海港薈

蟹王薯爷收到风，利舞台22楼最近新开咗间中菜厅「海港荟」主推阿拉斯加长脚蟹，周三雀局终于断咗其六连败嘅战绩，周四晚即相约肥肥家族去拆蟹庆祝！占用面积全层嘅餐店以云石装潢嘅门面好有气势！接待处旁大大个鱼缸啲水好清，展出多款游水海鲜，实在吸睛！用餐大堂楼底唔算矮，间隔开扬，舖上厚厚嘅地毯有助吸音。据悉，店内另有三间厢房，分别最多可容纳上八人、十四人及十八人，对应嘅晚市最低消费为五千蚊、八千蚊及万五蚊，其中唯一设有私人厕所𠮶间十四人房就最多人订。每位席上都摆有齐备嘅自用及公用餐具。网上已有人上载厚本餐牌，其首页先道出店子「金齑玉馔」嘅理念。最后一页列明茗茶$18/位及其他杂项收费详情。开瓶费$100/枝，实属良心价，不过新张期间暂免开瓶费，酒鬼们有福啦！如相所示，经理Roy哥哥架生齐备，开酒斟酒都绝不马虎。场内嘅贵客大多选食原只阿拉斯加长脚蟹，另加孖宝海鲜。人数唔够多去拆一只蟹，所以就选择咗唔洗自己郁手嘅「长脚蟹の盛一人前」套餐，$498/位。服务生不忘告知此套餐于推广期间买三送一，更表明欢迎五口子叫四客黎分，所以就另加咗两款散点项目。金砖滑豆腐（$98）：豆腐粒当真如𩠌名般呈金砖状，食落外层香脆心嫩滑，微辣惹味，送酒一流！金蚝法国鹌鹑生菜包（$298/四只）：薯爷大赞半干湿嘅金蚝饱满肥厚，浓甜软嫩，不过如果可以热啲就更加理想。长脚蟹の盛一人前（$498/位）之长脚蟹肴肉：套餐第一道头盘劲似「镇江肴肉」，只系猪肉部份变咗做长脚蟹肉及蟹膏。两件半晶莹嘅点心清凉轻巧，连埋顶面细细粒嘅甜醋波波食，酸甜嘅调味于口中渗入蟹肉啫喱度，效果醒神又醒胃。长脚蟹の盛一人前（$498/位）之蟹肉文思豆腐羮：豆腐羮个汤底好清香，蟹肉鲜甜易入口，切成幼丝嘅豆腐亦细嫩顺滑，一人一碗羮都唔溜，份量恰到好处。长脚蟹の盛一人前（$498/位）之葱油煎焗蟹腿：两件半煎炸嘅蟹脚肉厚身得黎外皮香脆唔油腻，蟹肉极之软滑，黏上碟上翠绿嘅葱油及点缀嘅鱼子酱即倍添芳香及鲜浓，个人觉得系套餐中最正嘅一味！长脚蟹の盛一人前（$498/位）之京烧蟹肉和牛：一口一件嘅和牛松润多汁，又唔会太肥，捞入蟹肉碎令惹味嘅菜式多咗份鲜甜，海陆组口毫无冲突，简单味佳。长脚蟹の盛一人前（$498/位）之蟹肉炒长旺配蒸云腿龙𧄌球：两件龙𧄌球皮润肉软嫩，云腿竟然超甜冇咸味，长辈欣赏厨师选配桂花粉丝够清爽。长脚蟹の盛一人前（$498/位）之蟹籽蟹肉炒丝苗：炒得够干身嘅黄金炒饭松香有弹性，混入新鲜蟹肉尤其鲜香。长脚蟹の盛一人前（$498/位）之流心杨枝甘露布甸：成餐饭最差𠮶味系不含蟹肉嘅布甸，唔睇餐牌仲以为自己食紧有芒果味嘅蛋白咁，好胶啰！长脚蟹の盛一人前（$498/位）之燕麦紫心番薯：好彩微甜嘅紫薯粒软糯暖胃，芳香淡雅，轻盈可口。铜锣湾新店「海港荟」环境光猛开扬，服务生好客有耐性，新张期间免开瓶费之余仲有其他优惠，性价比都好高！家人已决定下次黎要叫原只阿拉斯加长脚蟹自己拆，务求可尝到靓蟹最鲜甜嘅原汁原味！…查看更多

