海港薈

蟹王薯爺收到風，利舞臺22樓最近新開咗間中菜廳「海港薈」主推阿拉斯加長腳蟹，週三雀局終於斷咗其六連敗嘅戰績，週四晚即相約肥肥家族去拆蟹慶祝！佔用面積全層嘅餐店以雲石裝潢嘅門面好有氣勢！接待處旁大大個魚缸啲水好清，展出多款游水海鮮，實在吸睛！用餐大堂樓底唔算矮，間隔開揚，舖上厚厚嘅地毯有助吸音。據悉，店內另有三間廂房，分別最多可容納上八人、十四人及十八人，對應嘅晚市最低消費為五千蚊、八千蚊及萬五蚊，其中唯一設有私人廁所嗰間十四人房就最多人訂。每位席上都擺有齊備嘅自用及公用餐具。網上已有人上載厚本餐牌，其首頁先道出店子「金齏玉饌」嘅理念。最後一頁列明茗茶$18/位及其他雜項收費詳情。開瓶費$100/枝，實屬良心價，不過新張期間暫免開瓶費，酒鬼們有福啦！如相所示，經理Roy哥哥架生齊備，開酒斟酒都絕不馬虎。場內嘅貴客大多選食原隻阿拉斯加長腳蟹，另加孖寶海鮮。人數唔夠多去拆一隻蟹，所以就選擇咗唔洗自己郁手嘅「長腳蟹の盛一人前」套餐，$498/位。服務生不忘告知此套餐於推廣期間買三送一，更表明歡迎五口子叫四客黎分，所以就另加咗兩款散點項目。金磚滑豆腐（$98）：豆腐粒當真如餸名般呈金磚狀，食落外層香脆心嫩滑，微辣惹味，送酒一流！金蠔法國鵪鶉生菜包（$298/四隻）：薯爺大讚半乾濕嘅金蠔飽滿肥厚，濃甜軟嫩，不過如果可以熱啲就更加理想。長腳蟹の盛一人前（$498/位）之長腳蟹肴肉：套餐第一道頭盤勁似「鎮江餚肉」，只係豬肉部份變咗做長腳蟹肉及蟹膏。兩件半晶瑩嘅點心清涼輕巧，連埋頂面細細粒嘅甜醋波波食，酸甜嘅調味於口中滲入蟹肉啫喱度，效果醒神又醒胃。長腳蟹の盛一人前（$498/位）之蟹肉文思豆腐羮：豆腐羮個湯底好清香，蟹肉鮮甜易入口，切成幼絲嘅豆腐亦細嫩順滑，一人一碗羮都唔溜，份量恰到好處。長腳蟹の盛一人前（$498/位）之蔥油煎焗蟹腿：兩件半煎炸嘅蟹腳肉厚身得黎外皮香脆唔油膩，蟹肉極之軟滑，黏上碟上翠綠嘅蔥油及點綴嘅魚子醬即倍添芳香及鮮濃，個人覺得係套餐中最正嘅一味！長腳蟹の盛一人前（$498/位）之京燒蟹肉和牛：一口一件嘅和牛鬆潤多汁，又唔會太肥，撈入蟹肉碎令惹味嘅菜式多咗份鮮甜，海陸組口毫無衝突，簡單味佳。長腳蟹の盛一人前（$498/位）之蟹肉炒長旺配蒸雲腿龍𧄌球：兩件龍𧄌球皮潤肉軟嫩，雲腿竟然超甜冇咸味，長輩欣賞廚師選配桂花粉絲夠清爽。長腳蟹の盛一人前（$498/位）之蟹籽蟹肉炒絲苗：炒得夠乾身嘅黃金炒飯鬆香有彈性，混入新鮮蟹肉尤其鮮香。長腳蟹の盛一人前（$498/位）之流心楊枝甘露布甸：成餐飯最差嗰味係不含蟹肉嘅布甸，唔睇餐牌仲以為自己食緊有芒果味嘅蛋白咁，好膠囉！長腳蟹の盛一人前（$498/位）之燕麥紫心番薯：好彩微甜嘅紫薯粒軟糯暖胃，芳香淡雅，輕盈可口。銅鑼灣新店「海港薈」環境光猛開揚，服務生好客有耐性，新張期間免開瓶費之餘仲有其他優惠，性價比都好高！家人已決定下次黎要叫原隻阿拉斯加長腳蟹自己拆，務求可嚐到靚蟹最鮮甜嘅原汁原味！…查看更多

