海潮食堂

营业中

休息中

奶茶好好飲成日都心思思想去食餃子一定要食🥺今日試左手撕雞咸牛肉撈面真係好yum yum 😋 😋店面有啲難搵，因為佢冇招牌但係每次去到都要好急落單，所以諗定先好入去🤣🤣🤣🤣🤣🤣🤣🤣入面有好多款都好味，樣樣都想試，午餐同下午茶都好抵食，有需要可以聽吓店員介紹佢哋啲招牌，食過魔鬼奶油多士真係好好味，但係通常一個人就食唔到咁多啦😢😢😢😢😢😢😢😢要搵多啲人一齊食不過就係坐得迫夾啲，店員都好親切有趣

話說今朝去九龍灣某某車房狗頭閘侍候之前去整返一餐解慰酒，好似喺某大行某股票分析師咁一路人肉自我Back Office分析應該去邊一間至好，最後決定去呢間驚天地、泣鬼神茶記門口完全冇招牌，仲寫住只招待該工業大廈人士進入，我心諗我今日成套貨車司機look, 應該唔會被懷疑, 心哼住<誓要去,入刀山> , 最終成功入閘入到去，以為自己係C朗重返奥脱福，10分殷勤，全體員工好像向我歡呼一樣，嗰刻我真係好想同佢講 「I am Home ]坐低之後，不斷有幾個工作人員向我介紹呢樣介紹果樣，如果大家想體驗米知蓮三星級服務質素的話依間絕對係你首選、入正題- 凍啡樂簡單來講即係齋啡加可樂，一向唔飲咖啡嘅我冒着胃痛風險去試一試，一試馬上愛上，咖啡味濃郁加上可樂獨特的味道十分之夾，「正」- 五香肉丁配蔥油雞撈麻辣通粉加特大魚片第一分量十足，第二視覺享受一流，第三通粉AL Dente , 第四 太多不同的材料不會產生怪味，反而各有特色，互相評衡，麻辣也不會過辣，剛剛好- 魔鬼薄多士金毛老闆吹吹下水問我是否附近街坊，我突然間好想引用男兒當入樽仙道上身答「我是跑過來的」，但我諗吓好似身形與說法不相

舊同事介紹海潮食堂俾我，第一次我足足喺成業街來回左幾次都搵唔到。明查暗訪原來毫不起眼的一度木門後，就係觀塘區美食所在地。每次嚟到，無論你係散客定熟客，只要老細喺度佢都會熱情招待。諗唔到食乜佢會幫你推介，再加上無限嘅吹水，講真細個跟老竇去工廠大廈食飯先會有呢種感覺，而家香港仲邊度搵到咁有人情味嘅地方呢講返食物，每次嚟到必食蔥花蛋治，蔥花蛋煎到熱辣辣，蛋芯依然係軟林林，再夾起兩塊脆卜卜嘅多士中間。口感好豐富，外脆內滑就係咁解。我係蔥怪，最鍾意多重，蔥花蛋毫不吝嗇嘅蔥花，簡直係我嘅恩物。自製麻辣湯底都係呢度嘅招牌菜，麻香味十足，辣得過癮。仲有就係凍啡樂都係每次必嗌，原因有次唔知飲乜好，老細推薦呢杯不可錯過。真係好飲喎！齋啡同可樂係咖啡因狀咖啡因，竟然出奇地配搭，可樂填補左齋啡嘅澀味；齋啡亦都令到可樂嘅甜膩平衡返。之後每次返嚟都一定要再飲，而家市面上都出咗啲罐裝咖啡溝可樂，但係點樣都唔夠海潮呢一杯好飲。

繼續觀塘上課中午就選了上課地點附近的海潮食堂🍴魔鬼奶油多真係好似魔鬼咁邪惡！一邊係阿華田粉一邊係煉奶多士中間仲有薄薄的牛油整體黎講依個配搭幾好唔算好甜不過阿華田粉有少少潮左痴住左隻碟🍴魔鬼菜心依個唔算太魔鬼就係菜心加左幾舊燒肉老細不斷推薦所以嗌左但我覺得非常一般寧願就咁嗌碟菜🍴蒜蓉餃子（唔知點解張相唔見左🥺）餃子有肉汁入面韭菜味好香個蒜蓉辣椒醬辣得黎滿滿蒜蓉味同餃子一齊食非常好味🍴牛腩蝦條煎米粉米粉煎得不算香脆蝦條無佢存在既意義蘿蔔牛腩偏鹹這道我吃了一口已經不想再吃成間鋪頭既野係幾創新既但創新得黎除左個多士同餃子還好之外其他就整得唔太好味啦

