海皇粥店 (英皇道)

今日即埸买三个猪大人，非常慢，足足等左25 分钟，见住十几个人已经得，我个非常慢。原因系成间员工都系老人家，我见佢整整下突然走去厕所，返黎之后唔记得自己煲紧汤，煲泻咗。另外佢哋睇字睇唔到字。要用3 秒之后叫单系俾你睇张单。另外拿我杯饮品又系我面前倒泻，照俾我。我都费事嘈.累我迟咗一班巴士。真系永远无另一次…查看更多

细个成日行过都想食，但未食过，有种期待。试过之后，会有种失望。我的常识很有限，是1杯米可以煲出3至5碗粥。叫左1碗艇仔粥加15蚊要咸肉粽，本来打算当晚餐，以为会好饱肚 但 一入门口十分冷清，得2至3位食客。作为1位食客也有点儿担心他们的营业额。虽然艇仔粥的味道很好，材料多但粥实在太绵，份量小，1点也不饱肚。虽然有另加15蚊要咸肉粽。但完餐后，肚饿指数没有减淡。如果疫情下，想饱肚，我会考虑其他饱肚选择。或者会自己平价入干货，在家煮干货海鲜粥／饭，腊味海鲜饭。不过疫情下，相信卖粥店会难以维持业务。…查看更多

好冻既一晚 同女朋友系炮台山做完gym 想食啲好热既野 经过海皇就谂起佢啲粥 好耐冇食喇女朋友叫左双并粥 鱼片瘦肉粥🥰我叫左猪润皮蛋粥 呢个生滚粥餐送半份油炸鬼 仲叫左炸两 XO煎萝卜糕 同两杯豆浆油炸鬼系新鲜炸起 仲热架！😋唔会好油 豆浆油条正❤️萝卜糕超好食 有5块 食得到一丝丝萝卜 好小粉 煎得好香 满分💯生滚猪润我至爱 岩岩好熟 猪润爽口炸两又系好大份 真系好抵食佢餐牌劲多选择 有饭有面有粥有火锅 如果唔系减紧肥 我会试多几样野！…查看更多

接先生放工行过海皇粥店，被门口大大张粥底火锅poster吸引到，原来传统粥店都有火锅食，好有新意。有五款火锅选择，价钱相宜。我哋拣咗尊贵海鲜肥牛锅，主打有花胶、带子、虾同肥牛，食物尚算新鲜。另外仲有午餐肉、猪肉丸、鲮鱼球同蔬菜篮，鲮鱼球新鲜弹牙。加$12叫咗炸鱼皮，非常香脆，配粥底亦系一流。粥底方面我哋拣咗香茜皮蛋粥同南瓜粟米肉碎粥。粥底煲得非常靓，又绵又滑，芫茜味道好出，就咁食个粥都暖笠笠。先生嘅南瓜粟米肉碎粥同样绵滑，非常香甜。跟餐可以选配牛脷酥或者油炸鬼，我哋各要一份，两者点粥食都系绝配。咁嘅价钱食到粥底火锅真系好抵，虽然唔系食材简单，但性价比的确高。…查看更多

天气忽冷，要增加身体热量扺抗寒风，食多D淀粉质就啱嘞，特别系食粥最快吸收，今午食晏就在北角海皇粥店，入面好多选择，又有套餐，几十蚊就有靓粥，肠粉、仲有豆浆或咖啡茶等，叫多碟豉油皇炒面同一只旦王咸肉粽！顶得肚仲够哂能量！两人叫各的食品加埋一百八十几蚊、已经有好多嘢食！海皇一品粥，材料丰富，有鱼、有虾，有蟹柳！味道唔错，双拼粥选咗猪润同鲮鱼球，都好新鲜入味！特别系个粥底，热辣辣！浓稠适中！虾肠是即制即蒸，虾肉亦鲜甜，肠粉入口爽滑！旦黄咸肉粽有丰富绿豆馅，点白沙糖食，好正！油条亦系有水准，够脆而不覚油腻！豉油皇炒面加辣椒酱捞埋食，指定动作、又系好好味！呢个午餐食得饱饱、够哂热量对抗街上凛凛寒风！…查看更多