一家人食饭，鸡油蒸长脚蟹5点几重不过不失，嗌咗两个点心虾饺同凤爪烧腩仔烧鹅上汤菜都好食架！最败笔系蟹膏黑松露炒伊面，难食到飞起，食一啖之后个口腔充斥苦涩味，饮茶都解唔到！本身黑松露炒伊面，黑松露有浸汽油味系黑松露嘅特色，完全可以接受先会嗌，点知食落去又涩又苦，完全入唔到口，个个试咗一啖就食唔到，个蟹膏又苦又涩，经理定部长话问过厨房系咁嘅味道。…查看更多

我哋四个人去呢间喺利舞台嘅海港荟，好似话新开冇耐，特登去试吓，环境十分舒适，服务几好，店员仲特登过嚟分享点样食双皇面，之前以为开喺利舞台价钱会好贵，但又唔系㖞我觉得性价比好高！食物质素又好！可能因为系海港集团作风。 海港由细食到大，都保持到呢种风格同质素真系好难得！ 之前都系第二间海港荟都食过好多次小菜同其他海鲜， 上次喺北京道1号𠮶间食𠮶个黑毛猪叉烧都好正，依度仲upgrade咗变烟熏黑毛猪叉烧，下次call 齐屋企人过嚟试吓佢！仲要试埋长脚蟹同龙虾！谂起都开心！…查看更多

今晚一班旧同事聚餐，有人推介去铜锣湾的海港荟，因为她上星期去过食长脚蟹，称赞非常抵食。今晚是星期六，长脚蟹优惠价$198/斤，比她上星期还平了$52/斤。我们一行7人，选了一只5.2斤的长脚蟹，上枱时非常震撼。 我们另外叫了几款小菜和一款小吃，但是蟹都吃完很久才到，连不用再加工的酒糟鸭舌都要等很久。其实，之前看过其他人的食评，都有讲这里除了上蟹最快，其他菜都要等很久。本以为是个别情况，但今晚实测真是如此。 虽然要等很久，但𩠌菜的味道又真是不错。我们要求将蟹膏拿去炆伊面，怎知㕑师搅错了，把蟹膏拿去做了炒饭。送来时，我们说不是我们的，我们是叫伊面，但重覆再来了两次都是炒饭，我们就明白应该是他们已没有多一份蟹膏去炆伊面了，于是就接受了个炒饭。女部长知道是他们搅错了，便说送份甜品给我们作补偿。原来甜品是桂花红豆糕，虽然是送的，但一点也不马虎，卖相好，味道也好。 虽然这里上菜比较慢，但员工的服务态度都几好，食得都好舒服畅快。…查看更多

今日一行五人专登去铜锣湾利舞台新港荟食帝王蟹，见佢新分店，而且系集团式经营，明码实价，点知都系失望。一心去食帝王蟹，第一时间梗系拣只靓蟹先，我哋又想食龙虾，经理就介绍咗一个套餐，龙虾+海鱼一条，我哋见都系自己喺鱼缸拣龙虾同游水鱼，值得一试。我哋拣咗一只西澳龙虾，跟住再拣一条靓鱼，拣嘅时候专登讲明唔要畸形歪嘴同怪身嘅鱼，最终自己拣咗一条靓仔白身嘅老鼠斑。第一道菜花雕蒸帝王蟹，完全冇投诉，第二道菜上蟹膏炒伊面都冇问题。跟住再上龙虾加条老鼠斑，经理帮我哋开条鱼，开完佢都讲咗一句条鱼骨弯咗嘅，我哋试咗龙虾先，还可以啦。一食条鱼惊喜就嚟啦，一条白身鱼开出嚟已经见到有啲啡色，夹上嚟食啲肉质死实、冇味，根本唔似我哋拣𠮶条鱼，真系奇怪？俾啲咁嘅嘢客人食，真系冇晒信心。我哋本着留港消费，可惜又系失望！我哋反影咗俾经理听，最终取消咗条鱼钱。我哋见到个厨房总厨系度，好想话俾佢知，睇实厨房，唔好俾佢哋乱咁嚟啦😤…查看更多