好多人以為工廠區就一定冇咩好嘢食，但係其實觀塘你工廠大廈入邊都仲有好多美食！睇到有人介紹就手咗過嚟試吓呢間隱世茶記～　呢都幾出名，有機會要排隊，如果唔想排隊又喺附近返工不妨可以考慮吓外賣蔥花蛋治烘底脆脆地嘅多士夾住嫩滑嘅炒蛋，仲有超香嘅蔥唔味，蒽控一定要試吓。呢個因為食得太匆忙所以冇影相牛腩蝦條煎米粉呢樣都係另一款好多人都會叫嘅嘢不過自己就覺得比較油膩但係呢度嘅牛腩好入味同埋炆得好淋重口味嘅朋友一定鍾意❤️

今日同個女到觀塘做身份證，上網睇觀塘有咩必食，結果揀試海潮，叫左蛋蔥多士唔熱唔脆（普通），牛腩煎米粉（牛腩好咸）,落單時話比份菜我，我以為係新菜式比份我試，點知$38，早知一碟菜加幾舊燒腩要$38，寧願要十幾蚊一碟既菜仲好味，我諗成餐支氣水最滿意

🌟蔥花蛋治 $27好有心機既蛋治, 麵包烘到金黃色, 非常脆,一邊夾住厚厚既滑蛋,一邊塗左半溶既牛油, 口感特別豐富。而滑蛋加埋蔥花炒得又香又滑,確實係海潮既鎮店之寶！🌟超薄奶油多 $13又薄又脆既多士,加埋煉奶,砂糖同阿華田粉,簡直太邪惡啦！

女朋友好鐘意食蔥，所以不時搵下D好多蔥既菜色帶佢去試下~今次呢間係觀塘既茶餐廳，佢地出名蔥花蛋多士，專登同女朋友來試下我地叫左蔥花蛋多士同凍檸樂🥤~🥪蔥花蛋多士多士酥脆，入面既炒蛋真係好多蔥！多士仲有厚厚牛油🧈一啖有齊牛油香、蛋香同蔥既香味；而且半熟既蔥令炒滑蛋增加口感！無諗過加左蔥既炒蛋多士原來係咁好食！女朋友食得好滋味！我都睇到好滿足～🥰餐廳仲有煎米粉好出名，不過我地食完lunch過來tea，食唔落個米粉了，可以留返下次！

行開觀塘，又突然想試食茶記，openrice一下見到呢間好多like既茶餐廳，仲有好多人推薦既蔥花蛋治烘底，超鐘意食蔥既我緊係要試下🥰我3pm到去到，唔洗等位~個職員見我有選擇困難，好熱心推介左D食點比我~我就照嗌左個幾樣試試佢！🥚蔥花蛋治烘底一共有3件多士，每1件係一層多士＞牛油>多士>蔥花炒蛋>多士蔥花炒蛋真係有好多蔥係入面，一啖咬落去，多士酥脆，炒蛋嫩滑，蔥花香口，加埋陣陣牛油香~鐘意蔥既朋友唔好錯過！🐮牛腩蝦條煎米粉炒米炒就食得多，煎米炒就真係小食，所以就叫左來試下~牛腩係炆左既，仲有我愛食既牛筋，好入味！面頭仲有特製辣椒油同蒜泥！蝦條係蝦春捲，炸到外脆入面又彈牙～煎米粉係沾左蛋漿後拎去煎，所以有陣陣蛋香呼，不過有D油>＜呢個組合食就好漏同好食～🍡炸燒賣燒賣炸左外脆裡面軟糯，佢上面落左椒鹽再加埋辣椒油，別有一番風味！呢間茶餐廳推薦比鐘意重口味（又蔥又蒜)既朋友仔～

海潮食堂📍：觀塘成業街19-21 號成業工業大廈地下G6 號舖🚗：觀塘地鐵B2出口 步行5分鐘📞：+852 2343-9160💲：~HKD50/head for lunchFood quality✔️：葱花蛋治烘底、手撕雞麻辣五香肉丁撈通粉👌🏼：魔鬼奶油多總結：👍🏼呢一間係極出名嘅食堂 唔想排隊 建議外賣 過咗十幾廿分鐘食物質素都保持到👍🏼嗰撈通粉比我想像中好食 凍凍哋適合夏天呢個時節食 而且佢嘅麻辣唔係太過份 但對於啲嗜辣如歡嘅朋友可能覺得唔夠味🤣 都唔啱鍾意熱食或者想食獲氣嘅朋友👍🏼葱花蛋嘅葱味好明顯 而且夠厚 食落去蛋葱香味濃厚 麻麻地葱嘅朋友都唔建議👍🏼性價比好高 三樣嘢兩個人share都係除開每人50蚊就食得好飽 🤪👍🏼說實話啲嘢唔係話特別好食 但極度對得住嗰價錢 而且味道又好 但如果係抱好大期望嚟食嘅人會較易失望👎🏼叫得魔鬼奶油多係預咗塊牛油好厚 但可惜唔係 好失望🥺 但都係好食嘅