一家人食飯，雞油蒸長腳蟹5點幾重不過不失，嗌咗兩個點心蝦餃同鳳爪燒腩仔燒鵝上湯菜都好食架！最敗筆係蟹膏黑松露炒伊麵，難食到飛起，食一啖之後個口腔充斥苦澀味，飲茶都解唔到！本身黑松露炒伊麵，黑松露有浸汽油味係黑松露嘅特色，完全可以接受先會嗌，點知食落去又澀又苦，完全入唔到口，個個試咗一啖就食唔到，個蟹膏又苦又澀，經理定部長話問過廚房係咁嘅味道。…查看更多

我哋四個人去呢間喺利舞臺嘅海港薈，好似話新開冇耐，特登去試吓，環境十分舒適，服務幾好，店員仲特登過嚟分享點樣食雙皇面，之前以為開喺利舞臺價錢會好貴，但又唔係喎我覺得性價比好高！食物質素又好！可能因為係海港集團作風。 海港由細食到大，都保持到呢種風格同質素真係好難得！ 之前都係第二間海港薈都食過好多次小菜同其他海鮮， 上次喺北京道1號嗰間食嗰個黑毛豬叉燒都好正，依度仲upgrade咗變煙燻黑毛豬叉燒，下次call 齊屋企人過嚟試吓佢！仲要試埋長腳蟹同龍蝦！諗起都開心！…查看更多

今晚一班舊同事聚餐，有人推介去銅鑼灣的海港薈，因為她上星期去過食長腳蟹，稱讚非常抵食。今晚是星期六，長腳蟹優惠價$198/斤，比她上星期還平了$52/斤。我們一行7人，選了一隻5.2斤的長腳蟹，上枱時非常震撼。 我們另外叫了幾款小菜和一款小吃，但是蟹都吃完很久才到，連不用再加工的酒糟鴨舌都要等很久。其實，之前看過其他人的食評，都有講這裏除了上蟹最快，其他菜都要等很久。本以為是個别情況，但今晚實測真是如此。 雖然要等很久，但餸菜的味道又真是不錯。我們要求將蟹膏拿去炆伊麵，怎知㕑師攪錯了，把蟹膏拿去做了炒飯。送來時，我們說不是我們的，我們是叫伊麵，但重覆再來了兩次都是炒飯，我們就明白應該是他們已沒有多一份蟹膏去炆伊麵了，於是就接受了個炒飯。女部長知道是他們攪錯了，便說送份甜品給我們作補償。原來甜品是桂花紅豆糕，雖然是送的，但一點也不馬虎，賣相好，味道也好。 雖然這裏上菜比較慢，但員工的服務態度都幾好，食得都好舒服暢快。…查看更多

今日一行五人專登去銅鑼灣利舞臺新港薈食帝王蟹，見佢新分店，而且係集團式經營，明碼實價，點知都係失望。一心去食帝王蟹，第一時間梗係揀隻靚蟹先，我哋又想食龍蝦，經理就介紹咗一個套餐，龍蝦+海魚一條，我哋見都係自己喺魚缸揀龍蝦同游水魚，值得一試。我哋揀咗一隻西澳龍蝦，跟住再揀一條靚魚，揀嘅時候專登講明唔要畸形歪嘴同怪身嘅魚，最終自己揀咗一條靚仔白身嘅老鼠斑。第一道菜花雕蒸帝王蟹，完全冇投訴，第二道菜上蟹膏炒伊麵都冇問題。跟住再上龍蝦加條老鼠斑，經理幫我哋開條魚，開完佢都講咗一句條魚骨彎咗嘅，我哋試咗龍蝦先，還可以啦。一食條魚驚喜就嚟啦，一條白身魚開出嚟已經見到有啲啡色，夾上嚟食啲肉質死實、冇味，根本唔似我哋揀嗰條魚，真係奇怪？俾啲咁嘅嘢客人食，真係冇晒信心。我哋本着留港消費，可惜又係失望！我哋反影咗俾經理聽，最終取消咗條魚錢。我哋見到個廚房總廚係度，好想話俾佢知，睇實廚房，唔好俾佢哋亂咁嚟啦😤…查看更多

