海街丼 (東港城)

营业中

休息中

還好的壽司飯 海街丼 (將軍澳)地址: 將軍澳坑口重華路8號東港城1樓186號舖人均消費: $101至$200海街丼的魚生壽司飯，是我較常吃到的一家，因為位置相當方便，除了在辦公室附近之外，東九龍區也有兩家，如果比較這個價位的壽司，還是魚生飯更合我心意，至少不用害怕師傅握壽司握得不好，吃得狼狽又不太盡興。這裏最特別的是醋汁啫喱，想調配壽司飯的酸度，可以用它然後慢慢溶化，這樣不會影響到飯的口感，同時酸度也能調節得比較平均，這點值得稱讚。可惜的是，刺身的質素，特別是吞拿魚的水準有點下降，赤身腥味較重，中拖羅的筋也未完全去掉，要加點努力，畢竟香港有質素的連鎖魚生壽司飯，就是這裏以及Doraya。The sashimi sushi rice at Umikaze is one of my favorites due to its convenient location. Besides being near my office, there are two branches in East Kowloon. Compared to sushi at this price point, I pr

咁啱 同屋企係附近 行到鋪外睇到 我爸又鍾意食日本刺身丼所以夜晚揀咗入去食個時唔算多人入到去職員好熱情 推介可以諗套餐 抵但我媽有啲都唔食 費時當日 叫咗 焰燒三文魚帶子丼賣相係幾好 都有鮮味飯都唔係大份量 但ok嘅海寶丼 特上賣相擺得靚 都多料食落都鮮 好食嘅兩款都配 可食完3分一就倒佢有個自家制湯倒入飯再食都夾嘅 好食嘅😋豚肉生薑燒丼正常豚肉丼 冇咩特別飲品都係正常 加餐 甜品仔都還好啦但覺得性價比唔係超高所以會覺得值得一試 試過就算嘅感覺

今晚7:30pm 入座，首先店內有好多空枱，店員都叫我地係門口等一陣先安排入座之後有位女服務員幫忙點餐，叫左個一人套餐 同滑蛋豬扒飯之後我目測都仲有2-3 台客入座 咁我地等左10分鐘左右，滑蛋豬扒飯就上左菜，再等左10分鐘後，我既一人餐仲未見任何一樣食物上菜🤐🫥我發現係我隔離台（遲過我地入座既）既2人套餐都係我等左25分鐘既時候上哂菜 😑😑好戲黎啦，我同店員跟進，幫我點餐既女侍應係咁好忙碌咁唔知做d 咩 😶‍🌫️😓完全無幫忙跟進，係我等左35~40分鐘既時候，我見隔離台既客人上哂菜加差唔多就食完既狀態，先比左個湯，沙拉同甜品（主菜都未上🙂‍↕️🫤😑🫨)最後係45分鐘之後我叫既魚生飯先上菜，我同左女侍應講，你係唔係無落單😵‍💫😵‍💫佢即時好大反應回應：一定唔係 我有落💀之後佢仲拎張落單既時間record 再同我講一次其實做服務性行業，第一無認真處理客人既情況，二 態度極有問題，第三 最後連200幾蚊既套餐小食都無上到比我。收咁既價錢 咁既服務態度，唔怪得飲食業生意咁差。我真係經歷一生人最差既用餐經驗 🥵🥵🤬🤬🤯🤯😡😡建議真係一生人一定唔會再去呢間餐廳，建議大家去之前都要三思。比錢買難受仲要

突然想吃魚生飯, 想起了東港城有一間日本餐廳一直很想嘗, 便拉著老公一起餐廳十分有日本的味道,  我們被服務員安排再卡位上, 十分寬敞又舒適廚師精選魚生飯$280端上桌的魚生飯，令人目不轉睛。一碗滿滿的新鮮生魚片鋪滿了整碗飯，包含了三種不同的肥味拖羅、玉子和我最愛的海膽。服務員在上菜時細心地向我們介紹了吃食的方式。其中一種方法是將醋變成啫喱狀，並根據個人口味混入飯中一起享用，鮮甜的魚生加上壽司飯和醋啫喱，這種獨特吃法令人驚喜。當吃到飯碗裡剩下三分之一的時候，我們便按照服務員的指示，將三款不同的配料倒入飯中，再加上鮮魚湯，讓整碗飯變成了茶漬飯。這樣一來，米飯吸收了魚湯的精華，帶來了濃郁的鮮美滋味，令人回味無窮。滑蛋豬扒丼金黃色的炸豬扒淋上順滑的滑蛋汁加上白飯，散發出誘人的香氣，每一口豬扒都是卜卜脆，十分嫩滑多肉汁，滑蛋香濃濕潤，其中還有洋蔥，蛋汁完美滲透到飯中還帶點洋蔥香味，都讓人不斷讚嘆

