，吸滿上面既海鮮既鮮味 ，真係好正 ！加少少配既海鮮豉油吊下味就已經好好味 ，我哋差不多清曬所有飯粒 😋😋！-☆另外 ，我哋加左HK$110 ，要多兩隻蟶子皇，同埋招牌鮮魚湯 ，超值 ！前者真心好大隻 ，肉質鮮嫩彈牙 ，連埋大量蒜蓉 ，食到lamlam脷😝😝。後者湯色呈奶白色 ，好鮮甜 ，好有住家老🔥靚湯既味道 ，飲得好滋味 ，仲唔係幾夠喉添 🙈！-☆蝦米上湯雜菜HK$38 ，份量有d少 ，不過個上湯幾好味 ，夠清新 、無味精 ，有蝦米既少少咸鮮調味 ，感覺健康 ，我哋都清埋d湯☺️☺️。-☆☆☆☆☆☆☆呢個套餐性價比好高 ，一定會再encore！ ❤️❤️

今日返工之前去買個外賣做午餐餐廳都係啱啱開門，但都好熱情招呼我地入去睇到餐牌都唔少家常餸菜我特登揀啲屋企少食嘅揀左個蝦醬豬頸肉炒烏冬聽到個名都想食🤤🤤🤤🤤點知落單果時老闆仲提議可以加少辣🤤🤤🤤🤤太對胃口了老闆真係好有心思！另外再要多個蠔仔粥所有野即炒即煮等等下，我都忍唔住去左廚房偷望下老闆炒野但老闆都好好人，無嫌我阻住偷師😂😂成個感覺都好好家庭式就有呢個好處！最衰叫外賣否則坐喺度慢慢食，傾下計都幾好炒烏冬好香口，拎走都仲好熱辣老闆提議嘅少辣其實係好微辣但加上蝦醬真係有提鮮嘅感覺蝦醬又唔會太鹹但夠香，好好味！！蠔仔粥呢原來係泡飯海鮮湯好鮮味蠔仔肥美，正！下次一定要去食晚飯試真啲！

而呢間係位於堅尼地城，蒸海鮮+日本串燒🦞小店。有誠意服務態度友善👍🏻 角樂精選：（$688二人餐）1.呀媽魚湯： 好鮮甜無加味精，有家既感覺2. 上湯什菜：新鮮蔬菜加粉絲3. 蒜蓉粉絲蒸蟶子：大大隻蟶子，又甜又多肉4. 秘製芝士香焗原隻加拿大龍蝦： 都係估唔到咁大隻，芝士可以拉絲，樂肉地😋😋（有好多人淨係外買龍蝦，可見抵食又好食😋） 5. 慢煮星班排：香滑新鮮6.手打肉餅/蝦餅：彈牙7. 汁燒羊架：味道香濃8.蠔仔肉碎粥：蠔仔🦪好大隻又肥美多到食唔晒要帶走😆再來：會呀，不過地方有啲遠推介：推介俾港島區朋友及行完西環既人