利舞臺頂層的海港薈新開業兩個月，裝修雅致寬敞，環境舒適，侍應服務亦十分貼心，整體用餐體驗相當令人滿意。這次點了招牌的阿拉斯加長腳蟹(三食)， $1200的長腳蟹大得誇張！分三種吃法：15年花雕雞油蒸長腳蟹身、燒汁煎焗蟹腳、法國黑松露蟹膏燴伊麵。蟹身蒸得極為鮮嫩，花雕雞油香氣十足，蟹肉啖啖鮮甜多汁，而且廚房細心預先將蟹腳開邊，省去吃蟹時開殼的麻煩，讓食客可以輕鬆享用。煎焗蟹腳燒汁味道濃郁，火候恰到好處，每隻蟹腳都是肉嫩飽滿。最後的蟹膏燴伊麵香氣迷人，帶出蟹膏的濃郁鮮味，風味十足，完美收尾這道海鮮盛宴。另一道金蠔法國鵪鶉生菜包，以金箔點綴，看得出擺盤的用心及氣派。鮮味十足的金蠔配上嫩滑的鵪鶉肉，包裹在爽脆生菜中，口感層次豐富，令人回味。黃金鵝肝素鵝也是招牌之一，鵝肝的香濃和鵝肉的嫩滑形成完美組合，濃郁不膩，為味蕾帶來極致享受。酥蔥鮑魚質地彈牙，配合蔥香，口感絕配。一道必點的煙燻黑毛豬叉燒更是令人印象深刻，煙燻味十分濃郁，香氣撲鼻，甚至在用餐結束後許久仍能感受到那份獨特香味，叉燒肉質鮮嫩，肥瘦相間，極具層次，堪稱這餐的亮點。此外，我們還點了百香肉浦團，酸甜開胃，極具特色；海港薈燒鵝皇皮脆肉嫩，是地道港式味道；原盅雞燉海螺紐西蘭花膠公、原盅雞燉翅湯水濃而不膩，湯底鮮甜，花膠軟滑，養生又滋補。餐廳服務態度非常好，員工十分細心周到。從坐下點餐到上菜期間，店員不時關心用餐狀況，反應迅速。總括而言，海港薈利舞臺店以其優秀的食材質素、精緻的烹調手法和貼心的服務，營造出高水準的海鮮中餐體驗。…查看更多

有足夠服務員服務，態度佳，長腳蟹的質素很好，很新鮮價錢剛好做優惠，很合理，我們四個人食都食唔哂，推薦👍👍👍👍，其他陳皮蒸鮑魚也好好味，最後的蟹膏炒飯有驚喜！要試！…查看更多