港女，一定成日心血來潮想食魚生，不過男朋友唔鍾意食可以點？食丼飯就兩個都可以滿足哂大家啦！私心推介東港城海街丼，無論熟食定係魚生都好好味！醬汁吞拿丼 $200由醬汁吞拿魚，吞拿魚腩蓉，三文魚子組成嘅丼飯三文魚子同吞拿魚蓉都好好送飯，加上有特別醬汁調製嘅吞拿魚，新鮮又唔搶走佢嘅味道，我覺得超好食！仲有！佢仲有自家製鮮魚湯，食完魚生剩返嘅飯仲可以做茶漬飯，一味餸兩食，多重滋味！仲有仲有，佢側邊啲配菜酸薑啫喱勁好味！滑蛋豬扒丼 $120男朋友唔想成日食生冷嘢就叫咗個豬扒蛋當，雞蛋花汁又滑又香，配上新鮮嘅吉列豬扒外脆內軟，仲一啲都唔韌啖啖肉好Juicy ！📍海街丼 (東港城) (將軍澳)

一個人偶爾獎勵吓自己食好啲，等仔仔興趣班落堂喺商場食咗呢間有幾間分店嘅海街丼. 餐廳裝演充滿日系風情，成間居酒屋咁🏮. 小店座位不多，有吧枱亦有卡位仲好闊落. 食物上菜速度好快手. 熱茶夠濃味唔錯👏🏻 ⭐️刺身拼盤（三點）每日新鮮空運到港. 厚厚嘅吞拿魚同油甘魚魚生片油脂飽滿又新鮮，仲有大大粒鮮甜嘅帶子，每樣三件，高質. 另外仲有兩點或者四點可供選擇，豐儉由人. ⭐️海寶丼（特上）呢碗招牌丼飯之一面頭鋪滿新鮮食材. 賣相精美. 除咗兩隻大蝦、海膽、蟹肉、三文魚籽等，丼內有不少種類角切魚生，真係啖啖飯都有料㗎，口感超豐富. 自製壽司醋果凍好特別配搭白飯好開胃. 最欣賞係每個海鮮丼飯都會跟埋鮮魚製成嘅魚湯，店員建議食到三份一嘅時候就可以將用保溫壺裝住嘅熱湯自製茶漬飯. 一丼兩食，正👍 咁多特色$200左右又好值喎. 雖然整體價錢喺將軍澳嚟講唔算平，不過餐廳已經喺區內屹立左幾年，附近嘅餐廳都多次易手，證明有質素嘅都會有好多捧場客㗎. 唔去將軍澳嘅朋友都唔緊要，觀塘同埋北角都有鋪㗎.

海街丼 Umimachidon – HK今晚來左坑口東港城📍海街丼食晚餐店內用上木系傢俬配上日式擺設裝飾環境好有日本風情！主打新鮮即製海鮮丼飯🥢醬汁吞拿魚丼材料豐富！厚切魚生夠新鮮！一次過食到吞拿魚蓉、魚子、醬汁赤身及拖羅配上自家食法！加入醬油、茶末同特製「邵司酪果凍」撈勻～好味道👅最尾更可加入自家秘製的「魚介出汁」做茶漬飯🥤百香果可爾必斯～飲落微酸開胃💕甜品係朱古力味蕨餅～口感軟糯 #umimachidon #海街丼 #北角美食#將軍澳美食 #觀塘美食 #hkfoodie #taiwaifood #hkfood #hkfoodblug #hkblogger #yummy #抵食 相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #香港旅遊攻略 #香港必食 #香港地道美食 #壽司📍將軍澳坑口重華路8號東港城1樓186號舖

