海老名沾麵

今日3号风球又唔想留喺屋企，唯有出去试吓海老名的沾面(想试咗好耐)。去到长沙湾其实都有啲难揾，因为门牌比较简洁。但皇天不负有心人终于揾到😅我地未开门入去，个店员已经冲出嚟招呼我哋入去坐🤭入面好有日本feel，播著日本歌曲，座位亦只有数个。一坐下店员即为我们介绍，并说蚝面已经卖完了因一天只有五碗。于是我们点了两客沾面(虾汁味噌沾面和虾汁酱油沾面)，看著店员在前方煮面的时候好似好似置身于日本。当虾面汁送上时卖相相当美观和吸引，其次就是一碟的沾面。店员告诉我们吃之前要把面汁先搅匀，又或者可以加少许虾油醋提鲜，试了两啖汤汁好味而不咸！第一啖吃入口时... 哗不得了！面质烟烟韧韧再配合虾汁味噌真的很好吃哦！叉烧用火炙过够野味又香口，蛋仍是流心好吃👍但系最特别的是樱花虾，我觉得这里的樱花虾和外出吃到的是有点不一样，这里的樱花虾口感好饱满扎实(不是薄薄的那种)。而当你吃完整碗沾面的时候，店员会加帮你加热汤，当汤饮又是另一种嘅享受和层次(我们连汤都喝光)。😂😬🫡下次必定提早去试它们的蚝面！😁🥂🤟…查看更多

翻兜营盘街「海老名」，上次一支公嚟食最Basic虾汁酱油沾面，感觉良好。今次二人同行，可以试佢个驰名蚝汤面嘞！广岛蚝拉面系佢哋唯一汤面，卖相好掂，四只煎香咗嘅蚝，加埋甜甜咸咸嘅酱汁，系好食嘅。其实汤里面仲有四五粒碎嘅蚝，所以都真系唔少蚝啰。但汤我觉得唔太得，汤底偏甜，加埋啲配菜大葱、海带、肉碎、柚子全部都系带甜味，成碗都系清清甜甜噉，我觉得唔夹啲蚝。可能呢个系大厨嘅调味美学，用清甜嘅汤反衬浓味嘅蚝，但我认为变成汤、面、主菜嘅味道融唔埋，1+1+1 细过3，有啲嘥。相较嚟讲，钟意兴华街𠮶间出名蚝汤面嘅多啲。虾汁沾面就正路返晒嘞。今次食贵十文嘅「虾汁面豉」，比虾汁酱油更加咸甜度平衡，粗面挂汁感好似好啲。最后汤割出嚟效果都更加有鲜甜味（今次支汤摆正喺我前面，就自己郁手）。最后讲返只有味蛋，今次好食咗，可能浸得够耐，啲味沁到入黄。总结系，佢讲明系「沾面」店，噉都系食返沾面啦，唔使俾多钱食蚝汤拉面。…查看更多

又系揸车路过长沙湾，突然想食沾面，非呢间莫属，不过附近无得泊车，兜咗去顺宁道泊表位再行返过嚟。入去坐低叫咗个樱花虾味噌汤沾面，唔识形容点好食，份量是足够的，汤好浓，有樱花虾、糖心蛋、两片仔叉烧，面够粗身，感觉到汤嘅材料份量缩细咗，但质量十分好，都可以饱肚。职员招呼十分之有礼貌，由入门口到坐低、落单、食完面后再帮我加水落汤俾我饮埋碗汤，到收款埋单全程态度都很好。舖头来大约10张座椅，是一张吧枱设计，好似日本啲小店咁，等个面上枱的时候，可以望住师傅煮面、烧叉烧等等，感觉几正，但略为迫少少，如果快食的话，冇得介意咁多。…查看更多

放工肚饿揾嘢食，随意去咗呢间，因为只系晚上六点，所以唔使等位，可以直接入去坐，我叫咗虾汁酱油沾面$82，表面有鲜橙色既虾油，好香又有虾味，仲有几大只既虾仔干，都OK香脆，加埋个酱油汤底够晒咸香，但又唔会过咸，好正，而且啲面又弹牙又烟韧，仲有啲脆脆粒及紫菜另上， 佢话加落汤食或者包住啲面食都可以，食果阵仲脆卜卜，食完面之后，系沾面汤再加入清汤，个汤都比其他店好味，真心几好味，又唔使加一，会再黎。唔好既系，店超细，好鬼迫，仲要系前面火炙猪肉片，有啲油烟。…查看更多

I recently visited this Japanese restaurant specializing in 沾面 (tsukemen) and after a 20-minute wait, ordered a bowl of 虾汁蕃茄沾面 (shrimp broth tomato tsukemen). Dining solo, I was hoping to enjoy a comforting meal, but my experience was rather unremarkable.AtmosphereThe restaurant had a typical tsukemen bar setup—nothing particularly memorable. A typically cramped seating plan.HospitalityThe only runner was very helpful.NoodlesThe noodles were decent: pleasantly chewy and with the right thickness. Nothing outstanding, but nothing disappointing either.沾面汁 (Dipping Sauce)The shrimp flavor was unfortunately subdued; the tomato base overpowered most of the seafood notes. The dipping sauce tasted quite bland overall. It could have benefited from a more generous seasoning—some extra salt would have lifted the flavor. The balance between shrimp and tomato was off, leaving the sauce feeling underwhelming. I ordered a "fireball", which did not add much spice to the dipping sauce.GarnishesThe half-done egg was the highlight of my dinner. I ordered another before finishing my last spoonful of noodles.The protein, the pork slices, were acceptable.…查看更多