影片
以上资料只供参考，请与餐厅确认详情
有关餐厅
今日同屋企人去咗海港荟（利舞台）饮茶，地点方便，喺铜锣湾行街shopping 🛍️之后，上去食个lunch 啱啱好！鲍鱼烧卖皇 ： 烧卖大大粒，上面仲有只鲍鱼仔，贵价好料！😋推介！烟熏黑毛猪叉烧 🍖： 叉烧肥瘦适中，入口即融！仲有烟出，打卡一流👍上海小笼包 🥟： 皮薄多汁🔥菌皇松露炒虾球 🍤： 虾球大大粒，啖啖肉，估唔到咁西式加上松露，原来都好夹！😋丰料珍珠鸡：足料好味！因为新开，环境都唔错，服务OK。可能因为喺利舞台关系，价钱就贵咗少少，但都几唔错！👍
继续阅读
最近跟朋友去试新开嘅海港荟利舞台，虽然开得喺铜锣湾，价钱唔会平，但眼见都几多优惠，但食物有惊喜！主菜部分，糖心南非吉品鲍扣关东辽参，估唔到食吉品鲍都可以咁平！野生玫瑰石头鱼二食，一条鱼，有脆口，有鲜味，两种食法满足晒成枱人不同口味。瓦煲干炒A4和牛河🍜，用靓牛肉加上瓦煲将香气升华，真系牛河天花板！长脚蟹肉文丝豆腐羹🦀亦系值得一试，蟹肉鲜甜，非常嫩滑，每一啖都好鲜味。原只椰皇海螺炖纽西兰花胶🥥，滋补之选，值得推介！最后嘅甜品部分就更加吸引，椰汁官燕、玫瑰花茶官燕🥣晶莹剔透，一睇就知道胶质丰富，女士们应该会好钟意，滋润又养颜！埋单$2XXX，真系连酒楼围餐都食唔到，但可以喺铜锣湾食，仲要有吉品鲍同炖花胶，其实好抵食！推荐👍
继续阅读
上星期六朋友提议铜锣湾新开的海港荟饮茶，一行4人当天便去试吓买3送1的午餐，头盘3个（蒸）点心，然后一个炖汤、鲍鱼黄耳、带子豆苗再跟和牛炒饭，尾盘是1个甜点和1个汤圆；味道、卖相都值得一赞，惟一和牛炒饭略硬身；虽然不是性价比高，但整体来讲算合格有余，份量亦够，环境和招呼也不俗，地方稍为细一点，但枱与枱的距离都足够，星期六中午来说、都算多人，如大家想试，必须预早订枱，是值得捧场的👍🏻
继续阅读
误打误撞先找到这间铜锣湾海港荟，之前食过康怡店及海港中心店，不错，所以再去食长脚蟹。我下午6点40分左右入坐，店内有3至4枱客，最多人时段都只有12枱客。（希望唔好咁快执笠）首先，拣蟹过程跟其他店舖有点不一样，出去鱼缸话佢知要几重，返位等佢攞过黎睇，拣好蟹同食法后，便点前菜及其余𩠌菜。 女侍应好贴心会问其他𩠌菜上菜时间，我地拣左食完蟹到。 不过，等2个前菜，大约等左15分钟😢鸭舌，海蜇头制作应该唔耐，唔知点解要等咁耐😭再多5分钟左右，个烟熏叉烧到，好香烟熏味，个汁好正，叉烧半肥瘦，共有8旧，正👍其后再等多15分钟左右，蟹到，我拣左2食，先黎：花雕鸡油蒸长脚蟹，好香，好有花雕及蛋王味，真系好味，（我见就算清蒸蟹，店员都会帮忙剪晒啲脚出黎）。食完叫店员帮忙起其他𩠌，点知，一等，又等多20分钟🙄 法国黑松露蟹膏烩伊面到了，又系好香，好味，可惜份量少，5个人每人1至2啖面就无。面之后又等10分钟左右，个咕噜肉同啫啫菜煲到埋，咕噜肉酸甜适中，肉淋多汁。 菜煲香，不过份量真系少。 我离开店舖个时大约8点50分，开头谂住3小时免费泊车食完饭可以行下街，点知食完舖头都删门了😅总括黎讲，食物真系一流，可能新舖开张无耐，厨同楼面都要比时间熟习，我会再去帮衬，希望到时速度方面会提升。
继续阅读
去完动漫节食个late lunch，过咗铜锣湾试试新开嘅海港荟利舞台🧐酒糟鸭舌坐低梗系要整个前菜先啦！呢个 摆盘好得㖞，仲有朵花仔🌸，相机食先是常识吧！鸭舌爽口弹牙，酒糟味好香醇，唔会太呛，食落好开胃！😋金丝炸芋角＆和风鳗鱼饺＆黑松露野菌饺估唔到点心有惊喜！有啲日式feel 嘅fusion点心食🇯🇵。唔好睇佢黑妈妈，其实系和风鳗鱼饺，有鳗鱼嘅油香加埋，好特别！💯虽然好似潮州粉果，其实系黑松露野菌饺 🍄一上枱个黑松露味已经劲香，菌菇嘅鲜味同松露香喺口入面爆发，超Rich！🤤长春卷系我至爱，咬落去「索索」声，外层超松脆，入面芋丝又够热又够滑，完全唔油腻，高质！👍呢间海港荟叫得旗舰店，都几有惊喜，真系不妨试试！
继续阅读