🍱餐廳：海街丼（東港城）🏫地址：將軍澳坑口重華路8號東港城1樓186號舖天氣咁熱，食魚生飯就最爽，上次喺海濱滙分店食過，相當唔錯，今晚同媽媽喺東港城行街，就試埋呢間分店，餐廳面積雖不大，但環境舒適，裝飾很有日本風味，用餐十分舒適👍今晚我倆都唔係好肚餓，所以就試了店長推介的「鮮吞拿魚海膽丼」，果然冇介紹錯，食得出吞拿魚刺身真的不經過冷藏，係直接由日本漁港空運到港的，所以魚的鮮味道特別濃郁😍店員細心講解食的步驟，其實我都知啦🤣先混合醬油和芥末食咗刺身先，再加入自己鍾意落幾多就落幾多嘅透明啫喱狀壽司醋入米飯，非常開胃；食淨三份一米飯之後加入用鮮魚秘製的高湯，加入紫菜、芝麻及脆米等一齊食👍熱辣辣的茶漬飯，香噴噴的，配上淡淡的茶香，又是另一種好味嘅食法，正❤️另外店長推介白板魚蛋，佢唔係圓軲轆嘅魚蛋，係十片魚片，食落去比普通魚旦魚味更濃，更煙靭彈牙，幾特別👍總括來講，呢度食材高質，員工服務殷勤友善，一於下次再黎試其他美食啦！

今晚突然想食海鮮丼飯就等老公放工一齊去左位於東港城既海街丼度食Dinner呢度係一間主打新鮮即製日式海鮮丼飯的餐廳一趟開門入去已經勁日本feel🐟醬汁吞拿魚丼 $200一上枱已經好吸睛😍有5塊大大塊嘅赤身、吞拿魚蓉同三文魚籽，加埋啲蔥做點綴🤤成碗滿滿的好豐富，好新鮮，而赤身亦有用醬汁醃過既味道！！！店員都好細心咁會講解點樣食👍首先係個特製「壽司醋果凍」，如果唔怕酸可以加入啲飯度撈埋一齊食，酸酸地咁好開胃🤤食到咁上下仲可以加埋用鮮魚自家秘製嘅「魚介出汁」 & 紫菜碎同芝麻黎整茶漬飯豚肉生薑燒丼 $120一上枱已經聞到好香，配有漬物一碟同溫泉蛋，用溫泉蛋撈埋d飯一齊食就變得好香好滑，薄切既豚肉肥瘦均勻，仲要勁大碗，食完超飽😂海街丼📍將軍澳坑口重華路8號東港城1樓186號舖

前幾日又去左食🤤係香港都可以食得返日本🇯🇵既味道!日本最頂級丼飯,可以在香港感受一下地道日式丼飯風味!海街丼從日本引進的品牌,每一款菜式都超級新鮮！✨KAIHOUDON 海寶丼(特上) $230呢碗日式丼飯鋪滿左好多款高級海鮮🦀每一樣都好新鮮!!!!有帶子.🦀肉.吞拿魚.蝦.蟹籽.三文魚籽.賣相色彩豐富好吸引🍣嫩粉色的生魚粒、超鮮甜的海膽、透白新鮮牡丹蝦,配左好多三文魚籽🤤🤤一睇到就已經忍唔住好想食😆大大碗🍚好夠飽!✨刺身拼盤（二點）$110拼盤有三文魚同油甘魚兩種鮮美刺身🍣三文魚肉質細膩鮮嫩,油甘魚肥厚,兩種口感完全唔同。整體食落鮮甜新鮮～✨燒醋鯖魚 $75鯖魚的肉質扎實肥美,外皮微焦,入面肉質仍依然鮮嫩多汁🤤加埋餐廳特製醋汁,口感清新酸爽🐟

海街丼將軍澳坑口重華路8號東港城1樓186號舖味道評分:☄️(必食之選)>☀️>🌤>⛅️>💨每個丼飯都配有自家製壽司醋果凍，可以配搭白飯食用，自己DIY專屬的壽司醋飯🤩☄️鮮吞拿魚海膽丼 $190是日廚師推介😎由赤身、中呑拿魚、油甘魚、海膽組成，所有刺身都好厚身而且非常新鮮，最中意油甘魚同中呑拿魚😚☄️溫泉蛋魚蓉丼 $145我個人最愛的丼飯！温泉蛋同呑拿魚蓉兩樣都係撈飯一絕，我仲會撈少少wasabi，令味道更加有層次，未試過一定要試下~☀️可爾必思 (跟餐+$8)類似忌廉溝鮮奶~好飲！✅想睇更多食評就要follow @gulugirl102 🐰

