海港酒家

今早（星期日）饮早茶，叫咗一个孖宝（$37+3）山竹牛肉及凤爪排骨饭，点心并盘（$36+3）虾饺烧卖粉果流心包各两件，炸云吞（$27.3），茶位$11/@。算抵食。跟住去柜台排队付款时，听到收银职员主动问前面果个哥哥有冇泊车，跟住到我付款时，职员冇主动问我，我就问收银员系咪有发票泊车，佢话咁早冇㖞，你用返自己张单泊啦，我明白唔系一定有，但⋯你问咗咗前面果个客，一系你就唔好俾我听到你问，我以后都唔会再去依间食。…查看更多

今次同家人嚟食晚饭，点咗海鲜拼盘，阿拉斯加长脚蟹新鲜饱满，蒸熟后肉质弹牙鲜甜，啖啖都停唔到口。主菜选椒盐濑尿虾，外脆内嫩，辣咸惹味，配埋清蒸东星斑，鱼肉细滑入味，汤汁清甜。汤品如蟹钳汤，蟹肉浓郁暖胃。饮品选凉茶，解腻一流。整体食物新鲜地道，份量足够四人分享，食完身心满足，系晚饭好选择。不过，负评系价钱偏贵，一人晚市约$300-500，海鲜单点过千蚊，性价比一般，尤其无优惠时略贵。菜式选择虽多但变化唔大，重覆食易闷。高峰期座位挤迫，虽然环境热闹但人声鼎沸，影响轻松感。长脚蟹虽好食，但有时过熟，肉质稍韧。…查看更多

上汤焗澳洲龙虾伊面龙虾爆膏！伊面吸尽精华犭鸿运烧味拼盘烧鹅油香四溢，叉烧半肥瘦一品脆皮酱烧鸡鸡皮脆卜卜，蜜糖酱汁好惹味‘蝎皇六头鲍鱼扣花菇鲍鱼厚身弹牙，花菇吸晒蚝油精华清蒸蝴蝶沙巴龙趸斑鱼肉嫩滑似蒜瓣，蒸得刚刚好①竹笙海皇烩鱼翅汤底金黄浓郁，翅针分明好足料百花炸酿蟹钳外脆内弹牙，虾胶鲜味十足悉翡翠花枝炒珊瑚蚌镬气够，珊瑚蚌爽脆过瘾伞欢乐大蟠桃（十二只）寿桃松软莲蓉香，贺寿必备曲追加嘅全体乳猪•系全晚焦点，皮脆到”咔嚓"声，肉质嫩滑多汁…查看更多

之前去左食围餐，大件夹抵食，我地10个大人加小朋友食，个个都食得好饱，因为份量都好足，我地食左龙虾伊面，饱鱼西兰花，乳猪仔，仲有寿包，不能尽录，味道真系好吾错，大人细路都食吾停口，好啱家庭聚会，吾洗左拣右拣食d咩…查看更多

今日有个长者生日， 所以选咗嚟食中餐， 而家呢个时间最多人食阿拉斯加长脚蟹， 于是点咗一个呢啲套餐， 都几抵。 另外再加咗羊腩煲及龙虾伊面。环境就真系一般般，劲逼。个乳猪脆卜卜都几好食，唔太肥仲跟少少肉。 :)阿拉斯加长脚蟹：都几大只，几新鲜， 啖啖肉实实地咁，几鲜甜。 啲膏都几香滑。不过之前我去另一间食，会帮你用一个碗倒晒啲膏出嚟，然之后俾你点蟹肉食。 可能实在太忙啲店员都唔得闲应你。羊腩煲：味道OK，不过啲肉实在太韧，好难咬，未够腍。龙虾伊面：龙虾都几爽蛋，感觉几新鲜。其他嘅𩠌菜，整体唔错。上菜亦都好快。𠮶 竹笙海皇会生翅，就真系麻麻哋⋯⋯另外寿包一半系莲蓉，一半系奶黄。我都系觉得莲蓉好食啲。…查看更多