- 海潮食堂🍽-🥢葱花蛋治烘底 $27呢個世界級正😍冇食過呢個既唔可以話自己去過海潮😂爆多葱花加埋個炒蛋煎到勁香😋烘到卜卜脆既麵包簡直絕配👍如果小編係觀塘反工會想日日買早餐😂-🥢牛腩蝦條煎米粉 $53呢個都係世界級正必食😍牛腩炆到好入味又林加上秘制醬汁同大量蒜蓉係完全提升左個層次🤣煎米粉好特別佢係加左蛋漿落米粉度一齊剪所以外脆內軟😋加埋個牛腩汁真係食到停唔到口😋-🥢蒜蓉餃子餃子勁大隻一碟有6隻🥟😍重點就係個蒜蓉辣油😋基本上所有食物加左佢個秘製蒜蓉醬都會好好食🤣-🥤咖啡可樂第一次飲咖啡可樂個味幾特別一開始飲到咖啡味但吞個陣係可樂味😂-🥤凍咸檸西柚呢個secret menu咁餐牌冇😂但可以自己叫咸檸乜😂咸檸西柚好夾夏天飲又gur又開胃😉

早兩日下午4點去左海潮潮聖，柯打左一份蔥花蛋治同魔鬼薄脆，老公就叫左個特餐。招牌菜果然招牌，蔥蛋好厚，個包好脆，的確好味道！個魔鬼薄脆又係好好食，華田加煉奶同少少牛油，好邪惡！——————————————有讚有彈，特餐叫左個沙嗲牛肉麵，塊牛肉好似腐屍咁，入口溶曬.... 應該係鬆肉粉過度....——————————————老闆好熱心，不錯👍🏼

📍海潮食堂 (觀塘)觀塘成業街19-21 號成業工業大廈地下G6 號舖手撕雞五香肉丁麻辣撈通粉$53響Instagram見到成日有人介紹，個個講到好似係觀塘名物，隱世餐廳。咁啱今日經開觀塘，就走左去試吓。一坐低就叫手撕雞五香肉丁麻辣撈通粉，之前睇相好似幾好食咁……..個撈通粉嚟到，雞嘅份量比想像中多，賣相同睇相嘅差唔多，但啲通粉係凍，我仲以為會炒同有鑊氣…….如果純粹幾樣野撈埋一齊，味道大家都應該估到…..味道非常普通，絶非講到真係咁特別🤣

✨觀塘名物⁉️呢間係觀塘好出名嘅茶餐廳［海潮食堂］,大家去咗打卡未😆？佢哋鋪頭細細都有幾個好出名嘅名物,大家搵呢間鋪時要細心搵佢地既門口,好易錯過😆‼️.💬蔥花蛋治烘底 🥪$27呢個名物,真心茶餐廳黎講真係要俾個讚！雖然蔥花蛋唔係啲咩特別嘢,但係整得好食係有原因！首先即叫即做熱辣辣,蔥花蛋份量足仲要多蔥唔會輸💯,重點係佢既烘底既包,外層既包烘得脆口,內層既包比較軟,中間仲要搽有牛油,整體有口感仲要味道ok🥳！推薦✅❗️.💬魔鬼奶油多 🥪$27呢個名物,好邪惡！一邊落咗好多阿華田粉、一邊落咗好多煉奶😋！個烘底中間仲要有厚厚既牛油🧈！真係高卡路里名物😂！不過鍾意食甜既我當然會心心眼唔會放過😂！整體黎講覺得雖然呢個無蔥花蛋治咁有驚喜,但係都好好食！..📍 海潮食堂 (觀塘)觀塘成業街19-21 號成業工業大廈地下G6 號舖..

我地係星期六大約兩三點嚟到，估唔到都有4/5個人排緊隊心諗可能真係幾好食掛～好彩等咗十分鐘左右就入得我地叫咗蔥花蛋治烘底同魔鬼奶油多，跟住侍應就推介我地飲咸檸檬西柚汁同凍啡樂我心諗都差唔多夠飽，侍應再推介椒鹽燒賣，聽落幾吸引，咁就要埋啦蔥花蛋治烘底：塊麵包勁脆！我麻麻地食蔥，見到咁多蔥都嚇一嚇，不過見咁多人食又想試下係咪真係咁好食點知真係幾正，成個配搭好簡單但好好味！魔鬼奶油多：呢個塊麵包都係好脆，中間仲有塊牛油，左邊煉奶，右邊阿華田粉，成件事勁邪惡！超好味，我地覺得好味過蔥花蛋治（雖然好似冇得咁比較）椒鹽燒賣：新鮮滾熱辣，一放入口熱死我炸得好正，椒鹽粉唔算多，反而有啲辣椒油幾正總括嚟講嘢食都好味，雖然都係簡單嘅材料，但要整得好味都唔容易服務都唔錯，環境就比較逼，不過喺小店食嘢就預咗一定會再嚟食嘢