海灣吧

假期當然要去一些能放鬆，遠離煩囂的地方。西貢絕對可以，一整天望著大海，平日工作壓力都可以掃之雲外。呢一間隱世餐廳正正是在海邊旁，可選擇坐室外bar枱吹著海風對住180度大海，或者可選擇坐室內嘆冷氣，小編當日太熱🥵選擇咗一個室內窗口位，可以嘆冷氣之餘，又可以望住個大海🤤，而且仲有得聽歌，勁cill 呀！德國豬手 （🌟92.33/100） 原隻豬手底下有粗薯條墊底，好彩有大隻仔🥰幫手切豬手，如果唔係都吾知點算🤭豬手焗到脆卜卜，內質嫩滑咸香，值得一試墨西哥脆片（🌟90.63/100）呢個墨西哥脆片吾係平時食到粟米片個隻，而係有啲似雲吞皮摺到三角形，再拎去焗，口感薄脆，好特別其他地方食唔到。墨西哥粟米脆片面頭加在⼀球牛油果醬、酸忌廉、蕃茄粒粒、醃製墨西哥辣椒、酸黃瓜等等，舖滿芝士和芝士醬。多重口感，絕對讓人一口接一口…查看更多

星期一黃昏同朋友去了這餐廳飲嘢，我們在餐廳裡面座，而餐廳門一直關上，全埸只我們一枱直至8:30pm。坐咗大嘅一個鐘已經覺得有蚊咬，跟住實在太痕忍唔唔住問侍應攞蚊怕水。第二天早上已見對腳全部好多蚊咬紅腫痕跡，雖然搽咗藥膏，仍然好痕，今天見到一點點有凸起嘅點，應該我係比蝨咬唔係蚊。好明顯餐廳綠色地墊有蝨我右手臂都有中招P.s.我着住長過膝頭嘅裙我哋點咗pizza 食，如果以$188一個海鲜pizza ,真係好差唔好食。無下次。…查看更多

潮濕又大霧的一天，入到西貢有驚喜，無落雨，雖然無陽光照耀，但天色算不錯。先到WM 酒店行吓，刚巧有新人在小教堂行禮，跟著就是去食今天推介的餐廳午餐在Beach club 有BBQ, 泰道同Beach pub，我們選了Beach pub, 因為餐廳怖置很靚，放有很多靚吉他，而且黃昏開始有Live Band 。坐在路旁，吹吓海風，三五知己飲杯咖啡Chili 住嘆，濕霧天氣無影響心情:)今天叫了一個 美式烤豬肋骨 煙三文魚沙律，海鮮pizza, 今天為朋友慶生，所以叫1件芝士蛋糕吹吓爉燭，蛋糕帶有柚子香味，不過只有40 g 很细件，但好味。咖啡失色，叫了一杯Dirty 非常失望，另外2杯 coffee & Ice Latte 算 OK總恬餐廳服務員態度好，環境好Chili, 晚餐同午餐時段餐牌價錢一樣，若黄昏去又有Live Band, 真是更爽…查看更多

來海邊休閑走走吧🌊Beach Club (Sai Kung) 海灣吧中市正價餐牌🍽人均：$200🕰時間：週日中午一般人流唔算多，立即入座😊住喺西貢嘅朋友應該對海灣吧唔陌生😄🍻日頭可以望住藍天白雲，喺海邊飲酒chill吓🍷夜晚又可以有浪漫嘅氣氛，食西餐，冇得彈，仲有love music 🎵 👧🏻我個人就比較鍾意夏天日頭去飲杯啤酒🍺或者凍咖啡☕️因為望到好多人玩wake surf等水上活動今次就推介以下食品：🍗🍟烤美式豬肋骨配炸薯條 $188美式豬肋骨勁大條，連個碟都裝唔晒😋粗薯條都有返一定嘅水準👍🏻🍕海鮮薄餅 $148份量都冇失望，2個人食夠哂。塊塊都有蝦，個批厚薄適中，蕃茄base🍅好夾！☕️凍美式咖啡 Bible rating: 8/10📍地址：海灣吧 (西貢)西貢沙下村9號地舖…查看更多

農曆年去了西貢staycation, 年初一吃晚飯，當然人頭湧湧，尤其是海鮮中餐及BBQ，於是一邊漫步一邊覓食。行到海旁尾，聽見悅耳的歌聲，望著店內古典的火爐x 海景長廊，很心動🥰🥰於是我決定避開人群，走進這間隱世beach pub吃西餐🍽️ 兔年第一擊，盡情邪惡😝德國脆豬手⭐️⭐️⭐️⭐️⭐️皮脆肉嫩，超yummy另外叫了菠蘿海鮮pizza ⭐️⭐️⭐️⭐️主要是蝦x墨魚x cheese x pineapple ，味道不錯，餅皮亦夠脆🥰還試了BBQ sauce baby ribs ⭐️⭐️⭐️⭐️Ribs 烤得剛剛好，不過自己不太喜歡barbecue sauce的味道。但薯條很美味，外脆內，加返分👍🏻特別一提是五⭐️級服務🥰🥰，每個職員都很殷勤及有禮貌，服務費更沒有因為農曆年而加2☺ CP值⭐️⭐️⭐️⭐️⭐️…查看更多