本人同好多朋友都喜歡吃原隻清蒸活長腳蟹，所以一直期待銅鑼灣會開設海港集團的餐廳，剛剛新開業海港薈，已經急不及待去試試，環境寛躺舒適，各式各款活海鮮應有盡有，加上上菜很有儀式感，請客食飯大方得體。必食原隻清蒸阿拉斯加長腳蟹，上枱時很震撼，拍照時，餐廳會安排打燈，非常專業有Heart ，當品嚐長腳蟹時，端上紅醋我要求改為黑醋及詢問蟹膏問題，即時介紹一個新吃法，啖啖有質感蟹肉配上矜貴魚子醬，令我非常驚喜更覺完美，後來發現原來這裡的主理人大有來頭，是入行經驗豐富20多年的行政總廚謝江生師傅，我實在感到榮幸！小吃方面，椒鹽鮑魚仔很不錯，一口鮑魚椒鹽沒有蓋過鮑魚鮮味，非常欣賞金沙南瓜，當吃到太飽的時唔想再增添肉類，金沙南瓜一定是一個不錯選擇，鹹蛋黃美味甘香，外脆內軟，非常匹配上紅白酒。有高要求的行政總廚坐陣，相信銅鑼灣海港薈一定越做越好，能夠滿足大家口味。…查看更多

當晚由於有同行友人對蟹敏感..所以已經點咗叉燒、咕嚕肉同青菜…1817落單一隻蟹加炒飯1819落埋其他菜向落單嘅員工講咗可以全部一齊上…結果隻蟹好快就烚完上枱..1900除咗一位食唔到，大家已經食蟹食到一大半….再向職員催促其他菜式..1920再催…. 同枱由1810入座到1920都係望住我哋食蟹… 1925同職員講可以埋單唔使嚟啦，諗住要出出邊餐廳嗱嗱聲買番啲嘢食比枱友人..經理同我哋講而家喺個鑊度炒緊呀..1930咕嚕肉炒飯同青菜終於出現..附近幾台啲蟹或者蟹套餐跟次序嘅全部好快出晒….呢間海港薈同其他好唔同，除咗蟹乜嘢都出唔到…唔會再幫襯寧願去第二間，起碼除咗食蟹都食到其他菜式。…查看更多

今日原本係OpenRice訂咗位去尖沙咀食pizza，點知可惜又打風，又狂風驟雨😩被迫取消😩改咗去銅鑼灣舞臺22樓新開嘅酒樓星海薈食午餐😀喺門口就已經感覺到，酒樓環境，舒適寬👍敞光猛👏職員嘅態度都好殷勤喎，入面都好熱鬧，食客都好多，雖然我冇book位，可能係兩位嘅原因啦，好快就有位啦。出品都OK啊🤪出餐又快👍我超鍾意佢嘅錦滷雲吞，裏面嘅料好足👍帶子好爽口👏蝦仁又大隻👍美中不足嘅就係鰻魚魚餃就失色咗少少😩特別好腥的口感。總嘅嚟講都係滿意嘅呢一餐。…查看更多

今日同屋企人去咗海港薈（利舞臺）飲茶，地點方便，喺銅鑼灣行街shopping 🛍️之後，上去食個lunch 啱啱好！鮑魚燒賣皇 ： 燒賣大大粒，上面仲有隻鮑魚仔，貴價好料！😋推介！煙燻黑毛豬叉燒 🍖： 叉燒肥瘦適中，入口即融！仲有煙出，打卡一流👍上海小籠包 🥟： 皮薄多汁🔥菌皇松露炒蝦球 🍤： 蝦球大大粒，啖啖肉，估唔到咁西式加上松露，原來都好夾！😋豐料珍珠雞：足料好味！因為新開，環境都唔錯，服務OK。可能因為喺利舞臺關係，價錢就貴咗少少，但都幾唔錯！👍…查看更多

最近跟朋友去試新開嘅海港薈利舞臺，雖然開得喺銅鑼灣，價錢唔會平，但眼見都幾多優惠，但食物有驚喜！主菜部分，糖心南非吉品鮑扣關東遼參，估唔到食吉品鮑都可以咁平！野生玫瑰石頭魚二食，一條魚，有脆口，有鮮味，兩種食法滿足曬成枱人不同口味。瓦煲乾炒A4和牛河🍜，用靚牛肉加上瓦煲將香氣昇華，真係牛河天花板！長腳蟹肉文絲豆腐羹🦀亦係值得一試，蟹肉鮮甜，非常嫩滑，每一啖都好鮮味。原隻椰皇海螺燉紐西蘭花膠🥥，滋補之選，值得推介！最後嘅甜品部分就更加吸引，椰汁官燕、玫瑰花茶官燕🥣晶瑩剔透，一睇就知道膠質豐富，女士們應該會好鍾意，滋潤又養顏！埋單$2XXX，真係連酒樓圍餐都食唔到，但可以喺銅鑼灣食，仲要有吉品鮑同燉花膠，其實好抵食！推薦👍…查看更多