行經東港城，再去海街丼晚餐, 海寶丼（特上）做緊優惠價，一於試下先～海寶丼（特上）$230 丼飯包括了吞拿魚、油甘魚、海膽、鮭魚籽等刺身和青瓜、玉子。刺身吞拿魚新鮮肥美,入口即溶,鮮甜可口,搭配醇厚的醬油,無與倫比。油甘魚肉質鮮嫩多汁,富含油脂,香氣濃郁,淡淡的海鮮味,尾韻回甘。海膽清新鮮甜的海味,軟滑細膩的口感,令人回味無窮。鮭魚籽:飽滿彈牙的魚籽,爆開時噴發出濃郁的海鮮香,口感層次分明,餘韻悠長。呢個丼飯很有趣，有2種吃法，第1重是先食丼飯，可以按自己喜好加入醋果涷，調節壽司飯的酸度。建議預留少少飯，開始整第2 種食法，第二種食法是倒出保溫壺入面的魚湯，以及三格調味料，製作湯泡飯，魚湯不腥，熱騰騰的很暖胃。

海港城入面有好多餐廳，咁啱朋友話想食丼飯所以就黎咗呢間餐廳～裝修風格偏日系🇯🇵價錢係講軍澳區黎講唔算平🙈❥醬汁吞拿魚丼 $200吞拿魚約4-5塊最上面有吞拿魚蓉同三文魚籽食材都幾新鮮～飯冇經過調味可以自行加入醋啫喱調節酸度吞拿魚有被醬油醃製過食到最後可以加入紫菜、芝麻、魚湯做個漬飯❥滑蛋豬排丼 $120豬扒都夠鬆化蛋夠滑，而且有用高湯調味熱辣辣食好味份量都幾多比魚生飯大碗好多如果肚餓推薦呢款多啲

再臨#海街丼 🩵今次去#將軍澳#坑口 分店 🩷 海街丼餐廳既裝修風格真係好日本😍😍其實呢間餐廳真係唔錯🤤🤤所以我地要Encore👍🏻👍🏻 今次係瑤爸同朋友仔撐枱腳😊 食野傾計當然要揀間有質素既🥰😻 🍣#A5黑毛和牛丼 煎得好靚既和牛🐂🐮 油香好足，入口真係好鬆化🥩🥩好“餸”飯🤣🤣 🍣#廚師推介呢個有驚喜👀 係隨當日新鮮魚生配搭而決定有咩食😋😋 真係好正，大大片#魚生丼 絕對唔偷工減料🫶 欣賞個#壽司醋啫喱 同個#魚介汁 撈飯食真係好正😻😻 🍣#刺身三點一如既往既勁新鮮🐟🐟 係高質既#魚生片🤤 瑤爸最愛係#帶子刺身 🌟🌟 🍣#炸油甘魚 每次黎真係必點呢個😍！好中意一咬落去個魚肉勁香又唔鞋口👍🏻點蛋黃醬最正！ 🍣#炸章魚😋😋唔乾同埋唔會好硬🩷🩷好怕炸到又乾又硬咬唔開🤣 佢又唔係喎！幾好食呀衰鬼😝😝 。。。。。。。。。。海街丼 Shop 186, 1/F, East Point City, 8 Chung Wa Rd, Tseung Kwan O。。。。。。。。。。 #umimachidon #海街丼 #北角美食 #將軍澳美食

1. 醬汁吞拿魚丼 $200呢間嘢嘅醬汁吞拿魚丼真係好正！吞拿魚好新鮮，口感豐富，仲有蟹子同香蔥，真係好滿足。最正係個壽司醋果凍，溶落飯度，好似食緊壽司咁！食到差唔多嘅時候，加埋個魚介出汁，變咗茶漬飯，真係一碗滿足晒！🌟 評分: 8.5/102. 滑蛋雞肉 $100雞肉滑嫩鮮美，鮮嫩多汁的口感，蛋汁濃郁香滑，散發著濃郁的蛋香。🌟 評分: 8/10🎖️整體評分🎖️❤️ 味道: 8/10🧡 環境: 7.5/10💛 服務: 7.5/10💙 性價比: 7/10 📍 海街丼 (東港城) (將軍澳)將軍澳坑口重華路8號東港城1樓186號舖