跟朋友去西貢搵食👀唔揸車都唔會特登去到咁入既地方🤭整個場有三間餐廳～西餐～食下小食pizza飲下🥃～泰菜(好多人排隊)～最尾仲有得bb蕉😃地方都幾大下～天氣又焗又熱都係食小小野算🤭就你啦～～Beach Pub—————————————————🍹Beach Pub雞翼二重奏配燒烤汁二重奏共有兩款一邊係燒雞翼～味道正常無特別～另一款係中翼位置釀入芝士磨菇極度邪惡🤤🤤墨西哥脆餅脆餅口感剛好～中間夾住芝士磨菇？同埋肉？小編掛住食唔記得留意🤣🤣好味指數(7級最佳)▁ ▂ ▃ ▄ ▅ —————————————————☻非專業食評·純個人口味☻—————————————————📍總結:好食既～不過下次無咁熱先黎🤣其實坐室內都靚～不過室外望住個海好Feel小小🙂…查看更多

Great decor, value for money and great for the kids. Delicious steak, burger and club sandwich! All other food was fantastic.Great friendly service staff, polite with a smile.A new favourite place 👍😁After kids playing on the beach, other places next door quite arrogant. Pleasant totally opposite experience means this is the only day lace to go from now on……查看更多

就到聖誕節🎄經過見到好多聖誕飾物又播聖誕歌超有氣氛仲可以坐海邊隔離 望住個海好chill~我地二人叫左pizza and a pasta 🍝 超滿足 份量唔細我地都好欣賞佢地既食物！都幾好食Carbonara pasta好入味，味道好creamy 但又唔係「結」既欣賞 可以叫價錢大約$148另一個就係海鮮pizza時間岩岩好 唔會好燶材料豐富，有峴、octopus、帶子、蝦肉等好cheesy （都好邪惡）可以分到8件，對兩個人黎講真係好大😂…查看更多

今日放假，見天氣咁好，即興約埋個朋友仔去西貢行吓，漫無目的慢慢遊吓遊吓，遊到嚟呢間餐廳，嘩...地方好正好舒服，好有渡假feel， 二話不說即刻坐低飲返杯酒先，同朋友摸吓酒杯底傾吓計，吹吹海風聽吓海浪聲，睇吓啲狗仔係海灘跑呀跑，好得意，唔覺唔覺由天光吹水吹到天黑，但入黑後有啲凍，因為著唔夠衫，現在嘅天氣，真係要帶多件外套先得。靚姐姐又好人，埋嚟同我地傾吓計，又幫我地影靚靚相。今次淨係飲嘢，無食嘢，下次會試吓佢地嘅嘢食。…查看更多

去沙灘之前梗系要補充下能量先啦！哩度就在沙灘隔離，食完可以直接衝落沙灘，又可以一邊飲野一邊睇實小朋友玩，地理位置好有優勢！至於野食就麻麻喇，個pizza餅底燶到成底都系黑色，以為問下個服務員，點知佢夠膽死話佢哋d pizza全部都系咁🙄，但系燶曬我真系食唔落wor大佬🤣，既然佢咁答我都耐佢唔何，不過大家食pizza就小心喇😂。跟三文治個薯條係巨量，真系好多，食得好開心！杯fruit punch就好普通冇咩特色，68蚊一杯仲要加一個人覺得貴咗d。…查看更多

星期日，藍藍的天、綠悠悠的海🐳雖然天氣很炎熱☀️但無損今日心情🥰所以帶左媽媽去西貢海灣吧🍺今次第三次到訪 ，食物質素吾錯👍Order 左炸魚薯條、新鮮熱辣好趣口😋四重芝士厚批，芝士迷一定要試😋還有我最愛Virgin Colada🍹人生樂事🎉…查看更多