上星期六朋友提議銅鑼灣新開的海港薈飲茶，一行4人當天便去試吓買3送1的午餐，頭盤3個（蒸）點心，然後一個燉湯、鮑魚黃耳、帶子豆苗再跟和牛炒飯，尾盤是1個甜點和1個湯圓；味道、賣相都值得一讚，惟一和牛炒飯略硬身；雖然不是性價比高，但整體來講算合格有餘，份量亦夠，環境和招呼也不俗，地方稍為細一點，但枱與枱的距離都足夠，星期六中午來說、都算多人，如大家想試，必須預早訂枱，是值得捧場的👍🏻…查看更多

誤打誤撞先找到這間銅鑼灣海港薈，之前食過康怡店及海港中心店，不錯，所以再去食長腳蟹。我下午6點40分左右入坐，店內有3至4枱客，最多人時段都只有12枱客。（希望唔好咁快執笠）首先，揀蟹過程跟其他店舖有點不一樣，出去魚缸話佢知要幾重，返位等佢攞過黎睇，揀好蟹同食法後，便點前菜及其餘餸菜。 女侍應好貼心會問其他餸菜上菜時間，我地揀左食完蟹到。 不過，等2個前菜，大約等左15分鐘😢鴨舌，海蜇頭製作應該唔耐，唔知點解要等咁耐😭再多5分鐘左右，個煙燻叉燒到，好香煙燻味，個汁好正，叉燒半肥瘦，共有8舊，正👍其後再等多15分鐘左右，蟹到，我揀左2食，先黎：花雕雞油蒸長腳蟹，好香，好有花雕及蛋王味，真係好味，（我見就算清蒸蟹，店員都會幫忙剪晒啲腳出黎）。食完叫店員幫忙起其他餸，點知，一等，又等多20分鐘🙄 法國黑松露蟹膏燴伊麵到了，又係好香，好味，可惜份量少，5個人每人1至2啖面就無。面之後又等10分鐘左右，個咕嚕肉同啫啫菜煲到埋，咕嚕肉酸甜適中，肉淋多汁。 菜煲香，不過份量真係少。 我離開店舖個時大約8點50分，開頭諗住3小時免費泊車食完飯可以行下街，點知食完舖頭都删門了😅總括黎講，食物真係一流，可能新舖開張無耐，廚同樓面都要比時間熟習，我會再去幫襯，希望到時速度方面會提升。…查看更多

去完動漫節食個late lunch，過咗銅鑼灣試試新開嘅海港薈利舞臺🧐酒糟鴨舌坐低梗係要整個前菜先啦！呢個 擺盤好得喎，仲有朵花仔🌸，相機食先是常識吧！鴨舌爽口彈牙，酒糟味好香醇，唔會太嗆，食落好開胃！😋金絲炸芋角＆和風鰻魚餃＆黑松露野菌餃估唔到點心有驚喜！有啲日式feel 嘅fusion點心食🇯🇵。唔好睇佢黑媽媽，其實係和風鰻魚餃，有鰻魚嘅油香加埋，好特別！💯雖然好似潮州粉果，其實係黑松露野菌餃 🍄一上枱個黑松露味已經勁香，菌菇嘅鮮味同松露香喺口入面爆發，超Rich！🤤長春卷係我至愛，咬落去「索索」聲，外層超鬆脆，入面芋絲又夠熱又夠滑，完全唔油膩，高質！👍呢間海港薈叫得旗艦店，都幾有驚喜，真係不妨試試！…查看更多