海港酒家

今次去左旺角维景酒店1楼嘅海港酒家！今次特登去试佢嘅招牌长脚蟹，正值当造，蟹肉新鲜肥美，肉质结实又滑嫩，啖啖都充满海鲜嘅鲜甜，令人回味无穷！🍴🥢 另外，另一大名物叉烧更加出色，皮脆得恰到好处，肉嫩多汁，酱汁浓郁甘香，简直系完美组合。餐牌选择多元化，有海鲜、烧味同传统中菜，长脚蟹价钱大约$200斤，对于咁高质素嘅出品，性价比真系相当吸引。环境方面，空间宽敞舒适，枱椅间距够大，冷气凉快得体，适合一家大细聚餐。虽然人流多，但秩序井然，气氛热闹又唔乱。唯一建议系最好book位，尤其系食蟹高峰期，免得要等位影响心情,仲有记得记得记得早d 去到拣蟹, 唔系既话会得返d 细既蟹。整体嚟讲，海港酒家嘅食物质素同环境都令人满意，长脚蟹同叉烧尤其推荐，系爱好中菜嘅朋友唔容错过嘅选择！下次同朋友一齐嚟食饭！⭐️⭐️⭐️⭐️⭐️🎉…查看更多

每年旧老板生日都会一聚，通常老板喜欢食中菜，过往多数拣尖沙咀区，但都偏贵，所以今次首次选长脚蟹为主，所以拣太子呢间酒家。8个人食，拣咗只5斤重的长脚蟹，清蒸最能够食到鲜味，剪开每只脚，啖啖肉👍，因为个个用手剪开食，无人影相😂，睇唔到几大条蟹肉！带子珊瑚蚌炒西兰花，带子新鲜有口感，珊瑚蚌爽口，略嫌西兰花少咗d, 味道适中，好味😋唔记得叫咩咩炒豆腐，卖相&味都唔错😂金银蛋苋菜，咸度适中，份量足够👍明炉烧鹅，鹅比较肥咗少少，唔够热力，应该加多粒蜡烛会比较好！味道偏咸咗少少！之前食过好食d!唔记得咩鱼两食（贵价鱼）,感觉一般蒸的，粉丝吸收晒鲜鱼的鲜味，呢个唔错，因我钟意食鱼皮😁菠萝生炒骨，甜酸味适中，脆口好味👍老板生日的寿桃，好大个的有两款味，奶皇及莲蓉，正👍赠送甜品，杨枝甘露糯米糍，好好味👍整体大部分都好满意，食长脚蟹都系比较钟意食呢间酒家，但因楼底矮，比较嘈少少，唔介意ok的！…查看更多

屋企人生日去食生日饭，平日去都爆场，冇book位，好彩唔洗等太耐😅叫左好几道菜。不过太饿，只记得影其中两道😂龙虾伊面好食，龙虾肉好爽口。虾球大大粒，甜甜脆脆咁好食💕仲叫左蛏子王，一样好味😋鲜甜又弹牙👍🏻…查看更多

同俩老行到倦,老豆提意到太子维景酒店上面间 海港酒家,唔讲我都机乎唔记左佢1730到酒楼, 人流未算多, 但都已有几台食紧海鲜见餐牌有 维景笋盘A,B,C餐, 都好吸引, 因想食烧鹅, 最终选了C餐 加2个迷你冬瓜盅($38/位)烧鹅肥美, 肉质松软, 不错蛏子估唔到都几大只,大量粉丝、蒜蓉, 蒸得刚刚好,爽口新鲜, 唔韧夏天消暑必食 迷你冬瓜盅细细个容易食,汤不多, 但瓜肉厚, 每个都有一只小虾,一薄片带子,一粒莲子,一小粒蟹柳, 清清的, 应该没味精总体不错, 这个价钱有海鲜及烧鹅, 抵食7点已全场满座, 想食要早…查看更多

今晚同一大班亲戚食饭，有人由国外返嚟，有人过生日。嗌咗经典粤菜套餐，加啲散点嘅𩠌，虽然唔系咩新菜式，但都系真材实料，厨艺亦不俗，发挥到应有水准，系几时食都觉得熟悉又好味嘅港式粤菜嚟。明炉烧鹅、清蒸海斑、龙虾伊面、鱼翅海鲜羹、鹅掌鲍鱼扒菜蔬、菠萝咕噜肉、瑶柱蛋白炒饭......无论系本地外地亲戚，个个食到舐舐脷，有啲仲要手机抢住食先。碟碟色香味俱全，且份量十足，实在食唔落嘅，一于同部长买几个饭盒打包拎走，唔好嘥嘛。咁平靓正嘅酒楼，唔怪得争啲book唔到位，成晚座无虚席啦！…查看更多