太太生日，肺炎肆虐，今年未能出國旅行慶祝。在上年今日我們到了加拿大，前年今日就在摩洛哥。本來今年今日也計劃到紐西蘭，靜心欣賞田園翠綠大地風光。可惜地，現時仍要困居香港，只好驅車到郊外走走，尋找紐西蘭替代品。安排好幾個目的地，都是香港西貢區之勝人美景。中途午膳，走進西貢市中心迴旋處旁的沙下路，知暸這兒有一間景觀絕妙的餐廳「海灣吧」，環境仿佛就如置身紐西蘭皇后鎮當中。平日午間蒞臨，一大片停車場任君停泊，沒人干預自由出入。進入餐廳菲籍侍者安排座於海邊座椅。選擇了兩款主食及兩杯飲品後，侍者識趣地不再打擾賓客，讓人靜心欣賞美景。宣傳單張寫道周五周六晚上，均有樂隊駐場表演，想必又另一番熱鬧景象，與平日安靜感覺完全相反吧。餐牌選擇不是太多，食物是大路款式。價格合理，主食$150，飲品每杯$50，人均$200左右。注意這是午市，不太肯定晚上是否相同餐牌。眼前景觀是靜謐湖色，遠處山巒起伏連綿不斷，海灣孤帆遠影，細賞廣闊無限大海，微風吹沸送來陣陣海洋清爽味道。金色尋回犬就在沙灘上來回奔跑撿回主人擲出的膠波，幾位外籍金髮學生穿著運動校服在老師帶領下清潔海灘，近岸划艇健兒提著狹長小艇拖回沙灘。大家游閒自適，無憂無束，與大自然同體生活。【西班牙海鮮飯】廚師技巧不錯。一道工序繁瑣的菜式，先以湯煲烹上蕃茄濃高湯，以另一煎鑊炒香香料，加入海鮮煎香，海鮮熟透盛起備用。相同煎鑊不要清洗，直接加入意大利米略炒，然後倒入高湯，份量剛剛蓋過米粒，不斷攪拌，直至米飯漲大熟透吸入湯汁盛起，碗上放回海鮮即成。米飯黏黏濕濕，完全吸入高湯，沒多餘水份，掌握準繩。我被大海吸引，沒有認真嚼清高湯材料，只肯定海鮮頗有誠意，帶子青口蝦球尺寸大及數量多。【辣肉薄餅】職業病作崇。薄餅一上檯，就翻看人家的餅底，是否來貨款式。以前自己曾聘用一個意大利籍餅底師傅，每天只是做一樣工作，就是壓制麵糰制作薄餅餅底，薪金高得令人發慌，但物有所值。他每次放假，找人替工，也做不回他的口感。最後經過多番問題，我決定不再聘用。除了收入不足支付薪金外，也因為食物質素完全決定於一人之手，經營餐廳是非常危險的。時好時壞，食物不穩定，會令賓客卻步。這裡餅底是急凍交貨款式，廚師自行舖上材料，灑上芝士碎片。入爐前似乎忘了要略噴水份，薄餅略乾，非常脆口，味道不錯。吃畢豐盛午餐，便趕往下一個景點：樟木頭。香港其實很美，只要你懂發掘。…查看更多

去西貢玩，想揾間chill d既餐廳，呢間真係算唔錯，對住個大沙灘，聽住海浪聲食飯，比起西貢市中心入面既餐廳，呢間真係好舒服。總共叫左三樣野食，首先個海灣三明治($168)，份量都幾多，三明治麵包烘到幾脆，入面d料夾得幾好，連埋d醬好juicy，推介!西班牙海鮮飯($198) ，唔算係好正宗既西班牙海鮮飯，反而覺得似係海鮮意大利飯，不過味道都算係唔錯，上面d海鮮都好新鮮，幾好味。最後呢個海鮮pizza($148)真係好伏，好難食，見到張相以為好食啦，點知係凍嫁，應該話係冰。Pizza其實溫度真係最重要，因為每個人都食左既關係就無同職員反映。個Pizza感覺係解左凍，然後無焗過，d魷魚直情感覺好生，唔知係廚房唔記得整翻熱定呢個真係凍食，真係唔識得欣賞，對呢個pizza極之失望。呢間餐廳環境好舒服，本身真係幾好評，真係個pizza累事。…查看更多

今日經過 大網仔路 搵地方食飯 跟住見到海灣吧 就停低食個晚餐 泊車非常方便 餐廳就在停車場旁邊。兩個人就叫咗鹹豬手 一個意大利薄餅 因為我要揸車 只係飲咗兩啖啤酒個德國鹹豬手非常香脆 內軟外脆 味道也不太鹹 味道非常好 上枱時熱辣辣 至於個意大利薄餅 味道質素也非常好 上枱時也是熱辣辣👍👍👍👍是星期三晚上 客人不是太多 空氣非常清新 附近亦都冇人食煙 晚餐食得非常舒服 亦都幾好坐👍👍👍大家不妨一試👍👍更加重要就係泊車非常方便 停車場行去餐廳都唔使20秒👍👍…查看更多

朋友特登車我地入黎，環境幾好，有沙灘，見到啲狗狗喺度玩沙，又有人玩風帆，天氣都好好，一路嘆住野食一路睇風景都真係唔錯，不過野食麻麻，一般野，選擇唔多，夜晚應該有live band，傾計係幾好既😁😁…查看更多